آن الاوان للتوقف عن تشجيع الهلال ...

Quote: من سنة 1987 دي اول كورة للهلال انا ما احضرها، لييه لأنو الجواب ظاهر من عنوانو، كورة القطن الاخيرة وخسنكة جمعة جينارو والبلنتي الاخير العملو سيف مساوي وطنشو الحكم والبلنتي العملو المعز محجوب وبرضو الحكم طنشو في الكورة القبلها، الحاجات دي كلها خلتني اتخذ القرار ده، مشيت قعدت في قهوة زلم لانو قهاوي الحبش كلهم كانو مشغلين الكورة، وابدا ما جاني اي احساس بالامل حتى بعد ما عرفت انو جابو القوون الاول في الدقيقة الرابعة ، لييه لانو انا عارف انو المعز وسيف مساوي لاعبين و الفترة الاخيرة اثيتت انو الاتنين ديل ما بنفعوا خصوصا قي المباريات الافريقية، حماسهم مشكلة وبعدين بكل صراحة هيثم مصطفى بقى خصم على فريق الهلالـ اي هلالابي بيفكر بيعقلو بعيد من العاطفة مدرك الحقيقة دي لكن ما بيتجرأ وبيصرح بيها رغم انها ذكرت اكثر من مرة بطريقة مغلفة في استوديو الجزيرة الرياضية الجيل ده انتهى من غير اي انجازات او بالاحرى انجازو كان دوري المجموعات والمصيبة انو مافي جيل جديد (تو تيك اوفر) اذن حيستمر الرأسمالية في تلتيك الفريق بالقروش ويمشوهو بالبركة لحدي ما تصدف مرة نتأهل لدوري الاربعة. خليكم في مريخ الكاملين وبتاع القطينة داك البتغلب تسعة وعشرة، ياهو ده شبهكم