|
Re: قصة جاسوس سوداني روّع السفارات العربيـة بامريـكا..USA (Re: HAIDER ALZAIN)
|
جنا ود رابح رواية أخرى لقصة تجنيد جاسوس سوداني لأمريكا ( 3 )
عمك ودرابح قال لاحمد أنا وأُمك دي بندورك تحجّجن ، أحمد وافق والخبر انطلق في الحلة والناس انكسرو عليهن يسعلوهن من الخبر ويباركولن ، ما وقفو منهن نامن أحمد ساقُن الخرتوم يسوّيلن البظبورتات والتأشيرة ، وعمك ودرابح يقول لأم أحمد :كلُّ مِنِك إنت آمصنيقير مشيت كلمت مرت العمدة طلقت فوقن الناس ، أم أحمد قالتلو معلّمه الله الخبر طلقتو إنت براك ، مشيت نضمتبو في دكان الزبير والناس شالو . دكان الزبير دا دكان كبير وقدامو برندة وسيعة والزبير راجل بُدَعي ومِزبلع وأصحابو كل يوم بِجو يقعدو في البرندة دي يتونسو ويلعبو الكوشتينة ويشربو الشاي والقهوة ويقطعو في الماشة والجاية وآخر اليوم يملو حُقَقُن تمباك ويتراوحو علي أهلُن . طيفور خيالو واسع وزول بصدقو مافي لاكين بعرف للحكي عشان كدي الناس بسمعو ليهو ، قالهن : هاناس سمعتو قصة ودرابح في الطيّارة . قالولو ماسمعناها مالو ؟ قالّهُن الزول قاعد في أمانتي الله في صالة المطار مبسووووط ومقنطر عِمتو . أها ندهوهن يدخلو الطيارة ، بس عمك ودرابح من شاف الطيارة وشاف بابوره تهدر أكان جفل وقعد يجعر آع آع آع آع ما بدور أركب مابدور أركب علي الطلاق الشي دي علا تقع بينا ، ناس المطار كلّهن اتلمو فيهو وهو يجعّر ، أحمد يقولو يابوي الطيارة مابتقع الناس كل يوم بسافروبيها وهو يقولو لا لا لا ماني عافي منك كان ما رجعتني . أم أحمد قالتلو ياراجل فضحتنا زمنك كلو تهاتي بالحج تجي هسع تقول رجعونا متيمنه ما أرجع أكان سافرت براي . قالها نضمتي إنت آمصينيقير علي الطلاق تنضمي تاني علا أرم فوقك اليمين بشوفك من أولادك كبرو طغيت وبقيت تردي علي !
وكت أحمد زهج خلاس نادى عمو واشلبوهو طب العصب ودفسو في باب الطيارة وهو يجعر آع آع آع ويقول لأخوه أصبر آبضينات بجي راجع وبوريك ليهو وأخوهو يكاويهو يقولو لاكين إنت بتجي راجع ! السواقين الليلين الطيارة مسكوهو وهجروهو في الكرسي وجابو عمتو ودرجوهو بيها وهو يجعّر نامن وصل جدّة . صالح قالو هازول ها عمّت شنو البدرجو بيها أنا ما حجيت عامن أوّل وشفتها الطيّارة علي الطلاق الكرسي فيهو حزام إن ربطو فيهو حمار العمدة ما يفرفر . علي قالو إنت آ صالح غير العمدة دا ما في زول عندو حاجة سمحة بوشّك داوشنا العمدة العمدة يعني عشان مو نسيبك حرّم حمار الخليفة أسمح وأقوى من حمار العمدة . صالح : آزول العمدة ما عندو الطين وبوكل بهايمو اللوبة اللخدر . علي : كدي ! نان الخليفة ما عندو الطين دا مشبّع حيرانو بليلت لوبة ما بشبّع بهايمو قش .حسين : ها ناس الكلام المسيخ دا خلّو وقولو لي جنا ودرابح دا بعد ما فلس تاني جاب القروش دي من وين . طيفور : والله سمعت قالو ببيع البنقو . صالح : هازول بنقو شنو البنقو أكان بغني ماكان غَنى ود ريا حرّم سروالو مقدود . علي : والله ناس بقولو بزوّر العملة وناس بقولو عندو سُفلي الله أعلم غايتو لاكين الجنا بقى شبعان وريّح أهلو تب . الزبير : هاناس ها إنتو الواحد أكان الله أداهو ساي ما تريّحو . طيفور : عليك الله آصالح أكان ما قصيت لينا قصت سفرك للصعيد . صالح : دي قصة طويلة دايراله يوم بعدلو
|
|
|
|
|
|
|
العنوان |
الكاتب |
Date |
قصة جاسوس سوداني روّع السفارات العربيـة بامريـكا..USA | HAIDER ALZAIN | 08-06-11, 09:06 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-06-11, 09:25 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-06-11, 09:48 AM |
Re: قصة جاسوس سوداني روّع السفارات العربيـة بامريـكا..USA | محمد الجيلى | 08-06-11, 09:55 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-06-11, 10:07 AM |
Re: قصة جاسوس سوداني روّع السفارات العربيـة بامريـكا..USA | Afraa Sanad | 08-06-11, 10:12 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-06-11, 11:58 AM |
Re: قصة جاسوس سوداني روّع السفارات العربيـة بامريـكا..USA | سفيان بشير نابرى | 08-06-11, 12:05 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-06-11, 12:26 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-06-11, 12:41 PM |
Re: قصة جاسوس سوداني روّع السفارات العربيـة بامريـكا..USA | بله محمد الفاضل | 08-06-11, 02:57 PM |
Re: قصة جاسوس سوداني روّع السفارات العربيـة بامريـكا..USA | Hashim Elemam | 08-06-11, 10:56 PM |
Re: قصة جاسوس سوداني روّع السفارات العربيـة بامريـكا..USA | سيف النصر محي الدين | 08-07-11, 02:47 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-07-11, 07:31 AM |
Re: قصة جاسوس سوداني روّع السفارات العربيـة بامريـكا..USA | د.نجاة محمود | 08-07-11, 07:59 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-07-11, 08:29 AM |
Re: قصة جاسوس سوداني روّع السفارات العربيـة بامريـكا..USA | Kostawi | 08-07-11, 09:08 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-07-11, 12:09 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-07-11, 11:15 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-07-11, 12:33 PM |
Re: قصة جاسوس سوداني روّع السفارات العربيـة بامريـكا..USA | Hani Arabi Mohamed | 08-07-11, 01:19 PM |
Re: قصة جاسوس سوداني روّع السفارات العربيـة بامريـكا..USA | Hashim Elemam | 08-08-11, 07:00 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-08-11, 08:42 AM |
Re: قصة جاسوس سوداني روّع السفارات العربيـة بامريـكا..USA | د.نجاة محمود | 08-08-11, 10:09 AM |
Re: قصة جاسوس سوداني روّع السفارات العربيـة بامريـكا..USA | Hashim Elemam | 08-08-11, 05:12 PM |
Re: قصة جاسوس سوداني روّع السفارات العربيـة بامريـكا..USA | ناصر احمد الامين | 08-08-11, 05:23 PM |
Re: قصة جاسوس سوداني روّع السفارات العربيـة بامريـكا..USA | Hashim Elemam | 08-09-11, 07:33 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-09-11, 07:47 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-09-11, 07:37 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-09-11, 08:21 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-09-11, 08:30 AM |
Re: قصة جاسوس سوداني روّع السفارات العربيـة بامريـكا..USA | خالد العطا | 08-09-11, 11:52 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-09-11, 01:33 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-09-11, 12:09 PM |
Re: قصة جاسوس سوداني روّع السفارات العربيـة بامريـكا..USA | فدوى الشريف | 08-09-11, 01:45 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-09-11, 08:14 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-09-11, 08:50 PM |
Re: قصة جاسوس سوداني روّع السفارات العربيـة بامريـكا..USA | Hashim Elemam | 08-10-11, 05:40 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-10-11, 08:11 AM |
Re: قصة جاسوس سوداني روّع السفارات العربيـة بامريـكا..USA | خالد العطا | 08-10-11, 11:56 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-10-11, 01:41 PM |
Re: قصة جاسوس سوداني روّع السفارات العربيـة بامريـكا..USA | Hashim Elemam | 08-10-11, 06:58 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-10-11, 10:37 PM |
Re: قصة جاسوس سوداني روّع السفارات العربيـة بامريـكا..USA | منتصرمحمد زكى | 08-10-11, 10:55 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-11-11, 10:06 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-13-11, 08:22 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-15-11, 07:59 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-21-11, 07:55 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 08-27-11, 10:05 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-07-11, 08:14 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-16-11, 08:01 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-21-11, 02:09 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-21-11, 02:14 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-21-11, 05:31 PM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-29-11, 08:52 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-29-11, 08:54 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-29-11, 08:57 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-29-11, 08:58 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-29-11, 09:00 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-29-11, 09:01 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-29-11, 09:03 AM |
Re: قصة جاسوس سوداني روّع السفارات العربيـة بامريـكا..USA | HAIDER ALZAIN | 09-29-11, 09:06 AM |
|
|
|