Iphone 5.....Let's Talk iPhone

Quote: عبارة عن برنامج artificial intelligence او ذكاء صناعى. غالبا ح يكوت بيتدرب على صوتك...يعنى اول ما تشترى التلفون ح يخليك تقرا نصوص معينة (الان انجليزى و فرنسي و المانى) و بعدها ح يفهم الاكسنت بتاعك و طريقة نطقك للكلماتح يشتغل مع كل التطبيقات اللى بتجى جاهزة مع التلفون ذى الساعة. تشغله و تقول ليه : {صحينى الساعة 6 صباحا}. Siri لوحده يفتح المنبه اللى فى التلفون و يظبطه انه يضرب الساعة 6 صباحا. ح تكون سايق تقوم تقول للتلفون: {اضرب لزوجتى}. ح يضرب تلفون لزوجتك. او {رسل لزوجتى رسال قول ليها انى ح اتاخر} Siri ح يفتح التطبيق بتاع الرسايل النصية... يكتب رسالة لزوجتك...و يقراها ليك. لو قلت ليه تمام ...ح يرسلها ليها. ممكن تسال Siri {بحتاج نظارة شمس بكره فى ميامى?}...Siri ح يشوف الجو فى ميامى و بعداها ح يقول ليك {ايوه السماء Sunny فى ميامى بكره..ح تحتاج نظارة شمس}. Siri برضو بيشتغل مع اى تطبيق فيه كتابة. يعنى ممكت تفتح الفيسبوك و تقول ليه {غير الاستيتس بتاعى لى :" يا ناس يا شر كفاية قر"} و صديقنا Srir ح يغير الاستيتس بتاعك فى الفيس بوك البرنامج مفروض يشتغل كده...او ابل قالت انه ح يشتغل كده....الميه بتكذب الغطاس...ح نشوف الاسبوع الجاى...

). قلت لسيريى:" اضربى لزوجى". قالت ليى:" زوجك ده منو ؟. انت ذاتك انا ما عارفاك منو". قمت فتحت ليها اسمى فى الكنتاكت و منه عرفت عنوان البيت و المكتب و تلفون البيت و المكتب و الموبايل. و بعدها و ريتها زوجى منو فى الكونتاكت. فى المرات اللى بعده بقيت اقول ليها اضربى لزوجى بتعرفه على طول منو و بتضرب ليه. حاولت اسئلة معقدة ذى " متين الحلقة الجديدة من مسلسل هاوس؟" و ما فهمتنى. قلت يمكن الاكسنت بتاعى (مش على قدر المقام). ضربت تلفون لزميلى الامريكى (ود القابيل). و كان رده بانه برضو تعب معاها فى الاسئلة المعقدة.
للاسف يا ود الصايم سيرى (الان) ما متوفر غير فى التلفون الجديد. حتى ال اى باد 2 ما فيه. باين ناس ابل عاوزين يخلو الناس تشترى التلفون الجديد. او احتمال ينزلوه فى المستقبل. الله اعلم.
التلفون ح ينزل فى السعودية (اظن) فى نهاية السنة

سلامات وائل فحل شكرا على المجاملة اللطيفة.
سيرى احتمال يكون ما مفيد فى السودان و ما ح يوريك اقرب مطعم وين. لكنه ممكن يكون مفيد فى ارسال الايميلات و الرسائل النصية اثناء السواقة. و تنبيه لحجات ذى ان تضرب لحماتك تسال عن صحتها و تسلم اول ما تمرق من المكتب عشان لما تصل البيت تكون اخبار ظرافتك مع حماتك وصلت قبلك...و كده.

سلامات جعفر محي الدين ..كلامك صحيح ...اسعار 4 ح تنزل مع زيادة الطلب على فور اس.
سلامات عوض عبدالله طه و شكرا جزيلا على بوست ال اى باد...اكيد ح يكون بوس مفيد
قبل فترة فتحت بوست عن تطبيقات ال اى باد...لى زمن من زدت عليه. ان شاء الله لو لقيت زمن ممكن احاول اشتغل فيه شوية و اكتب تطبيقات جديده مفيده. حقيقى ما فكرت اكتب عن استخدام ال اى باد او التكنلوجيا بتاعته لانه الحجات دى كل يوم بتتغير. الان ابل بدات العمل فى اى باد 3 و غالبا ح يطلع فى بداية السنة القادمة و اكيد فيه تكنلوجى جديدة ..
بالتوفيق و شكرا تانى

سلامات امير عبدالدائم ...فعلا سيرى بيشتغل بالانجليزى و الفرنسى و الالمانى بس (الان)..
لكن لما تقول ليه :"Call Ahamed " لو عندك زول فى الكونتاكت اسمه احمد و مكتوب الانجليزى احمد...سيرى بيتعرف عليه على طول.

Siri is alot of fun
بوصى اى زول عندو التلفون الجديد يسالها ما هو افضل جهاز موبايل..و ردها ح يضحكك شديد