الانقاذ لن تربي لكم اولادكم وبناتكم من يتفق ومن يعارض هذا القول

Quote: دا كلام يا دكتورة دا؟ امال وزارة التربية عملوها لى شنو؟ عشان تربى أعنام؟ دا كلام تقولو واحدة اكاديمية؟ الليلة دى إبنى الصغير ثلاثة سنوات ونصف جاء وباس امو قال ليها انا بحبك عشان قالوا لينا فى الروضة " ( قال ثمك) " يقصد حديث ( قال أمك قال ثم من) المدرسة ليها دور لايقل عن الاسرة لم تعلم حكومة الكيزان ابنى ليقول ذلك لان الرسوم ندفعها نحن الكتب نشتريها نحن بل الحكومة تأخذ جبايات من الروضة الإنقاذ لم ولن تربى اولادنا بل الكيزان ضيعوا و قتلوا اولاد الناس فى معارك جهاد وهمية مفاتيح جنان وحور وهمية وكان نهاية المطاف انفصال بذلة للارض التى جاهدوا كذبا من اجلها مامكن يا دكتورة الولاء المطلق للكيزان يجرفك عن الإعتراف بالمسلمات والبديهيات للدرجة دى سبحان الله