|
هل تؤيد إعتزال هيثم مصطفي بنهاية هذا الموسم
|
اجريت علي صفحتي بالفيس بوك استفتاء حول إعتزال كابتن الهلال هيثم مصطفي كالآتي :
هل تؤيد إعتزال هيثم مصطفي بنهاية هذا الموسم : 1/أويد اعتزاله كرة القدم نهائياً . 2/ اري أن يلعب جزء من المباريات حسب حوجة الفريق . 3/ أؤيد استمراره في قيادة الفريق
|
|
|
|
|
|
|
|
Re: هل تؤيد إعتزال هيثم مصطفي بنهاية هذا الموسم (Re: زهير الزناتي)
|
النتيجة حتي الآن :
1/ 86 2/ 30 3/ 33
ملاحظة أخري أذا ما اعتبرنا ان الخيارين 2 و 3 مع استمرار هيثم مصطفي في الملاعب باي من الشكلين ... نجد ان الخيار الاول لا زال يتفوق ... أي أن الغالية لازالت تري بأن علي هيثم مغادرة الملاعب عدد الذين ادلوا باصواتهم : 149 من يري اعتزال هيثم : 57.7 % من يري استمراره : 42.3%
أو تقرأ : الاعتزال : 57.7% استمرار جزئي : 20.1% استمرارية : 22.2%
| |
|
|
|
|
|
|
Re: هل تؤيد إعتزال هيثم مصطفي بنهاية هذا الموسم (Re: زهير الزناتي)
|
Quote: / أؤيد استمراره في قيادة الفريق |
الزناتي ياحبيب طبعا لابديل لهيثم الان بأن يكون قائد للفريق لان القيادة في حد زاتها مشكله كبيرة داخل الملعب ( الليدر ) عندما يفقد الفريق هذه المسئولية داخل الملعب يفقد الفريق الكثير بعدين ياخي العافية درجات حتى ولو يلعب جزء من المباراة الى ان الناس تضع الثقة في القائد الجديد ( البديل ) وهذه هي سنة الحياة والتعامل بعاطفة في هذه الامور غلط لازم تكون هنالك رؤية فنيه تقيم هذه الموضوع يعني الهلال لو كان لعب الفاينل في البطولة (ابطال افريقيا ) هل كان سوف يكون نفس الخيار رقم (1) اكيد لا لان السودانيين من طبيعتهم يتعاملون تعامل لحظي فقط وبعاطفة كبيرة جدا ارى ذهاب الادارة هو الضروري والمفيد لنادي الهلال الان ولابديل غير الاداري المحنك ( طه على البشير )
| |
|
|
|
|
|
|
Re: هل تؤيد إعتزال هيثم مصطفي بنهاية هذا الموسم (Re: فايزودالقاضي)
|
سلام يا أبو الزوز وكل من يهمه أمر الهلال
تأييد كامل لبقاء هذا القائد الفذ بالملاعب لموسم أوأكثر
ومن ثَمّ يتم إبتعاثة لإحدى الدول الأوروبية لتأهيله ليكون مدربا على نفقة النادي
إذ من النادر جدا أن تجد لاعبا سودانيا أو رياضيا سودانيا يمتلك نصف صفات هيثم القيادية
والفنية. كما أنه يتميز بامكانية التأثير الإيجابي على اللاعبين
وفي النهاية دا سيدا
أرجو أن ينتبه أهل الهلال لما يحاك ضد هذا الهرم من أعداء الهلال
وأرجو يا زهير ألا تكون مثل هذه الإستفتاءات أرضا خصبة لهؤلاء
كن بخير
| |
|
|
|
|
|
|
Re: هل تؤيد إعتزال هيثم مصطفي بنهاية هذا الموسم (Re: سامي عبد الوهاب إدريس)
|
Quote: سلام يا أبو الزوز وكل من يهمه أمر الهلال
تأييد كامل لبقاء هذا القائد الفذ بالملاعب لموسم أوأكثر
ومن ثَمّ يتم إبتعاثة لإحدى الدول الأوروبية لتأهيله ليكون مدربا على نفقة النادي
إذ من النادر جدا أن تجد لاعبا سودانيا أو رياضيا سودانيا يمتلك نصف صفات هيثم القيادية
والفنية. كما أنه يتميز بامكانية التأثير الإيجابي على اللاعبين
وفي النهاية دا سيدا
أرجو أن ينتبه أهل الهلال لما يحاك ضد هذا الهرم من أعداء الهلال
وأرجو يا زهير ألا تكون مثل هذه الإستفتاءات أرضا خصبة لهؤلاء
كن بخير |
سامى انت زول فاهم الشغلانيه صاح لكن المحتار ليهو وبهذا الفهم الرياضى كيفن بتشجع المريخ > لوووولز
| |
|
|
|
|
|
|
Re: هل تؤيد إعتزال هيثم مصطفي بنهاية هذا الموسم (Re: طارق الكوتش)
|
Quote: اكيد يا كوتش هيثم دا لاعب كبير و ما ممكن يشطب مع جوقة لاعبين ، أكيد لاعب زي هيثم سوف يتم الاتفاق معه ليكون شطبه بطريقة تحفظ له مكانته الخاصة و ما قدمه للهلال من عطاء. |
اكيد يا الحاج ... وعملية الاعتزال ده بحددها هيثم.. فلاعب وصل مرحله فى حب الهلال كبيره جدا وقدم تضحيات لا تحسب ولا تعد ... واكيد لو هو شائف مصلحة الهلال فى ذهابه ، اكيد سوف يذهب ومن نفسه .. فالتعامل مع امثال هيثم مصطفى لا يتم بهذه الصوره ،، وعندنا امثله سابقة كتيييره مشابهه منهم طارق احمد آدم ، على قاقارين وغيرهم وهم وحدهم الذين حددوا موعد تركهم للكره وبدون اى ضغوط وكان قرارهم مبنى على مصلحة نادى الهلال معشوقهم الاول و الاخير ... + هيثم مصطفى يحتاج وفى هذه السنه المعتقة الى مدرب شاطر يرسم الادوار لكل الفريق ويحدد كيف ومتى يستفيد من خدمات البرنس >>> فالاعب وعلى حسب وجهة نظرى المتواضعة قادر على العطاء على الاقل فى هذا الوقت الحرج و الذى يمر به نادى الهلال > لاننى ذكرت اعلاه الشطب فقط لـ 7 لاعبين واكيد هنالك الكثير من هم اسوى من هيثم مصطفى وبمراحل
تحياتى
| |
|
|
|
|
|
|
Re: هل تؤيد إعتزال هيثم مصطفي بنهاية هذا الموسم (Re: طارق الكوتش)
|
كتب الأخ طارق الكوتش
Quote: سامى انت زول فاهم الشغلانيه صاح لكن المحتار ليهو وبهذا الفهم الرياضى كيفن بتشجع المريخ > لوووولز |
كلامك صاح مية المية
بس منو القال ليك بشجع المريخ
أكيد خلطت بيني وبين الأخ الأكرم سامي عبد الوهاب مكي
يا زول أنا الهلال دا عشقي الأول في عالم هذه المجنونة
كن بخير
ويا أبو الزوز كمل الموضوع دا ووصلو أخرو وما تفكو عكس الهواء كدا
| |
|
|
|
|
|
|
Re: هل تؤيد إعتزال هيثم مصطفي بنهاية هذا الموسم (Re: سامي عبد الوهاب إدريس)
|
سلام سيد البوست سلام هلالاب ومريخاب و ... ( سودانياب ) الأخيره دي الزي حالتي أنا دي
زمان كنت بشجع المريخ ... والهلال بشجعه بس لما يكون لاعب بإسم السودان زي ما بشجع الموردة وأي فريق تاني بيلعب بإسم السودان ..
وبعد فضيحة شمال إفريقيا .. الخمسات والستات من الأ÷لي القاهري ومن فرق تونس والجزائر
وقفت تماماً تشجيع المريخ
بقيت سودانياب وبس .. يعني هسي دي
أنا لا هلالابي ولا مريخابي (إلا في حالة لعبهم بإسم السودان )
حزنت جداً للخروج المُزري ... وأكرر ـــــ المُززززززززري للهلال هذه المره
المريخ أهو من أولها وقال يا فكيك وقعد في السَهَلَه ديي
في مسألة الكابتن الكبير
هيثم مصطفي
كزول بسيط لعب كورة في يوم من الأيام وبيفهم فيها شويييييييية بقول
حقَ لهيثم أن يعتزل الآن إحتراماً لتاريخه الكبير في كرة القدم السودانية ( الهلال والفريق القومي )
في آخر ثلاثة مباريات للهلال من الملاحظ إنو فريق الهلال العظيم بيلعب كورة سمحة شديد بمجرد خروج الكابتن هيثم مصطفي من الملعب ..
وده بيعني بإنو أسلوب لعب الكابتن هيثم مصطفي في وسط الملعب كان (شالي) الفريق تماماً ...( شالي من شلل )
وعليه أتمني من الكابتن هيثم مصطفي كرار أن يعلن عن إعتزاله الآن وأن يحدده بنهاية هذا الموسم وهذا سيكون فيه شرف كبير له وللكرة السودانية
| |
|
|
|
|
|
|
Re: هل تؤيد إعتزال هيثم مصطفي بنهاية هذا الموسم (Re: سامي عبد الوهاب إدريس)
|
يا شباب والله آسف البوست ده الظاهر عليهو سقط من ذاكرتي رغم اهميته لكن معليش نواصل معاكم ...
نتيجة الاستفتاء حتي الآن :
99 مع االإعتزال النهائي 32 مع الإعتزال الجزئي 39 مع الإستمرارية ...
اعتقد ان الآراء الفنية زي راي طارق الكوتش اكيد بتختلف من آراء الناس المشجعين العاديين ... يعني دائماً استطلاعات الرأي بتعبر عن الرأي العام وممكن يكون ما سليم فنياً ... لكن برضو نحن بنتكلم عن رأي الجمهور لأنه عنده أهميته بالذات في كرة القدم التي يعتبر المشجع اهم عنصر فيها ...
| |
|
|
|
|
|
|
Re: هل تؤيد إعتزال هيثم مصطفي بنهاية هذا الموسم (Re: khaleel)
|
Quote: اعتقد ان الآراء الفنية زي راي طارق الكوتش اكيد بتختلف من آراء الناس المشجعين العاديين ... |
يا زول الكوتش ده ما عندها علاقة بشغلانية تدريب كورة القدم.. طارق الكوتش مشجع كوره وبتاع تنظير وونسه ساااااى ..................... بس ده ما بمنع انو اغلبية المشجعين هم اكتر الناس البفهموا كوره ، واتمنى ان اكون من ضمن هؤلاء .
تحياتى يا زهير
.....
يا سامى آسف فعلا حصل لى لبس فى الاسم .. احتراماتى يا جميل
| |
|
|
|
|
|
|
Re: هل تؤيد إعتزال هيثم مصطفي بنهاية هذا الموسم (Re: طارق الكوتش)
|
Quote: اكيد يا كوتش هيثم دا لاعب كبير و ما ممكن يشطب مع جوقة لاعبين ، أكيد لاعب زي هيثم سوف يتم الاتفاق معه ليكون شطبه بطريقة تحفظ له مكانته الخاصة و ما قدمه للهلال من عطاء. |
كلامك سليم ياحاج حمد وفي النهاية سوف يعامل بنفس الثاقفة التي عاملو بها جمال الثعلب في اعتزاله ياجماعة العله الان في الادارة مشكلة اللعيبة بسيطة
| |
|
|
|
|
|
|
|