|
|
 غايتو روحنا سرق فى مرق.......الله يسامحنا
|
دوما بنستخف باننا نتكلم فى فلان وعلان
ودا عامل كيف كيف وبيتكلم كيف كيف وبيمشى كيف كيف
يعنى بقى شبه ادمان ان البشريه تتكلم فى حق بعض
مافى حوار بيكون خالى من القطايع دى
فى الفاضيه ومليانه
الزول اظنه وهو بيتاوب ممكن يكون بيقطع له فى زول بينه وبين نفسه
لكن ......
هل دا شى عادى مفروض نعتبره طبيعى فى السلوك البشرى ,,, ولا,,, دا شى خطير وله توابع بتزلزل فى مجتمعنا يوم بعد يوم
وهل السبب دا نحنا ولا تربيتنا اللى استخفت بالشى دا وشوفناه بيتم تداوله فى مجالس الكبار وقدوتنا
.....
الصدمنى انى امس قريت فى كتيب دينى بيوضح الفرق بين النميمه والقطعيه
وفى جزئيه صغيره جدااااااااااااااااااااااا لا اعلم هى فعلا كانت غير معلومه لى ولا غير عرفاها وما حساها كنت ولا ما عامله بيها ما عارفه
ان الانسان اخير له يزنى من انه يغتاب اخيه
لان البيزنى لمن يندم ويستغفر ربه بيتم العفو عنه
لكن.....
البيغتاب اخيه يجب أن يطلب العفو من اخيه عشان ربنا يغفر له
والغيبه هى ذكر اخاك بما يكره
ولو كان فيه ما ذكرت اغتبته ولو ما فيه يبقى بهته
والنميمه هى نقل الكلام من شخص لشخص والتسبب فى مشاكل بينهم وفتنه
غايتو النميمه ما كتيره قدر القطيعه والغيبه
لكن.....
ببشاعة مفهومنا للزنا لمن تبقى القطيعه ابشع منو
حنروح وين ساعة الحساب
ودا كله عشان بنستخف بالتربيه الدينيه والسلوكيات الصحيحه والتقويم النفسى
بقينا بنرتكب بشائع الذنوب وما حاسين بفظاعتها
:(((((
بالجد وااااااااااااااااااااااااااااااااااااااااااااااا اسفى علينا
والله يسامحنا ويهدينا
(عدل بواسطة رانيه محمد الشيخ on 10-28-2011, 03:36 PM)
|
|
 
|
|
|
|
رشا سالم
نوفل عبد الرحيم حسن
فيس بوك
تويتر
انستقرام
يوتيوب
بنتيريست