|
Re: نص للبنيه الهاربه (Re: هاشم عبداللطيف)
|
Quote: دي أنايمكن شفتها في الأبيض ذات خريف
ناصر يوسف حبابك بهنا |
وللأبيض أشواق بعد رمالها
هاشم عبد اللطيف إزيك ياخ وسعيد بطلتك هنا
وهذه البنت التي قد هربت من جحيمي الذي لا يُطاق أظنها وقد توارت وأندست بين ثناياها هي وتركتني أفتش عنها هنا وهناك سنين عددا
| |
|
|
|
|
|
|
Re: نص للبنيه الهاربه (Re: منال)
|
Quote: ناصر يا سيد الحروف والاحساس النبيل
قايلاك حتقول ضايعه ليها سنتين
مودتى ياغالى ,, |
فرز الكيمان في الحاله دي واجب يا بت العم
إنتي حقك برااااااه كمان .. يا السافرتي مني بعيد وما خليتي حتي الصورة
منال يا قلب .. ليك الأشواق تتري وكفي ..
وإن لم تكفيكي أشواقي فهاتي دنك لأسكب فيه مداداً من دمي وشجوني وآلامي وسهري ولوعتي التي تعرفين
منال .. يا بت العم ..
تسلمي .. تسلمي كتير يا حبوبتنا التي وقد جاءت في صورةٍ حضارية
أو كما قال صديقنا المشترك مهند الرباطابي
| |
|
|
|
|
|
|
Re: نص للبنيه الهاربه (Re: Ahmed musa)
|
Quote: ياسلااااااااااااااااام حضوركـ كان مُهم ناصر أخوي كلام يهابش في العصب يمرقكـ كما عاطف خيري على المطر حفيان تشم الخريف ... وتقعد على قيف الإنتظار تبكي ...و تبكّي البحر الله ...!!!!
|
ياااااااااااااه
الأفوكاتو الزول الفنان
أحمد موسي
كيفك يا صديقي في درب الوجع الأليم
وعبرك التحايا لهذا الذي وقد جاء قبل ميقاته
دفعتي الجميل
عاطف خيري
ويا زولي القبيل والهسي ولا باكر
وكتين تمرق منك بنيه في نص نهاراتك جحيم تقعد تزازي ما بين الخلوق .. تفتش تفتش تفتش تفتش فيها لامن نعلاتك يكبرن من كراعاتك أو كما قال أستاذنا الدوش عليه رحمة الله وبرررضو ما تلم فيها ولا تلاقي عيون بتشبه بس رموش عينيها ياخي ما فضل ليك غير إنك تتحزم وترجي الراجيك أو ... ترجي الله وتنده عليه وتقول .. يا الله .. الله حييييييييي
تسلم كتير أخوي وأنا في شوقي ليك وبس
| |
|
|
|
|
|
|
Re: نص للبنيه الهاربه (Re: منال)
|
يا سلام عليك إنتي يا بت عمي هذا العاطف عبد الحي صديق وأخ حبيب ورفيق عمر عاطف أعتبره وغيري عبارة عن مكتبة للإذاعة السودانية يحفظ كل الغناء السوداني السمح شاعر الأغنية وملحنها وتاريخ تسجيلها للإذاعة السودانية الأم وحتي تاريخ غناء الأغنية كأول مرة عبر الإذاعة قبل تسجيلها تسجيلاً رسمياً
أذكر في يوم من أيام التذكر كنا أنا وعاطف وعوض أحمودي الصديق الأخ والحبيب الآخر وصديقي خالد الفنوب ذهبنا أربعتنا لوداع العملاق محمد عثمان وردي قبل توجهه إلي الدوحه لإجراء العملية بيوم واحد فقط وكان وردي يشكو من علة في عصب الرجل ولا يستطيع الجلوس أو المشي لفترة طويلة وكان طبيبه يرافقه وكان من المفترض أن نجلس معه لفترة 5 دقائق فقط وعندما بدأ عذب الغناء ينساب ... إغرورغت عينا الأستاذ محمد عثمان وردي والغناء يتساقط زخات زخات علي الجلسة وبعد أن أدي هذا الثنائي المدهش أغنية الود بنفس الأسلوب القديم تنهد وردي عميقاً وقال بنشوةٍ بالغة
الله الله الله عليكم يا شباب .. بالله المجانين ديل جبتهم من وين يا ناصر ؟؟ أنا كنت مفتكر بإنو كل الشباب بيستسهل الغناء البسيط ويسترزق بيه لكن طالما في السودان شباب زيكم بيحفظ ويأدي الغناء الصعب ده .. فيبقي السودان بألف ألف خير .. بارك الله فيكم يا شباب وربنا يحفظكم
عاطف برغم ما يتمتع به من فن أصيل إلا أنه يظل قابعاً تخت حدود خط الفقر وهو لا يعرف في حياته شيئاً غير الغناء وهو أبٌ لبنت وولدين ...
له التحية عبرك أيتها النبيله
| |
|
|
|
|
|
|
Re: نص للبنيه الهاربه (Re: ناصر يوسف)
|
Quote: يا سلام عليك إنتي يا بت عمي هذا العاطف عبد الحي صديق وأخ حبيب ورفيق عمر ... ... ... له التحية عبرك أيتها النبيله |
منال سميناها رضينا ... ... ... ناصر تسلم يا الحبيب
| |
|
|
|
|
|
|
|