صبرى الشريف: والله الاسلام ده حلو لكن المسلمين اخلاقهم لم ترتقي اليه

Quote: وتعال شوف الارهاب والتكفير والشتيمة هنا في المنبر وفي الفضاءات الاخري تجول بالله وشوف بعينك عزيزي حسن انظر لظلم الحكومات باسم الله وباسم الاسلام ان في ايران الشيعية او السودان السنية

Quote: الأخ صبرى كلامك والله فى محلو وما عليهو أيتها غبار والحاجة البتحير الاسلام حلو بلحيل لكن نحن البشر ديل دائماً خياراتنا مهببه ودائما نشيل ايدنا نتبظ بيها عينا السبب شنو ماعارف !!!!!!!! يعنى تلقى الواحد بلغ السبعين وبينو وبين وداللحد أمتار (والأعمار بيدالله طبعاً ) وتلقاهو برضو شفقان على الدنيا بل ويزداد شفقه ---- التكنو لسه باقيلو سبعين سنة اقولك حاجة - الشيطان ياصبرى بيغش الانسان ومرات كدى ييزنلو سيئات أعمالو وبعدين ياصبرى الدين اصبح وسيلة لتخدير البشر وجرهم زى القطيع لى حتفهم شوف كم نفر ماتوا باسم الجهاد كان عندنا وكان عند غيرنا وشوف الحرب المتوهمة بين المسلمين والغرب وكيف الأهبل بوش صور الحكاية كصراع حضارات وكم من الأنفس أزهقت بالباطل نعم يا أخى صبرى نحتاج لوقفة ومراجعة عن ماهية ايمانا واسلامنا وأين ضلينا الطريق تعجبنى حينما تستفتى ضميرك وتكتب بعقلك وقلبك مفتوح ويعجبنى فيك عدم الزعيق والجنوح للخصام والتركيز على الفكرة أحسست أقرب ما اكون اليك فهماً فى هذا البوست وارجو أن يرزقنى الله وأياك حسن الخاتمة وحسن العرض عند لقاه الكريم الحنان المنان وأن يلتقينا فى أعلى الجنان ، عليك الله قول أأأأأأأأأأأأمين