|
لا تصالح
|
انغرزت السكين فوصلت اللحم الحي الجو محتقن محتقن شديد خالص الشعب ساخط وواصل الحد
البسطاء الذين لايعرفون ماهية السياسه والحديث عنها بيفهموا انهم اقلاه يقدروا ياكلو ويشربوا ويعلموا اولادهم يمكن ببعض المعاناه مامشكله لكن ان يقفوا عاجزين عن سد رمق اطفالهم بكباية حليب وقع اهل السلطه والتسلط في المحظور والموجع انهم عاوزين الناس تصبر علي الجوع ومش كده وبس معاها نبذ وقلة ادب شحادين ... عواليق ... ######انين ...الحسوا كوعكم . طيب لو ولدي او بتي قالوا الكلام ده بقدر احوشهم؟؟!! سامعنها بي اضنينهم وشايفنها بي عيونهم راس السلطه بيقول الحسوا كوعكم .
|
|
|
|
|
|
|
|
Re: لا تصالح (Re: نجلاء قرافي)
|
شوية مواطنين في شارع الستين قبل كمين زمن كده طلعوا محتجين علي كثرة الحوادث في نقطه معينه في الشارع بين ليله وضحاها جو المسئولين ليسوا الاشاره نزولا عند طلب المواطنين لادراسات لاتخطيط لا امشي لاتعال بس خوفه ليسوها وفرتقوا .
| |
|
|
|
|
|
|
Re: لا تصالح (Re: نجلاء قرافي)
|
اهل بري المويه قاطعه فتره من الزمن طلعوا مطالبين بالمويه جاء مسئول من كبار القوم وقال ليهم البلوفه كانت مقفوله والقفلها معروف لدينا هو المعارضه . عرفوها كيف اكيد بالبصمات شالوا بصمات الزول الاسمو المعارضه مقارنه مع البصمات الموجوده ع البلوفه وطلعت النتيجه بوستيف . شفتوا كيف؟
| |
|
|
|
|
|
|
Re: لا تصالح (Re: نجلاء قرافي)
|
واحد مدعي انه اكوز من الكيزان نفسهم قال شنو انه البلد حصل فيها غلاء لانه الناس بقوا كتار ..انه المضحك المبكي .
| |
|
|
|
|
|
|
Re: لا تصالح (Re: نجلاء قرافي)
|
يا نجلاء ....
ود الباوقة قال ليكم: دي حالة عارضة ..... وكل ما عليكم، إنكم تجوعوا سنة واحدة .... أصبروا على الجوع سنة واحدة .... بس المهم خلوهم في الحكم.
| |
|
|
|
|
|
|
Re: لا تصالح (Re: محمد أبوالعزائم أبوالريش)
|
Quote: ود الباوقة قال ليكم: دي حالة عارضة ..... وكل ما عليكم، إنكم تجوعوا سنة واحدة .... أصبروا على الجوع سنة واحدة .... بس المهم خلوهم في الحكم. |
في بني ادم بيقدر يجوع سنه كامله الديناصور مابيقدر يتحمل واذناب النظام ديل قول ليهم يستحوا يرحمكم الله
| |
|
|
|
|
|
|
Re: لا تصالح (Re: نجلاء قرافي)
|
من الملاحظ فى الفترة الأخيرة,,
زيادة فى نسب الإعتداء على المال العام رجوعا لنظرية الشغلانة دى إحتمال تطير مننا!!! فلو طارت أهو خمينا البنقدر عليهو وإن بقى ما طارت ترانا قاعدين مواصلين.... فأخمش وخم ما أمكن الدنيا دوارة والبلد حريقة فيها,, فقه التمكين بقى فقه الإغتناء وليس فارقا حلاله من حرامه,,
يطرح بنك السودان كميات ضخمة من العملات الأجنبية ومن دقنو وأفتلّو والجماعة نفسهم يخموها ولو بسعر أعلى تحسبا للقادم لذلك تجد من يدفع أكثر من السوق فقط لضمان حفظ الأموال ,, لأنو ما داقى فيها حجر دقش ففى ظرف وجيز تغير الحال إلى حال من التخمة والغنى الفاحش!!!!
الرجفة تضرب النظام عند تحرك أى مجموعة من المواطنين مهما كانت بسيطة فمعظم النار من شرارة صغيرة قد تشعل الأرض تحت أقدامهم ,,,وقد تطير معها رؤوس..
تحياتى يا نجلاء..
| |
|
|
|
|
|
|
Re: لا تصالح (Re: أيمن الطيب)
|
ايمن سلام
في طغيانهم يعمهون واذا طال الزمن ولا قصر ليهم يوم وكل الاذناب البتجي تجقلب هنا ستكف عن الهز أو تنقطع .
| |
|
|
|
|
|
|
Re: لا تصالح (Re: نجلاء قرافي)
|
اهالي الحامداب في محنتهم وصبرهم العفيف
علي شظف العيش والحاله العوجه بيقول ليهم انتظروا حسنين جايي يصلح البوابير ...وحسنين ماجاء . وين انت ياحسنين . البيعرف حسنين عليكم الله اليورينا .
قال حسنين قال .
| |
|
|
|
|
|
|
|