|
|
 كيلو الطماطم فقط 2ج .. الخرطوم تشهد إنخفاضاً هائلاً في أسعار الخضروات
|
سعدت سعادةً جمه بالأمس عند سماعي (بتاع الخضار) وهو ينادي أن كيلو الطماطم بإثنين جنيه فقط
الملاحظ إنو إنخفاض الأسعار شمل العديد من السلع الأخرى وخصوصاً الخضروات وأنصح أصحاب الدخل المتوسط بالذهاب للـ(ملجه) بالليل وشراء الخضار بالإسبوع بس إتفادوا الخميس والجمعه والسبت لأنو معدل الإقبال بكون عالي وده بخلي الاسعار تزيد شويه
واضح إنو دخول الموسم الشتوي اللي بيؤدي لنجاح زراعة العديد من الخضروات
العقبة للحوم والسكر وهلم جرا
|
|
 
|
|
|
|
|
|
|
|
Re: كيلو الطماطم فقط 2ج .. الخرطوم تشهد إنخفاضاً هائلاً في أسعار الخضر (Re: محمد فرح)
|
تحياتي الأخ محمد فرح
الاستثمار في زراعة الخضروات للأسف تسبب في خراب كثير من البيوت ... ومنح القليل بعض العائد ... أسباب النجاح والإنتاج مرتبطة بمواقيت محددة يعرفها أهل الصنعة (الزراعة) متى يزرعون الطماطم والبصل والبقوليات ... أغلب المزارعين يطلع إنتاجهم في وقت واحد ... السنة الفاتت (2010) زرعت طماطم في (5) فدان كانت تكلفة الكرتونة الفارغة ... وأجرة العامل الذي يجني ويعبيء الكراتين ويرفعها على العربة ... زائد أجرة العربة ... وجبايات الطريق التي لا تخفاكم زائد رسوم السوق والعتالة ألخ ... بعد مراجعة الحسابات من مشوارين للخرطوم إتضح أن سعر كرتونة الطماطم لا يغطي نفقات توصيلها للمستهلك بالخرطوم ... يعني التكلفة تكون عشرة جنيه وسعر البيع 10 ج أو تسعة جنيه ؟؟؟ هنا يكون الحل الوحيد هو إزالتها من جذورها ورميها خارج المزرعة ؟؟؟ كذلك العجور والبصل الذي يباع بما حصل ولا يجوز تخزينه زي الجنازة يجب سترها ....
تعرف يامحمد كم بنخسر في إنتاج كرتونة طماطم أو جوال بصل ؟ من تحضير الأرض ، وشراء البذور ، والتقاوى ، والأسمدة وهي للأسف من أسوأ الأنواع بالسوق لا ضمان ولا يحزنون لا وكيل ولا حماية من الضرر والتلف ولا يحزنون ، محزن يامحمد أمر الزراعة في ظل حكومة الإنقاذ .... وياحسرة القلب على العملاق المرحوم مشروع الجزيرة .... لا نستكثر الفرحة والرخاء للمواطن ... لكن مستحيل أن نستمر فيها بدون عوض أو فوائد ... هجرها من هجرها مكرها ... بسبب سياسات البلد الهايصة ...
تشكرات ...وتعال أزرع معانا ... جرب وشوف ...
الشفيع إبراهيم
| |
|
|
|
|
|
|
|
|
|
Re: كيلو الطماطم فقط 2ج .. الخرطوم تشهد إنخفاضاً هائلاً في أسعار الخضر (Re: ود الباوقة)
|
Quote: مدام النيل جاري مافي سوداني بجوع بإذن الله
انا شايف مع دخول الشتاء الناس تنسى موضوع الفول ده نهائي ويقلبوا سلطه
يوم سلطه بالدكوه ويوم بي زيت السمسم
حاجه لذيذه ومغذيه واكيد ارخص |
طيب السلطة دى ما نقدر نحدقها بالليمون
سعر اليوم للكيلو مابين 8-10 جنية
كدى حك لينا راسك وشوف لينا اقتراحات تانية باقى دكوة من غير ليمون
دى صعبة شوية
غايتو جنس حقارة ....
| |
|
|
|
|
|
|
|
|
Re: كيلو الطماطم فقط 2ج .. الخرطوم تشهد إنخفاضاً هائلاً في أسعار الخضر (Re: Siham Elmugammar)
|
محمد فرح
بركة بالعودة
يا محمد, انت عارف كم مزارع حا يدخل السجن لما تدنى اسعار منتوجاتهم للدرجة دي?
لا تفرح يا اخي!
زي ما قال الشفيع في مداخلة اعلاه, مرات يضطر المزارعين لترك منتوجاتهم في المزرعة لانه غير مجز ان تاخد محصولك للسوق, و تدفع تكاليف ترحيل, و تكون خسران. انا, حصل شفت مزارعين ياتون بشحنة لوري للسوق المركزي, و في نهاية اليوم, يهرب من سائق اللوري لانه المبيعات اقل من ايجار اللوري! خليك من تكلفة الانتاج لكل الموسم. وفي النهاية المزارع سيدفع لسائق اللوري و للبنك الزراعي اما ببيع ممتلكاته او من مدخراته او يضطر اهله سداد ديونه عنه لتفادي السجن و البهدلة.
مش كدة و بس يا محمد سيجد المزارع مندوب البنك الزراعي-في الغالب-واقف منتظره عند الباب بامر القبض للعجز عن سداد سلفية الزراعة!
حماية دخل المزارع مسئولية الدول في اي مكان الا السودان!
يعني هسع مفروض الدولة تصرف للمزارعين تعويض عن خسائرهم في الموسم, وكان يجب ان يكون عنوان بوستيك "نطالب بتعويض المزارعين عن خسارتهم نتيجة لتدني اسعار الطماطم لاثنين جنيه", بدل ما تفرح لان زنقتكم اتفكت شوية.
هنا في امريكا, الدولة تضمن سعر محدد للمزارع, و يتم حسابه باحدث معادلات الرياضيات و معطيات السوق من اسعار المدخلات و تكاليف الترحيل و احتمالات الربح المناسب حسب السوق, و سعر الفائدة. واذا هبطت الاسعار دون ذلك السعر فان الدولة تدفع الفرق للمزارع, و يعطي فرصة في تخفيض عائداته في اورنيك الضرائب لتخفيف المصيبة عليه, و ليرجع و يزرع العام القادم ضمان للامن الغذائي.
وين حكومتكم من ذلك يا محمد فرح?
بعدين, لا تتمنى ان تنخفض اسعار الماشية. لانه معروف تاريخيا لا تنخفض اسعار اللحوم الا في سنوات الجفاف و نقص العشب في الارض, فيضطر الرعاة ومنتجي الحيوان للبيع باسعار ضعيفة. امنيتك يا محمد تعني انك تتمني المحل لتستمر حكومتكم في السلطة.
الحل, يا محمد فرح لتنفرج حدة الغلاء على السكان, هو ان ترفع الدولة دخول موظفيها, و تفرض حد ادنى من الاجور على الشركات الخاصة لتدفعها للعاملين فيها و تكون تلك الاجور محسوبة بحيث تغطي كل تكاليف المعيشة من غذاء و سكن و ملبس و دواء و ترفيه للموظف و العامل والجندي في الجيش و البوليس و الجمارك و غير ذلك.
اما اذا لم تفعل الحكومة ذلك فان الاقتصاد سيراوح مكانه بل و يتدهور لانه اذا قل الصرف و الاستهلاك فلا مجال للانتاج و التجارة.
احسبوها صاح يا محمد, انخفاض اسعار الخضروات يعني دمار جزء مهم من الاقتصاد الوطني و افقار للمزارعين الاصلا هم فقراء.
| |
|
|
|
|
|
|
|
|
|
Re: كيلو الطماطم فقط 2ج .. الخرطوم تشهد إنخفاضاً هائلاً في أسعار الخضر (Re: بدر الدين احمد موسى)
|
بدر الدين أحمد موسى
تخياتي وشكراً على المداخله الدسمه دي
في قناة الشروق قبل ايام عبر برنامج مسرح على الهواء الذي كان بفناء صومعة القضارف قدم الممثلون مسرحية مزارع معسر لعدة أسباب منها إنخفاض سعر المحصول والزكاة والضرائب وووو
أحدهم شبه لي العمل بالزراعة في السودان بالقمار ومن الصعب عمل دراسة جدوى لمشروع زراعي حيث أن الأسعار مجهوله للجميع وهناك كثير من الأمور التي لايمكن حسابها أيضاً
في اعتقادي على هيئة المخزون الاستراتيجي تفعيل الياتها بما يخدم البلاد والمزارعين
بالنسبه للخضروات فدي محاصيل إنتاجها مابحتاج لموسم كامل وتباع اولاً بأول وفي إعتقادي إنو اغلب المزارعين يجنون ثمار ربحها والخساره فيها امر نادر
مؤونة عام من الود
| |
|
|
|
|
|
|
|
|
|
Re: كيلو الطماطم فقط 2ج .. الخرطوم تشهد إنخفاضاً هائلاً في أسعار الخضر (Re: علاء الدين حيموره)
|
طيب الطماطم الكيلو بـ 2 جنيه!!
يعني ناكلو زي التفاح نقرمو قريم ونمشي نشرب بيهو الشاي وناكلو عيش ونركب بيهو المواصلات وندفع حق المدرسة وبالمختصر المفيد نعمل بي كيلو الطماطم الـبي 2 جنيه اي حاجة!!!
الاريب/
ما تخليك موضوعي شوية يعني ما كعب انو الطماطم الكانت بي 20 او 25 جنية ترخص لحدي 2 جنيه المهم ان تتوفر للجميع بسعر ثابت طوال العام كدا نقول انك جبت الديب من ديلو اها الطمطم رخصت السكر الكيلو ب4 جنيه البنزل سعره شنو؟ اللبن سعر الرطل 2 ج ؟ الزيت سعر الكيلو 20 جنيه ؟
وعلي فكرة العبوة بتاعت السكر العشرة كيلو دي ما في متناول الغالبية العظمى وهي ب 32 ج والخمسة كيلو معدومة وعلي فكرة مراكز البيع المخفض دي ما لذوي الدخل المحدود.
يعني ما عاوزين نكتل ليك فرحتك بي كيلو الطماطم لانو الطماطم وجوده بقي زي عدمه ما فارق كتير..
يعني ما تنظر للمشكلة بي منظور طماطمي ..
| |
|
|
|
|
|
|
|
|
|
Re: كيلو الطماطم فقط 2ج .. الخرطوم تشهد إنخفاضاً هائلاً في أسعار الخضر (Re: سيف النصر محي الدين)
|
يامحمد فرح :
أها ما سمعت عنه من فساد في شركة الأقطان وهي تدخل الآن بالجزيرة في زراعة القطن بموجب عقود إحتكار مع المزارعين المغلوب على أمرهم ... راح تعمل شنو ؟ ليتك تتحرى عن نوع الفساد ، وحجمه ، والفاسدين ، وفتح بلاغات ضدهم ... لأن المتضرر الوحيد هو المزارع البريء ... وسيتحمل وحده منفردا سداد كل ضاع من أموال بسبب فساد منسوبي شركة الأقطان ... وهناك ألوف مؤلفة من المزارعين الذين أجبروا على توقيع عقود شركة الأقطان مصيرهم معلوم سلفا ... السداد أو السجن .... هل نتعشم فيكم بعد أن علمتم بفساد هذه الشركة أن تنقذوا هؤلاء المزارعين قبل بداية موسم الحساب المتوقع أن يكون في مايو 2012 م تقريبا .... منتظرين
الشفيع
| |
|
|
|
|
|
|
|
|
|
Re: كيلو الطماطم فقط 2ج .. الخرطوم تشهد إنخفاضاً هائلاً في أسعار الخضر (Re: ود الباوقة)
|
كم تكلفة
صحن صلطة الطمام
يعنى الزيت كم
الدكوه كم
البصل كم
الليمون كم ,,
ممكن تكتبوا الاسعار ,,,,,,,,, واضربوا قيمة الصحن في الشهر واطرحوه من الراتب ,,,
| |
|
|
|
|
|
|
|
|
|
Re: كيلو الطماطم فقط 2ج .. الخرطوم تشهد إنخفاضاً هائلاً في أسعار الخضر (Re: Siham Elmugammar)
|
Quote: صدق بيبعو بالكيلو !!!!!
قالو ليك انا قاعدة اشترى بالمية من جناين توتى
انا بشترى من سوق بحرى
والله بعد مداخلتك دى اشك بأنك بتخش السوق من الاساس
من يكتب بأسم محمد فرح؟؟؟ |
يا سهام , مضايقين ناس بحرى فى طماطمهم
عشان كدة اسعارها غالية
عشان كدة نطالب بدخول الطماطم كسلعة تموينية تباع بكرت السكن
عليك الله الكيزان الكضابين ديل قادرين تتعايشوا معاهم كيف فى بلد واحدة
هسة ناس الباوقة ومحمد فرح وجودنا معاهم فى البورد بس مجهجه باكاتنا
اميمة قالت ليك وينو حجك
| |
|
|
|
|
|
|
|
|
|
Re: كيلو الطماطم فقط 2ج .. الخرطوم تشهد إنخفاضاً هائلاً في أسعار الخضر (Re: احمد التجانى احمد)
|
الأخ محمد فرح
هل أتاك حديث الكيزان والخراف ..... جمع خروف .... مصدر موثوق افاد وعلى شاشات تلفزة الكيزان أن منسوبي الشيطان بعد أن أمتلأت خزائن بيوتهم المتعددة والمنتشرة على بواقي السودان ... وبعد أن أصبح بعضهم لا يعرف أرقام حساباته البنكية وكم فيها من رصيد أجنبي أو محلي ... قاموا أشتروا كل حي يمشي على أربعة .... وكان النصيب الأكبر للخراف ,.... طبعا الجدع والتني ..... دي لغة أهل السعية .... بعيدة تماما منكم .... جماعتكم أشتروا الخروف أبو 400 ج ب (800) ج ومنتظرين أن يرتفع ل 1700 ج أيام الحج والهدي ... أها السعودية من جارتها استراليا والصومال وباكستان وتركيا وسورية أكتفت ووفرت الهدي لكل زائر لها.... بعد أن عرفوا أن تكلفة السيد الخروف المسلم الكوز السوداني يساوي أضعاف سعر الخروف الكافر الاسترالي .....
وحاتك يامحمد زي ما بعنا الطماطم الكرتونة ب 10 ج وبالخسارة جماعتك الآن ببيعوا في الخروف بنصف قيمته الفعلية التي تم دفعها ... وأستعانوا بعلماء السلطان اللذين أفتوا بجواز شراء الضحية بالتقسيط ... وأنتشرت الإعلانات بالصحف اليومية تعلن عن أن شركة زيد تبيع الضحية بالتقسيط المريح .....
أها دي من بشريات نهاية العام 2011 م ..... خسائر لا نرضاها لمنتجي ومربي ومصدري ورعاة الأغنام لكن حتما ألقمت الكيزان حجرا كبيرا أن أحذورا المضاربة في قوت الشعب الذرة والسكر واللحوم ألخ
يالله بالله شوف لينا سعر الخروف بكم .....
الشفيع إبراهيم
| |
|
|
|
|
|
|
| |
محمد فرح
محمد عبد الماجد الصايم
حمد عبد الغفار عمر
صلاح غريبة
Siham Elmugammar
صلاح جادات
بدر الدين احمد موسى
Nasr
صديق الموج
احمد محمد بشير
محمد إبراهيم علي
Hisham Ibrahim
ناصر المحسى
علاء الدين حيموره
سيف النصر محي الدين
عمار عبدالله عبدالرحمن
احمد التجانى احمد
عبداللطيف حسن علي
فيس بوك
تويتر
انستقرام
يوتيوب
بنتيريست