|
Re: سجل التاريخ لك يا حبيبنا الملك عبد العزيز (Re: HAIDER ALZAIN)
|
و الله يا حيدر سبقتني في الفكرة .. بس انا ما كنت محدداها باليوم الوطني..
أولاً مبرووك للشعب السعودي وربنا يديم فرحتهم .. و لوكان سمحوا لينا بقيادة السيارات كان زمان لونتها بالاخضر و فحطت معاهم.. غايتو تفحيط بالنية ... ان شاء الله يوصل
__________________
الفكرة كانت عن التأثيرات الإيجابية للشعب السعودي تجاه المقيمين .. وتسليط الضوء على الجانب الإيجابي .. و دا بيفيدنا اذا حبينا نستفيد.. أنا عن نفسي أخدت منهم أكتر مما أديتهم
و على سبيل المثال لا الحصر .. تعلم كبارنا و صغارنا منهم في المجال الديني كثير من الصلوات غير المفروضة من نافلة و سنة و المداومة على أذكار الصباح و المساء .. أحلى حاجة في المدارس انهم بيواظبوا على قراءة آية الكرسي و بعض أذكار الصباح في الطابور و حريصين جدا على انهم يذكروك بأذكار الدخول و الخروج من الخلاء .. يا ريت لو مدارسنا عندها نصيب من عاداتهم الحسنة دي .. والأجمل الأجمل .. ودي بتلقاها كتييير .. لو زعلت واحد فيهم او اتساغلت عليهو او ظلمتمو بيقول ليك الله يسامحك يا شيخ و يكون عايز يطرشق من الغيظ (زي واحدة متفقة مع صاحب ليموزين على 10 ريال حق المشوار ..اول ما وصلت ونزلت مدت ليهو 7 ريال و شتت .. جينا نركب لقيناهو بيردد الله يسامحك الله يسامحك يا شيخه .. وحكى القصة) ..انا مرة اتشاكلت لي مع بتاع تاكسي في السودان .. في الطريق أخد واحدة تانية معاي بدون ما يستأذني و الأدهى و الأمر انو نزلني بعيد من البيت اديتو تلات ارباع المبلغ .. و انا اصلا اخدت تاكسي عشان الحته الجنب البيت لانها مليانة سماسرة سيارات .. والا اصلا المشوار كان قريب .. و الله نزل من التاكسي و عايز يضربني .. دي هنا ما بيعملوها .. لو مسافر من جدة للرياض .. ممكن يشتكيك للشرطة .. لكن يتنمر عليك كدا و كمان على حرمة يا قولهم .. يا لهووي
استخدامهم لـ (يا امي) و(يا بوي) و (يا اختي) للتخاطب .. و(جزاك الله خيرا) للشكر .. و (الله يعطيك العافية) دي عندهم كتيرة جداً .. يعني معظم كلامهم بيكون دعاء خير .. و دا غير انهم بهتموا بنضافة منازلهم وتنسيقها وخاصة الحمامات (الله يكرمكم)>>> دي طبعا حقتكم بالميلاد :) .. و المطابخ .. لو جابوا ليك اكل اوعصير تشرب وانت مطمئن .. و بعرفوا معنى (تهادوا تحابوا) و تلقاهم بمناسبة و بدونها بيهدوا ليك من الدهب لـ التميس .. و علمونا الصدقة في القول و الفعل .. و الصدق برضو ...
و يمكن اختلاطهم بأخوانا اليمنيين (ما تجيني منال طايرة هسه) .. هذب أخلاقهم نوعا ما و خاصة أهل الحجاز و طيبة الطيبة .. بجد في فرق كبير جدا بين السعوديين في المحافظات التانية و بين الحجازيين .. و اهل المدينة .. يا ســـلام !! و الله الواحد يملا كتاب وما يوفيهم حقهم ..
الشعب السعودي صاحب نكته و فكاهة و يسخر من نفسه قبل ان يسخر من الآخرين ودا بيدل على ذكاءهم..و اهم ما في الأمر بيقولوا عننا أمينين و هم أهل الأمانة و الله ..
غايتو لقيت لي فرصة أقول اني بحترمهم وبحبهم مع اني كتييير بتغاظ منهم .. :)
وهذا غيض من فيض يا حيدر ... انت صاحب البوست .. كمل الباقي
___________________
دينق دا ياخوي ما كرهتو عيشتو ... حتى مع السعوديين ما مريحو ... يحلك الحلا بله يا دينق
|
|
|
|
|
|
|
العنوان |
الكاتب |
Date |
سجل التاريخ لك يا حبيبنا الملك عبد العزيز | HAIDER ALZAIN | 09-23-11, 11:18 AM |
Re: سجل التاريخ لك يا حبيبنا الملك عبد العزيز | خالد المحرب | 09-23-11, 11:22 AM |
Re: سجل التاريخ لك يا حبيبنا الملك عبد العزيز | HAIDER ALZAIN | 09-23-11, 11:35 AM |
Re: سجل التاريخ لك يا حبيبنا الملك عبد العزيز | HAIDER ALZAIN | 09-23-11, 11:28 AM |
Re: سجل التاريخ لك يا حبيبنا الملك عبد العزيز | HAIDER ALZAIN | 09-23-11, 11:50 AM |
Re: سجل التاريخ لك يا حبيبنا الملك عبد العزيز | محمد الزبير محمود | 09-23-11, 12:02 PM |
Re: سجل التاريخ لك يا حبيبنا الملك عبد العزيز | HAIDER ALZAIN | 09-23-11, 12:04 PM |
Re: سجل التاريخ لك يا حبيبنا الملك عبد العزيز | HAIDER ALZAIN | 09-23-11, 12:48 PM |
Re: سجل التاريخ لك يا حبيبنا الملك عبد العزيز | HAIDER ALZAIN | 09-23-11, 01:12 PM |
Re: سجل التاريخ لك يا حبيبنا الملك عبد العزيز | HAIDER ALZAIN | 09-23-11, 10:38 PM |
Re: سجل التاريخ لك يا حبيبنا الملك عبد العزيز | فدياس نجم الدين | 09-23-11, 10:46 PM |
Re: سجل التاريخ لك يا حبيبنا الملك عبد العزيز | HAIDER ALZAIN | 09-23-11, 11:04 PM |
Re: سجل التاريخ لك يا حبيبنا الملك عبد العزيز | فدياس نجم الدين | 09-23-11, 11:31 PM |
Re: سجل التاريخ لك يا حبيبنا الملك عبد العزيز | رشا احمد | 09-24-11, 00:18 AM |
Re: سجل التاريخ لك يا حبيبنا الملك عبد العزيز | خالد المحرب | 09-24-11, 02:28 AM |
|
|
|