|
|
 أنا ح أتغير ....
|
انا حــــا تغير
من الليله
وحانسا عيونك
وليك حا اخاصم
وما حا تذكر
اني بريدك
ما حا تنازل
وما حاتراجع
او اتفاوض
في نسيانك
وحامشي اسيبك
يلا امرقي
من جواي
فوتي وامشي
انا حاتنكر
لي الايام
الكانت قربك
وما حا اندم
يوم بورك
وانا استاهل
اني عرفتك
اني عشقتك
اني اديتك
كل حواسي
كل حنيني
وكل ايامي
وما قصرت
وليك اخلصت
وانتي نسيتي
وانت قسيتي
وانتي حميتي
دربي اوصل
تاني بقولك
سبت حنينك
وما حاحتاجك
ولا باغشاك
ولا بطراك
وما ظنيت
حامشي في دربك
وانا متشكر
علي اهاتي
الكانت ديما
تطلع قربك
اسف جدا
لو ضايقك
او طالبت
بقلبك لي
انا جد اسف
وتاني حقولك
من الليله
انا حاتغير
وما حسيتي
انتي بدورك
ختيتك جوة
حباب عيني
وشلتك
وقفت رجيتك
واستنيتك
واتمنيتك
وما مليتك
وما قصرت
عليك بي همسه
وكم وصفتك
وقلت السمحة
وكم حنستك
وكم تاتيتك
وكم راعيتك
وما قدرتي
او فكرتي
او حنيتي
مرة الي
وانا من بعدك
شفت الويل
وسهر الليل
ومت عديل
و دمعاتي
زي السيل
وهس وعيت
بعد ما مشيت
بعد ما شقيت
بعد ما لقيت
انك ما بتستاهلي
حتي حروفي
حتي كلامي
حتي احساسي
الشلتو اليك
وتاني بقولك
اني حاغير
كل صفات
الحب اليك
ما القلب شالك
الفه وريد
ما كنتي بنية
تدهش فكر احزاني
نقشتك منيه
في بيت جالوص
همسة خاطر
لمن يزورك
يرجع لي
ما بتحلالو
الدنيا بدونك
وانتي جرحتي
عصب الفرح
وما اتونايتي
تسيبي الدمعة
تشل الخاطر
تقيف ترجاك
وما تتحمل
دنيا بدونك
وانا كلمتك
بالاحساس الديمة دفنتو
بالاخلاص الليك ختيتو
بالايام الكنتا بعده
شان ما ترجعي انتي لي
بالساعات الكانت قاسية
وانتي بعيدة
وكنتي عنيدة
نسيتي الريدة
من الليلة
حابعد منك
ومن دنياك
حامسح طيفك
من ذاكرتي
حت الشوق
جواي كتلتو
حت الود
اليك دفنتو
وما حاستني
ما بستني
الدمعه تقيف
وما تتوقعي
ارجع ليك
واغفر ليك
وحارحل منك
من الليلة
انا حاتغير
24 \7\2011
وتمتد الرؤيا بعد الرؤيا الي الابد
محمد أبوالقاسم محمد
لاستماع للملف الصوتي :
أنا ح اتغير اداء صوتي
|
|
 
|
|
|
|
محمد ابو القاسم
فيس بوك
تويتر
انستقرام
يوتيوب
بنتيريست