|
Re: اْنفصام .......الجنوب !!!! (Re: عبدالكريم الامين احمد)
|
وجع الروح
Quote: وجع الروح
اهلا يا اصحاب
ما عارفا اذا كانت العبارة دي موجودة في لغتنا اليومية زي (حراق الروح مثلا) ولا لا ، لكن العارفاه انه روحي موجوعة . هو احساس زي انك فاهم ومستوعب وموافق وسعيد في جانب منك لكن حزين ومحبط ومهزوم في جانب تاني ، زي انك في وموجود وغايب او بتتمني في الوكت نفسه. زي انك شايل حاجات دي جواك وما تكون قادر غير تسكت وتتأمل.
فرحت لي فرح اخواني واخواتي في جنوبنا الحبيب بي الدولة الوليدة . وبتمني من قلبي ينعموا بي امن ، عدالة واستقرار اتمنوهوا كتير واتمنيتا ليهم .
لكن في نفس الوكت، حزنت لي حقيقة انه الوطن بيتقسم ، واتوجعت اني بفقد جزء من اسرتي الكبيرة وجزء من تراب بلدي
اتذكرت مرات كتيرة كنت بتكلم فيها مع ناس من حتات مختلفة من الدنيا دي عن السودان المافي في نشرات الاخبار والاحصائيات الرسمية. بحكي عن تنوعه في اعراقه واعرافه ، لغاته ، موسيقتو ، ثقافاته دياناته ومعتقداته . عن تاريخه وجغرافيته وانسانه.
وعن ايماني بانه لو استقر ولو قدروا اولاده يديروا حياتهم وعاشوا مع بعض في سلام ومحبة حقيقية لي بعض … ببقي حاجة جميلة وما تخلص. وما غريب ولا جديد عليه ، مش هو ارض واحدة من امهات الحضارات القديمة.
الواقع يا اصحاب بقول انه اولاده ما قدروا … دا واجع روحي
انه كان عندي امل انه بكرة حيكون افضل بي بعض ولي بعض ومع بعض ، والواقع الان بقول غير كدا وانه في سودانين … ودا واجع روحي
بصراحة حتي فكرة انه في خريطين ومساحتين وسودانين بخلاف السودان الواحد قالوا لينا من زمان ، مستفزة … وبتوجع.
وفكرة انه في غنا وفنون ومختلفة نادت بي بلد واحد حاشوفها واقراها واسمعها في المستقبل وما عارفا حاضحك ولا حابكي علينا … برضو بتوجع
بكتب ليكم وانا ما كاتبة ولا شاعرة بس موجوعة وحاسا اني عايزا اقول حاسا اني مفروض اقول ، لاني جزء من السودان الكان واحد دا. وبرضه يمكن ... يمكن ارتاح
نانسي
|
يا الله
|
|
![Yahoo](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
اْنفصام .......الجنوب !!!! | نصرالدين صلاح | 07-10-11, 07:50 PM |
Re: اْنفصام .......الجنوب !!!! | نصرالدين صلاح | 07-10-11, 09:22 PM |
Re: اْنفصام .......الجنوب !!!! | نصرالدين صلاح | 07-10-11, 09:38 PM |
Re: اْنفصام .......الجنوب !!!! | نصرالدين صلاح | 07-10-11, 09:44 PM |
Re: اْنفصام .......الجنوب !!!! | نصرالدين صلاح | 07-10-11, 09:51 PM |
Re: اْنفصام .......الجنوب !!!! | نصرالدين صلاح | 07-10-11, 10:36 PM |
Re: اْنفصام .......الجنوب !!!! | عبدالكريم الامين احمد | 07-10-11, 10:48 PM |
Re: اْنفصام .......الجنوب !!!! | نصرالدين صلاح | 07-11-11, 05:55 PM |
Re: اْنفصام .......الجنوب !!!! | نصرالدين صلاح | 07-11-11, 08:13 PM |
Re: اْنفصام .......الجنوب !!!! | قيقراوي | 07-16-11, 11:04 AM |
|
|
|