|
|
 Re: حقيقة الحرب وفرية دعم القوات المسلحة عند الكيزان ورقيقهم السياسي (Re: ibrahim alnimma)
|
...
...ابو العناكب...
...
...
..اولا الشكر ليك كتير يا صديق ...علي اتصالك ...بناس الحاجه
...ما عارف انك اتصلت بيهم تاني حسب كلامك معاهم ام لا....لانهم سافروا تاني يوم و لم استطع الاتصال بهم الي الان ...
...لكن اريد ان ابلغك انو تحسَرالحاجه فاق ذلك الذي ما لديك و اخبرتني به بكثير حينما اخبرتها لاحقا انها كانت علي مرمي
...مصليين منك...في باحة المسجد النبوي و ما عبًرت هي عنه عند اتصالاتي بها و كالت لي ما كالت من عتاب امومي معجون
...و مخبوز باوجاع مخاض بعيده ... عتًقته توالي الايام مع محن الزمن الغلط .......
...
...لك ان تعرف يا صديق انها هي التي تساءلت عنك ..حين اتصلت انا بها هناك ..تساءلت عنك بالاسم و بمرفقاته الوصفيه ....
...
...
.... (اخوك داك وين مكانو؟؟؟) ...
...(اخوي منو ياحاجه كمان؟؟؟؟) ...
...(ابراهيم !!!!)....
...(ابراهيم منو؟؟؟ ....انتي خرًفتي و الاً شنو؟؟؟) ...
...( سجمك اكان كدي ... انا ما خرفت انت الخرًفت ....
...يا ولد الكان جاك في عطبره و الكان بيتصل بينا في استراليا .... ابراهيم .... عنكبه ...عنكبه....!!!!)....
.
.
...بلغنا من العمر عتيا ...يا صديق .... و لم نبرح مكاننا كاولاد .. !!!!! و لم لا ؟؟؟ ....
...ولم تزل ذاكرتهم متقده تنشًط خمول الحضور اللحظه وتمتص سم طاعون النسيان الماركيزي الزعَاف من ذاكرتنا ...
...ثم حقنها ببصيص وميض متوهج و نبيل... لذكريات بعيده نقاوم بما استطعنا من رباط الخيل ان لا تكن
... في يوم من الايام مجرد كروت باهته في البوم منسي بين الاضابير ومقبور باتربة الزمن وتداعيات الظلم
...
....ورد و ود مقيم لك و للاسره ....يا عزيز ... و سلام خاص لـــ نقد الصغير ....او محمد ابراهيم ...
...
....سم سانين ... بـــ (القيقراوي ... الاربعيني المخرَف....و مع الشكرله ايصال الرساله)..
...قول ليهو عيد الضحيه قرب .... بس مايكونو ناسوا بتعين الدبش و الصخور لسه موجودين و لسه هو مصاحبم ...
...و الحمد لله الما كان معيًد في الخرطوم و مشي مع ناس السروراب .... كان اتورًمو باكل اللحم المفلًق!!!!!
...
سم سالسا....(.بالقيقراوي برضو)..
...ياخي شايفك متوَر نفسك ...و عاصر علي اصحابك ديل شديد .....و ملاحقم في كل ملف ...
...لكن صدقني الحكايه ما مستاهله قدر ده...لانو الناس ديل عاصرين نفسهم بنفسهم....
...و بفضحوا في مؤامراتم براهم في كتابات ناسم و في تصريحاتم و جرايدم و اعلامم وكل خطوه يخطونها
...و تجاوزوا الان مرحلة ... (بيت ...بيت) ... الي البعدا ...(زنقه ....زنقه) ... و ماششششين للمرحله الاخيره بثقه ...
...المرحله الحتتأرجح فيها ...اجسادهم....متدلًيه من سقف السماء تلتف حول رقابهم ارواح الملايين من الابرياء الذين احرقوهم
...و نكًلوا بهم وعذبوهم وشرًدوهم وشرًدوا اسرهم وقتلوهم .... وستكون هاديه لاجيال تلي و للتاريخ و المستقبل ...
....
...فلك ان تقرأ هذا المقال كره و الكان قبل ثلاثة اشهر...من هذه الاحداث....و تمعن للبورتريهات المقنطره في اعلاه لقيادات الحركه
...حتلقاهم في المقال زااااتو مقنطرين ...
.
.
.....
..
..
... علق علي المقال احد الاصدقاء هنا حينها بعد قراءته في سودانيزاونلاين بـــ ...
...
....(( الانتباهه !!!! نور تاور !!!!!! خلاس بدت حلقات تاَمر العصابه في الاكتمال .... و حيلحًِقوهم قرنق .....
..ولو الحركه و قيادتا اتعاملوا بسبهلليه مع هذا المقال ....غايتو الله يستر علي الابرياء في الغرب و كردفان و النيل الازرق)) ....
...
.. و قد كان ؟؟؟؟؟!!!!!!!!
...
...الغير ملفت للنظر يا صديق .... ان الاستهداف لهذه الرموز القياديه للحركه ....ثم و للقوات العسكريه للحركه في ذاتها .....
...اعتبار انهم يشكًلون المحطه الاخيره وشوكة الحوت المسممه في حلق و خاصرة الجمهوريه الثانيه والتي بتجاوزها ستكون ...
...كل الطرق سالكه كما لم تكن من قبل لاكمال مشروع و توجهات حزب اللصوص الوطني.. لمرحلة ما بعد الانفصال ...
...وعن طريق ذات المنهج من قمع و مصادرة الحريات وعنصريه لصيقه بفكرهم و روح وفكر ومنهج الراسماليه الطفيليه ....
...لانهم هم الوحيدون (ناس الحركه) الذين يحملون السلاح ... اذا استصحبنا مقولات التحدي لهؤلاء النصابين ...
...و هم في بداية مشروعهم...علي لسان زعيمهم عنتر زمانو و رقاص الصقريه..
...(.شلناها بالسلاح .... و الدايرا ... الــ يجينا بالسلاح ..) ....
.
.
... يؤكد ذلك ....عفص كل البروتوكولات الموقعه ... بين الاطراف ...والتي تمهًد لسحب السلاح من كل المليشيات ...
...و قصره علي القوات النظاميه ...صوبا لاستعدال خارطة اجهزة الدوله والحياه الاًمنه ..و ما تبقي من ارض ...
...ولا حاجة لتكرار القول ان هؤلاء واولئك لا زالوا يهمشون الابرياء و الحركه الجماهيريه غير حامله السلاح ...
..ويريقون اصطفافها المتنامي...و تقاربها من التوحد علي كافة اصعدتها ...وسحناتها و منابتها ....فوق برك من الدماء...
.
.
... يتوهمون ان انسان السودان سيظل كما هو رعاع ....في اخيلة و كتابات مثقفيه ....
...واخيلة وسياسة دولة تم انشأؤها من هؤلاء المثقفين عشان يكرًسوا لنصبهم و جرمهم من فوق كد وكدح و دماء البسطاء .....
....يتوهمون ان بامكانهم تصويب اسلحتهم نحو الشمس لفقء عينها و من ثم محاصرتها و اغتيالها ...في الظلام...
...
...بئس الوهم و الاوهام...
...
...اما اللافت للنظر.... يا صديق فهي المحنه الوقع فيها سودان الجن ده ..و محنة اهاليه في ايجاد اجابه علي تساؤلات ...
..
..
...انو ده كووولو بيحصل لمصلحة منو؟؟؟؟؟
..و الحكومه دي بــ عمر اسدم النتر دايرين شنو من الشعب ده ؟؟؟؟ و دايرين يصلوا لشنو......من الاخر كده؟؟؟؟
...و دايرين يوصًلوا البشريه دي لــــ وين .... يعني وين حد السقف البيرضيهم و يرضي حقدهم ؟؟؟؟....
..
...حكومه بتحكم بلد ... و تولع في النيران و الحروب ... يمين و شمال ... شرق و غرب ...
..حكومه تقتل من شعبها ما يقارب ال 3 مليون نفس بشريه .... وما يماثلها من ضرع ...
...حكومه توظف الملايين من الجنيهات من اموال و موارد شعبها ...و ما يعادل 70% من ايرادات ميزانته ... لحماية نفسها...
...(يعني مقابل كل جنيه في الميزانيه 70قرش بتمشي للسلاح و جهاز امنها والـ 30 قرش الباقيه بتمشي كخدمات للمواطن ...
... من صحه و تعليم و تنميه و تطوير .... وفيها مرتبات ناس الحكومه ذاتم من الرئس للغفير ...
..وطبعا شامله النهب و اللصوصيه وهي لله بتاعتم ......يعني لاتنميه لا مواطن لابطيخ)...
..
...حكومه تعذًب وتغتصب و تسحل الالاف في سجونها ...
...تقسم البلد ...و سادره باصرار غريب باتجاه المزيد من التقسيم ...
...رئيس عره ... يدغمس الشريعه حينا ... و يتمرغ في تراب العروبه العباسيه النبويه . كل الحيان..وبيحكم ..
... السودان و السودانيين... ما السعوديه و لا قطر... ؟؟؟؟؟
...وزير من الحكومه يشتم مواطنين الحكومه و يصفهم بالشحًادين ...
...نفس الوزير يلبس بدله و كرفته و يلمَ معاهو شوية مجرمين و نصابين و عواطليه ...و خسئين ...
...يشقو شعرم و يمدوا قعرم و قرعاتم... يمشو الكويت يشحدوا منها اتنين مليار و تلتمية الف دولار ...
...(شحادين خمسه نجوم) ... عشان يعمًروا بلد ادروب....(يشيلو العده من ادروب .... و ادروب يطلع ما عندوا عده اصلا)
... احد الشحادين الخمسه نجوم ديل ...الاسمو حسين خوجلي ... و بــ وجناتو الملساء ...لزوم (تزحلج) الكوايته عليها ..
....ينهمر و يتدفق شعرا في طائية الكوايته و بلسان عربي مبين ..في المؤتمر بتاع الشحده العملوهو .هناك ...شايف كيف ....
...يعني تجاوز حكاية ببيع المويه في حارة السقايين ... بـــ غادي ...و بقي يهاتي بمواسم المطر ...
... (الطرفه .. العينه ...الخ) و يشيل ويغني مع ناس عقد الجلاد (عينة جلبت خريف) وهو غرقان ميطي ...
... مع العربنه و العربان تحت شلالات نياجارا...ثم ...وبعد عدة اشهر ...وقبضو للتمن من الاتنين مليار و 300 الف...
...و اكمالا لتعرصـــــة العربنه...و لانو هو اصلا بيفتش ليهو في اصل يفتتح فضائيه بامدرمان ليعلن من عليها ...
...عروبيه السودان و السودانيين و اللسان العربي المبين وعجمية و قطع ما دونه !!!!!! ...
...زيادة بؤس لواحده اخري من فضائيات العربنه و العربي المبين ....للطغيان و سحق بقية ثقافات و لغات السودانيين...
...
...اسرائيل تأتي بطياراتها من تل ابيب و تقطع كل هذه الفيافي و الاجواء العربيه ...
...وبترتيبات من الحكومه لتقتل اشخاص من مواطنين بلد الحكومه ...
...
...مواطنين بسطاء قدرم السئ انو يكونوا سودانيين ومحكومين بــ اسد نتر... و وفق بساطتم و ثقافتم و معارفم البسيطه السمحه
...و توكًلم علي الحي الدائم الذي لايموت في كل صغيره و كبيره في حياتم ...
...يتدافرون لقضاء حوائجهم مع فرحة قبايل الاعياد علي مركب صغير ضاق باحتمالهم حتي قاع النهر ...
...و لم يطرف جفن للاسد النتر وحكومتو .....
...
...دول لم يستقو عودها بعد ... تتطاول علي التدخل و استقطاع ...اجزاء عزيزه من البلد
...دول لم يستقو عودها بعد تاتي لحماية مواطنين البلد من حكومة البلد
...جيوش خارجيه حطت علي البلد ما انزل الله بها من سلطان ...
...عطاله ....علي ارصفة الله بالملايين ...
...مشردين و نازحين تحت خيام الملاجي بالملايين ..
...مهاجرين في بلاد الله بالملايين
...مغتربين بالملايين....
...محبطين و قرفانين ...و بسطاء منهكي الهم و الهمه بالملايين
...جوعي و تحت خط الفقر المتدني بالملايين...
...امراض و اوبئه تستعرض عضلاتها علي اجساد الملايين
... استجلاب عماله من الخارج بالملايين ...
.....
...ده كووووولو .... بيحصل في بلد .... به من الخير ما يجعله جنًة الله في ارضه و جنة البشريه في اّخرتهم ....
.
...و و الله لو كان في نبي جديد تاني .... جا ....
كان نزلت علي لسانه ..اّية..(( جنات سودان تجري من تحتها و فوقها و علي جنباتها و بين زواياها الانهار و الذهب
..و الفضه ...و المعادن و البترول ...و اليورانيوم ابوكديس ذاتو ... لو كنتم تعلمون ))
... و نردد نحن وراءه و بكل اريحيه ...و اطمئنان كامل الدسم ومترع بالايمان
..."صدق رب النبي الجديد العظيم"
...
...يا خي دا شنو دا البيحصل دا ...؟؟؟؟؟؟
...نقول خلاص حرب مافي تاني ...نجي نلقي نفسنا تااااااني في المربع الاول ...الحرب ... و ببلاهه و غباء لا تحسد عليه ..
...تجينا واحده ... ما عارف اسمها مين كده ... و قالت وزيره اعلام ...دايره تقنع الناس انو البيحصل في كردفان و النيل الازرق ..
... ما زي قضية الجنوب ...ده تمرد ...و لازم الدوله تفرض سلطتا ... و تردع المتمردين !!!!؟؟؟؟
...بالله عليكم ...ده كلام ده يا خوانا ...يعني وزيره بناعت اعلام مستوزوه في بلد هي ما عارفا تاريخو!!!!!!
...المستوزره ليها شنو يا بت الناس ....الله يرضي علينا و عليكي ؟؟؟ امشي شوفي ليكي شغله تانيه ...
...خليهم يدوكي محل ... امشي بيعي فيهو جرير في سعد قشره...يكون احسن من كونك بوق فارغ لطبول الحرب ة قتل الابرياء ...
...ما عارفا انو الجنوب ده انفصل سنة الفين و حداشر ... لكنو بدأ بتمرد سغيًر سنة 1955 في توريت!!!!
... يعني قبل 56 سنه...و المرًه دي ...بالمناسبه ..مافي 56 سنه...56 يوم بس...و حتلقو السودان ده بقي جمهوريات البطيخ المبطخه
...
...يا ناس المعارضه .... يا الصادق .... يا نقد ... يا الميرغني ....يا شعوب السودان ....قاطبة ....
....بالله عليكم كريم معتقداتم و كجوركم و سفليكم و عاليكم و الله و ملائكته ... و انبيائه ... بجميع اديانهم ...
....ارضا سلاح ... و اوقفوا معارضتتكم و لو للحظات .... عشان يمكن نلقي لينا اجابه من الناس ديل للسؤال الممحنا ده ...
...نحن ما دايرين معاكم يا حكومه و يا حزب حكومه ... انتو دايرين معانا شنو؟؟؟؟؟
... دايرين توصًلونا لوين ودايرين توصًلونا لشنو؟؟؟؟؟؟
...عشان نعرف راسنا من رجلينا ...
...و تكونوا موهومين زي وهم عروبتكم دي ....
..لو حتفتكروا انو حنسيب ارضنا دي ليكم ونغطس في النيل ده و نلحق مصطفي سعيد ... ...من غير احم و لا دستور!!!!
.
.
.
..
._________________________
....
...التيلفون الاديتو ليهم ما شغال...او يمكن يكون غلط
..رسلو تاني في الميل
...
...
|
|
 
|
|
|
|
|
| العنوان |
الكاتب |
Date |
| حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-03-11, 01:43 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-03-11, 02:16 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-03-11, 02:34 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | صلاح جادات | 09-03-11, 03:19 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-03-11, 03:21 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-03-11, 07:03 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | فتحي البحيري | 09-03-11, 08:10 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-04-11, 01:10 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-07-11, 00:53 AM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | معاوية عبيد الصائم | 09-08-11, 04:52 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-09-11, 01:58 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-10-11, 08:06 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | صلاح غريبة | 09-10-11, 10:21 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-11-11, 03:28 AM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | Khalid Kodi | 09-11-11, 03:41 AM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-11-11, 05:35 AM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-11-11, 11:53 AM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | عاطف مكاوى | 09-11-11, 01:07 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-11-11, 11:01 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | Hololy | 09-12-11, 11:55 AM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-12-11, 10:47 PM |
| Re: حقيقة الحرب وفرية دعم القوات المسلحة عند الكيزان ورقيقهم السياسي | ibrahim alnimma | 09-14-11, 08:16 AM |
|
| |
Hololy
فيس بوك
تويتر
انستقرام
يوتيوب
بنتيريست