|
Re: test test (Re: ذواليد سليمان مصطفى)
|
. .
الإخوة الأفاضل والزملاء الأعزاء لكم جزيل الشكر على تفضلكم بزيارة بوست (test)الذي كتبته إبان الهجمة الهكرية على وطننا الإسفيري سودانيزأونلاين حيث فقدت بعدها الباسوورد حتى تلطف الأخ أمين خال حمور بالكتابة للريس بكري يٌعلمه بذلك فبادر بتزويدي بباسوورد جديد في ذات الليلة فله ولأمين فائق التقدير .
الأخ الكريم ناصر : طلعت من زمان من حساب الزول أصلاً دخولي كان دون قصد ،لك الشكر يازميل .
الأخ الكريم الرفاعي شكراً على الطلة وكمان يازول طلعنا قرايب لكن في فمي ماء .
الأخ العزيز والصديق القريب سمعة
أول حاجة ياخي رمضان كريم وكل سنة وانت طيب وأهلك وحبانك طيبين ، وتاني حاجة العتب حاصل (إنما يعاتب من تٌرجى مودته) ياخي وين الناس انت أكتر زول بغيب عن المنبر مابنشوفك إلا كل كم سنة مرة بقيت (مٌذنب سمعة عديل كدة) على وزن (مٌذنب هالي) ، كل الناس مشغولة في الغربة لكن مابنخلي سودانيز اونلاين على الأقل نشارك مرة في الشهر أو مرتين. ياخي أنا كان عارف صوت المكروفون بجيبك كان من زمان عملت حولية كل شهر مرة (ياربي بهم وبآلهم عجل بالنصر وبالفرج) و(وصلاة في سلامِ على غوث الأنام)
ياسمعة ياحبيب القلوب شواهد ويشهد الله على ما في القلب لكم من مودة صادقة ومحبة غامرة أسأل الله تعالى أن تسمو بنا إلى ظلال عرش الرحمن يوم تشقق الأرض بالغمام ونُزل الملائكة تنزيلا ، وببركة هذا الشهر الفضيل أسأل الله لك ولمن تحب أن يملأك عافية وأن يبسط لك في الرزق وأن يدخلك في كل خير أدخل فيه محمداً وآله الطاهرين وأن يخرجك من كل شر أخرج منه محمداً وآله الطيبين.
بالمناسبة نملية بكري دي### مدعاة لسوء الظن في الكاتب وفي كثير من الأحيان تصد هذه النملية كلمات بريئة لكن الحوش حوشه ونحن ضيوفه،فله الشكر ودعواتنا له بالتوفيق في إدارة السودان الإسفيري .
ياحبيب عليك الله ماتغيب وخليك قريب وتقبل خالص الود .
الأخ الكريم عمار : كنا طاشين لكن اهتدينا
الأخ العزيز أستاذنا حيدر : لك جزيل الشكر على التحية الجميلة ،وتقبل خالص المودة .
أخي الحبيب خليل : وأنا أكثر ياصديقي
ود عمي أستاذنا طارق جبريل : كل سنة وانت طيب ياجميل وربنا يملاك عافية،وتقبل خالص الشكر وفائق التقدير ( ياود عمي ياخي ماتشوف لينا عروس من بلاد العرش العلوي المجيد خلاص فاضل لينا كم سنة كده والقطر يفوت)
الأخ الكريم ذو اليد : صوت المكرفون ده جاب لي الكفوة بعديه طوالي الباسورد طار الف شكر على الجية وحبابك عشرة ، وتقبل الله أعمالك في الشهر الفضيل .
للجميع أكرر الشكر والتقدير ورمضان كريم . .
|
|
|
|
|
|
|
العنوان |
الكاتب |
Date |
test test | ALazhary2 | 07-15-11, 05:13 PM |
Re: test test | عمار عبدالله عبدالرحمن | 07-15-11, 05:19 PM |
Re: test test | ناصر البطل | 07-15-11, 05:25 PM |
Re: test test | الرفاعي عبدالعاطي حجر | 07-15-11, 05:39 PM |
Re: test test | sumah | 07-19-11, 07:18 AM |
Re: test test | sumah | 08-06-11, 10:02 PM |
Re: test test | عمار عبدالله عبدالرحمن | 08-06-11, 10:05 PM |
Re: test test | حيدر حسن ميرغني | 08-06-11, 10:22 PM |
Re: test test | khaleel | 08-07-11, 10:08 AM |
Re: test test | طارق جبريل | 08-07-11, 10:21 AM |
Re: test test | ذواليد سليمان مصطفى | 08-07-11, 11:33 AM |
Re: test test | ALazhary2 | 08-08-11, 11:23 AM |
Re: test test | ادم الهلباوى | 08-08-11, 03:25 PM |
Re: test test | د.نجاة محمود | 08-08-11, 06:31 PM |
Re: test test | ALazhary2 | 08-09-11, 01:50 AM |
Re: test test | ALazhary2 | 08-09-11, 01:47 AM |
Re: test test | عادل نجيلة | 08-12-11, 10:33 AM |
|
|
|