|
خيمة رمضان للمديح
|
بسم الله الرحمن الرحيم
رمضان كريم وكل عام وانتم بخير
سيتواصل هذا البوست خلال شهر رمضان كل يومين تلاته مدحة جديده كان الله هون
وبالنسبه للشروحات ساحاول بقدر الامكان التعليق
وسابدأ بمدحة سيد بقعة ام ضبان استجابة لطلب اخي عبد الله
والمدحة من تاليف الشيخ احمد ود سليمان الذي توقفنا معه في مدحة الجمعه شوقك شاويني علي المبارك
Quote: للشيخ احمد ود سليمان المتوفي في العام 1919 يرتفع نسبه الى قبيلة الفتيحاب الزرانخه وقد استقروا
بادئ ذي بدء في منطقة القلعه المشهوره بامدرمان والتي تسمى حاليا بقلعة الفتيحاب
( حاليا تسمى اداريا بحي ودنوباوي جنوب)
ومن القلعه نزحت القبيله الى ديم سعد في الضفه الغربيه للخرطوم ويسمى ديم سعد بديم الفتيحاب ايضا
استاذه الاول الشيخ ود بدر وعاش حياته مخلصا ووفيا لشيخه وال ود بدر
وقد اتصل بالمهدي واصبح احد الانصار المدافعين عنها سيفا وشعرا
وقد مدح المهدي بقصيده
سيد بقعة المسجد نبكي عليك سرمد عيشا بلاك اسود يا مهدي الله
ـــــــــــــــــ بتصرف من مجموعة القرشي في المدائح ( قرشي محمد حسن ) |
|
|
|
|
|
|
|
|
Re: خيمة رمضان للمديح (Re: ود الخليفه)
|
سيد بقعة ام ضبان انا ديمه ليك عشمان عيشا بلاك مسخان يا بدر القوم
مولانا يا رحمان انا في رضاك طمعان ادعوك يا حنان بحق ود عدنان واصحابه الفرسان وبحق اهل الشان ناس سيدي الجيلان والمهدي ذا الان بي جاهم الغفران لي ذنبي حيث ما كان
| |
|
|
|
|
|
|
Re: خيمة رمضان للمديح (Re: ود الخليفه)
|
ايضا كمان اوزان فوق بدرنا السلطان
من قام صغير سهران في طاعة المنان
بالتقوى والايمان وباذل الاحسان
ومرشده القيمان في بقعة ام ضبان
الذوق الحيران بتلاوة القران
| |
|
|
|
|
|
|
Re: خيمة رمضان للمديح (Re: ود الخليفه)
|
اصغالي يا مريد بوريك في الرشيد كان رايه السديد في عصره الكان فريد يتنوع في المسيد كل يوم بي حال جديد والعجب يوم العيد في شرق النافل يعيد يطلع كما الوقيد
| |
|
|
|
|
|
|
Re: خيمة رمضان للمديح (Re: ود الخليفه)
|
بدرنا ابو العباس اللينا دق الساس كان ماسك الاساس ومصلح الجلاس بي علما كله راس ما مسك في الكراس سيد قوده ام بلاص البي الخلوق كماس الربح الدراس واصلح ولاد الناس
| |
|
|
|
|
|
|
Re: خيمة رمضان للمديح (Re: ود الخليفه)
|
ود الخليفة طاب يومك ، ونساءل الله لكم قبول الصيام والقيام وكافة صالح الأعمال ومنها هذا البوست وسنكون جلوس بأدب جم ومستمعين جيدين لسادتنا ومشايخنا وعلمائنا شيوخ المديح النبوي عليهم رحمة الله جميعا ... بالتوفيق يا ود الخليفة ... الشفيع ابراهيم
| |
|
|
|
|
|
|
Re: خيمة رمضان للمديح (Re: Alshafea Ibrahim)
|
الاخ الشفيع
جعلنا الله ممن تنزل عليهم الرحمة في هذا الشهر الكريم ويشملنا بالمغفره ويعتقنا من النار
البوست دا ان شاء الله دايرنو زي المولد في بيت الخليفه نشوف اي زول واختياراتو
| |
|
|
|
|
|
|
Re: خيمة رمضان للمديح (Re: ود الخليفه)
|
اولاد بدر الفلاح انا فمي فوقم صاح اذكر لي احمد كونه من الصحاح الكاتم سره في لهو موزاح وموسى الكامل مشهورا بالفلاح وسيدي ابراهيم اللي القلوب فراح وسيدي الطاهر الادر المو تمساح وسيدي الكرار الي الخصم كفاح وسيدي العباس الوارث الصلاح اذكر للسيد الراكب المراح ومصطفى اخيه محسوب من السياح صديق والطيب اليلف لي الصياح وعمر وخالد الدنقرهم نباح عبد الله اخيهم المسكو بق وفاح دقرت عيني من ولدة النجاح هم اهل الدين المتن والشراح هم سوق البايع هم تجرة الرباح العز هيلم ما بيرضوا الانفضاح هم اهل الفوز يوم الوجوه قباح هم اهل العفه هم هيكل السماح
| |
|
|
|
|
|
|
Re: خيمة رمضان للمديح (Re: ود الخليفه)
|
هم اهل الصوله هم بهجة المداح الماسك فيهم لا شك استراح يا اهل الفضل ليكم عبدا صاح محروق فؤادي من شدة النياح يوم يطرى ليمكم يضيق عليه الساح الشي من الله الخالق الفتاح انا عبدكم بالصح والصاح مبيوع لابيكم مافي قط الحاح قبال ابيكم ما كان لي جناح ما ميز نفسي في منصب الطراح يا اسياد عبيدكم طالب السماح طالب رضاكم من دعوة القماح اعطوه الانشراح لي قلبو الزوزا وراح
| |
|
|
|
|
|
|
Re: خيمة رمضان للمديح (Re: ود الخليفه)
|
صلواتا تمشي تك وسلاما لك في لك يا العالي منصبك تتمادى وتطلبك تدخل لك في ام شبك ترضيك وتبسطك ابن سليمان سبك ينجابا من الدرك
وصلى الله على سيدنا محمد وعلى اله وصحبه وسلم
| |
|
|
|
|
|
|
Re: خيمة رمضان للمديح (Re: ود الخليفه)
|
Quote: يوم يطرى ليمكم يضيق عليه الساح
|
يـا ودالخلـيفه الله يديـك العـافيه , واصـل ياحــبيب.
وما بكـره العـشـم إن كـنت مـصـطرم بي جـاهـو بتنكــرم. رحـم الله المـادح الشــيخ عـلى الـمـبارك.
| |
|
|
|
|
|
|
Re: خيمة رمضان للمديح (Re: ABDALLAH ABDALLAH)
|
الاخ ود الخليفة
رمضان كريم ووتصوم وتفطر على خير
ان شاء الله سوف ابحر بكم وبالاخوان في هذا البوست من قصائد سيدي الشيخ ابن الفارض و عبد الغني النابلسي ان شاء الله
والبرعي اليماني
| |
|
|
|
|
|
|
Re: خيمة رمضان للمديح (Re: المكاشفي الخضر الطاهر)
|
الاخوه الكرام عبد الله والمكاشفي
السلام عليكم ورحمة الله وبركاته
في انتظار مساهماتكم واختياراتكم
Quote: جبادتو تحوت تقبض كل قلات جابت اهل العناد البي الخمر قداد بي خشعه وانقياد تبعوهو بقيو اولاد انصلحوا وساروا سعاد |
من اجمل الابيات التي مرت علي
شبهه المادح بان له جباده او سناره لا تخيب الصيد ودائما ما تصتاد الحوت
وتقبض وتجيب اهل العناد وشاربي الخمر فيتبعوه بانقياد وخشيه ويصيروا من اولاده
وانصلح حالهم وساروا معه سعداء
الانسان ابن بيئته فالمادح من بحر ابيض
| |
|
|
|
|
|
|
Re: خيمة رمضان للمديح (Re: ود الخليفه)
|
أيَا مركز الحُسن العظيمِ المُحبَّبِ... أيا قَدَّه كالغُصنِ ميلاً وأرطَبِ عيون المها ترمِي لسهمٍ بِحَاجِبِ... كقَوْسٍ له التدويرُ يا نِعْمَ مَذهَبِ محَبةَ محبوبِ العليِّ المُهَيَّبِ
| |
|
|
|
|
|
|
Re: خيمة رمضان للمديح (Re: ود الخليفه)
|
رشَاقَةَ قدٍّ شاقَتِ العين نظرةً... سماحَة عُنقٍ فاق ظبياً وبهجةً كَنَوْرِ الرُبا وجلاءِ نورٍ ورَشْفَةً... من الضّرْبِ المَمْزُوجِ باللُّطْفِ حِكمةً شفاءٌ دواءٌ للمُحبِّين طيِّبِ
| |
|
|
|
|
|
|
Re: خيمة رمضان للمديح (Re: ود الخليفه)
|
افلله ذاكَ الثّغْر نُضِّد يا فتى... بدُرٍ وذاكَ الدُرُّ أشنَبُ أنعِتا حَبابٌ لهُ يُبري الغرامَ مُفَتَّتَا... حلا نُطْقُه للفانِيين مُثَبّتا جنانُ مُريديهِ بلُطفٍ مُهذَّبِ
| |
|
|
|
|
|
|
Re: خيمة رمضان للمديح (Re: ود الخليفه)
|
ضياءُ جبينٍ مِثلُ شمسٍ وأبهجا... سوادٌ لجعدٍ حُنْدُسَ الليل أثبَجا له فرقَةٌ فيها النهارِ مع الدُّجى... ومن تحتها عينٌ كحيلة مُدعجا تَبارك من أنشاهُ للحُسن منصِبِ
| |
|
|
|
|
|
|
Re: خيمة رمضان للمديح (Re: ود الخليفه)
|
له أنفُ لُطفٍ مثلُ سيفٍ وأصقلا... له ريقُ عذبٍ كالبحار وأنهلا له وجْنَةٌ كالوردِ بل هي أجملا... له قامَةٌ كالرمْحِ بل هي أعدَلا عليه صلاةٌ والسلامُ المُطَيَّبِ
| |
|
|
|
|
|
|
Re: خيمة رمضان للمديح (Re: ود الخليفه)
|
ود الخليفة
كيفك
وحمداً لله ع السلامة
ورمضان مبارك وينعاد علينا وعليكم
والوطن بالف خير شكراً لجهدك المقدر.
..........................................حجر.
| |
|
|
|
|
|
|
Re: خيمة رمضان للمديح (Re: ود الخليفه)
|
الليله بجيب قولا علي الأبرار مرحبا السادة الأقمار
اللهم ياقادر وياغفار ندعوك راغبين بالفور وبالتكرار جمل حالنا استرنا ياستار في هذي الدنا وأيضا في تلك الدار
| |
|
|
|
|
|
|
Re: خيمة رمضان للمديح (Re: ود الخليفه)
|
جيب فوق الأمير خالد أبو سليمان سيف الله الشهير في الحرب والميدان ميات الألوف حين شاهدوهوا عيان ولوا مدبرين بالخزي والخزلان
جعفر والفضل يامرحب السادات أبناء الكرام الأكرمين قادات وكت الشوف يشوف وتيامنوا الرايات كم أفنوا وكم شهدت لهم آيات
| |
|
|
|
|
|
|
Re: خيمة رمضان للمديح (Re: ود الخليفه)
|
فوق الهاشميه أنظم وأجيب رجزه أعماموا الاسود عباس وناس حمزه يات من كان يجيك فوق الرسول هزه عزوا الدين ورب الناس لهم عزه
يامولاي عن أصحاب نبيك جمعا أرض وتابعون والتابعين معا أهل البيت جميع نبقي لهم تبعا في يوم البعث في زفتم نظعن
| |
|
|
|
|
|
|
Re: خيمة رمضان للمديح (Re: ود الخليفه)
|
ياذا الجود وياموجود ويا غفار صل علي نبيك كرات وبالتكرار منشيها الحقير الحامل الأوزار الماحي أرحموا والوالدين والجار
وصلى الله على سيدنا محمد وعلى اله وصحبه وسلم
| |
|
|
|
|
|
|
Re: خيمة رمضان للمديح (Re: ود الخليفه)
|
شيخي ود الخليفة
Quote: جعلنا الله ممن تنزل عليهم الرحمة في هذا الشهر الكريم ويشملنا بالمغفره ويعتقنا من النار
|
آمين عليكم الله ما تنسونا معاكم
كان خليتونا علي رعرعتنا دي يانا الضعنا!
| |
|
|
|
|
|
|
Re: خيمة رمضان للمديح (Re: ود الخليفه)
|
الجهاد فيا سمرا حرفة النبي وامرا
يا من للخليقه برا ندعوك بالضحى وبرا عبدك جرحو ليس برا درب العارفين برا خاطي السكه ماشي برا
يا من خلقت البريه ندعوك بسورتي الضحى وبراءه (التوبه) فعبدك جرحه لم يبر وهو من السالكين لدرب غير درب العارفين وفي هذه القصيده التزم الشيخ البرعي الجناس التام والناقص في كل مقاطعها
| |
|
|
|
|
|
|
Re: خيمة رمضان للمديح (Re: ود الخليفه)
|
بي خديجة الكبرى عائشه ام رتبة كبرى نسلك منهج الكبرى يوم البطشة الكبرى اقينا نارك الكبرى
ويسال الله بالسيده خديجة الكبرى وهي زوج الرسول ص اما خديجة الصغرى فهي بنت الزبير بن العوام ابن عمة الرسول ص
و بالسيدة عائشه ام المؤمنين صاحبة الرتبة الكبرى
يساله بان يسلك منهج الكبرى ويقيه النار الكبرى يوم القيامة يوم البطشة الكبرى
| |
|
|
|
|
|
|
Re: خيمة رمضان للمديح (Re: ود الخليفه)
|
من حولي لك ابرا يا من لي شفاك ابرا خيط جرحي غير ابرا بل كل السقام تبرا من غير حقنه او ابرا
ثم يسال الله ان يشفي جروحه والالامه من غير تدخل جراحي او حقن
وفي هذه القصيده التزم الشيخ البرعي الجناس اللفطي التام والناقص في كل مقاطعها
| |
|
|
|
|
|
|
Re: خيمة رمضان للمديح (Re: ود الخليفه)
|
ثن بي اطيب العترة احمد منقذ الفتره الصق كفا منبتره قام ليلا سبل سترا صلى الشفع والوترا
ثم يثني بالرسول ص منقذ الفتره والفتره المقصود بها الزمان ما بينه وبين الرسل
فقد ارسله الله لنا منقذا لنا
اما ذكر الشيخ البرعي لالصاق الرسول للكف فلم اعرف عنها شيئا
ووجدت قصة عبد الله بن عتيك الأنصاري لما اًصيبت رجله حين نزل من درج إلى رافع أبن أبي الحقيق لما قتله مسحها بيده الشريفة فبرأت
سيدنا ص قائم الليل سابلا ستره مصليا الشفع والوتر
| |
|
|
|
|
|
|
Re: خيمة رمضان للمديح (Re: ود الخليفه)
|
يوم ميلادو يا فقرا سدا المولى باب سقرا للكونين عم قرا كم كم اغنى مفتقرا ثم يجالس الفقرا
يوم ميلاده الكريم سدت النيران (ويا فقرا )نداء للحيران في المسيد
والرسول ص قراه اي طعامه موفور للطالب
وكم اغنى مفتقرا
ويتواضع ويجلس مع الفقراء
| |
|
|
|
|
|
|
Re: خيمة رمضان للمديح (Re: ود الخليفه)
|
ا نبي افضل البشرا خيرو العم وانتشرا اسرا و ناجا في عشرا خف الخمسه في عشره لينا جا بي نص عشره
ثم يذكر خير الرسول ص الذي عم وانتشر
فقد اسرا وناجا الله وخفف فرض الصلاة الذي كان خمسين في اليوم والليله الى خمس صلوات فقط (نص عشره ) والشيخ البرعي قدره على تطويع الارقام وادخالها في قافية القصيده كما في مدحة الليث علي الكرار يتكرر الرقم عشره في احد الابيات كقافيه وكذلك الرقم اربعة في مصر المؤمنه والرقم خمسة في لومي انا الما قم في البرد
| |
|
|
|
|
|
|
Re: خيمة رمضان للمديح (Re: ود الخليفه)
|
احمد سيد البررا انظم مدحو كالدررا نافي الظلم والغررا في يوم تزفر ام شررا بيهو ننجو من ضررا
ينظم مدحا كالدررفي سيدنا محمد سيد الابرار نافي الظلم والغرور
به ننجو يوم تزفر النار شررها وبه ننجو من ضررها
| |
|
|
|
|
|
|
Re: خيمة رمضان للمديح (Re: ود الخليفه)
|
برقا في الهجيعه سرا لريحة العرج وسرا في سجنو العشوق اسرا يربح بيعه الخسرا تجبر خاطرو الانكسرا
كعادة المداح والشيخ البرعي البيت قبل الاخير ذكر البرق الذي لاح في وقت الهجيعه ليلا من تجاه الذي عرج واسري به وقد اسر الشيخ المحب في سجن محبته ويسال الله ان يربح بيعه الخسران وقطعا ليس المقصود تجارة الدنيا الفانيه وان يجبر خاطره المكسور بالزياره
| |
|
|
|
|
|
|
Re: خيمة رمضان للمديح (Re: ود الخليفه)
|
صل يا من لنا فطرا عد البحر والمطرا لي ذو السيرة العطرا برعي بيك قضى الوطرا الدنيا اكفيه شر خطرا
ثم يختم القصيده كالعاده بالصلاة على الرسول صلواتا بعد البحر والامطار لسيدنا محمد صاحب السيرة العطرة يقضي بها البرعي حاجته ويكفيه من شرور الدنيا
وصلى الله على سيدنا محمد وعلى اله وصحبه وسلم
| |
|
|
|
|
|
|
Re: خيمة رمضان للمديح (Re: ود الخليفه)
|
اثني قولي لي سيدي المنصور شافع الخلوق يومت النشور يوم حيارى من ضبة القبور شاخصين عراة والجحيم تفور صنت الهجير فايره كالقدور صفت الانام والرسل حضور مطلبن جميع للشفيع ندور عيسى قالنا ذاك سراج النور نجري كالظما الغابه ليها دور شافنا قام وقف احمد السرور خلص اليصيح في العذاب مزرور جاهو شاملا للعصاة ينور
| |
|
|
|
|
|
|
Re: خيمة رمضان للمديح (Re: ود الخليفه)
|
اصلو سابقا خمش نور من نور من ابيهو في امنه بان ظهور لي امو جا الوضوع بانت الامور حاضرات نسا وبضعه من حور ناقيا من دم طاهرا طهور خر ساجدا للاله شكور فاحت الارياح منو والعطور نورو ضو الكون وخمد البدور فرحت السما والارض والبحور شاشت الحسان ليهو في ام قصور نارت البلدان وطابت الدهور زالت المسوخ بيهو والنكور
| |
|
|
|
|
|
|
Re: خيمة رمضان للمديح (Re: ود الخليفه)
|
شوف حليمه ليها النعيم مدخور رضعته يا نعم ها الشطور صايبن قحط والحمار مكسور بارك الزويد ليها والفطور هي وحليلا صار خاطرن مجبور يمشوا في السروح يالفوا صيد البور خضر اليبيس حولو والثمور الملايكه جوا في خلا العتمور شقوا صدره وتموا قلبه نور ضمره شافا راح خايا محرور كلم امو جات تجري كالعصفور في جبال حرا لقيت الصبور فوقو هيبه لا هم ولا كدور
| |
|
|
|
|
|
|
Re: خيمة رمضان للمديح (Re: ود الخليفه)
|
اصلو في قريش عزه مخبور جودو فاق على وابل المطور كفهو الشريف ينبع النهور لانت الحجار تحتو والصخور قايما بالليل لا ورا السحور جوفو جائعا بالصيام مهجور بابو فاتحا حاشا مو محجور منهو السؤال ما بيصد مقهور في الرسل جميع ماله ناظور بي كرامتو فاق لي نجي الطور تبعو الكرام ليها كان يشور يدخلوا الجميع في القنا اب تابور ديمه في الجهاد صفهم منصور صبحوهو عوق النجوس مكبور تلقا في المحاص عاول الفاخور جملة اب غبار في العجاج محدور تاكل الكــلاب فيه والصقور كم مجندلا دمو سال ناسور كم معقربا في الحديد مسجور هدموا الصنامات مع الكجور عوزبوا النسا وعدمن الذكور دوبه للجنات بدروا المسور
| |
|
|
|
|
|
|
Re: خيمة رمضان للمديح (Re: ود الخليفه)
|
جالب الرجال من صليح وفور هملوا العقاب وقبلت تكرور يا كريم تحل قيدي اب ساجور نعمه يا اليقوم ليهو بالمجرور ينزل القصير يكري لا مديور يرسي في الشروق ناجي من ضرور البدوه جابت جمالا كور سرنا هايمين للمدينه ام سور ندخل ام شبك للشفيع نزور نكرف المسك ندو والكافور الفراش ديباج والحرير مكجور سرجوا الاغوات وطلقوا البخور دوبه لي جوار ذيلك القبور
| |
|
|
|
|
|
|
Re: خيمة رمضان للمديح (Re: ود الخليفه)
|
مرحب الغناة نعمه ها الحبور شيخنا ود حليب في الرجز منبور يمدحوا البادراب والعبيد ودنور ناس بشاره وضلعاب والجبور نعمه ود تميم بالعلم مذكور والقرش مع العاقب المشهور وابن حاجه اليمدى للصبور والسخي العبيد وراوي ود اب كور كلهم سادات الا ان المحقور ما قريت سواد قلبي كيف محسور تاه شبابي في هوى الطنبور
| |
|
|
|
|
|
|
Re: خيمة رمضان للمديح (Re: ود الخليفه)
|
نسال الكريم شارح الصدور قولوا يا زمال سوقنا ما بيبور نقروا الدفوف وقلبوا الشعور شكروا الحبيب الزمن قاشور غنوا للرسول الذكر محضور تكسبوا الامان بيها في ام قصور الجزا النعيم والنساء حور
| |
|
|
|
|
|
|
Re: خيمة رمضان للمديح (Re: ود الخليفه)
|
ختام المدحه بالصلاة على النبي
الصلاة عليك يا النبي المنصور الصلا عليك كل ليل ودور الصلا عليك عد ضيا الشهور الصلا عليك مدة الدهور السلام يفوق وابل المطور النبات جميع ما شعق في بور قش واندراب سعده والكتور جملة الدواب ريشة الطيور والبليب مع القمري والعصفور والسباع جميع صنفو للنمور والكتب لي فرقانا والزبور عد ما علم انت يا غفور ملكك وسماك وبيتك المعمر والقلم واللوح والعرش والصور كرسي والاملاك والحجب والنور والاراضي وما فيه والبحور طبقه طبقه لا عن مكان الثور ترجح الجبال لليسمى الطور من عبيدك الماحي يا مبرور تدخرلو في الموقف ا ب كابور بيها افاشي في جنة السرور
وصلى الله على سيدنا محمد وعلى اله وصحبه وسلم
| |
|
|
|
|
|
|
Re: خيمة رمضان للمديح (Re: mohamed hussein)
|
سلمت يا ود الخليفة ولا فض فوك ...
سأوافيكم ما استطعت ببعض من قصائد شاعر الأعراك ...
والدنا الشيخ عبد الله محمد يونس ... والذي شدا له
الراحل المنشد عبد السلام محمدعلي ببعض من قصائده ..
ننصت بأدب ...
فتابع رعاك الله
وصلى الله وسلم على النبي وآله ...
| |
|
|
|
|
|
|
Re: خيمة رمضان للمديح (Re: ود الخليفه)
|
يا نسايم الليل وضعو اخر الليل ربيع خُمْسِين خيرو فاض كالسيل به فزنا ونلنا أعظم نيـــــل وزاد أعداءه بالأسف والويل
تكررت ربيع خمسين في المديح كثيرا
وخمس الشهر هو 6 ايام والخمسين هي 12 من ربيع يوم ميلاده ص
| |
|
|
|
|
|
|
Re: خيمة رمضان للمديح (Re: ود الخليفه)
|
يا نسايم الليل فرعو طال يا بنية به نسمو نبلغ الامنيـة حبيب الرب الصفاتو ثنيـة نبينا القال العمل بالنيـة
يا نسايم الليل البروق جازني نسايم الشوق لام رخام هــزني سهام الحب بالجروح آذنـي متين نوصل والقعاد أحزني
| |
|
|
|
|
|
|
Re: خيمة رمضان للمديح (Re: ود الخليفه)
|
يا نسايم الليل عد من له قاموا لحلو اللَهجة الجمــــيل انغامو البرعي تزيل علتو وسِقامو دوام يثبت ويستقيم في مقامو
وصلى الله على سيدنا محمد وعلى اله وصحبه وسلم
| |
|
|
|
|
|
|
Re: خيمة رمضان للمديح (Re: ود الخليفه)
|
فوق مطايا اسرى الليل لي حجايا للمحبوب
يا علام الخفايا انت الله ذو العطايا سائلك تقبل دعايا بالتوفيق والهدايا منك الحب يا رجايا في المحبوب يبقى غايه
| |
|
|
|
|
|
|
Re: خيمة رمضان للمديح (Re: ود الخليفه)
|
ثاني القول جيب روايه لي براق الثنايا احمد خاتم انبيايا صاحب التاج واللوايا ماحي اللوم والجنايا لي من فاعل الخطايا
مو سلطان الجرايه ما بختولوا الجبايه ود العز والبهايا قايم الليل بالتلايا ذيل افعالو الكنايه سيدكم لبس العبايه
| |
|
|
|
|
|
|
Re: خيمة رمضان للمديح (Re: ود الخليفه)
|
من درفون في الرعايه ظلت فوقو التخايا يالفو الصيد في البرايا كونو مليح السجايا الاملاك بي عنايه جابت رتب الولايه
كان يا اخوان ايه ايه شيئا كان لا نهايه مسو يعافي القسايه فتح ناسا عمايا المقطوع اب دمايه يجبر سالم نقايه
| |
|
|
|
|
|
|
Re: خيمة رمضان للمديح (Re: ود الخليفه)
|
العاجزين العرايا عدمانين السعايه قول ببركه حجايا صارت ناسا غنايا تلك الحين للغلايا نزل غيث السمايا
ايضا شوفو الحكايه في تسبيح الحصايا يوم يا غازين يا اخايا اروى القوم الظمايا يا من لكم درايه قصة جابر كفايه
| |
|
|
|
|
|
|
Re: خيمة رمضان للمديح (Re: ود الخليفه)
|
انت الساس والبنايا انت الظل والغطايا انت صباحى و مسايا دافع الشروالبلايا وللاسلام باقى تايا ياطبى ويادوايا يا قوتى ويا شفايا وكابى وشدة قفايا ياحرزى من الاذايا بيك الله اراد نجايا
نعم اصحاب مجتبايا بايعين روحم رضايا نايره وجوهم ندايا يات من كان فوقو شايه راكب شايل اب سقايه خلو الروس كالادايه كفو الطيرفي الغبايا حازو الخير بي حوايه بكوا البوم في السرايا قاموا الدين ليه رايه
| |
|
|
|
|
|
|
Re: خيمة رمضان للمديح (Re: ود الخليفه)
|
فى مقصودى ومنايا اسرى الليل فوق مطايا انزل والقى الرمايا شرق المر من بدايه في وبان الضحايا فرض الحج نقضى غايه اقدم لي يثربايا ولي مرواد العمايا سر قلبي ونور ضيايا شوفتو بتبرد حشايا
شرق المر من بدايه
المر هو بحر المالح او البحر الاحمر
| |
|
|
|
|
|
|
Re: خيمة رمضان للمديح (Re: ود الخليفه)
|
يا قيدومة انبيايا قول عباس في حمايا في قصور يجلس حدايا جنب ام حسنين في كسايا زوجو حورا صبايا ست كرات ديل هدايا لابسه الطوق والفدايا دهبا حر كم وقايا اكرمو يا سيد ابايا لاما يقولك كفايا
جاب الماحي النهايه عبدا فاعل الخطايا جيت واقع بالمعايا بى والدى وجنايا بجيرانى ونسايا والاخوان واصحبايا والاسلام جمله غايه قول الكل فى حمايا
| |
|
|
|
|
|
|
Re: خيمة رمضان للمديح (Re: ود الخليفه)
|
الصلوات ايه ايه والتسليم عد مايا ريح الصيف والشتايا عد الحب والنوايا والبتاب والشرايا والعيش و والسحايا والمرمد والسنايا والحنتوت والارايا صنف الطير للقطايا مافى الارض وسمايا علم الله لانهايا ليك ياخير البرايا اقبلا ورد لى جزيا
للمحبوب فوق مطايا اسرى الليل لى حجايا
وصلى الله على سيدنا محمد وعلى اله وصحبه وسلم
| |
|
|
|
|
|
|
Re: خيمة رمضان للمديح (Re: ود الخليفه)
|
الليله برق الروضه لاح من سوح ضريح كنز الفلاح يا خالق الليل والصباح امطرنا جودك غير شباح اوزارنا بي عفوك تباح يا خالق الليل واصباح مكنا في سوق الرباح
ثنيت بي كنز الفلاح شمس الهدى و بيت الصلاح ليهو الذكر عصمه وسلاح للناس ظهر ضي نورو لاح
| |
|
|
|
|
|
|
Re: خيمة رمضان للمديح (Re: ود الخليفه)
|
يوم وضعو في الكون طيبو فاح زال الضلال زال السفاح جاء بالحلال اطيب صفاح بالذكر منصور في الكفاح
سيد موسى والفي الارض ساح يارحمة العمي والكساح وافر عطاه الماهو شاح لابس الكرم بدله ووشاح
| |
|
|
|
|
|
|
Re: خيمة رمضان للمديح (Re: ود الخليفه)
|
نبيا ما قاله حق وصاح ساد العجم والفصاح الكان سقيم بي تفله صاح بيهو الذكر عصمه وسلاح
يا مروي في الكتب الصحاح هايم بك التبعوك نصاح الخالفك من حالو حاح خسران قمح شرك وحاح
| |
|
|
|
|
|
|
Re: خيمة رمضان للمديح (Re: ود الخليفه)
|
فوح نسيم الروضه فاح جارح الفؤاد زي السلاح قوم بي نقدم يا صلاح نصل الرسول كنز الفلاح
صلاتي عد ما شال وماح للرزقو في ظل الرماح البرعي يربح غير قماح يلقى بها العفو والسماح
| |
|
|
|
|
|
|
Re: خيمة رمضان للمديح (Re: ود الخليفه)
|
نحمدو ونشكرو عد نبت السبيب فتحا من كريم مو تصنيف لبيب احلى من العسل احلى من الزبيب طرا للرسول النبي سيد خبيب
بعد الحمد ثن بالطيب والمطيب لين الجانبين ذو الغصن الرطيب شافع المذنبين يوم كربا عزيب نحشر في لواه والانفس تطيب
| |
|
|
|
|
|
|
Re: خيمة رمضان للمديح (Re: ود الخليفه)
|
يوم البشرى يوت الفي الله رقيب حال المسكنه اختارو ورضيبو
حاجبا كالهلال انفا كالقضيب ان مر بالهشيم اسمر وشار وضيبو
ما نطقو الغلام الضب ثم ذيبو اب سم والنياق والطير والدبيب
| |
|
|
|
|
|
|
Re: خيمة رمضان للمديح (Re: ود الخليفه)
|
ظلاه الغمام المر صار عذيب لاقدام الرسول الاحجار تذيب
رحب الراحتين اب جودا عجيب ما دخر الدنا ما بيحمل في جيبو
ان شار للسما في الحال يستجيبو بابك للضعاف ما اتغفر حجيب
| |
|
|
|
|
|
|
Re: خيمة رمضان للمديح (Re: ود الخليفه)
|
ود الخليفة رمضان كريم عليك يابا خواتيم مباركة إن شاء الله في ميزان حسناتك يا خوي كل سنة إنت وزوارك الكرام وكل الأهل بخير وصحة وعافية إن شاء الله ربنا يتقبل صيامنا وقيامنا وصالح دعواتنا إن شاء الله
| |
|
|
|
|
|
|
|