|
Re: عشرون عاما على إستشهاد طارق محمد إبراهيم-17/7/1991-شهادتي على الاح (Re: عمار يس النور)
|
واحد شايل قلما بكتب .. وواحد شايل مدفع بكتل .. صاحب المدفع أصبح ريس .. ما دنيانا صبحت غابة *** قام الريس جابلو حبل .. وطارق الجنة أبى يتكبل .. زولنا الريس زولا أهبل .. جاب المدفع وقال تتكبل .. وحفيد القرشي أبى يتكبل زولنا الريس قال لي طارق .. لي واليك أحسن تسمع .. مد ايديك عشان تتكبل .. ردد طارق : أشوف الأرضة في بيتنا الأكبر تاكل تشبع .. وبيتنا الأكبر بدا يتصدع .. أقوم اتفرج بس واتربع .. حاشا وكلا ما بتكبل .. ما بتكبل .. ما بتكبل *** زولنا الريس قال لي طارق: لي كلام الله أحسن تسمع .. ما بتلقالك زولا يشفع .. مد ايديك عشان تتكبل رد الطارق : تشريد طلبة .. تجويع أمة .. إزهاق أنفس .. تضييع زمة .. تفريق لمة .. ده شرع الله ؟! حاشا وكلا .. أبدا أبدا ما بتكبل .. ما بتكبل .. ما بتكبل *** زولنا الريس مفلس وافلس .. وفوق المدفع قام اتحسس .. رفع المدفع .. اطلق طلقة .. طارق الجنة حضن الطلقة .. أبى يتكبل وحضن الطلقة .. وفي محل طارق قاموا طوارق .. يللا يا ريس جيب المدفع .. في محل طارق قاموا طوارق .. جيب المدفع نحن طوارق .. ما بنتكبل نحن طوارق .. .......... أبى يتكبل وحضن الطلقة تنزيل
|
|
|
|
|
|
|
|
|