|
كن فنجط ظاطو ما فوكّا حاجه علا اب عنقره القافل الكاميرا ده منو
|
اقتبست كلام من بوست مجاور
Quote: ربنا يوفق العرسان ويسعدهم ..
من وجهة نظر شخصية لا أرى في الموضوع غرابة
بل هي مشاركة وجدانية وروحية لأسعد يوم للعرسان
والرجل بتواضع وبساطة سودانية شاركهم الفرح ... |
الفيديو تحفه ويخليك تبتسم وتضحك ياخ ريسنا ده زاتو تحفه والله وبغض النظر عن انه كوز كبير لكن هنا والله عفيت منه ما قصّر مع اهل العرس تب لانى كنت فاكره بيرقص فقط على الاغانى الحماسيه بتاعة السيره وبس لكن واضح موهبته على ايقاع السامبا السودانى البايو وبعدين يا شباب دى حفله اسريه يعنى ما كان مفروض تنزل فى اليوتوب هذا ليس دفاعاً منى تحسب له ولكن الصراحه ما حاسس انى زعلان زى باقى الناس هنا لانه الرئيس رقص فى حفله اسريه زى دى شنو يعنى؟
برضوا ما همانى الدايرين يسلخوه فليفعلوا فهو فى النهايه كوز كبير و مطلوب القبض عليه
|
|
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: محمد زكريا)
|
اها المزعلنى اللابس بدله بيضاء وحالق ده لانه مضارينا وقفل الكاميرا طبعاً نجمات الحفله الاتنين المطقمين ولا الدورانيه ومعاها بس ولا (الجيركى والجرى بى كديسه) يا سلام ياخ رجعتونا لايام زمان والحفلات ووووووو انتو يا شباب زعلانين من شنو؟ ياخ الرئيس ما يرقص ويخلى البلد كلها ترقص وتانى خلى واحد يجى يقول نظام عام ولا سبح غايتو النزل الفيديو ده فى اليوتوب واحد من ناس البيت
| |
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: علاء الدين يوسف علي محمد)
|
Quote: دة العريس يا حبيب زوج كريمة الشّهيد إبراهيم شمس الدّين و إبنة وِداد بابكر أرملة الشّهيد وزوجة البشير |
فى ظمطك؟؟؟ االعريش سخصياً وشوش ضاحكه خضراء كتيره مرصوصه مع بعض غايتو شر البليه ما يضحك هههه هههه هههه هههه اكان كدى يا ابوخليه تلاقيك كنت فى نص الحفله دى صح ولا ما غلط اها بدور اسالك سعال تانى علا خايف الوليه تقراء البوست ده وتفك التسجيلات ولا تقوم انت تفكنى باشواكك اللاسعه انت الناس البتصور الحفلات ديل ما عارفين انه ناس بره ديل عيونهم زى محركات قوقل فى فيديوهات الاعراس السودانيه بس اوع تكون انت الكنت بتصور الحفله غايتو النزل الفيديو ده كن ناس الامن لمو فيهو اكيد ح ينزلوه فى جحر ضب
| |
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: محمد زكريا)
|
Quote: ود زكريا دي قدله بس كرمان للنسابه النسيب عين شمس بس ام العروس ترقص قدام نسيبها ده نسيب احسن نسيبو بس تاني مافي زول يجي يقولينا النظام العام ولا المشروع الحضاري ولا البشير قائد اسلامي من الليله حت شديد |
هلا اخ هجو يسيب مين يا عمك العريس ما مصدق والله لو ما كلام علاء انه الواقف ده العريس كمت قايلوا واحد متضهب ساى ولا جاى بكراع كل.ب الا انت صحى ام العروس ما بترقص فى عرس بنتها ليه؟ يعنى داير ام العروس تخلى راجلها وسط الدائره دى براهو هييع عفيت منكن يالتومات الجهجهتن ام العروس بالتدويرات
==============ا كان حلو حلا مانى خابر
| |
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: محمد زكريا)
|
والله يا محمد اخوي لمن عرست نسيبتي ونسيبي ماحضروا الحفله لمن سالت قالوا لي عيب النسيبه ترقص في عرس بتها اما نسيبي في سنو قدر بشه قال ده لعب عيال الكبار بيحترموا نفسم وبقعدوا ورا الصيوان دي عاداتنا الاتربينا عليها لو بالغ ابو العروس بعاين بي خرم في الصيوان لكن جنس ناس بشه ده ماشفناهوا كان يكلمونا يقولوا لينا ده المشروع الحضاري عشان نكون معاهم تحياتي
| |
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: صلاح جادات)
|
Quote: ود زكريا سلام وكل سنة وانت طيب باين الطقم البدور حول الريس دور بيك عشان كده ما هاميك الريس ولا القانون الاتكسر من الريس نفسه ولا الجلدوهم بالقانون الكسرو الريس قلت لي مكسر في الطقم وكان فنجط ظاطو ما فوكا حاجة |
صائد الجواسيس ايجنت ود جادات كشفتنى الله لا تريحك هههه هههه ياخ انت بالجد منك خوف جيمس بوند ببقى ليك شنو؟ هههه قصّيت دربى لقيتو باين لكن انا ما سرقت انا بس جيت اعاين بريييييييييييىء يا بيه انا بس واحد طوّل من حفلات الدمج وخمج هيييع والله زمان لو دورت ليك كده فوووو لامن الجكس يحتار لكن بالجد كدى الرشاقه دى ما تخلى الككو زاتو يقهى مش لو جنبك الحرس الجمهورى ولا انجلينا جولى
لا والله يا ابو الصلح انا ما شايف ما فيها حاجه انه يرقص ولا يحتّو بالعكس حقو الناس تفرح لانه بعد الفيديو ده تانى مافى حجه للعلماء ايهاهم ولا ناس النظام العام انه يوقفونا من الحفلات وحت القرض بالجد يعنى الناس زعلانه عشان انهم يفعلون غير ما يقولون ؟؟ اكتشفنا الذره يعنى؟ طيب ده ما شىء عااادى يعنى اول مره نعرف او تحصل خلونا نفرفش شويه قبل ما الريس يحرت الغناء والرقيص
لكن علاءالدين والله بس ذكرنى طارق احمد ادم فى مباراة الزمالك جنس دفاعات يجرى قدام وجرى يرجع وراء جهجهتو الراجل بعدد البوستات بخصوص فيديو الحت
| |
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: معاوية المدير)
|
Quote: لا حول ولا قوةً إلا بالله العلي العظيم. الـ البيت يا محمد زكريا، الـ البيت. يا أخي أنا لمان قريت ناس البيت دي، لآمن شعرت جِلدي كلّبت. يا زول الـ البيت. مخسّم بالرسول تاني ما تغلت غلتة زي دي. إستغفرتك يا مالك روحي. يا قول حبوبتي... |
المسخوت داير تودينى فى 60 داهيه او تريد ان يهدر دمى يا رجل؟ اولا ترى المتربصين بالغناء واهل الغناء واهل الفن واهل الدراما فما بالك او تريد ان نضيف اليهم اهل الرقص وما بالكم كيف تنظرون اذن اوصى بانشاء كليه الرقص الاوبرالى والباليه والبريك دانص ووووووووو العرضه والبايو والممامبو والسالسا والمردوم والدليب والتمتم والكرنق ووو او كما قال المتنبى فى مدح اخشيد ال كافورى حرام علينا الجيركى حلال على الدوح من كل روض وفى مقوله اخرى من كل جوز
======================= الا صحيح يا ود المدير جوز الحمام بقو تلاته
| |
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: محمد زكريا)
|
نقطه نظام يا شباب شايف البوستات كترت واختلط علينا الامر يجب الفرز البنات براهم والاولاد براهم ده شنو ده؟ انا قصدى البوستات تتفرز مع او ضد الرقص او بالاصح رقيص الريس فى الفيديو ده تحديداً بالمناسبه الموضوع ده ما ليهو علاقه بالمعارضه والبوست ده تحديداً غير سياسى والعندو سينس فور هيومر مرحب بيهو
-=============== ويالشايل المنقه يا الشايل المنقاااااااااا والجيركى الجرى بى كديسه مامبو نمبر فايف
| |
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: محمد زكريا)
|
تصدقوا انه انا متوعك من الاتنين وراقد لكن من امبارح بعد ما شفت الفيديو قعدت افرفر داير انداح داير اسرح واحتّو قرض الا مانى قادر اعذرونى ياخ ما تقولوا مصنوح مسخوط ما تقولوا الحمى طلعت فى راسو لكن النار النار يا مغاورى النار سمح الغنا سمح النغم سمح السمح
======= قولو عاشق ما تقولو فاجر قولوا جوال بالعطور تاجر يسرح بين الحسن والكمال ان الله جميل يحب الجمال
| |
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: محمد زكريا)
|
الناس البتقول ما فوكّا حاجه وشابكننا اها كن دى معارضتكم فهنيئاً للانقاذ 22 سنه قادمه وما دايرين تقولوها عديييييييييييييل انحنا مع الكيزان ياخ انتو دايرين شنو بالظبط يعنى لا دايرين الكيزان ولا دايرين المعارضه ما دايرين تغيير النظام لانه البديل مافى؟ طيب ومالو نخلقوا هسه دى البديل ده المشكله شنو؟ حواء السودان ما والده يعنى؟ ولا مافى رجال ونساء سودانيين ممكن يقودوا البلد للامام بلاش اسطوانه انه مافى معارضه ومافى ناس تقود البلد حيرتونى انتوا عاوزين تقولوا شنو ؟ خايفين من الشيوعيين ليه ما عارف بعدين هى المعارضه دى كلها بس شيوعيين؟ والشيوعيين زاتهم مالهم ما برضوا قلبهم على البلد وما عاجبهم النظام الحالى انتوا كن مع الكيزان قولوها عدييييييييييل وكن ضد الكيزان ما تخافوا تقولوها بصوت عالى ومصالحكم ما بتتخرب لانه الرزق من عند الله تعالوا نتفق على حاجه واحده بالاول دايرين النظام يتغيير ولا ما دايرين؟ الباقى هين
وبمناسبه انه الريس طلع زول مجامل ومن نوع خليك سودانى نديه فرصه ونقول له ارحل الى السعوديه وخلى لينا باقى الشله سوق معاك صاحبك داك لو ما لقيتو سبقك وفتح ليك باب البيت فى المنفى الجديد
اها تانى يا ناس معارضى المعارضه عندكم حجّه ضد المعارضه بلاش كلامكم الفاضى تقولوا معارضه السجم وطول سلامه وهنيئاً للكيزان بتاع الدكتوره
جبتوا لينا الحمى النقوم نستحم نمشى مسجد السودانيين القالوه ده كيف نشوف خطبه الامام ح تكون عن شنو الخوف يطلع مسجد كيزان يكرهونا ليهو هنا كمان لاحقننا لاحقننا محل ما نمشى انتو يا الكيزان والمتكوزنين
استغفر الله
| |
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: محمد زكريا)
|
كنّا وين واصبحنا وين..........النقول يا يطيف تلطف بعبادك البنسلين عمل عمايلوا فينى وريحتى كلها بقت طحالب طحالب قالوا عندى اينفيكشن فى الغدد الليمفاويه واحدين اتصلوا على دايرين يتاكدوا قالوا لى انت حى ترزق؟ قلت ليهم والله قربت اودع لكن ربك لطف حمى بالليل ######ه ومخاخيت بالنهار ده كله من المنبر قالوا لى المنبر سودوه وناس فاكرينك عند رب رحيم
اللهم ارحم محمود زكريا وادخله فسيح جناتك هم السابقون ونحن اللاحقون
| |
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: عزام حسن فرح)
|
اووووو ابو حبيبى جوزيف
Quote: أنصح بأن تغُط فإن رأيت أضغاثُ أحلام، قُمْ وإسْتقِمْ ثُم عُدْ فنُمْ..
|
ليه كده بس...... ليه كده بس....... يابكرى ما كنّا مرتاحيين فى داعى تجيب لينا درويش العربى ده تانى اكيد فى الاجازه القسريه قراء ليهو اسافير وجاى بالتقيله جوك رجعوك ولا كتلوك تحذير شديد اللهجه المره دى بس كدى تانى افتح ليك موضوع فيهو حرف الغين كن ما جيتك فى دوحتك دى وتشوف
======= بحر شنو والله محيط هندى بس.....نسلم عليك بعدين قال الشوق قال
| |
|
|
|
|
|
|
Re: كن فنجط ظاطو ما فوكّا حاجه علا اب عنقره القافل الكاميرا ده منو (Re: محمد زكريا)
|
زمان ويا حليل زمان كنّا ما بنطلع المسرح لو ما استلمنا باقى العربون العداد كامل يعنى اهل العرس بيقولوا لينا يا جماعه باركوها القروش موجوده انتو بس اطلعوت غنوا وفى الفاصل مع العشاء بنجيب ليكم الباقى هاااااااا تلقوها فى الغافل لانه بعد الفاصل بيكون الغناء شالوا الهواء
اها يا شباب الفيديو اختفى وين ولا خلاص الغناء شالو الهواء
| |
|
|
|
|
|
|
|