|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: عفاف ابوكشوه)
|
مرحبا بالاصدقاء الاحباب
العائدين منى دول المهجر لقضاء العطلات بين
الاهل والاحباب والاصدقاء
وهم : يوسف السماني - السعودية - الرياض
حيدر ميرغني - اليابان
اسامة البلال-النرويج
عبالماجد عبدالماجد - بروكسل
محمد الشيخ مدني - السعودية - أبها
حبيب نورة - القاهرة
بكري عباس - الدوحة
عفوا الذاكرة لم تسعفني لذكر المزيد
ارجو من الاخوة بورداب الخرطوم .. اضافة المزيد من الاسماء
تحاتي وودي
ونواصل
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: عفاف ابوكشوه)
|
علي شرف فعاليات الافطار الثاني
لبورداب الخرطوم
تداول الحاضرون فكرة الرحلة ,, وتوصلوا الي اهمية ان
تكون المشاركة في الطعام عينية ويدفع الشيرنق للترحيل
والخدمات الاخري .
لذلك من الضروري بمكان الالتزام بتحديد نوع الاكل والتأكيد عليه
هنا .. حتي نتفادالتكرار.
وتم اقتراح تكوين لجان متخصصة لانجاح الرحلة
اللجنة الفنية : برئاسة ناذر الخليفة
لجنة الطعام برئاسة انعام عبدالحفيظ وعضوية انعام حيمورة وفادية اليمني
وشخصي
لجنة المشروبات برئاسة بدرالدين اسحاق والمسلمي
ولجنة الترحيل برئاسة سفيان نابري وأخرين
لجنة البرنامج بمشاركة كل المبدعين
واشراف ناذر وسفيان ونهلة محكر وحبيب نورة
مودتي
ونواصل
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: MOHAMMED ELSHEIKH)
|
حضور أكيد ..
كيفك العوض ..
والله أثناء التداول لقينا تحضير الأكل في مكان الرحلة بياخد زمن طويل جدا دا غير إنو الأخوة البوردابيات ما بيستمتعوا بالرحلة لأنهم بيكونوا مشغولين بتحضير وإعداد الطعام ..
ممكن بالإضافة لي حضور الطعام أو لو غتفقوا الناس نجيب خروف لكن نجيب معاهو طباخ يحضر الأكل زي الرحلة بتاعت مزرعة الحلفايا لكن حا تفضل لينا مشكلة لم الشيرنق من الجماعة وتحضير مواد الرحلة ومعيناتا ..
عموما الزمن قدامنا وأهو بنتداول وإنشاء الله نحسم الموضوع ..
حبيب نورة جهز البتاعات عشان ما في طريقة نجيبا معانا ..!!
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: ناذر محمد الخليفة)
|
Quote: لجنة المشروبات برئاسة بدرالدين اسحاق والمسلمي |
حضور ان شاء الله يضاف الى هذه اللجنة كل من لعامل السكن :
وليد الشفت د. المكاشفى
مواصفات المشروبات عشان ( ناس النظام العام )
1/ مشروبات غازية 2/ شامبيون NO 3/ باربيكان بعد مشورة الشاب بقال ) 4 / الحفاظات والتلج ( وليد + المكاشفى ) 5 / جركانات علاء الدين يوسف وتبلدينا ( تمنع من دخول السروراب )
بالتوفيق ان شاء الله
ترمــة : انت يا العوض معانا ولا مع الخيانـــة
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: منتصرمحمد زكى)
|
هلا مام عفاف عيدية والقابلة تتحقق الامنيات بلاااى حبيب نورة طلع عندو مزرعة كمان طلعت( مندس ) يا حبيب نورة
Quote: : حبيب نورة جهز البتاعات عشان ما في طريقة نجيبا معانا ..!!
يعني شنو ياناذر ؟ مافهمت .. |
يا بهاء ياخ والله انت زول زى (الرادار الحربى ) نازر بيقصد عدة الشغل ياخ مالك حاكيها كدا تانى عيد سعيد والقابلة تتحقق الامنيات
قاسم المهداوى
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: قاسم المهداوى)
|
الأخوة أعضاء سودانيز اون لاين في الخرطوم وجميع الزوار كل سنة وانتو طيبين وسعيد جداً بأن ألتقيكم للمرة الأولي في السودان " الشقيق" وإن كانت عودتي للسودان بعد الإنفصال تحزّ في نفسي وتوقعها مواقع الحزن ما يهم منطقة السروراب ترحب بمقدمكم الكريم وهي فرصة لرد الدين عنيت أن أغتنمها من خلال تشريفكم لها
بلدنا ح تنور بي حضوركم وسأبزل كل جهدي لكي تخرج الرحلة في ثوب زاهي وجميل فقط أتمني من جميع البورداب الذين يرغبون في المشاركة في هذا اليوم تأكيد حضورهم هنا أو بالتلفونات
شكرن العزيزة عفاف أبو حريرة
تسلمي جداً
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: حبيب نورة)
|
اها عشان نكون عمليين أنا بجهز ليكم الصبارات للموية الباردة إنتو جيبو التلج وانا بكسرو ليكم كمان بتصرف ليكم في موضوع الفرشات وكم كرسي كده لزوم القعدات وطربيزة لي السادة عشاق الويست والحريق وبالنسبة لقصة الأكل نحن ممكن نجهز اغلب الحاجات في البيت وما نسيب غير صاج اللحمة عشان لازم يتعمل لايف وطبعاً الشطوط وكده وبحاول المساهمة في البرنامج المصاحب بشوف ليكم ناس يعملوا ليكم فقرة فقرتين ما أستطاع وبالنسبة لناس لجنة المشروبات برئاسة ود الخليفة أنا لحدي هسه ما عارف البتاعات بجيبوها من وين لكن تحوطاً ممكن تغشي الجخيص ودي حسب علمي الأكثر نضافةً من الكلوريكس
وكدي تعالوا نتفاكر في باقي القصص
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: ahmed haneen)
|
عفاف تحياتي
وكل سنه وانتي والمتداخليين بخير
طالما الخرق حيجيبو العوض والضباح ناذر موجود وانتي حتطبخي الخروف كله
وكمان حبيب نور حيساهم باكل ايضا.
نحن نجي ناس رحله وفرجه وبس ؟
شكلها رحله ممتعه ....بس حسب علمي ومعرفتي بالمنطقه لابد من التحرك باكرا لان المنطقه بعيه ويكون عندكم مساحه لقضاء وقت طويل مه بعض .
كما ذكر احد الاخوه التلفونات مهمه للتنسيق وضمان عدم الطششان من المكان وتاكيد حضور وخلافه
حبيب نوره :
تحياتنا انشاء الله تستمتع بهذه الاجواء الحميميه.
قالو الطقس في القاهره نار مولعه حاول مدد اقامتك هنا .
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: ahmed haneen)
|
Quote: العائدين منى دول المهجر لقضاء العطلات بين
الاهل والاحباب والاصدقاء
وهم : يوسف السماني - السعودية - الرياض |
في الرياض يقولوا ليك حفل لوداع يوسف السماني بعد العودة النهائية لأرض الوطن .. في الخرطوم يقولوا ليك رحلة لوداع يوسف السماني الذي يقضي عطلة في الخرطوم وعائد للرياض .. ياخ يوسف السماني ده لحدي أسة حاضر 47 إفطار رمضان وجغلومية لمة بورداب ..غايتو متحججين بيهو سااااااي ..
تخريمة : يا دكتورة الخرطوم كللللها طلعت ياسر عرفات ..بهتناك ساااي والله
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: معتصم عبدالرحيم)
|
يا جماعة البشتكوا من بعد المنطقة السروراب اقرب من مناطق الرحل في جبل أولياء بالنسبة لناس الخرطوم نفسهم عدا الكلاكلات والشجرة واللاماب وقريبة جدا لناس بحري خصوصاً بعد الكبري الجديد وبالنسبة لناس ام درمان مهمها بعدت ما بتحصل ساعة زمن وبعدين الزول لمن يكون طالع رحلة بكون متوقع مسألة المشقة دي يعني في ناس عندهم حدائق بي حوض سباحتها في البيت يعني لو عندهم نية رحلة ممكن ينزلوا الفرشات تحت ويضبحو الخروف ؟ القصة تغيير يا جماعة
اها تاني في شنو يا محاسن؟ كل سنة وانتو طيبين يا جدعان
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: salah awad allah)
|
حبيب نوره السلام والرحمه وألف حمدا على السلام والرجوع المفرح للأهل أجمعين أولا نسق مع قرمه وأسأل عن جنينة عبدالقادر محمد الأمين أبوشامه بالقرب من المدرسه الثانويه وإلا فجنينة التعاون أو جنينة حسون ودع اللجنه الطوعيه تكون جزءا فى الإخراج وأخبر يوسف أحمد وفرقته بتقديم فواصل غنائيه وكذلك أبحث عن أبوحراحر وأخرجوا لهم برنامجا رائعا ووثقوه وقرمه سوف يحرك الكل وسيعمل الواجب على أحسن ما يكون كلم قرمه كلم قرمه وكل الأمور سوف تكون على ما يرام.
منصور
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: munswor almophtah)
|
Quote: حبيب نوره السلام والرحمه وألف حمدا على السلام والرجوع المفرح للأهل أجمعين أولا نسق مع قرمه وأسأل عن جنينة عبدالقادر محمد الأمين أبوشامه بالقرب من المدرسه الثانويه وإلا فجنينة التعاون أو جنينة حسون ودع اللجنه الطوعيه تكون جزءا فى الإخراج وأخبر يوسف أحمد وفرقته بتقديم فواصل غنائيه وكذلك أبحث عن أبوحراحر وأخرجوا لهم برنامجا رائعا ووثقوه وقرمه سوف يحرك الكل وسيعمل الواجب على أحسن ما يكون كلم قرمه كلم قرمه وكل الأمور سوف تكون على ما يرام.
|
أنا غايتو مع كلام منصور دا أنتو بتعرفو اكتر من اهل البلد يعني!!!!
يا منصور عليك الله كرر كلامك دا ياخ بعدين خلى لينا قرمة دا يركز لينا على ناس بتاعين مربعات و دوبيت عليك الله ياخ و الله فترنا من ناس أغانى و أغاني.
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: اناهيد كمال)
|
هييييييع ابوالزفت معقولا ياعفاف شييرنغ شوية اطعمه فى رحاب اهلى السروراب وآبائى عندسيدى الشيخ الطيب راجل ام مرح حاج العوض ده كلام ده على اية حال عيدمبارك عليكم جميعا وعودا حميدا..حبيب والاحباب المهم غادرحبيب القاهرة وهبطت انا بها برفقة صديقى الفنان الجميل جمال النحاس وفى الطريق الينا الفنان التشكيلى خالدحامد..العيدحايكون سربعه عجيبه هناك .. ياعفاف لاول مرة لا اجد اصدقائى فى زنقات المدينة..قاسم..مطر..حامدين والعبيرين..عبيرانصارى وعبيرعقيل..حاجه عجيبه عبرك والبوست رحلة سعيده وتحية العيد للجميع ولناس القاهرة هاكم 01520796074
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: حبيب نورة)
|
مساءات ندية
ايها الاحباب الاعزاء
كلام زي السكر والعسل
كل المقترحات قبلة للتنفيذ
ولجنة الاعلام والتوثيق بمشاركة ذو اليد وانور التكينة
وكافة حاملي الكمرات
شكرا للاستاذ الجليل منصور ود السروراب
علي المقترحات العمليةوالاشارة الي مفاتيح ورموز البلد
الزاهية وباهية باهلها وناسا
ودا رقم تلقوني للتنسيق 00249912875510
مودتي وتقديري
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: سفيان بشير نابرى)
|
أقترح أن يكون يوم السروراب وبعد برامج النهار إذ ترغبون فى مباراة رياضيه أو كرة سله أو كرة طائره فجميعها متوفره وبكثره أما إذا أردتم تصنعوا الفرح للسروراب ففى المساء بمركز السروراب الثقافى أحيوا لينا يوما ثقافيا ستشاركم فيه السروراب بما يرضيكم فهناك محمد الجيلى وهناك عاطف السمانى وهناك محمد البدوى وأديب الإمام وهناك من الشعرا الكثر فالخاتم المبارك وودمكى إبراهيم ومعتصم عبدالله والولى أحمد الولى وفيصل المفتاح وعوض المفتاح وهناك حسين عبدالحميد وأبوحراحر وحماد الرجاله ومن الشاعرات سحر ميسره الياس (بشائر فرح) ويا حبيب نوره أشرك فى الإخراج البخارى الصادق عبدالغنى عبدالله محمد عظيم البشير وجلال الشيخ وفيصل المفتاح وعوض المفتاح وأبو اليسر محمد خالد وسيصنعون لهم يوما تاريخيا باهر نفذ يا حبيب وهنا تلفون فيصل المفتاح وهو مشروع بوردابى 912396108
وللجميع السلام وسنكون حضورا معكم بسر يا ساريا الجبل.
منصور
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: munswor almophtah)
|
بورداب الخرطوم وكل بورداب العالم كل عام وانتم بخير.
شكرآ ألأخت عفاف لمساعيك الجميلة لهذه اللمة..وفعلآ فرصة للناس بأن تلتقى مع بعض وتتعارف أكثر وأكثر.
Quote: بورداب الخرطوم
والاحباب من بورداب الخارخ العائدين
الي السودان لقضاء العطلات بين الاهل والاحباب
ندعوكم لقضاء رحلة في رحاب العيد السعيد
علي شرف الاعزاء الضيوف
|
ربنا يسهل وشوفتكم مكسب وهناك من الضيوف ألأخ/عادل جبارة..أصلوه عن طريق ناس الصحافة..زول جميل.
تقديرى وأحترامى للجميع.
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: ismeil abbas)
|
يا سلااااااام !!
أخونا منصور المفتاح والله ما قصرت تب .. وأخونا محمد عكاشة الله يديك العافية ..
أنالا بصراحة متفائل جدا بخصوص الرحلة دي وشاعر أنها حا تكون رحلة تاريخية .. إقتراح الرحلة تجر لحدي المساء انا معاها مية المية ..
بالنسبة للتجمع .. أقترح بالإضافة لي ميدان الشهداء يكون في تجمع تاني في بحري لأنو السروراب قريبة من من بحري بعبور كوبري الحلفايا الحتانة ..
مشكور يا أبو نون على الخروف ..
ويا ريت كمان لو لقينا واحدة بوردابية تتطوع تنضف لينا الكمونية
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: ismeil abbas)
|
مش قلته انو مصور دا زولى تب :-
Quote: أقترح أن يكون يوم السروراب وبعد برامج النهار إذ ترغبون فى مباراة رياضيه أو كرة سله أو كرة طائره فجميعها متوفره وبكثره أما إذا أردتم تصنعوا الفرح للسروراب ففى المساء بمركز السروراب الثقافى أحيوا لينا يوما ثقافيا ستشاركم فيه السروراب بما يرضيكم فهناك محمد الجيلى وهناك عاطف السمانى وهناك محمد البدوى وأديب الإمام وهناك من الشعرا الكثر فالخاتم المبارك وودمكى إبراهيم ومعتصم عبدالله والولى أحمد الولى وفيصل المفتاح وعوض المفتاح وهناك حسين عبدالحميد وأبوحراحر وحماد الرجاله ومن الشاعرات سحر ميسره الياس (بشائر فرح) ويا حبيب نوره أشرك فى الإخراج البخارى الصادق عبدالغنى عبدالله محمد عظيم البشير وجلال الشيخ وفيصل المفتاح وعوض المفتاح وأبو اليسر محمد خالد وسيصنعون لهم يوما تاريخيا باهر |
اها يا منصور المفتاح و يا حبيب نوره انا شخصيا الموضوع دا كلووووو موافق عليهو بس طلعوا لينا الرياضة دى برا ما تفضحونا ناس ديل تعبانين ساااااكت .
يا شباب و شابات الرحلة
موضوع الساوند سستم نهم جداً جداً و يوم زى دا (من الصباح للمغارب) ناس الساوند بعتبروهو دبل يعنى الساوند إيجار بى 150 واذا كان دبل بتبقى تلتمية جنيه ادونا رايكم سريع عشان بعدين ما تقولوا نسينا حاجة .
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: عفاف ابوكشوه)
|
يا سفيان أربط لسانك مع بتاع الساوند وتأكد إنو نضيف وبطلع صوت كويس والفنّي يكون تفتيحا وشغال في المجال ده من زمن المكرفون الرحلة ساوند وخروف وبعدين موضوع الشير الناس من هسه تبدأ تجمع عشان هسه المفروض تدفع العربون للراجل وتعمل معاه كونتراكت عديل عشان ما يعمل لينا شرحبيل وكده في شوية تفاصيل كده بطلعكم عليها في حينها وانشاء الله عوجة تب مافي ونعملا رحلة أهم من رحلة الشتاء والصيف ذاتة
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: عفاف ابوكشوه)
|
عفاف والمتداخلين ..عيدكم مبارك مقدماً ولمة خير ان شاء الله ...
Quote: بمزرعة آل حبيب نوره بالسروراب |
تاني النشوفك في بوست عن الهامش والمهمشين ...!!!
ناساً حالا زين مزرعة .. مزرعتين طين فى طين .. ووين ما مرابا مُر..بارز جضمها لا يعرق جبين .. ولا وشاً يصُر عين والله .. عين ياحبيب المزرعة
لمة مباركة ان شاء الله
ـــــــــــــــــــ ملحوظة مهمة : السروراب مافيها موية.. لسه شغالين بالسقا ...فماتنسوا تجيبوا مويتكم معاكم ..والخروج قبل الغروب لزوم الكهربة بتقطع ..
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: وليد محمد المبارك)
|
بسم الله ...
لجنة المشروبات الرئاسة ( بدر الدين والمسلمى ) المقرر ( حافظ حسن ) العضوية ( المكاشفى ، وليد الشفت ، بكرى ، ... )
التكاليــف ( نحتاج موافقتكم مع التأكيد هنا فى البوست )
1/ الثلج لوحين + حافظتين كبار لكل من ( وليد + المكاشفى + بكرى ) 2 / الكبابــى ( بلاستيك ) دستين لكل من ( حافظ + بدر الدين ) 3 / المشروبات الغازية ( صندوق او دستين / قزاز / موبايل / العائلى 4 عبوات ) إلزامــى لكل من : * بدر الدين اسحاق * وليد الشفت * د. المكاشفى * حافظ حســن * بكرى عباس * السيد المسلمى * ابو جوان * معتصم نيستــا * فادية اليمنــى * محمد المسلمــى 4 / الغباشـــه ( زبادى +سفن اب + اخرى ) ( حفاظتين كبار مع الثلج ) محمد المسلمــى 5/ ننتظر اى مقترحات اخرى من رئيس واعضاء اللجنة وبقية البورداب
التأكيد فى البوســت + هنــا 0122468442 ضرورى جداً اول يوم العيد يمكن دفع القيمة عند المقرر حافظ / الرئيس بدر الدين / محمد المسلمى
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: عفاف ابوكشوه)
|
معقولة يا عفاف ياخ ..!!
Quote: سلامات يا اصحاب
اذا ماقي طباخ
الكمونية علي
والله عالب
|
أنا بهظر ساي .. كمونية شنو في السقط دا ههههههه
العفشة كلها خلوها في السروراب ما بتجيها عوجة .. تاني يوم لو ربنا حيانا بنجيها أنا وحبيب نورة وسفيان وحافظ ابراهيم بالليل .. بنجيها ليكم ونساهر فيها وبنجي نفتح ليكم بوست مخصووووص نحكي ليكم عن طعمها لامن تموتو مغسة هههههههههه
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: willeim andrea)
|
حبيب نورة ..
دايرين منك تأكيد لوجود طباخ جمبكم بي كامل العدة بتاعتو ..
طبعا ما طباخ اي كلام .. دايرين طباخ يدو طااااااااعمة .. النوع اليسوي الشية والسلطات والفتة وديييييييييك يا الشوربة المااااخمج .. النوع البيمسك الطماطماية يقورا بي رواااااااقة للمحشي .. قويرة قويرة .. القوارة زاتا بتقور في الطماطماية عكس دوران عقارب الساعة !!
.. النوع المفراكتو من داك يا الخشب الميهو خشب صناديق اسبيرات .. النوع المفراكتو يدخلا كدة جو صاج الشية يديها شوية سويويطة تطلع قطعة لحمة مسبكة في طرف المفراكة .. حااااااارة بي بهاراتا وصلصتا وبصلتا!! .. يضوقا بي طرف شلوفتو ويعاين ليك ويقول : كدي يا يمة .. الما بتعجبو شيتي دي تاني عنها ما دخلت خشيمو ..!
يييييييييييه !! زمن يا ....
الله يرحمك يا إدريس الحلة الجديدة !!!
| |
|
|
|
|
|
|
Re: رحلة العيد بمزرعة آل حبيب نوره بالسروراب.. السبت والدعوة عامة (Re: سفيان بشير نابرى)
|
سفيان كل سنة وانت طيب ..
إنت بالله بتعرف ادريس ؟!!
الله يرحمو ويحسن إليه .. معلم بارز من معالم الحلة الجديدة ..
اغلب الأوكات كنا بنجيهو بعد الساعة إتناشر .. شلة زيي 10 خمسطاشر كدة .. يرحب بينا بي كل بشاشة وطيبة .. والله يا سفيان الزمن داك تخيرني أكل في الهيلتون روتانا ولا عند إدريس والله أختار إدريس بدون تردد ..
الفراخ دا يا خي أنواع .. فراخ بالدمعة وفراخ محمر وفراخ مش عارف إيه .. والكوارع أسكت خليها ساي ..!! ترم عضامك وركبينك وفضايحك من دوافير الحلة والحلال المجاورة ..! بقولوا الليل ستار .. لكن كوارع إدريس دي كانت بتستر المابتستر ..! من الفم للبيـ .... مباشرة ..!!
غايتو ما قادر أسترسل وأوصف .. انا إدريس دا بمشي باكل عندو من زمن الثانوي .. زمن كان عندي العجلة الفونيكس الحمراء .. الزمن داك كانت الدنيا بي خيرا .. بردف فيها إتنين من اصحابي وفي زي كم واحد تاني عندهم عجلات برضو رادفين نفس الكمية .. ويا الحلة الجديدة جوكي رجال ..!!
والعجب لمن تنتهي من الأكل !!
يقوم يفتح حفاظاتو ويغرف ليك ديييييك يا سلطة الفواكة المتلجة ..!!
سفيان غايتو أنا ما قادر أواصل .. المنطقة ديك عندي فيها ذكريات ومواقف غايتو لو واصلت ببكي عدييل ..
كدي خلينا هسي في موضوع الرحلة ..!!
| |
|
|
|
|
|
|
|