|
|
|
 Re: هل هذه الصوره من جنوب السودان. وما ذنب هذا الشخص (صوره) (Re: Mohamad Shamseldin)
|
| Quote: هذا السجن وحده سبب كافٍ ليجلس طرفا النزاع في الشمال والجنوب لبحث كيفية توفير الموارد اللازمة لإزالة هذه الوصمة من جبيننا ثم بعد ذلك يتقاسما مافاض عن حاجة هؤلاء،، |
عبداللطيف
عصابات اللصوص و القتله الحاكمه في جنوب و شمال السودان... همهم كيف يملأون جيوبهم...
أما هذا المسكين فلا بواكي له
أين مجموعات حقوق الانسان....في هذا البورد
| |
 
|
|
|
|
|
|
|
|
Re: هل هذه الصوره من جنوب السودان. وما ذنب هذا الشخص (صوره) (Re: محمد جلال عبدالله)
|
يا محمد جلال عبد الله
هذا السجن فضيحه بحق حكوماتك الجلابيه التي اوجدته ولم تبني مستشفة واحد للامراض العقليه بالجنوب
طوال 50 سنه منذ الاستقلال...عايز حكومة الجنوب في 6 اشهر تقلب الهوبه؟!
انتو 50 سنه متفرجين بل ومستغلين لانسان الجنوب
و اليوم جايت تتباكي عليه؟!مش كويس الفتحت حكومة الجنوب البلد للاعلام؟! لتوضح فداحة جريمتكم بحقهم؟!
Quote:
شفت يا شمس الدين مافي واحد من البجعروا
ويشجعوا دولة الجنوب حيخش الموضوع ده
ولا حتى من الأجانب اللافين في المنبر ده
شكرا جزيلا |
صحيح الاختشوا ماتوا.
الاخ محمد شمس الدين
حتقدر تقول الحق ولا برضو خلفياتك العرقيه تجاه الجنوبين ستوثر عليك في قول الحق ؟!
اتعتقد لو ناس سلفاكير لقوا مستشفيات للامراض العقليه كان قفلوها واستبدلهوا
بهذا السجن المتهالك؟!
الحقيقه قدامكم انهم ناس استلموا دولة منهاره بكل مرافقها
لا اصحاء ولا عجزة ولا مختلين عقليا ولا الجنب الاحمر ليه خدمات
منو البقدر في زمن قياسي يقلب الهوبه وينجز دولة بهل كل الخدمات
في ظل شريك لسه بقالع في حقوهم في بترولهم!!
وحاين تبرروا بالفساد؟! اها افرض الجنوبين فاسدين
اها فسادهم ده امتد لحد تكسير الابنيه لو اصلها وجدت؟!
وحتى فسادهم تعلموهوا من الانقاذ وحكومات الشمال!
اعان الله شعب الجنوب,من ما مضى ومن القادم.
| |
|
|
|
|
|
|
|
|
Re: هل هذه الصوره من جنوب السودان. وما ذنب هذا الشخص (صوره) (Re: علاء الدين يوسف علي محمد)
|
حكومة الجنوب يُحمد لها ان تفتح الباب علي مصراعيه لمناقشة قضايا إنسانية عاجلة وملحة وحتي مقطع الفديو يوضح ان القائمين علي الامر لم يطبطبو علي ظهر الحكومة ..
فهل تفعل ذلك حكومة الشمال .... والمجعرين باسمها .....
ودونكم ما حدث في شرق السودان من كوارث .... ومشافي تغوص في وحل الاهمال .....................
بامس كنت في عزاء والد زميل بالعمل وعرفت ان سبب الوفاة نتيجة عن نقل دم ملوث (بالتهاب الكبد الوبائي) لوالد زميلي ............
لك الله .. ياوطني ......................
كل هذا لايعفي حكومة من الجنوب من الاسراع بمعالجة كافة القضايا التي تهتم بصحة المواطن .............
| |
|
|
|
|
|
|
|
|
|
Re: هل هذه الصوره من جنوب السودان. وما ذنب هذا الشخص (صوره) (Re: علاء الدين يوسف علي محمد)
|
الاخ محمد جلال
لك التحيه والتقدير
حكومة جنوب السودان وبكل شفافيه
سمحت لهذه القناه ان تدخل سجونها وتصور
هل نظام الخرطوم كان سيسمح بهذا التصوير
في سجن كوبر او شالا او دبك؟
بالتأكيد لا
اما اذا طلبت اى قناه التصوير في بيوت الاشباح والتى لم يعترف بها النظام حتى الآن
فسيتم اعتقال وتعذيب فريق التصوير وبعدها سيتم تسفيرهم خارج البلاد في سيارات مجهزه لتلك الاغراض
نحمد لحكومة الجنوب هذه الشفافيه
وحكومة الجنوب مهما كانت اخطاءها وتجاوزاتها
فانها لن تتجاوز نسبة اقل من واحد في المائه
من تجاوزات نظام الخرطوم
كت اوت :
لعنة الله على البشير واعوانه الى يوم القيامه
| |
|
|
|
|
|
|
|
|
|
Re: هل هذه الصوره من جنوب السودان. وما ذنب هذا الشخص (صوره) (Re: خضر الطيب)
|
Quote: هذا السجن فضيحه بحق حكوماتك الجلابيه التي اوجدته ولم تبني مستشفة واحد للامراض العقليه بالجنوب
طوال 50 سنه منذ الاستقلال...عايز حكومة الجنوب في 6 اشهر تقلب الهوبه؟!
انتو 50 سنه متفرجين بل ومستغلين لانسان الجنوب
|
لا ياتراجى
وألف لا
من قال أن حكومات السودان أوجدت هذا السجن لإذلال شعب الجنوب
كيف با تراجى 50 سنة نحن الشماليين السودانيين متفرجين ومستغلين لإنسان الجنوب
لن نقبل هذا الحديث
يا أخت تراجى لقد سمعت جوزيف لا قو قبل الانفصال يقول إن مشروع الجزيرة كان يعيش السودان شماله وجنوبه وهذا يعنى اننا قد اقتسمنا معهم العيش ، فكيف يكون استغلالنا لإنسان الجنوب ،
نحن نقف ضد ظلم حكام الجنوب الجدد لشعبهم.
نحن ندعو لقضاء عادل فى الجنوب
نحن ندعو الى الامن والاستقرار لجنوب السودان
نحن لا ندعو الى إطلا ق المجرمين فى جنوب السودان ولكن ندعو الى تحسين ظروف سجونهم .
ارجو أن نعى ما نكتب جيدا
هذا وطن
نختلف ونتفق فيه من اجل مصلحته ومصلحة مواطنيه، لا ان نلصق مثل هذه التهم عليه.
إن اعترافك وانت واحدة من سكان الشمال باستغلال انسان الجنوب أو الوقوف متفرجين ينطوى على مضامين سلبية على السودان الشمالى ، وصدقينى لن يغفر العالم لناخاصة وان الشبكة العنكبوتية اصبحت من مصادر المعلومات مهما كان مستوى صحتها أو مجافاتها ، سيصفوننا بتجار الرقيق واستغلال البشر ، وسيكون من أهم دواعى انفصال الجنوب ومن اهم الاسباب عند تدوين التاريخ وصفك لخمسون عاما استغلال او متفرجين للجنوبيين.
| |
|
|
|
|
|
|
|
|
|
Re: هل هذه الصوره من جنوب السودان. وما ذنب هذا الشخص (صوره) (Re: مدثر صديق)
|
Quote: شفت يا شمس الدين مافي واحد من البجعروا
ويشجعوا دولة الجنوب حيخش الموضوع ده
ولا حتى من الأجانب اللافين في المنبر ده |
محمد جلال.. سلام ...
يجو .... و الحمد لله الان مشجعي المساطب الجنوبيه صارو يقرون بوجود البلاوي
| Quote: حتقدر تقول الحق ولا برضو خلفياتك العرقيه تجاه الجنوبين ستوثر عليك في قول الحق ؟! |
تراجي...سلام
المشكله ليست الخلفيه العرقيه دوما ... و أنما التفكير السياسي !!!
أنا سوداني 1000 ال 100 و إسبير ياباني أصلي بكل جهاته.... فما الذي يجعلك أنت (و فيك دماء تركيه) أقرب لهم مني و أكثر قولا للحق مني.... ليست الامور عرقيه كما تقولين..... و لو كانت الامور عرقيه لطالبنا نحن (الاسبيرات اليابانيه) بجعل حق الحديث عن مصير البلد لمواطنيها حسب نسبه الدماء السودانيه فيهم....
أنا أعرف و قلت مرارا أن المشكله في حكومات السودان منذ الاستقلال....
و هذا السجن كان وصمه للشمال و للجنوب.....أما الان فوصمه للجنوب لأنه في رمبيك التي كان يحكمها قرنق و الحركه الشعبيه منذ الثمانينات و لأن الحركه الشعبيه حكمت الجنوب منذ 2005 و لا أريد للجنوبيين أن يعلقو فشلهم علي دوله الشمال كما .القي السودان كل فشله علي الأنجليز.......إذا كانو جادين فليقتلعو الفساد و يتركو مناوشه الشمال و بث الكراهيه للشمال (أقرئي ما يكتبونه في منتدياتهم) و ال Crooked Thinking من حكامهم
أكبسي هنا شوفي كيف حكومه الجنوب عاوزين يوقفو البترول ويدمرو خط الانابيب و يطبزو عينهم كيه في الشمال.... هل يعقل أن يفكر مسئؤل في دوله بهذه الطريقه...... دوله الجنوب الحاليه مصيرها الفشل مما لم يغيرو طريقه تفكيرهم
جنوب السودان يبلغ شركات البترول بانه سيوقف الانتاج يوم 6-12 أذا أستولى
* من أميز ما رأيت عن الامريكان هنا في مجال العمل... عندما يتكلمون عن موظف يقولون لك "he gets the job done” و اول موظف يتم الاستغناء عنه من يرمي فشله علي الاخرين او يكثر الحديث عن المعوقات
تتكلمون التهميش.... و انا أمي من قريه داخل محافظه الخرطوم و والدي من بلده بمحافظه الجزيره تبعد عن وسط الخرطوم أقل من 40 ميل و هاتين البلدتين 50% من مرضاهم النفسيين يعالجون عند الشيخ ود بدر..... و حكومات الخرطوم (بما فيهم الانجليز فقد أخذو منا أراضي مشروع الجزيره) لم نر منها غير أخذ أراضينا عنوه....و كل مشاريعنا كهرباء ..مدارس ..ماء.. حتي مرتبات المدرسين قمنا بها نحن ... هذا رد أهلي علي موضوع التهميش ... و العاوز ينتظر الحكومه يرجي الله في الكريبه
| |
|
|
|
|
|
|
|
|
|
Re: هل هذه الصوره من جنوب السودان. وما ذنب هذا الشخص (صوره) (Re: Mohamad Shamseldin)
|
دفعتي في الروضه ... أقصد الابتدائي.... بدرالدين "الزنجي"
| Quote: هذا الشاب لا ذنب لـه حتى اذا لم يكن مريض فهو سجين ارجو ( تعتيم الصورة / او حزفها ) |
A picture is worth a thousand words
هذا الشاب سيظل حبيسا في سجنه بطبلته هذه ما لم تنتشر هذه الصوره (و لا ندري لماذا سجن ... و هل جن أم قام شخص بتجنينه و ما هي قبيلته و لماذا يلبس قميص عسكري)...
ربنا يشفيهو ...بعدين أحتمال يكون ما مريض.... (باقي صديقك القديم الذي فلقته و فلقك زمان ....ليس له أي ثقه في عصابه سلفاكير)
لذا الرجاء نشر الصوره... يمكن يظهر واحد قرأ معاهو الروضه يورينا مشكلتو شنو.. والله صحي
| |
|
|
|
|
|
|
|
|
|
Re: هل هذه الصوره من جنوب السودان. وما ذنب هذا الشخص (صوره) (Re: Mohamad Shamseldin)
|
Quote: يا محمد جلال عبد الله
هذا السجن فضيحه بحق حكوماتك الجلابيه التي اوجدته ولم تبني مستشفة واحد للامراض العقليه بالجنوب
طوال 50 سنه منذ الاستقلال...عايز حكومة الجنوب في 6 اشهر تقلب الهوبه؟!
انتو 50 سنه متفرجين بل ومستغلين لانسان الجنوب
و اليوم جايت تتباكي عليه؟!مش كويس الفتحت حكومة الجنوب البلد للاعلام؟! لتوضح فداحة جريمتكم بحقهم؟! |
يا خالتو تراجي
وهل بنت حكومتي الجلابية مستشفى للأمراض العقلية في حلفا؟
هل بنت في كسلا؟ الأبيض؟ الجنينة؟ النيل الأزرق .. الخ .. الخ..
القضية إنو الحال من بعضو .. والحكومة زي ما قصرت في الجنوب
قصرت برضو في باقي السودان
إنتي كدي النسعلك يا خالة
حكومتك الجنوبية دي 6 سنة حاكمة كل الجنوب ونص الشمال
ليه ما عملت مستشفى للمسكين ده؟
ليه ما أهلت مستشفيات .. مدارس .. مرافق الجنوب؟؟؟
الحال من بعضو .. وزي مافي كيزان بنهبوا في الشمال
في كيزان الحركة الشعبية برضو بنهبوا في الجنوب
-----------
قلتي: (( صحيح الاختشوا ماتوا ))
أقول: فعلا والله وشبعوا موت
لو في زول بختشي صحي ما بدافع عن فطيسة الجنوب دي
ويرمي فشلها كلو على الشمال
أنا خايف بعد 50 سنة الجنوب ده يكون زي ما هو وأسوأ
وفي النهاية يجوا يقولوا السبب هو الشمال
غايتو حال الجنوبيين معانا زي ما قال المثل السوداني:
لا بدورك لا بحمل بلاك!!!
| |
|
|
|
|
|
|
|
|
|
Re: هل هذه الصوره من جنوب السودان. وما ذنب هذا الشخص (صوره) (Re: محمد جلال عبدالله)
|
Quote: الاخ محمد جلال
لك التحيه والتقدير
حكومة جنوب السودان وبكل شفافيه
سمحت لهذه القناه ان تدخل سجونها وتصور
هل نظام الخرطوم كان سيسمح بهذا التصوير
في سجن كوبر او شالا او دبك؟
بالتأكيد لا |
الأخ الكريم/ خضر الطيب
تحية واحترام
والله ليس بالضرورة أن تكون الشفافية هي السبب
يعني ممكن بالجنبة كدي يكون مشروع شحدة واستقطاب دعم ^_^
بعدين يا عزيزي إنت ما سمعت بفض إضراب الأطباء بالرصاص؟
ولا سمعت بقتل 3 طلاب من جامعة ملكال اتظاهروا؟
الحال من بعضو يا خضر ياخوي والجنوب ليس جنة الله في الأرض
أما سؤالك عن نظام الخرطوم
فالإجابة كما تفضلت: لا
لكن سؤال: هل نظام الخرطوم يستعمل هذه السجون
كمصحات أو عنابر للمرضى النفسيين؟
الحاجة البنشوفها إنو المجانين في نعيم
بلفوا في نص الخرطوم وعورتهم المغلظة - وانت في كرامة - بارزة
Quote:
وحكومة الجنوب مهما كانت اخطاءها وتجاوزاتها
فانها لن تتجاوز نسبة اقل من واحد في المائه
من تجاوزات نظام الخرطوم |
أنا معاك في الحتة دي
لكن عارف السبب شنو؟
لأنو دولة ناشئة يا داب ليها 6 شهور
ما حتلحق أخطاء دولتنا العجوز الليها 55 سنة
أديهم 5 سنوات تاني وحتشوف
| |
|
|
|
|
|
|
|
|
|
Re: هل هذه الصوره من جنوب السودان. وما ذنب هذا الشخص (صوره) (Re: محمد جلال عبدالله)
|
غريب أمر البعض هنا!!!
دفاع ..دفاع ... دفاع, "عمّال على بطّال."
تمنيت أن يجلب لنا (حاوى) ما صور
من داخل سجن كوبر, أو دبك, أو شالا
أو بورتسودان, أو حتى سجن النساء بأمدرمان,
حتى نقارن واقع الحال عندنا فى (سجون) شمال السودان,
بواقع الحال, والأحوال فى سجون جنوب السودان.
أو خليك من السجون, خليهو يجيب لينا صور من مصحة/ سجن
كوبر, والتى هى فى "سماحة جمل الطين" و واقعها لا يقل مأساوية
عن واقع الكثير من المعتقلات والسجون الجنوبية.
يا جماعة, إن كانت حكومة جنوب السودان فاشلة فى شهورها الأولى
فقط, فحكومات شمال السودان قد أدمنت الفشل منذ قرابة الستة عقود.
خلوا الطابق مستور يا ناس, فما أكثر/ أكبر داءنا الذى نرمى به الآخرين,
ونحاول أن ننسلّ خلسةً دونما خجل.
| |
|
|
|
|
|
|
|
|
|
Re: هل هذه الصوره من جنوب السودان. وما ذنب هذا الشخص (صوره) (Re: عبدالله شمس الدين مصطفى)
|
Quote: بل كانت مقر قرنق الدائم
وعندو فيها شجرة منقة ضخمة اسمها النيو سايت |
علاء الدين... سلام
هذا هو الفرق...
الحركه الشعبيه في بعض سنين التمرد لم تمارس إسلوب حرب العصابات.... و كانت تدير المناطق التي تسيطر عليها... إذا هي تحاسب كحكومه ...
عمر الحاج...سلام
| Quote: كل هذا لايعفي حكومة من الجنوب من الاسراع بمعالجة كافة القضايا التي تهتم بصحة المواطن |
الرجل مربوط بطبله.. و حسب التقرير المصور.... أنه ينام مكان يقضي حاجته.... كان أولي باداره السجن السماح له بقضاء حاجته في مكان أخر و فك الطبله حين الحوجه.... هذه لا تحتاج لخبراء أجانب... و لا يمكن رمي ذلك علي شماعه الامكانيات والشمال
ضابط السجن يجب أن يكون ذو تفكير منطقي قبل ان يطبق اللائحه.....الاسبوع الماضي في أمريكا في ولايه فلوريدا ذهب شرطي لاخلاء منزل حسب أمر قضائي.... وجد بداخل المنزل إمراه عمرها 104 سنه.... رفض تنفيذ الامر
| |
|
|
|
|
|
|
|
|
|
Re: هل هذه الصوره من جنوب السودان. وما ذنب هذا الشخص (صوره) (Re: Mohamad Shamseldin)
|
يا محمد شمس الدين قلت لي سوداني 1:
| Quote: أنا سوداني 1000 ال 100 |
بالله!!
يعني ما شايفاك بتصدى لبريمه لما مطلعكم من بني هلال ومن هجرات الاندلس(هههههه)
قال الف في المائه!
اها ايه رايك انه انا بدمائي التركيه دي اقرب لاي جنوبي منك انت الدمه ولحمه!
لاني اغلب المسيريه جنوبين الدماء لعلمك وناكرينها!
(ههههههههه)
في اول ملف تتجرسوا؟!
وكمان بتفاصح بعين قويه كدي جرب نقه زي دي ونشوف آخرتها؟!
Quote: بجعل حق الحديث عن مصير البلد لمواطنيها حسب نسبه الدماء السودانيه فيهم....
|
انا راضيه بس لم عفشك قدامي يا بتاع جيهينه وبني هلال وغيرها من الاوهام.
البلد بلد ناس تيه ودلدوم وشول واشوي وبس! الباقي كله مهاجرين زي ما بقنول للكنديني ديل
السبوقنا وقهروا الهنود الحمر!
وشوف منطق آخر غير افلاسك هذا.
Quote: إذا كانو جادين فليقتلعو الفساد و يتركو مناوشه الشمال
و بث الكراهيه للشمال (أقرئي ما يكتبونه في منتدياتهم) و ال Crooked Thinking من حكامهم
|
ازلا انا لا احتاج لاعرف الجنوبين من منتدياتهم هم معي اكثر منكم!
ثانيا ما يكتبوا اليكبتوا ماهو رد لكتابات سجمانه زي كتابتك دي
تفتكر نوع كتابتك دي محبه؟! ولا نصيحه؟!
ما كان ممكن توجه نقد بقالب المحبه الحقيقيه ووقتها كانوا استفادوا منه
بدلا عن نقد الانتباهه هذا؟!
Quote: أكبسي هنا شوفي كيف حكومه الجنوب عاوزين يوقفو البترول
ويدمرو خط الانابيب و يطبزو عينهم كيه في الشمال.... هل يعقل
أن يفكر مسئؤل في دوله بهذه الطريقه...... دوله الجنوب الحاليه
مصيرها الفشل مما لم يغيرو طريقه تفكيرهم
|
بالله الكلام عن عدم السرقه لحقوق شعبهم بقى اسمه طبظ عيونهم بايديهم؟!
سبحان الله!!انا شخصيا مع طبظ عيوهم دي ايه رايك؟!
لانك لا تعرف يا استاذ وانا اعرف وآخرين يعرفون
كيف عرض على سلفاكير ان يمتنع عن تعدين بتروله ويبقيه بارضه 20 عاما لو عايز
ويستمل دخل البترول كاملا فقط ليؤدب اهل الشمال ورفض!
واصر انه لن يخنق الشمال! فهل تعلم من قدم مثل هذا العرض؟!
زتجيء بلا خجله لتحدثنا عن طبظ اعينهم بايديهم؟!
متى ستفيقوا وتعلموا بانه لم يعد احد عبدا وكل انسان من حقه التعامل بنديه واحترام
خاصه اخوتنا الجنوبين!فاكره منطق القهر الكان سائد زمان في ابيي داك بيسود ثاني؟!
| Quote: تتكلمون التهميش.... و انا أمي من قريه داخل محافظه الخرطوم و والدي من بلده بمحافظه الجزيره تبعد عن وسط الخرطوم أقل من 40 ميل و هاتين البلدتين 50% من مرضاهم النفسيين يعالجون عند الشيخ ود بدر..... |
ومنو القال لك انهم لم تكن لهم طرقهم التقليديه في العلاج من كجور لغيره!
لكن لعلمك مع اختلاط القيم الحضريه بالمدنيه واستبدال الانماط المعيشيه
بيؤدي لمناطق رماديه مثل هذه ونمط حياة لا هو حضري ولا قروي.
مافي زول قال لك حنشجع اخوتنا الجنوبين على شماعة التهميش
وعلى فكره يعلم الله اني اشد عليهم في جلساتنا الخاصه بالنقد الحقيقي الاصيل
ولكن دافعي المحبه ويعلمون ذلط وطريقتي هي التلاحم وليس التنظير من بعد.
شد حيلك من استرليتك دي القاعد فيها وسجل جميعه وساعد في علاج مجانين رمبيك
بدل فتح البوستات الزي دي ولا اقول لك لم لك في جنوبين اثنين ثلاثه واطلعهم فقط
على هذا التقرير وقول لهم بدل النقه تعاول نعمر سجن ورمبيك هذا ليتحول لمصحة عقليه
ووقتها تكون وضعت لبنه بمبني المحبه بيننا كدولتين بيننا صلات رحم وقربى بدل هذه الشماته وشيل الحال!
| |
|
|
|
|
|
|
| |
Mohamad Shamseldin
معاوية المدير
محمد جلال عبدالله
Tragie Mustafa
بدر الدين اسحاق احمد
علاء الدين يوسف علي محمد
omar alhag
علاء الدين صلاح محمد
جمال الباقر
خضر الطيب
صلاح الدين نزلاوى
مدثر صديق
عبدالله شمس الدين مصطفى
فيس بوك
تويتر
انستقرام
يوتيوب
بنتيريست