|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: nazar hussien)
|
عذابX عذاب
شمس الحقيقة هديييييك جات داقة خشم الباب إتْحَتَ الصَفق يا ناس وإتشربك اللبلاب التونسية ركوب , فنقيلة جنب الباب
***** من أول دقيقة تقول الجانا كله عذاب خوتكم والكؤؤس يا ناس معروفة خوة كاب خوة عساكر وبس ما فايتة حد الباب لا طامرة فيها برير , لا سآئلة في الأرباب
*****
محمد طلب شن قال؟ قال الحقيقة كتاب أبيتوا الكلام الجد , ومليتوا البلد دُراااااب قلتوا الكلام ده بعيد , شفتوا الكلام ده سراب
*****
كاب الجداد الحال , إتفرتقت كاب , كاب لابسين الطرح في الحال ودارعنوا داك قرقاب البطة المعز داك خاب , وخاب هيثم الكضّاب إعتزل اللعب فد يوم كضب البقول ساب ساب
*****
ود طلب قال حق , ولحّن كلام في راب زريبة الخراب يا ناس خلوها للشُرّاب حارقين حشا الزرقاب وقادين جيوب أرباب لو عشتوا مليون حُُول الكاس تشوفوا سراب
*****
يا ميشو شيل عفشك وخب وأرجع بلد أحباب سيبك من الزرقاب , ناس بطة والأرباب مالك ومال الهم؟ , وجع القلب وعذاب ديل من سنة ستين داقين الجرس في الباب لا جابوا كاس لا حق , ولا حتى كاسه شراب
***** الدوري المحلي مصير مع بري واللاماب
وييييييييييييييييييو!!!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
يا زريباب :
الليلة دي جاتني أفكار مهببة ومنشزة كده أنو أنا عايز أبقى صحفي , ما عارف ليه؟
الزول ممكن يبقى صحفي كيف في السودان؟
إتخيل طالما ناس زعيط ومعيط صحفيين , وحسين فلاسي بقى صحفي فما أعتقد إنه في زول تاني ما ممكن يبقى صحفي.
وطالما ناس حسين فلاسي بقوا صحفيين , أفتكر انا براااحة ممكن أكون رئيس تحرير ورئيس مجلس إدارة , وصاحب (عامود) , يعني فلاسي يكتب ليه خارم بارم كده ويختمها ليك بي (فتأمل) , ممكن أنا أعمل نفس الحركة دي وبدل فتأمل دي , أختمها ليكم بـــ (فتأبط) ويا دار ما دخلك شر.
بالله شوفوا لي الموضوع ده ياخي!!!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
كالعادة المعز بطة في الهدف رجف رجفي شديد , يعني لو خت الرحمن في قلبه وإنتظر شوية الكورة دي كان ممكن يكون عنده فيها راي تاني , خاصة إنه كان في مدافع مطارد المهاجم وكان قريب جداُ منه , وبرضو لأنه اللحظة الشاف فيها المهاجم المعز بطة طالع طوالي وضعها بعيد على الرغم من إنه كان ياددددوب تجاوز خط تمنتاشر للداخل بي سنتمترات قليلة.
لكن نقول شنو؟ قلت ليكم دشليون مرة دفاعكم ده في الروابط مافي , بالله في دفاع بضربوهوا بي باص واحد من نص الميدان؟
شوفوا لكيم شغلة غير الكورة يا زريباب!!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
يا زريباب :
قبل كده قدمت ليكم عرض مغري شديد مافي زول هبب لي , لكن شهامة مني كده حأقدمه تااااني :
قلت ليكم عينوني معاكم في وظيفة (الفكي المقيم) للنادي عشان من قولة تيييييت أوريكم حتطيروا الساعة كم؟ وبي ياتو خطوط , سواء كانت خطوط تونسية ولا غيره , وبي كده حأوفر عليكم قروش تقيلة جداً من ناحية التكاليف , وفي نفس الوقت حأوفر الملايين على وزارة الصحة العدمتوها نفاخ النار من كترة إستيراد حبوب الضغط والسكري , وده برضو حيساهم في تخفيض قيمة الدوررررار الطار السما ده.
لكن بس لازم تدفعوا لي كنجالات كويسة لأني جني وجن زول يملحني!!!
إستبينا يا زريباب؟
مع تحيات الفكي محمد أبكرونا!!!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
أعتقد إنه المدعو أسامة التعاون هذا يعاني من مشكلة جوهرية ترتبت على بنيته الجسمانية الضعيفة (الهفتانة) , وهذه المشكلة تتمثل في ثقل الحذاء الذي يرتديه مقارنة بتكوينه الجسماني , على ذلك أقترح على إدارة الزريباب أن تصمم له حذاء خاص أخف وزناً يمكنه من الجري به , ويا حبذا لو صمموا ليه فنلة برضو تكون أخف من اللابسها دي , ويا حبذا شديد خالص لو برضو صمموا ليه شورت برضو يكون أشد خفة , وكمان برضو يا حبذا لو شافوا معاها الشرابات والشنكارات , وياريت الفنلة ما تكون فيها نمرة عشان ما تتقل على الجنا ده.
الكورة الجا منها القون وبي سبب الجنا ده , الغريب إنه سيف مساوي وعلى الرغم من إنه كان أبعد للاعب الأحرز الهدف وعلى الرغم من إنه المدعو أسامة التعاون كان (قاب) (قوسين) أو أدنى إلا إنه المساوي وصل اللاعب وطارده بينما التعاون نفسه كان إنقطع (أولريديي) قبل الشبحة الأولى.
بياكل شنو الجنا ده؟
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: يوسف الدفينة)
|
Quote: ياربى الفنان كمال ترباس مسافر مع الناس ديل تانى لتونس ولا تاب |
المفروض الزريباب ديل يستغلوا شعبية ترباس ويتصلوا بالجهات ذات الصلة عشان يشوفوا مشكلة أسامة التعاون (القشة أم روح) ومحاولة إطلاق حملة تحت شعار :
((التعاون لأجل التعاون))
ويعملوا مشروع تسمين للمذكور أعلاه عسى ولعل يجي منه!!!
المحيرني إنه إسم التعاون لما تسمعه لأول مرة طوالي يتبادر لي ذهنك الطحنية والمربى والسكر والدقيق والرز وهلم جرا , لكن الجنا شكله ما شال من إسمه الحبه.
فريق الزريباب ده ما فيهو أخصائي تعذية ولا شنو الجنا ده هفتان وكملان من لحم الدنيا كده؟
حتى التعاون بتاعكم مخستك يا زريباب؟
تعاونيات آخر زمن!!!!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
Quote: نفسي اعرف الناس ديل حا يمشوا لعبة الرد مع الترجي ولا لا ..؟؟؟ |
الزريباب ديل بشاركوا أصلاً لأجل المشاركة فقط , وواضحة شديد إنه القصة فلسة ضاربة النادي , والشيكات الطايرة وأوامر القبض قاعدة تتطاير كل يوم والتاني , يبقى أكيد حيمشوا عشان يعملوا ليهم حبة كنجالات ترم عضمهم ده شوية!!!!
البرير ماقدر يتحمل الصدمة من الإستاد للمستشفى طوالي , وكمان جابت ليها بلنجات. الأخ ده كان ملاكم ولا شنو؟
فضحتونا وجبتوا لينا السمعة يا زريباب!!!!!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
والحاجة العامله لي منخوليا , ومطيرة برجين من دماغي إنه كيف يعني فريق لاعب بي خطة أربعة خمسة واحد , خمسة لاعبين مجدوعين في نص الميدان , وأربعة لاعبين وراهم , وبعد ده كله يجي فيهم قون من نص ا لميدان وبي باص واحد , يعني تسعة لاعبين في النص والدفاع وضدهم إتنين بس من الترجي , ويعد ده كله ينضربوا بي باص من نص الميدان؟ طيب الخمسة اللي لافين صينية ديل كانوا بعملوا في شنو بس؟
قسماً عظماً , البلد العميانة دي لو كنت ماسك فيها حاجة فريقكم ده يا الزريباب كنت رررررررب كده نزلتوا ليكم دوري الدرجة التالتة يمشي هناك للحراية والغلاية ديك عشان يتعلموا أبجديات الكورة أول حاجة حتين تجوا تملوا لينا الواطة كواريك وجعاعير!!!!!
فريقكم ده يا الزريباب عاااااار على الكرة السودانية!!!!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
أها : الإتحاد الأفريقي قطعها لي رمضان أحمد السيد ومجدي شمس الدين في راسهم , خموا وصروا :
Quote: Qualified teams: Gabon, Equatorial Guinea (co-hosts), Niger, Angola, Botswana, Côte d’Ivoire, Ghana, Guinea, Mali, Senegal, Tunisia, Zambia, Burkina Faso, and Libya, which is confirmed as one of the two best second place team. The other second best placed team will be decided following matches to be played on 9/10/2011 |
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
كبير الزريباب في جقلبة تاريخية : جقالب شديدة , وهروب. أنا عيان!!!
Quote: البرير يعتذر عن مقابلة الكاف وتجميد نشاطه محلياً
أصدر المجلس الأعلى للشباب والرياضية بولاية الخرطوم قراراً بتجميد النشاط الرياضي لرئيس نادي الهلال الامين البرير لحين مقابلة لجنة تقصي الحقائق التي كونها الوزير أسامة ونسي من قبل بموجب القرار ،وقالت الوزارة إنها أعلمت اللجنة بضرورة رفع تقريرها النهائي في فترة أقصاها أسبوع , في الوقت الذي اعتذر فيه البرير عن مقابلة لجنة الانضباط بالاتحاد الافريقي لكرة القدم الكاف لأسباب وصفت بالصحية مكلفا مستشاره القانوني بالانابة عنه في جلسة الاستماع التي عقدت أمس بالقاهرة خلفية التحقيق معه حول الأحداث الأخيرة لمباراة فريقه أمام الترجي وحقيقة الاعتداء الحكم الجزائري جمال الحيمودي. |
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
إذن هي رصاصة الرحمة والتي أطلقها المساكني في "أوموضورمان" على الفريق الزريبابي فكانت جواز المرور إلى النهائي الأفريقي , وأعلنت بموجبها موت الأخير سريرياً ليحمل إلى رادس جثة هامدة ليتم إعلان وفاته رسمياً هناك , ولم ينتهي العزاء بمراسم الدفن ولكنها أحزان مستمرة.
وكما توقعت فقد كان الدفاع الزريبابي البوابة العريضة التي عبرت منها قوات البرشا , فتمريرتين من منتصف الملعب تجاوزت الدفاع لتضع المهاجمين وجهاً لوجه مع المعز بطة فكان ما كان.
وهكذا : توتة توتة وإنتهت الحدوتة!!!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
Quote: النقر يحتاط بركلات الجزاء الترجيحية
وعلى صعيد ذي صلة خصص الجهاز الفني للهلال فقرة خاصة لتنفيذ الركلات الترجيحية من نقطة الجزاء عقب مران الفريق الختامي امس واختار الفاتح النقر مجموعة من اللاعبين بقيادة البرنس وخليفة ومهند وبشة وسادومبا وتورية لتنفيذ الركلات الترجيحية من نقطة الجزاء والتي اجادها اللاعبون بتركيز عال وبرز فيها بصورة لافته ثلاثي حراس المرمي المعز محجوب وعبد الرحمن الدعيع وجمعة جنارو الذين تنافسوا في صد ركلات الترجيح وتالقوا بصورة لافته في ابعاد الكرات من المرمي . |
والله يا النقر بتقنبلها قنبله!
مغلوب في بلده واحد صفر ويتدرب على ضربات الجزاء!!!
محن لكن!!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
طولة لسان وجابت ليها قلة أدب , عشان كده ربنا مغطس حجرهم , أصلو الفريق ده ما حتقوم ليه قائمة لي يوم القيامة.
الكلام التحت ده قلناهو ليكم زمااااااان , قلتوا السما قريب , أها خموا وصروا يا بني زربة :
Quote: الكاس ده لو طلعتوا من أنيمبا ما حتطلعوا من القطن , ولو طلعتوا من القطن , الوداد راجيكم , ولو طلعتوا من الوداد الرجاء راجيكم , ولو طلعتوا من الرجاء الأهلي راجيكم.
زنقة ....زنقة....زنقة.
البحر أمامكم والعدو خلفكم فأين المفر؟ |
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
Quote:
حديث نزار وصالح
نزار حامد وصالح الامين تحدثا لقوون عقب العملية وقالا انهما الان في قمة السعادة بعد ان حددا وجهتهما وكشفا ان المريخ حاول اكثر من مرة تحويل مسارهما الا ان الامور الان انتهت تماما.
البرير طلب اعادة اموال المريخ:
طلب الامين البرير من النجمين اعادة الاموال التي استلماها من المريخ والتفرغ تماما لفريقهما الحالي الامل حتي نهاية الموسم وبعدها يدخلا كشف الهلال وتعاهد الجميع علي اعادة الاموال الي نادي المريخ.
|
بعد الفشل في الكورة والأخلاق , الملاكم الشهير بريرو يعود من عطبرة بماسورتين عشرة بوصة , وكمان بي نفس فاتحة قال يرجعوا للمريخ قروشو , هي أخلاق الزريباب دائماً وأبداً , الفريق ده يا برير عايز تغيير جذري من الساس للراس عشان يبقى فريق , يعني لاعب وإتنين ما بغيروا من عقلية شغل الكناتين وشوالات الخيش اللي إبتلاك بيها ربنا!!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: يا زريباب:الكأس كن تشيمي ما تشيفي , وكن تشيفي ما تشيلي , وكن تشيلي (Re: Mohamed Abdelmotalib Hassan)
|
بعد أن تحققت نبوءة هذا البوست , الواحد محتار يحول البوست لي شنو؟ مؤقتاً كده ممكن حالياً نشوف تداعيات خروج الزريبابي ونزيف داخلي حاد زي ده :
Quote: قال تعالى: (والعصر إن الإنسان لفي خسر إلا الذين آمنوا وعملوا الصالحات وتواصوا بالحق وتواصوا بالصبر).. صدق الله العظيم.
مما لا شك فيه أن الهلال يمر بظروف بالغة التعقيد والصعوبة بعد الخروج الإفريقي وما صاحبه من أحداث جعلت الهلال على غير العادة في موقف المتهم وبصرف النظر عن صدق الاتهام الموجه إلى الهلال من عدمه فإن ذلك يعتبر سابقة في تاريخ النادي يجب أن ندقق فيها ونمعن النظر ولا نتركها تمر مرور الكرام وهي تهمة تمس كل فرد من الكيان ولا أعفي نفسي منها بصفتي نائباً للرئيس وسبق أن أوضحت رأيي بكل صراحة وشفافية فيما يحدث بالهلال عبر أجهزة الإعلام المقروءة والمسموعة وذلك من منطلق أمانة التكليف وبدوافع الحرص على النادي ومصلحته ولأنني لا أقبل المساس أبداً بسمعة الهلال ولا أخشى في الحق لومة لائم ولأن ما يهمني فقط هو الهلال لم أكترث كثيراً بعدم رضا البعض والذي وصل مرحلة الهجوم ولم أكن أبداً أسعى إلى خلق شقاق وإثارة الأزمات عندما أعلنت موقفي الواضح والرافض للطريقة التي تدار بها بعض الملفات في النادي بقدر ما كنت أسعى إلى التنبيه إلى خطورة ذلك، فقد علمنا التاريخ أن الأحادية في اتخاذ القرارات تؤدي دائماً إلى الوقوع في الأخطاء وأن أنجح القرارات تلك التي تتخذ بعلم ورضا المجموعة، لقد اجتهدت في مقاومة العديد من القرارات التي أؤكد أن سوء النية فيها غير مبيت لكنها تفتقر إلى الحكمة والدراسة والتأني ولكن بكل أسف حالت التعقيدات الموجودة في المجلس دون الوصول إلى تلك الغاية وقد كنت قريباً من الهلال ومركز اتخاذ القرار منذ ثمانينات القرن الماضي وكنت حاضراً وأحياناً مشاركاً في أخطر القرارات التي اتخذها النادي في تاريخه وإحساسي بالهلال وانتمائي القوي له جعلني أوافق على أن أكون أحد خدامه في مجلس الإدارة وإن كنت أرغب في أداء ذلك الدور وأنا بعيد عن الأضواء أنني وبكل أسف أُعلن استقالتي عن مجلس إدارة نادي الهلال للأسباب التي ذكرتها ولبعض الأسباب الخاصة وإنني إذ أعلن ذلك أؤكد احترامي لكل زملائي في مجلس إدارة النادي الذين لم أشك يوماً في هلاليتهم مع تمنياتي للجميع بالتوفيق وختاماً أؤكد أنني سأظل خادماً للهلال أؤدي واجبي على النحو الأكمل شأني شأن كل هلالي حادب وغيور على مصلحته.
عبد الرحمن عوض أبو مرين |
| |
![Edit](https://sudaneseonline.com/db/icon_edit.gif)
|
|
|
|
|
|
|