|
Re: عشم الواطا البتّق (Re: محمد المرتضى حامد)
|
Quote: يا طعم الفرح المافى معاها قاعدين فوق جمرنا يا ضو السعد الجافى |
أستاذ أبو ذر بابكر
سلام
تسلم يا مبدع
واتزكرت تجليات العميرى الله يرحمو
ليكـ مليون ألف حق تخـافى
جبت ليكـ شبط هَـدية
وأنا طول عمـرى حافى
فأنثرنا متى ما شبا فيكـ حِـس الحنين
وأطلى الحرف حزناً واشتياق... فتلاوة الاحزان جهراً .... تحلو وتستقيم
محمد الفاتح خالد
| |
|
|
|
|
|
|
Re: عشم الواطا البتّق (Re: محمد المرتضى حامد)
|
المرتضى
الزول الضو ويا البيك نور اقليمك
كيفنك ياخى وعساك زى ما بتشتهى وتتمنى
ياهو الكلام والله يا محمد البخرج من بين القلب والمصائب من بين الروح والعجائب
شوفتك هلال عيد يا صاحبى السمح وجيتك نسيم مارق من تالا الضفة ديك بعد ما غشى الجروف
ان شاء الله دائما عليك اخدر
ومبتق
| |
|
|
|
|
|
|
Re: عشم الواطا البتّق (Re: أبوذر بابكر)
|
فانوس ضلمتنا والله مشتاقين ولي كلامك الساهل وصعب بسيط وعميق ولي المتعة البنتمطقا يازول محب بنحبك ابد ووتفرهد لهفتنا في المسافة الفاصلة بين شوقنا وانتظارنا مودة صافية زمحبة ابدية
| |
|
|
|
|
|
|
Re: عشم الواطا البتّق (Re: محمد سنى دفع الله)
|
لى هسه بغنو يا محمد
يا يابا يا السنى يا السنى طمنى
والطمأنينة تبدا من نواحى القبة ديك قريب من خد البحر وين ما راقد ابونا سعدابى وجيرانه وحيرانه
تتمد الطمانينة وتسرح تدى الجروف الخدار وتفتح للناس ابواب النهار
وتنتهى عندك يا زول يا فنان
وبيك ومعاك نطمئن
انه لسه الدنيا مليانه حاجات سمحة
وتبتق براعم الفرح اللخدر
زيك
| |
|
|
|
|
|
|
Re: عشم الواطا البتّق (Re: أبوذر بابكر)
|
Quote:
يا عشم الواطا البتّق اقعد واصبر معانا نادى الغيم البدا يتفرق قول لى الفرحة مستنين هطولك قول للغيمة عليكى النيل عليكى الشدر الشال الحفه عليكى الشوق الهد الحيل عليكى الموج الحِرِد الضفه عزى خِسامة الوجع المدفق يا فرح الواطا البتق عليك الوجع المالى الليل قول لى الرذاذ الأبا يغشانا كفاك
|
كفك: جياب الشاردات ..
ذكركم في الخاطر ..
أشواق كثيرة لك وللكل...
___ آمنة: كيفنهاو...شن بتسو؟؟
سلام زي دفا الحضن الحريف !!
جورج .. فيما يزال
لك المودة
| |
|
|
|
|
|
|
Re: عشم الواطا البتّق (Re: جورج بنيوتي)
|
جورج
كفك موطن الغيمات
ما قاعد اتذكرك
عارف ليه ؟
شان ما قاعد انساك
قاعد ومتحكر جوه مسام الريده الريده ديك الإنت عارفها لا بتفوت ولا بتموت
والأشواق والله يا جورج اشد من حقة عمر البنا ديك ال دموع شهودا
آمنة فى امان الله تريانه بيها دنيانا ونديانه بيهاوبى اخوانا
ابى مارق ياخ
امرق اسقينا
| |
|
|
|
|
|
|
Re: عشم الواطا البتّق (Re: أبوذر بابكر)
|
Quote: يا عشم الواطا البتّق اقعد واصبر معانا نادى الغيم البدا يتفرق قول لى الفرحة مستنين هطولك قول للغيمة عليكى النيل عليكى الشدر الشال الحفه عليكى الشوق الهد الحيل عليكى الموج الحِرِد الضفه عزى خِسامة الوجع المدفق يا فرح الواطا البتق عليك الوجع المالى الليل قول لى الرذاذ الأبا يغشانا كفاك قول للقمر الشد شراع العتمة وعدْل الدفه خلى البت الساكنه دمانا تفِج السكه وتمرق تلفح توب الإلفة تجينا معاك
|
صديقي اباذر صباح الخير عليك بقادي
صباح الجمال والحرف الندي..
شكرا ,,,,,
لونت مسائي بهذا القوس قزح.
| |
|
|
|
|
|
|
|