|
Re: قلتوا 30يناير قلنا سمح، قلتوا فبراير قلنا سمح، قلتوا اكتوبر، وعييي (Re: صلاح غريبة)
|
شكرا على البوست يا غريبة
Quote: 08/01/2011 مظاهرات في امدرمان وجامعة امدرمان الاسلامية 12/01/2011 خروج مظاهرة هادرة من جامعة الجزيرة تندد بالغلاء المعيشي واعتقال عدد من الطلاب 13/01/2011 مواجهات بين طالبات دارفور وكل الطلاب مع الاجهزة الامنية واعتقال الطالب هارون عيسى 13/01/2011 تواصل طلاب الجامعات في مظاهرات في شندي المتمة وعطبرة والخرطوم لتصل الحصاحيصا 14/01/2011 الاجهزة الامنية تحاصر جامعة الجزيرة واستمرار المظاهرات في الحصاحيصا 17/01/2011 خروج طلاب جامعة الجزيرة بالكاملين في تظاهرة قاطعين طريق الخرطوم مدني 18/01/2011 خروج طلاب جامعة الفاشر في تظاهرة 19/01/2011 الشرطة تفرق مظاهرة في الخرطوم انطلقت بعد ندوة في دار المؤتمر الشعبي ببري 19/01/2011 تزاصل المظاهرات الطلابية بجامعة ومدارس الفاشر والشرطة تستعمل الغاز المسيل للدموع والرصاص الحي 20/01/2011 انطلاق مظاهرة في وسط الخرطوم والشرطة تقوم بتفريقها 22/01/2011 مظاهرات طلابية حاشدة بامدرمان 23/01/2011 مظاهرات في مدينة بابنوسة 24/01/2011 تجدد المظاهرات بمدينة الفاشر 26/01/2011 مظاهرات طلابية بجامعة امدرمان الاهلية 27/01/2011 مظاهرات عارمة بمدينة عبري شمال السودان 30/01/2011 انطلاق مظاهرات كسر حاجز الخوف في الخرطوم واعتقالات كثيرة 30/01/2011 خروج عبري في مظاهرة 30/01/2011 خروج الابيض في مظاهرة 31/01/2011 مظاهرات في مدينة كوستي واعتقال محسن عبدالقادر والطالب باسل مبارك 31/01/2011 مظاهرات في الكلاكلة اللفة 01/02/2011 مظاهرات في جامعة النيلين 04/02/2011 مظاهرات بمدينة نيالا 22/02/2011 انباء عن اغتصاب الناشطة صفية اسحق في مكاتب جهاز الامن 28/02/2011 تظاهرة في مدينة كسلا 21/03/2011 خروج طلاب جامعة سنار في مظاهرة كبيرة 21/03/2011 مظاهرات حاشدة بسوق دنقلا والسوق الشعبي يقودها طلاب كلية الطب بجامعة دنقلا 21/03/2011 مظاهرات في سوق ود مدني الصغير 24/03/2011 خروج شباب امبدة في تظاهرة 04/04/2011 خروج طلاب جامعة الخرطوم في تظاهرة قمعت في اولها بيان من شباب من اجل التغيير واعتقال مجدي عكاشة من شرارة 11/04/2011 ظاهرات طلابية قوية في الجزيرة أبا 17/04/2011 مظاهرات طلابية في جامعة السودان الجناح الغربي 20/04/2011 مظاهرات في مدني القسم الشرقي ضد فاتورة الخدمات 21/04/2011 مظاهرات لطلاب دارفور جنوب الخرطوم ووجود امني كثيف 21/04/2011 خروج طلاب جامعة البحر الاحمر ببورتسودان في مظاهرة 22/04/2011 مظاهرات في مايو والمتظاهرون يهتفون بأن الشعب يريد اسقاط النظام 10/05/2011 مظاهرات في بري واعتقال افراد من شراراة مجدي عكاشة وحاتم شناب 17/05/2011 استمرار المظاهرات في امدرمان والخرطوم ضد قطوعات المياه 26/05/2011 مظاهرات وجرحى واعتقالات ببورتسودان 17/06/2011 مظاهرات في شارع الاربعين 17/06/2011 مظاهارت في شمبات واعتقال عدد كبير من اهالي الخيراب 26/06/2011 مظاهرات بمنطقة امتداد الدرجة الثالثة بالخرطوم 22/07/2011 مظاهرات بمنطقة جبرة جنوب 23/07/2011 مظاهرة بمنطقة الصحافة احتجاجا على قطوعات المياة 28/07/2011 اهالي اسلانج يسيرون مسيرة سلمية احتجاجا على تدني الخدمات 06/08/2011 عملية تعذيب الطالب عثمان ازهري بولاية الجزيرة 15/08/2011 مظاهرات بامري الجديدة تندد بمحاسبة اسامة عبدالله 25/08/2011 مظاهرات في شارع الاربعين تهتف باسقاط النظام 26/08/2011 استمرار المظاهرات بمدينة امدرمان 02/09/2011 مظاهرات واطلاق نار في حلفا الجديدة 02/09/2011 اعتقال الاستاذ عبدالمنعم رحمة في مدينة الدمازين 05/09/2011 اعتقال ثلاثة نشطاء من شباب من اجل التغيير في مدينة مدني، الصادق الحاج يوسف، مروان عبدالله، لؤي محمد احمد يوسف 05/09/2011 اعتقال تحفظي لعضو حزب المؤتمر السوداني الماحي محمد سليمان في مدينة سنار 07/09/2011 اعتقال 7 نشطاء من منظمة سورد بمنطقة شندي 08/09/2011 خروج مظاهرة لغاضبين بحي كوبر 08/09/2011 تعرض موكب الرئيس البشير لاطلاق نار في شارع النيل 11/09/2011 اعتقالات وسط اعضاء الحركة الشعبية بحلفا محمد مصطفى مختار ومحمد خليل حسن 12/09/2011 اعتقال اكثر من 20 شخص بالمنطقة النوبية 13 في حلفا وحدها ، جمال رشدي من عبري، محمد مصطفى 19/09/2011 اعتقال عضو المنبر نايف محمد نايف من اذاعة كدنتكار 23/09/2011 مقتل ثلاثة مواطنين بمدينة القضارف على يد الشرطة وانطلاق مظاهرات عارمة 26/09/2011 مظاهرات في بري اللاماب 27/09/2011 مظاهرات في منطقة جبرة 28/09/2011 خروج اطفال روضة ومعلماتهم بمنطقة النزهة في مظاهرة 30/09/2011 انطلاق المظاهرات في الثورة الحارة الرابعة والخامسة وسماع اطلاق رصاص 30/09/2011 حملة اعتقالات وسط اهالي بري 30/09/2011 مظاهرات في منطقة الحماداب 01/10/2011 استمرار المظاهرات في بري وامتداد ناصر 01/10/2011 خروج مظاهرات في مدينة بابنوسة 01/10/2011 اطلاق المظاهارت في مدينة سنار 01/10/2011 مظاهرات بالعيلفون ضد غلاء الاسعار 03/10/2011 استمرار المظاهرات بامتداد ناصر واعتقال امرأة سبعينية 03/10/2011 اعتقال ناشطي شرارة حاتم شناب، مجاهد الرشيد وايل 04/10/2011 مظاهرات في العباسية 04/10/2011 مظاهرات في محطة سراج الفتيحاب 06/10/2011 اعتقال عضو تجمع متأثري سد مروي الشريف حسين محمود 07/10/2011 تجدد المظاهرات في الحماداب 07/10/2011 مظاهرات بداخلية البنات بمجمع الاعدادبة بود مدني 07/10/2011 مظاهرات حاشدة بمدينة المسعودية 07/10/2011 اعتقال اثنين من عضوية مؤتمر الطلاب المستقلين يسن صلاح ومحمد مصطفى سقيد 08/10/2011 قوات الامن تحتل مدينة المسعودية بالكامل وتروع النساء والاطفال 08/10/2011 استمرار احتلال المسعودية واعتقالات وسط الاهالي 09/10/2011 مظاهرة في حلة حمد بالخرطوم بحري 09/10/2011 جهاز الامن يعتقل حسين الحاج بكار في مدنمة المجلد 11/10/2011 اعتقال المتحدث الرسمي باسم شباب من اجل التغيير مجدي عكاشة من منزله واقتياده الى جهة مجهولة واطلاق سراحه اليوم 11/10/2011 مظاهرات في مدينة القولد 11/10/2011 مظاهرات غاضبة في قلب مدينة الخرطوم مما تسبب في اغلاق الكباري 11/10/2011 جهاز الامن يعتقل الناشط مجدي عكاشة وزوجته الناشطة سارة محمدالحسن بشرارة وانباء عن اخذها لمستشفى جهاز الامن 12/10/2011 مظاهرات حاشدة بمدينة الفتيحاب 13/10/2011 اعتقال الاستاذ فاروق ابوعيسى من منزله رئيس هيئة قيادة قوى التجمع الوطني 13/10/2011 احتجاجات ومسيرات بمدينة الدبة واعتقال جهاز الامن لعدد كبير من الناشطين ضد تدهور الاوضاع 14/10/2011 مظاهرات في منطقة العزوزاب ومداهمة منزل رئيسة حركة حق نعمات ابوبكر والاعتداء على اخيها والقبض على والدها 14/10/2011 مظاهرات امام داخلية على عبدالفتاح في امدرمان بسبب مقال صحفي في جريدة الانتباهه 16/10/2011 مدينة العبيدية بنهر النيل تشتعل بمظاهرات هادرة وحاشدة بكل فئات الشعب ضد سياسات الدولة 16/10/2011 اعتقال الطالب محمد المصطفى عابدين السقيد من عضوية مؤتمر الطلاب المستقلين في مدني بواسطة جهاز الامن وتعرضه للتعذيب 17/10/2011 اعتقال الناشط في المجال الانساني والقيادي بحزب الامة مصطفى آدمبمكاتب الامن بمدينة بحري 18/10/2011 اعتقال النقابي والقيادي بالحركة الشعبية عباس العوض من منزله بالكلاكلة، وقلق على صحته لكبر سنة 18/10/2011 مزارعوا الجزيرة وسائقي التاكسي بكسلا وعمال البحر الاحمر يهددون بالاضراب 18/10/2011 مظاهرات لطلاب جامعة كسلا ضد الغلاء وتضامن المواطنيين معهم 19/10/2011 استمرار مظاهرات طلاب جامعة كسلا لليوم الثاني 19/10/2011 طلاب كسلا يتعرضون للدهس بسيارات الامن واصابة ادريس محمد علي و عبدلاسلام عثمان نسيب وعبدالقادر آدم 20/10/2011 توسع الظاهرات في كسلا يؤدي الى اغلاق كل الطرق بها واعلان حالة استنفار امني كبير 20/10/2011 مظاهرات هادرة بالمجلد والشرطة تستخدم الغاز بكثافة في سوق المدينة واعتقالات وسط المواطنين والطلاب 20/10/2011 اعتقال الاستاذ عبدالقادر علي عبدالرحيم اثناء اجازته السنوية بالخرطوم - عضو مركزية الحركة الشعبية بالخليج 21/10/2011 اعتقال المهندس حسام الدين مصطفى الميرفابي عضو اللجنة الشعبية من منزله بحي بانت بامدرمان 21/10/2011 اعتقال المهندس العوض عباس العوض من منزله بعد اعتقال والده النقابي عباس العوض يوم 18/10/2011 22/10/2011 خروج المواطنين في مدينة الحلفايا ضد توسع شبكات الاتصال داخل الاحياء 22/10/2011 الامن يقتحم منزل القيادي بحزب الامة دفع الله موسى احمد ويعتقل اثنين من ابنائه وتسعة آخرين بالكلاكلة |
| |
|
|
|
|
|
|
Re: قلتوا 30يناير قلنا سمح، قلتوا فبراير قلنا سمح، قلتوا اكتوبر، وعييي (Re: أحمد ابن عوف)
|
عارف يا غريبة، انا لو في محل مدير جهاز الامن كنت نجضتك نجاض
جاي كمان تحرش علي الناس يا وهم
شوف عندك مثلا يوم 20/10/2011
مدير جهاز الامن يوموا كان كيف
ترررم تررم ترررم
الو ساعدتك عندك تلفون من كسلا نعم سعادتك الطلبة عاملين مشاكل لليوم التاني، نتصرف كيف ياخي اكسحوهم بي بوكس وللا اي مصيبة وبالليل قفلوا الشوارع
ترررو ترررم ترررم ترررم
الو سعادتك في تلفون من المجلد في شنو كما، حولو لي سعادتك في مظاهرات شديدة في المدينة اضربوهم غاز تقيل، ولول لقيتوا غاز خردل برضو تكونوا ريحتونا منهم، دا يوم شنو دا بعدين قبضو من طرف، راجل، مرا، طالب اي غنماية لافه ساكت اقبضها برضو
لسه مواعيد القهوة والفطور ما جات
ترررم تررم تررم ترررم
الو سعادتك في تلفون من وحدة الخرطوم دا يوم شنو دا مع شذاذ الآفاق ديل كمان، حالتو خميس، حولو لي سعادتك في واحد حركة شعبية رجع اجازة من الخليج وضاربن لبي لييييه، عشان تقرفونا على القرف العلينا من الصباح التعليمات كانت واضحة جدا، اي زول قيادي في الحركة الشعبية تقبضوهوا طوالي جاي من الخليج وللا جاي من المريخ زاتو، بعد ما تقبضوهو بعدين تبلغونا حسي حصلوهو ما يركب طياره ويزوغ
تررم تررم تررم ترررم
الو سعادتك في تلفون من القسم السياسي حولو لي سعادتك، عارف الليله خميسن وبكره الجمعة، وقلنا نحصلك قبل ما تمرق لانو عندنا اوامر اعتقال دايرينك توقع عليها ديل منو كمان ديل سعاتدك واحد ابوهو قبضناهو قبل يومين واحتمال يعمل غلاغل، والتاني مورم ناسنا في بانت وقلع منهم اللجنة الشعبية اقبضوهم يقبضهم بلا، جيب لي الاوامر دي سريع عشان نحصل باقي خميسنا دا
تررت ترررت ترررت ترررم
الو سعاتدك فرع الاحزاب دايرين يكلموك حولهم، الله لا كسبم لا كسب الاحزاب معاهم سعادتك جاتنا معلومة انو ناس حزب الامة في الكلاكلة عاملين ليهم قعدة في بيت كم نفر بقولوا زي تاشر نفر كده طيب، اقبضوهم
ابشر يا مدير جهاز الامن
فصلاح غريبة يريد ان يزعج سعادتكم في نوفمبر ايضا، وخلي بال سعادتك اكتوبر لسه ما انتهى
| |
|
|
|
|
|
|
Re: قلتوا 30يناير قلنا سمح، قلتوا فبراير قلنا سمح، قلتوا اكتوبر، وعييي (Re: صلاح غريبة)
|
يا غريبة والله انا حاسي بيك، لكن نسوي شنو، احنا ناس اسافير سااااكت
Quote: أحمد بن عوف
اهديك البوست دة ............................ |
شوف شغل المانات ال في كل ربوع بلادي دي، دا شغل في الشوارع والازقة والحارات يا غريبة، اصحى يا معلم انا غايتو لو لقيت الصنف البوزعوهو ليكم دا ، انا زاتو كنت سبت النضال وسودانيز
الوهم غريبة ناس نزلوا الشوارع من حلفا للمجلد ومن كسلا وبورتسودان لحد الفاشر ونيالا برضو لسه ماسك في قصة نصال اسافير
لووووووووووووووول يا كوز
مرة تانية شكرا على البوست
| |
|
|
|
|
|
|
Re: قلتوا 30يناير قلنا سمح، قلتوا فبراير قلنا سمح، قلتوا اكتوبر، وعييي (Re: أحمد ابن عوف)
|
Quote: يا غريبة والله انا حاسي بيك، لكن نسوي شنو، احنا ناس اسافير سااااكت Quote: أحمد بن عوف
اهديك البوست دة ............................
شوف شغل المانات ال في كل ربوع بلادي دي، دا شغل في الشوارع والازقة والحارات يا غريبة، اصحى يا معلم انا غايتو لو لقيت الصنف البوزعوهو ليكم دا ، انا زاتو كنت سبت النضال وسودانيز
الوهم غريبة ناس نزلوا الشوارع من حلفا للمجلد ومن كسلا وبورتسودان لحد الفاشر ونيالا برضو لسه ماسك في قصة نصال اسافير
لووووووووووووووول يا كوز
مرة تانية شكرا على البوست |
أحمد بن عوف...
في اسبوعين مصر أزاحت مبارك وكذا تونس
منذ فبراير
أول امس الليبيين خلعوا القذافي...
سين سؤال
وينها ثورتكم القربت لي سنة دي وبتلقطوا في ناسا زي لحم الراس؟؟؟ ...
ياهو ال(استيتمنت)بتاعك دا !!!...
الا يا اللخو مسؤول من الخير مش ال(استيتمنت)
دا مصادرو اياها المصادر البتكتب في البورد دا؟
وللا مصادرا تانية!!!!.
| |
|
|
|
|
|
|
Re: قلتوا 30يناير قلنا سمح، قلتوا فبراير قلنا سمح، قلتوا اكتوبر، وعييي (Re: صلاح غريبة)
|
Quote: سين سؤال
وينها ثورتكم القربت لي سنة دي وبتلقطوا في ناسا زي لحم الراس؟؟؟ ...
ياهو ال(استيتمنت)بتاعك دا !!!... |
جيم اجابة لمن تنزل خروج نهائي زي ما وعدت وتسيب الاسافير، اختف رجلك لاي مكان تحب تبدأ بيهو، الحماداب، كسلا، بري واسال الناس هناك
Quote: الا يا اللخو مسؤول من الخير مش ال(استيتمنت)
دا مصادرو اياها المصادر البتكتب في البورد دا؟
وللا مصادرا تانية!!!!. |
يحول السؤال الا العارفين زي مدير جهاز الامن مثلا
__________________ بعدين وانا جادي في الحتة دي، احترم اهلك وناسك البسطاء البتظاهروا ديل وتأدب في الحديث عنهم فيهم الراعي والمزارع البسيط وعامل المصنع واندرشوا في الدنيا عشان اقتصاد البلد وتلقى ليك تعليم مجاني وتبقى كوز ولولاهم زيك دا ما كان شاف تعليم زاتو عشان تجي رابط ليك كرفتة وتتكلم عليهم بلغة "لحم راس" ساقطون، لا يمكن للكوز الا ان يتقيأ قذارته التي علفها سنينا عددا في رحم الجبهة الاسلامية المتعفنة
| |
|
|
|
|
|
|
Re: قلتوا 30يناير قلنا سمح، قلتوا فبراير قلنا سمح، قلتوا اكتوبر، وعييي (Re: أحمد ابن عوف)
|
Quote: بعدين وانا جادي في الحتة دي، احترم اهلك وناسك البسطاء البتظاهروا ديل وتأدب في الحديث عنهم فيهم الراعي والمزارع البسيط وعامل المصنع واندرشوا في الدنيا عشان اقتصاد البلد وتلقى ليك تعليم مجاني وتبقى كوز ولولاهم زيك دا ما كان شاف تعليم زاتو عشان تجي رابط ليك كرفتة وتتكلم عليهم بلغة "لحم راس" ساقطون، لا يمكن للكوز الا ان يتقيأ قذارته التي علفها سنينا عددا في رحم الجبهة الاسلامية المتعفنة |
البتلقطوا فيهم زي لحم الراس ديل ما الشعب السوداني البنعرفو...
الشعب الهب في اكتوبر وابريل في خلال اسبوع ازاح عبود ونفسه مع نميري...
الشعب الافتراضي البتلقطوا فيهو زي لحم الراس دا شعبكم انتو متنوضلي الكيبورد .
ما تعمل فيها فالح وتتكلم كأنه الشعب السوداني الحقيقي معاكم
الشعب يا متنوضلين انتوا الاتسببتوا في معاناتو بموالاتكم للخارج
وخلطكم لاوراق المعارضة للحكومة ومعارضتكم لوطن...
الشعب سئم تضليلكم والتحدث باسمه كأنكم مفوضون
من قبله وانتم في الحقيقة لا تبحثون الا عن كراسي السلطة
عبر اثارة الصراعات..الشعب ياسيدي يعيش معاناته بالداخل لاجل
توفير لقمة العيش الكريم والحلم بنهضة ورخاء...
وريني حرقتوا كم لستك وقفلتوا كم شارع في الفترة الفاتت
ومافي زول هببكم غير ضحكتوا عليكم الناس.
تخريمة:
تعلم أنت الأدب عند مخاطبتك لمن هو أكبر سنا منك
حتى تطلب منا الادب
ففاقد الشئ لا يعطيه.
| |
|
|
|
|
|
|
Re: قلتوا 30يناير قلنا سمح، قلتوا فبراير قلنا سمح، قلتوا اكتوبر، وعييي (Re: Al-Shaygi)
|
Quote: صلاح غُريبة
ما بقول ليك قولة دينق لود الباوقة
لكن بقول ليك إتقي الله في نفسك أولاً وفي أسرتك ثانياً، وشايف في ناس بقوا يهبشوها وده عيب عليك أن تتركها نهباً لكل من هب ودب... وفينا آخراً
ياخ أمشي حج وحجك علي، بس ما كاش، أدفع للوكالة بإسمك بشرط عدم الإسترداد، فهمتني..... وتوب فالله قابل التوب شديد العقاب....
وأحسب أن المشكلة في كيبوردك ولا باسوردك البقت زي أبو صليب..... وهذا من حسن الظن في العبد وإني أحسن الظن فيك.. والله أعلم بالسرائر وما تخفي النفوس.....
|
حسن الشايقي ..........
يا رااااجل دي هدايتك لي؟
تتمثل بابو صليب؟؟؟
عيب والله...
اتاري حكاية عوين زيمبابوي دي ما ساكت!!!
| |
|
|
|
|
|
|
|