|
Re: إزدهار جمعة تختار خيار السجن وتسلم نفسها الان (فيديو ) (Re: صديق الموج)
|
الاخت نجلاء لك التحايا واشكرك على جهودك في العمل الطوعي ومساعدة الآخرين بالنسبة للجزئية بتاعت ازدها لقد تابعنا المقابلة معها وهي في عربة الامجاد متوجهة نحو سجن النساء برفقة طفلتها اسئلة عديدة تطرح نفسها :
السؤال الأول : هل ازدهار الآن في سجن النساء؟ السؤال الثاني: ما هو مصير طفلتها هل تقبع معها داخل السجن ؟ السؤال الثالث: هل فعلا اسباب السجن هو رفضها لتولي وزارة ؟
حقيقة الرواية ما بتخش الراس الرجاء توضيح اكثر وإفادتنا بتطورات هذه القضية هل وصلت السجن فعلا ولا عادت (حتى تكتمل الصورة)
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: Shawgi Sulaiman)
|
Quote: السؤال الأول : هل ازدهار الآن في سجن النساء؟ السؤال الثاني: ما هو مصير طفلتها هل تقبع معها داخل السجن ؟ السؤال الثالث: هل فعلا اسباب السجن هو رفضها لتولي وزارة ؟
|
الاخ معارض المعارضة سلامات
س (1) ازدهار فى المقر الصيفى الخاص بها فى هاوى س(2)دى ما بتها ..دى بت مؤجرة ع حساب المعارضة س(3)اسباب السجن شيكات من غير رصيد وخلوة غير شرعية مع نظام فاسد..
بالله يا شوقى عارض المعارضة دى لامن المعارضة تامن وبينى وبينك انا شخصيا شاكى انو نجلاء دى تكون شبح ساااى ليوم الليلة مافى زول شاف نجلاء
اكان ما مصدق اسال محمد فرح وللا فدوى الشريف
وشكرا
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: نجلاء سيد أحمد)
|
Quote: سلام عفوا لديا مهام اخرى .يمكنك الذهاب لجهاز الامن ويديك المعلوم .
|
الاخت نجلاء لك التحية اعتقد هذا تهرب واضح من اسئلة مشروعة انتي تعرفي جهاز الامن اكثر مني لقد اوردتي خبراو مقابلة ومفروض ببساطة أن تجيبي بأن المذكورة موجودة في بيتها او في السجن . اعتقد هذه اسئلة لا تحتاج لجهاز أمن او غيره .
نرجوا الاجابة على الاسئلة المطروحة حتى نتضامن مع الزولة دي.
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: Shawgi Sulaiman)
|
الباسله ازدهار جمعه
تحية اجلال وتقدير
هنا السجن احب اليك مما يدعونك اليه من تقاسم ونهب اموال الشعب بوزارة او سفارة
الخزي والعار علي حكومة القتل والدمار
شوقي ازدهار بنتها سوف ترعاها حكومة المؤتمر الوطني اصلو في دولة الاسلام التي يبشر بها عصابة الخرطوم الحقوق محفوظة
تعرف مرات في اسئلة عجيبة لا تجد لها اجابات
طيب يا شوقي الناس ديل فصلو ردل وزوجته من بنك الخرطوم الناس دي عندها اطفال تقابل الايام النجسه المرة كيف؟؟
تحية يا نجلاء وواصلي همتك ونشاطك وعين الله ترعاك
انظري حال السيدين واقفين وين وقد دخلوا للمشاركة تلبية لاجندة وطنية
مثل معاناة اهل الهامش واعتقال ازدهار جمعة ليس في اجندة الميرغني ولا المهدي ؟
عجبي
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: Shawgi Sulaiman)
|
Quote: الاخت نجلاء لك التحية اعتقد هذا تهرب واضح من اسئلة مشروعة انتي تعرفي جهاز الامن اكثر مني لقد اوردتي خبراو مقابلة ومفروض ببساطة أن تجيبي بأن المذكورة موجودة في بيتها او في السجن . اعتقد هذه اسئلة لا تحتاج لجهاز أمن او غيره .
نرجوا الاجابة على الاسئلة المطروحة حتى نتضامن مع الزولة دي. |
الاخ شوقى التضامن مع الزولة دى بتبنى على الثقة وانت مشكك .
انا انت رجوتنى ان اجب على الاسئلة المطروحة وانا اعتزرت عن الاجابة وتركت لك الخيار ولك ان تجتهد حتى تتضامن وانا عكست ماهو حقيقى بالصورة وغير مطالبة باكثر من هذا
لم اعمل لدى جهة حتى تحدد مسارى اعمل وفق المتاح ولك ان تخدم متابعين البوست بعكس الاجابات من مصدرها (الامن )
لكم فايق احترام
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: محمد النيل)
|
Quote: سلام عفوا لديا مهام اخرى .يمكنك الذهاب لجهاز الامن ويديك المعلوم .
|
نتمنى ان لا نكون قد عطلناك لكن لو عندك مهام اخرى ذي التسجيل الجبتي انا ارى ان توفري وقتك فهذه مواضيع مبتورة وغير دقيقة اتمنى ان تتاكدي من اي معلومة تردك واتمنى احترام عقول قراء سودانيس اون لاين حتى لا يفقد مصداقيته
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: على زين العابدين)
|
Quote: الاخ شوقى التضامن مع الزولة دى بتبنى على الثقة وانت مشكك .
|
الاخت نجلاء معليش سامحينا عطلناك . رفضك الاجابة على الاسئلة المطروحة من دخل الشك في نفسي كان الاحرى بك ان تجيبي وبصورة مباشرة لكنك تركتي ذلك ووجهتينا باللجؤ لناس الامن . اعتقد اجابة لم يحالفك التوفيق فيها . على العموم تظل هذه الاسئلة قائمة حتى تنجلي الحقيقة . ما شاهدته زولة قاعدة في امجاد تزعم بأنها ذاهبة لتسليم نفسها لانها رفضت الوزارة . سؤال هل هذه الامجاد تخص الأمن والى اين انتهي هذا المشوار هل تم استلامها وطفلتها وهي الآن في السجن نرجوا الافادة إن سمح وقتك ولو مشغولة الآن سننتظرك حتى تعودي ، لكن ستظل هذه الاسئلة قائمة واعتقد مشروعة .
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: على زين العابدين)
|
يا شوقي سليمان
Quote: نتمنى ان لا نكون قد عطلناك لكن لو عندك مهام اخرى ذي التسجيل الجبتي انا ارى ان توفري وقتك فهذه مواضيع مبتورة وغير دقيقة اتمنى ان تتاكدي من اي معلومة تردك واتمنى احترام عقول قراء سودانيس اون لاين حتى لا يفقد مصداقيته |
ياخي الفيديو قدامك، ونجلاء تضيف شنو تاني عشان المنبر ما يفقد مصداقيتو؟؟
الفيديو مافيهو معلومة عشان نجلاء تبترها او تجيبها ناقصة، الفيديو في تصريح، تصريح من سيدة اثبت من الجبال خليك من الرجال
بعدين المنبر ما يفقد مصداقيتو كان ما قادر يتحمل فيديو فيهو سيدة سايقة طفلتها وماشه السجن برجلينا؟؟
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: أحمد ابن عوف)
|
Quote: الفيديو مافيهو معلومة عشان نجلاء تبترها او تجيبها ناقصة، الفيديو في تصريح، تصريح من سيدة اثبت من الجبال خليك من الرجال
|
الاخ احمد ابنعوف لك تحياتي
ياخ نحن بس عايزين نتأكد الامجاد وقفت وين وتم شنو بعد ما وصلت سجن النساء هذا هو البتر الانا بعنيه اكيد الاخت نجلاء متابعة لو الزولة دي دخلت السجن او لا
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: أحمد ابن عوف)
|
Quote: اخي الفيديو قدامك، ونجلاء تضيف شنو تاني عشان المنبر ما يفقد مصداقيتو؟؟
الفيديو مافيهو معلومة عشان نجلاء تبترها او تجيبها ناقصة، الفيديو في تصريح، تصريح من سيدة اثبت من الجبال خليك من الرجال
بعدين المنبر ما يفقد مصداقيتو كان ما قادر يتحمل فيديو فيهو سيدة سايقة طفلتها وماشه السجن برجلينا؟؟
|
تسلم اخى احمد وشكرا على التوضيح
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: Shawgi Sulaiman)
|
Quote: نتمنى ان لا نكون قد عطلناك لكن لو عندك مهام اخرى ذي التسجيل الجبتي انا ارى ان توفري وقتك فهذه مواضيع مبتورة وغير دقيقة اتمنى ان تتاكدي من اي معلومة تردك واتمنى احترام عقول قراء سودانيس اون لاين حتى لا يفقد مصداقيته |
شكرا على النصايح ودى مامعلومة دا فيديو صوت وصورة وانا ما بخت روحى فى محل الرهيفة شفتنى جبت تسجيل مفبرك والمنبر يشهد
ولو الطلب كان من باحث حقيقة كانت مشيت هسع للتاكيد بس لحرف البوست عشان كدا بقول ليك ممكن تضرب تلفون لناسك بتلقى عندهم الحقيقة وتعرف الشامخة ازدهار هى متواجدة وين ؟
وانت تعرف لو الكلام دا ماحقيقة كان كل اتباع النظام احتلوا البوست بس دى بتلقاها عند الغافل واحب اقول ليك ماتشيل هم على مصداقيتى وانا احترم كل العقول
التحية للنخلة الشامخة ازدهار جمعه فى صمودها امام كل المهددات
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: أحمد ابن عوف)
|
Quote: ولو الطلب كان من باحث حقيقة كانت مشيت هسع للتاكيد بس لحرف البوست عشان كدا بقول ليك ممكن تضرب تلفون لناسك بتلقى عندهم الحقيقة وتعرف الشامخة ازدهار هى متواجدة وين ؟
|
يا نجلاء ما تكوني زعلتي الموضوع كان بسيط وإجابته ابسط لكن لأنك تعلمي الحقيقة جيدا عشان كدا اجابتك مموهة وما واضحة . اما الحتة بتاعت اضرب تلفون لي ناسي طبعا دي شماعتكم او حيطتكم القصيرة لتشتيت الحقيقة وطبعا دا اسلوب افلاسي بحت ولأن الحقيقة لا تصب في مصلحة توجهك السياسي المبتزل .
تعرفي انا ابتديت اشك في أن معارضة الكيبورد دي مؤتمر وطني لأن كلما تأتون به يصب في مصلحة المؤتمر الوطني حتى الغرب اصابه اليأس في هذه المعارضة الغرب يتربص بالسودان وبفتش في بوستات ذي بتاعتك دي لكن للاسف كلها يجدها ضعيفة ومحاكة بصورة هذلية. حتى البوست بتاع نافع الفرحوا بيهوا ناس المعارضة يصب في مصلحة المؤتمر الوطني بمعني اصبح لا وجود لغرف اشباح واي زول ممكن يقول وجهة نظروا دون خوف او تردد.
عموما وحتى لا ينحرف البوسنت ذي ما قلتي خلي اجابتك واضحة ومحددة الزولة دي جوة ولا برة في ناس كتيرة عايزة تعرف الحقيقة.
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: Shawgi Sulaiman)
|
هسي شوقي ده لو لا يريد صرف الناس عن القضية الاساسية
اذا عرف ازدهار جوه او بره ماذا يكون موقفه ؟؟
مع العلم ان ازدهار قالت انها اعتقلت تسعه مرات
والان بالمعتقلات كميات من اهلنا ؟
هل يريد اسماء ام مكاتب الجهاز ؟؟
ما هو دورك لطفلة ازدهار اذا تيقنت انها معتقله ؟؟
غايتو ناس الصاوي حامج واخوه حامد بالغو وعبد الكريم ميرغني رحمه الله لا يعلم ان ابنه كمال كان صديقك او مرشدك في الطفولة
غايتو شلتك ناصعة في الدراية والفهم ؟
سوف اتصل بالصاوي حامد ربما يستطع افهامك بلغة غير ما نتحدثها ؟؟
خلاص نسيت موضوع ناهد الان مقبل علي نجلاء والشامخه ازدهار ؟؟
انت ما تترصد بمصادرك هل الخبر صحيح ام كاذب وبعد ذلك تاخذ زمن الناس في هذه المحاججه الممله ؟؟
معارض للمعارضه حقيقي ؟؟؟؟
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: Shawgi Sulaiman)
|
Quote: اما نجلاء اتمنى ان لا تسلك طريق ناهد خصوصا بدأت تلمح لي اني امنجي حجج الافلاس المستهلكة دي لكن اوعدك سأظل هنا لحدي ما تورينا المناضلة نجلاء الي اين انتهت ازدهار. |
يا أخ شوقى اعتذر ليك لو انت مامؤتمر وطنى بس من حوارك مع ناهد افتكرت كدا عشان كدا ردى الفوق دا مبنى على الفهم السابق
ياخ البوست دا مفتوح فى منبر عام ولك كل الحق ان تظل تكتب حتى الارشفة بس اوعدك فى البوست دا ماحاكتب حرف عن ازدهار يعنى اقامتك حتطول
عشان فى تقديرى الشخصى البوست دوره انتهى وهو ان ازدهار سلمت نفسها بعد ما امهلت 24ساعة وعليها ان تختار بين اثنين لا ثالث لهم الوزارة ام السجن بعد داك الحصل شنو دا موضوع تانى
ومع فايق الاحترام
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: نجلاء سيد أحمد)
|
لعناية .معارض المعارضة شوقى ....نشوفك يوم الاحد ..
Quote: تم إطلاق سراح إذدهار جمعه (عضو المكتب السياسي الانتقالى/ومكلفة الأمين العام فى المناطق غير المحرره) بعد 15 ساعه قضتها إحتجازا بمبانى الجهاز توطئه لترحيلها لسجن النساء..وبعد تلك الساعات الطويله من الترهيب والترغيب تم السماح لها بالعوده للمنزل على ان تحضر لمكاتب جهاز الأمن وتوقيعها لمحضر التكليف بالحضور يوم الأحد....هذا و قد كان الشرفاء من ابناء جماهير الشعب السودانى قد انجزوا حملة تضامن اعلاميه ناجحه ازعجت الأجهزه الأمنيه وعبروا عن ذلك صراحة للسيده/إذدهار جمعه.
|
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: معاوية عبيد الصائم)
|
Quote: ناهد انا ما قبلت عليها لكن الفاظها البذيئة هي من قبلت عليها اما نجلاء اتمنى ان لا تسلك طريق ناهد خصوصا بدأت تلمح لي اني امنجي حجج الافلاس المستهلكة دي لكن اوعدك سأظل هنا لحدي ما تورينا المناضلة نجلاء الي اين انتهت ازدهار. |
المدعو شوقي الله يخيبك يا خائب، دائماً بتذرع المشاكل مع الأخوات، عليك الله ما بتخجل من نفسك؟!
جات الرجالة خيبة
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: Shawgi Sulaiman)
|
الاخت نجلاء لك التحية
اعتقد لم يحالفك التوفيق في رفع هذا البوست وعرفت سبب اصرارك على عدم الكتابة مجددا على العموم life trial an error . على العموم انا من اشد المعجبين بالاعمال الطوعية التي تقومين بها وعلى اتم الاستعداد لدعمك فيها واعتقد هي حاجة جميلة شديد مساعدة الآخرين ، عشان كدا انصحك بالبعد عن السياسة في هذا الزمن العجيب والتفرق للعمل الإنساني (هذه وجهة نظر فقط)
والآن استطيع ان اغادر هذا البوست بعد علمت بأن المناضلة لم تسجن وايضا لم تقبل الوزارة ، بس كنت اتمنى هذه الافادة تاتي من قبلك حتى وان لم تسير حسب هواك وهواهم .
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: Shawgi Sulaiman)
|
Quote: اليوم الأحد نرجوا من الأخت نجلاء موافاتنا بآخر التطورات في قضية ازدهار . وطبعا هي في بيتها ولم تسجن كان يجب أن تخبري زوار هذا البوست حتى يتملكوا الحقيقة كاملة. |
الأخ/ شوقى...سلامات.. اذدهار جمعه سعيد ليست تحت الارض ولا فى جزر فرقدنايز لتحتار فى اخبارها....يمكنك الاتصال بها مباشرة على رقم التلفون 0912946501 دون وسيط....
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: على زين العابدين)
|
Quote: الأخ/ شوقى...سلامات.. اذدهار جمعه سعيد ليست تحت الارض ولا فى جزر فرقدنايز لتحتار فى اخبارها....يمكنك الاتصال بها مباشرة على رقم التلفون 0912946501 دون وسيط.... |
الاخ على لك تحياتي
اهم حاجة انها ما في السجن وحسب علمي اليوم سيتم تقرير مصيرهاحبينا نتابع واتمنى أن تقبل الوزارة لأن فرصة الأصلاح بتكون اكبر ولا شنو؟
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: على زين العابدين)
|
Quote: كامل الاحترام لتقديراتك....ولكن بالتجربه العمليه...هذا النظام غير قابل للاصلاح...المطلوب اسقاطه فقط... ولعل اذدهار نفسها وصلت لتلك النتيجه من خلال تجربتها السابقه فى التوزير ............. |
يا علي كيفك
الاتحادي الديموقراطي دخل الحكومة حزب الامة دخل الحكومة وتاني 12 حزب دخلوا
في رائك ما ممكن تتشكل حكومة عريضة تفرض التغيير للاحسن.
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: على زين العابدين)
|
Quote: المطلب اعادة هيكلة الدوله السودانية... محاولات الحكومه لايجار الاحزاب من الباطن لن تجدى... وتجربة الاتحادى ستحدثك عنها الايام.... |
يا علي للاسف الساحة خالية تماما ليس هناك من يملك الكفاءة عشان يغير حاجة في الاحزاب التانية غايتوا الا تدخل اجنبي تحت مظلة الاخبار الملفقة والكاذبة التي تظهر كل فترة من مناضلي الكيبورد ودا احتمال بعيد جدا واعتقد الغرب وصل لقناعة بأن المؤتمر الوطني هو افضل من يحكم السودان. انا لمن بعارض في المعارضة دي ليس بالضرورة ذي ما ذكرت نجلاء أن اكون امنجي أو مؤتمر وطني انا كنت اريد معارضة قوية تجبر الناس على اعادة هيكلة الدولة ولقناعتي التامة بأن المعارضة اهم من الحكومة لكن للاسف معارضتنا فاشلة وكل يوم ماسكة ضنب ككو جديد .
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: Shawgi Sulaiman)
|
Quote: واكد مندوب السودان، ان تقرير اوكامبو جاء مليئا بالمعلومات المغلوطة والاكاذيب الملفقة التي تتعارض مع تقارير الامين العام للامم المتحدة بشأن دارفور والبيانات التي يقدمها كبار المسؤولين في ادارة عمليات حفظ السلام في الاقليم. وقال أوكامبو في تقريره لمجلس الأمن الدولي، إنه من الضروري أن يتم اعتقال المسؤولين السودانيين، الذين وجهت إليهم المحكمة اتهامات، «لأنهم ما زالوا يرتكبون جرائم خطيرة في دارفور»، وانهى المجلس مداولاته دون اتخاذ أي إجراء مكتفياً بأخذ العلم بتقرير مدعي عام المحكمة الجنائية.
|
في دي صدق منوب السودان والدليل واضح
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: Shawgi Sulaiman)
|
Quote: حسب الموعد المسبق لقد حضرت ولم اجدك.
|
اى يا شوقى قاااااااااعد ..قاعد وحاتك يامعارض المعارضة وعندى معاك موضوع (كبير) خلاس..بس اصبر على شوية ..بجيك ..
يسال منك الخير ..يا حبيب قساى ...
لكن انت ما ملاحظ حاجة غريبة كدى ات بتسوى فيها ؟؟؟؟ بقصد او دون قصد بحسن نية او خلاف ذلك ..ده موضوع معاك ..وربنا يعظم الاجر
تحياتى....
اسوى شنو الليلة الميز على واكل الولاد...بتعرف تعمل الحركة ده ...ههههههه...
تحياتى تانى
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: معاوية عبيد الصائم)
|
Quote: لكن انت ما ملاحظ حاجة غريبة كدى ات بتسوى فيها ؟؟؟؟ بقصد او دون قصد بحسن نية او خلاف ذلك ..ده موضوع معاك ..وربنا يعظم الاجر
|
مرحب معاوية حمد لله على السلامة
والله انا ما بسوي في اي حاجة فقط عايز الحاجات تبقى كويسة عشان كدا من هسع ما تضيع وقتك لانوا استنتاجاتك خاطئة.
واهم حاجة ما تبيت العدة لي بكرة الماعون لين غسلوا هين (احيك على هذا الشئ)
| |
|
|
|
|
|
|
Re: إزدهار جمعة تختار خيار السجن وتسلم نفسها الان (فيديو ) (Re: Shawgi Sulaiman)
|
فوق
الامن يخير المناضلة ازدهار بين السجن او الوزارة وهى تختار السجن وتسلم نفسها (الفصل الاول)
(الفصل الثانى ) يحدد الامن لها ان تعود يوم الاحد وهى ترفض ان تعود وطلبت ان يتم اعتقالها ولكن لن تعود مكلفة نفسها مشقة وتكاليف الحضور .( الفوق دا ملخص الحوار مع المناضلة ازدهار )
(الفصل الثالث).......................
نواصل
عشان الحاجات تبقى واضحة ومن اجل طلاب الحقيقة غدا نواصل
ملحوظة هنالك فعل من جهة ثم رد فعل من ازدهار وان حصل الفعل نعود بفيديو رد الفعل ويكون الفصل الثالث واتمنى ان تختم القصة من الفصل الثانى
وشكرا الاخ شوقى على رفع البوست
واتمنى ان يظل فوق حتى نهاية القصة او فصولها
وكلمة لديا مهام يا اخ شوقى اقصد بها لديا اسرة واطفال يعنى انا غير مفرقة للعمل العام وبسجل وقت اشعر باهمية التسجيل وليس من اجل الاجابة على اسئلة اشخاص
لكم جميعا فايق الاحترام
| |
|
|
|
|
|
|
|