غواصات المنبر ... ( يوجد مستند دولي مزور يدين احدهم )

Quote: صلاح جادات تاني يا زول داير ترجع للكضب انا حاولت اتصل بيك كم مرة عشان اوضح ليك إنو موضوع اسمرا كلو غلطتك انت وسألتك عديل ولمدة 48 دقيقة إنك اتصرفت بالطريقة الغلط دي ليه، وأنا وضحت ليك طريقة الدخول لاسمرا بشكل رسمي والاجراءات الامنية الإنت مفروض تتبعها، وقلت ليك بالحرف الواحد إنو أنا بوضح ليك الموضوع دا عشان ما تألف أي رواية من رأسكن وريتك إنك غلطان. أنا ابداً ما كنت شخص تاني، أنا سألتك الاسئلة الصاح عشان افضح كضبك، ومن البداية قلت ليك إنت كضاب، لكن كل شيخ وعندو طريقتو: أنا وضحت للقارئ إنك ما قادر تذكر اسماء اعضاء جهاز الأمن، وإنت قاعد تتستر عليهم، وإنت رفضت تذكر اسماء قتلة الشهيد ميلاد وقلت إنك عارفهم؟ سؤالنا كان مصلحتك شنو في التستر على الأمنجي؟ لحدي هسه ما فهمت. وشايفك طوالي كبيت آخرك وبتعترف إنك كوز. الصادق اسماعيل إنت بتعرفو زي جوع بطنك، ومن اللحظة الإنت قابلتني فيها أنا ختيتك في مكانك الصاح. أنا من البداية حذرتك وقلت ليك ما تعمل فيها زكي معاي أنا، إنت اتصلت على بخوص موضوع الشهيد، وأنا اديتك المعلومات كلها كشاهد على الموضوع، وهي نفس المعلومات الانا كتبتها هنا في البورد في بوست الأخ رأفت ميلاد. مشيت شلت المعلومات وجيت داير تعمل فيها ابو عرام. بعدين إنت نسيت مسألة مهمة جداً، إنو ناس قطر بتاعين التحالف ديل إنت قايل أنا ما عندي بيهم علاقة، وأنا جيت قطر وقابلتهم وهم كانو بيجو اسمرا. بعدين تنظيم المؤتمر دا الناس العاشروك في القاهرة موجدين وحيين، يعنى مهما تعمل فيها ذكي الموضوع ما بيحلك. أنا خليتك لكيكي لأنك مشيت عملت ليك اسم مستعار وقعدت تنبذ وتشتم في كيكي، يعنى حتى ما كان عندك ذرة اخلاق ورجالة انك تكتب باسمك الحقيقي. أنا فضحتك في بوست الشهيد ميلاد، وختيتك في علبك لدرجة إنك بقيت تزوغ من مداخلاتي، وقلت ليك الفورة مليون، وأنا حالف اخليك لافي صينية تهاتي بالغواصات. وهسه انا حأخليك مع كيكي عشان يصفي حساباتو معاك بعد ما شتمتو بالإسم المستعار. ونصحيتي ليك، انسحب من الكتابة في المنابر لأنك ما حتستحمل الضرب الجاي ليك، ودا حيكون ضرب ركب والماحيشاري حيتفرج، وادي نظرة لعدد قراء هذا البوست وبوست الشهيد ميلاد عشان تعرف انو فضيحتك بقت بجلاجل. اها انا حاتابع بس زي ما زمان قلت ليك اركز وما تنفزر.