|
Re: محتار فى الاتحادى الديمقراطى وفى المريخ (Re: معتصم مصطفي الجبلابي)
|
قصةالبدرى دى ذكرتنى قصة واحد بناء فى حلة جنبنا
كان بيبنى ليهو فى حيطة لمره والمره نقناقه وكرهتو العيشة
..المهم هو كلفتليه الحيطة بسراع بسراع عشان يتخارج منها
وبعد كمل البناء ..كورك للحاجة وهو خاتى يدو على الحيطة
او ساند الحيطة بيدو .. فلما جاتو قال ليها ياها حيطتك
بنيتها ليك يلا ادينا قروشنا ..الحاجة سلمتو قروشو
اول ما مسك قروشو رفع يدو من الحيطة ..
(بردلب الحيطة جات واقعة)..
فهسة حيطة البدرى بكره هتشوفو وقعتها
| |
|
|
|
|
|
|
Re: محتار فى الاتحادى الديمقراطى وفى المريخ (Re: معتصم مصطفي الجبلابي)
|
الميرغنى واولاده وحيرانه والختمية مشاركين
عقب تانى فى شنو
الاخت إيمان سلامات برغم أن الغالبية أجزمت على أمر مشاركةالميرغنى
وكذلك أكد الاعلام .إلا إنى متفائل إنه مولانا يمقلب الكيزان ..
مولانا أصلو ما تقدر تعرفو داير شنو..لما وقع حزب الامة
نداء الوطن فى جيبوتى .التجمع كان معارض لذاك الاتفاق
ففى اللحظة الكان قيادة الامة مجتمعة فى القاهرة كان هنالك إجتماع
لقيادة التجمع فى نفس المدينة ونفس التوقيت..ارسل مولاناد. فاروق
لناس التجمع قال ليهو قول ليهم نحن رافضين لهذا الاتفاق..وفى
نفس الوكت رسل شيلا لناس الصادق يؤيدهم على هذه الخطوة..
وقد كنت حاضرا فى ذاك اليوم ..فالاخ مبارك الفاضل بدرايتة
لنهج مولانا فى مثل هذه الامور بحكم معاشرته له فى التجمع بوصفه امينا عاما
فنادى صحفيين كانو قاعدين بره وقال ليهم شيلا عنده تصريح بالنسبة
لموقف الحزب من الاتفاقية شيلا لقى نفسو امام الامر الواقع وصرح
للصحفيين بأنهم فى الاتحادى الديقراطى مؤيدين لهذا الاتفاق
وفى نفس اللحظات كان د. فاروق يعلن رفضهم لنداء جيبوتى..
فأتى فى صبيحة الغد تصريحين مختلفين لقياديين فى حزب واحد
فى صحيفة الخرطوم التى كانت تصدر من القاهرة حينها..
وده السبب الرئيسى الخلى د.فاروق ترك الاتحادى..
فأنا يحدونى أمل كبير بأنه مولانا يلعب على ناس المؤتمر الوطنى
نفس اللعبة..وهنا بتكون ضربة قاضية بالنسبة للمؤتمر الوطنى
بعد أن اعلنو لوسائل الاعلام بموافقة الاتحاديين على المشاركة
فبعد داك مولانا يزوغ منهم زوغة العريس فى ليلة العقد والمعازيم
فى انتظاره... .......................................................................
عذرا للتكرار فقد قمت بنشر هذا التعقيب عدة مرات ولكنى لا اراه عند مراجعة البوست
وتظهر لى فقرة واحدة منه فقط
| |
|
|
|
|
|
|
|