|
Re: لوكْ القرَضَة يا ريِّس! (Re: عبدالفتاح أبوشيمة)
|
إنت عارف وكمان محاسب اللي كان سبب المصايب أصله ديمة هو عايب إن حتّى قال بقيت شايب
-
شي كلاماً في الفكر حقّ السياسة وشي في الغُنا وفطنة وكياسة كلام عديل ما حق غلاسة والناس بتفهم في السياسة والكورة والغُنا لي دباسة لكن في ناس فاتت حساسة وللاّ القيم بقّوها في دار الحباسة وبقينا في زمن عيسى اللّي ما عاد فيه أي دسيسة أو دساسة والقصة واضحة ما دايرا ليها أي فراسة
--
سياحة في ونسةً مع الريّس، ومع كل زول ريّس وكل زولاً يقولوا عليهُ زول كيّس وما هو الهويّن داك ولا ياهو الفطيّس لوكوا القرضة يا ريّس ما تّتابعوه دا الخيّس أصله نُضارُه ما نفيّس ولا طابوره داك كويّس أصلاً كايس بس يتريّس عشان لي سيدُه داك يتّيّس عارفك يوت زولاً كيّس تفهما طايرة وعارف كيف حتتسيّس الدور والباقي على المتحيّس يعرف إنّك إنت؛ إنت الريّس
| |
|
|
|
|
|
|
Re: لوكْ القرَضَة يا ريِّس! (Re: ناصر احمد الامين)
|
ناصر الحبيب الحبيّب
لا يمكن أن تتخيّل كم أنا مشتاق إليك وجدّ سعيد بلقائك أما الحزن ألا تراني أبكي في عنواني البشر يأتون يوم مولدهم حزانى ويغادرونها حزانى فلا تجزع أخي ومن لا يحزن فليرم في مخزن
| |
|
|
|
|
|
|
Re: لوكْ القرَضَة يا ريِّس! (Re: عبدالفتاح أبوشيمة)
|
يا ريّس كل سنة وإنت طيب
وعمرةً مقبولة
ودارفور
إن شاء
الله
بركة
وكل حركة
فيها البركة
--
الخريطة بقت مشرّمة والنفوس بي بقع مخرّمة والسنون اللّي قمنا بيها مترّمة والقلوب بقت جد كمان مضلّمة تتنوّر كيف طالما أنحن يوت في مظلمة
--
الغنا دايرنّه المفيد ما ينقّص بل يزيد والثقافات تستعيد كلّ واحدة للمجيد ولي مجدها التليد -- دايرين غنا؛ يعزز ديننا، وسياستنا، واجتماعنا، وكلّه كله مش يكون خصماً عليه رمضان جايي فضائيات كتيرة ليكم عليها (سيي say) أو حتى أمر --
الترابي، الصادق، نقد كل واحد لما ابتعدوا أو أبعدوا أكيد يكونوا أنتجوا.
الهوّة بين الثقافي والسياسي كبيرة تحتاج إلى شيولات كبيرة وهي موجودة لكن مشغولة بالكراسي والإدارة والسياسة ياخي فرّغهم يردموا لينا الهوة دي (وتكون ضربت عصفورتين، ربطت الحزام، وأسعفت المدام،...وصليت والناس نيام) ياخي بدل مانقول لي منقو(قل) لا عاش من يفصلنا؛ كان نخليه براه يقول بي لغته لي أخوه وأخته، وبي طريقته يمكن كان تفيد ياريس معليش كلامي ما ليك إنت براك كلامي لي أمة لولاك كل المتريّسين، والمتّيسين المتنفّذين، والمهمّشين -- بلاوينا في خطاوينا كم ليلةً بتنا طاوينا؟
وإلى لقاء يا مسلمينا
| |
|
|
|
|
|
|
Re: لوكْ القرَضَة يا ريِّس! (Re: عبدالفتاح أبوشيمة)
|
والله لمن قريت عنوان البوسطي حقك دة من برّة قايلك قاعد تضامن مع الريس بكري ود اوب ابوبكر
لكن لمن جيت عاين لقيت ناس إبن الباوقة العاق مبسوطين عرفتا إنك قاعـد تمدح في العمبلوق عمر بشير.
لقيتك طبال بشكل عجيب, كهههههههاااااي
| |
|
|
|
|
|
|
Re: لوكْ القرَضَة يا ريِّس! (Re: احمد محمد بشير)
|
Quote: والله لمن قريت عنوان البوسطي حقك دة من برّة قايلك قاعد تضامن مع الريس بكري ود اوب ابوبكر
لكن لمن جيت عاين لقيت ناس إبن الباوقة العاق مبسوطين عرفتا إنك قاعـد تمدح في العمبلوق عمر بشير.
لقيتك طبال بشكل عجيب, كهههههههاااااي |
(1)
Quote: قايلك قاعد تضامن مع الريس بكري ود اوب ابوبكر
|
أولاً يا عمّ أحمد البوست دا قبل التهكير والبوستات اللّي مفتوحة كتيرة وكفاية إنو الواحد يشارك فيها وبكري ما محتاج نغنيله وبكري يكفيه فخراً أن أتاح لنا هذا أما أنت وأمثالك للأسف هم من يسهمون في إفشال رسالة بكري وتمكين المهكّرين والمعكّرين -- ثانياً الريّس ليس المقصود به البشير فقط وإنما كل ريّس كما قلنا بما فيهم أنت دا إذا كنت سيد نفسك وما محاصراك الأنوية وشايف الآخرين أقل منك حتى تتطاول على رمز السيادة بما لا يجب أن يقال وجنس دا هو اللي جاب الانفصال
(2)
Quote: عرفتا إنك قاعـد تمدح في العمبلوق عمر بشير.
|
أما من تسمّيه العمبلوق وعشان اللي زيّك بنقول ليه للقرضة يلوك يستحمل ضُرّك وبوار دور جُرّك وكيف صرت تبوق تفضح لي سرّك وجهرك مدلوق ما جايب همّه لأي معشوق ولو ما فهمك ماخد خازوق كان لُكْت القرضة وعرفت المقصود دا كلامي موجه لي كل عشوق لي وطنه شان من همّه يفوق يمرق من حزنه للبودّي لفوق عليك الله بتعرف معنى العمبلوق وللا بس كلمة جاتك مطبوق رميتها دَرَوْ من دون طايوق وإنت راجل كبّارة شايل واسوق شوف لك صرفة وامرق منها مروق
(3)
Quote: لقيتك طبال بشكل عجيب |
طبّال طبّال؟ ياخي إنت عجيب قلنا ليك في الأوّل ياخي لا تستعجل وكتبنا عديل: ياخي اتمهّل وما تستعجل
بكرة تحصّل الما بتحصّل
كان عون الله سهّل وشهّل
أحسن لا تندم وأخير تتأهّل-- لكن الظاهر إنت غير متمهّل وماهامّي لي بلدك مهما كان البحصل وحتظل في حالك ساهي زي الحنضل والعمر ما واقف بل يسير مستعجل بكرة تعرف ليه نحن بس بنطبّل -- أنا لي زمان بلوك القرضة وبصبر بفوّت لي عوجاتك بكرة يمكن تجبر -- لو داير تغير الموضوع اكتب لك شي مبلوع لكن شغلك دا شغل زول ما عنده موضوع لكن برضو بقول ليك لوك القرضة قبل ما تبقى في البيوع أو يصيبك دا الجوع - يا ود بشير شوف ليك أمير إت ما أمير نفسك ولا حتى وزير جدّك كان زولاً اسمه بشير كيفن تلحق به العولاق أو التخسير اصحى ووفوق قوم لوك القرضة قبال ما يشير ملاك الموت والأجر يطير ارجع واستفهم للمكتوب واصبر واستعلم بالتبرير إن شاء الله الشفقة بي الله تطير
| |
|
|
|
|
|
|
Re: لوكْ القرَضَة يا ريِّس! (Re: عبدالفتاح أبوشيمة)
|
يا ريس في غُنا برفع إيمانيّات، ومعنويّات وفي غُنا بمكّن للشيطان ويدّيك سيطان يقوم ينقّص لينا عبادتنا والألوان عليك الله جاي رمضان اصدر لينا فَرَمَان (هنا الريّس ممكن يكون سموأل، أو أي إنسان زي مدير القناة ذاتا) يخفّفوا لينا من كثرة الهذيان يخلّوا لينا الغُنا اللّي بيبني الإنسان مش اللّي يحطّمه ويبقّيه حيوان دا طبعاً بالنسبة للقنوات حقّة السودان والتانيين بس حُمرة عين فيها الكويان حيخافوا اللي عاملين في كل شهر رمضان تسعين ألف مهرجان ومدارس تعمي الألوان
- بعض من شجّعوا الانفصال عادوا يتباكون على الوحدة
- ربما أراد المولى أن نتسيّد العالم بدل واحد بي اثنين طيّب ليه شفقانين
-- بشجاعتك ذاتها... وأنت تمثّل الكبير الوطن الأم فكن كبيراً لوك القرضة وسامح ولادك الانفصلوا وسامح إخوة الاسترتيجية الاختلفوا وسامح الإخوة الأعداء اللي عمرهم ما حيتفّقوا معاك أو مع غيرك وسامح العصاة رافعين السلاح ومعلني الكفر البواح الله لا سامحهم بس إنت سامحهم وسامح من آثروا القطيعة، ويسيئون إليك وإلى أنفسهم وسامحنا كمان وسامح مش للريّس بس لا دي لي كل إنسان كل إنسان بس عشان خاطر رمضان
| |
|
|
|
|
|
|
Re: لوكْ القرَضَة يا ريِّس! (Re: عبدالفتاح أبوشيمة)
|
Quote: لوك القرضة واعرف مرضا واتذكّر كيف قرضتا الأرضة وسابت باسمك اللّهم الفرضا غيره الكل ما زايل عرضا |
يا ريس مصيبةً جات محدوفة زي طوب الأرض ناس نايمة جد جوّة العسل جاهم محل لا تقول زُحل لا جاية من التاج محل بايسين إيديهم رغم إنه جاهم كل وجل هل شفت زولاً اختجل من حاله دا الصار في علل جوك ناس أضاعوا الوكت كلّ الوكت في كل مهل ضاع العمر ومين سأل؟ والموت دا جاك تارك الصلاة كيفن تصل لي يوماً؛ بقولوا عليه أمره جلل دي الونسة كانت في عجل والشهادة ما كانت عدل ونقّة نقّة لين تمل ما قلنا ليكم يا أهل لا سمعتونا ولا حصل إيه الحصل؟ خلّي السؤال خلّي الجدل باكر بقابلنا العدل اللّي كان دايماً عدل ولم يزل
-- قالوا النوبة! شان ركبوها دي الراكوبة وقلبوا الهوبة كايسين لي خراب في سوبا هم ما داسّينها ما ناس لهلوبة شفتوهم وين؟ وعرفتو النوبة؟
- أقدر أعرف كانوا وين؟ وفي فرق في قول: من أين جاء هؤلاء؟ وقول: أين كان هؤلاء؟ أي أين غابوا من زمانٍ غارَ في عمق الزمان والمكان؟ كم أقعدونا في امتهان؟ وأشاحوا عن قضايانا على مرّ الزمان لم يهمهم أمر لنا...
| |
|
|
|
|
|
|
Re: لوكْ القرَضَة يا ريِّس! (Re: عبدالفتاح أبوشيمة)
|
بما أن شهر رمضان
أطلّ لم لا نبدأ يا ريّس حملةً للحمد
كي لا نرتد
لو كان حَمَدْ لانبرى للرزق جندُ ولأشاح الفقر بنداً؛ ثم بندُ لو حمدتم، أو شكرتم؛ لاستزدتم، ولما خار زنْد وانطوت صفحة مجدٍ واستطالت ليلة(الظلام) الظلماء تشدّ وتشتدّ
قالوا هم سائرون ولكن لا يحترمون مُعتقدات كما يزعم بعضهم وبعضهم قلوبهم حديد لا يتعاملون مع العواطف ويدّعون أن ما يصدر من القلب لا بد وأن يصل إلى القلب أي قلب هذا الذي لا يتعاطف ويمكنه أن يصل إلى القلب؟ دعونا من هذا السلب وذاك النهب الذي يدعى أدب وهو يمعن في قلة أدب وضعف أرب وهب يا هب إن من لا يعجبه العجب ولا الصيام في رجب لا بد له أن يضطرب ويساكك درب الهرب ويحتجب تغلبه الأناة يطلب الكذب أينما حلّ وكيفما ذهب ينقّب عن الذهب أو راح يحتطب فكل أمره عجب إن راح يغترب أو عاد يحتطب يغازلُ حمّالة الحطب فلا احترام للأدب ولا ترام يعدو بل مزّيكة القرب فيا عجب وأيّما عجب
من قال لك أنّي قد عقدت العزم أن أكون لقمةً سائغةً لتمتلك تأمرني كأنّني قد صرت لك أدور في فلك اخترته وقد سلك بشرى إليك لقد هلك من كنت تحسبه ملكاً إلك ما عاد في نفس الفلك
رمضان وصل
يا ريس
ياخي ماتبدا من حسّع ياخي!
| |
|
|
|
|
|
|
Re: لوكْ القرَضَة يا ريِّس! (Re: عبدالفتاح أبوشيمة)
|
Quote: بما أن شهر رمضان
أطلّ لم لا نبدأ يا ريّس حملةً للحمد
كي لا نرتد
لو كان حَمَدْ لانبرى للرزق جندُ ولأشاح الفقر بنداً؛ ثم بندُ لو حمدتم، أو شكرتم؛ لاستزدتم، ولما خار زنْد وانطوت صفحة مجدٍ واستطالت ليلة(الظلام) الظلماء تشدّ وتشتدّ |
وأهو بنتونّس يا ريّس
-
والكل مملوكٌ لمليك كلّ من ملك إلا من أراد واختار درب الهلك كأهل الميديا يخترقون يسترقون حول هاتيك الفلك فيؤفك فيه من أُفك ويؤفك عنه من أُفك والخرّاصون قتلوا من كذبة شبك فيها من شبك فلا وربّك لا يركّ عصفورها وإن علق أو اصطفق جناحها أو كم قلق فبالها راقَ لها أو لم يرق فالكل فيها عالق أو معتلق
--
أنت وإن شارفت حافّة الهلاك خير لك أن تظلّ في ظلّ الملاك لا أن تكون لقمةً سائغة لإبليس في مِلاك ويظل صدرٌ ضيقاً حرجاً كأنما يصّعّد في السّماك ولا فكاك وأين ذاك من لولاك لولاك من بيده هُداك وأضناك ويا ضنا جناك حرمانه أذاك حُرمت مبتغاك ولم تعد رؤاك تلكم رؤاك ويلاك يا ويلاك
--
كفاية ياخي الدغمسة ملّينا منها صباح مسا بتجاملوا ناس الدغمسة ديل حمّضوها الترمسة عشان عضامنا يهرسا يهمّه إيه كان مسمسة أو كان كيهك أو مارسا في الشهور هو مارسا تاريخه ذاته هو نسى فاكر حكايته مونّسة
كفاية بس الدغمسة شبعنا من الدهنسة وتنازلات للمدرسة
--
مين يتجرّأ يلغي شريعة أو حتى يفكر في السمّيعة أو هو ينادي بي قول داك في السميعة أو هو ينادي بي قول داك بيعا وبيعا ونرجع لي أول تربيعة؟ --
الأمر الواقع لو اتكرّس يبقى ود اليانكي هو المتجرّس واجمعوا لينا كم كونــقرس ونقعد فيهم بي جد نتفرّس لامن ناس أولاد عسعس وشاذ الآفاق المتهربس ونقول ليه اسكت هس الصبح خلاص بدا يتنفّس بعد الليل طويل ما عسعس وإنت خلاص صابك مس
-- سِلّوه زي الشعيرة من العجين برّاحة قبل ما شياً يبين أو يلخبته لخّ العجين أو لتّ تخميرة الجبين شان نقول لا بد تشوفه العين وبي الله يللاّ نستعين إياه نعبد ونستعين العون دا بدّيه مؤمنين اللي عرفوا كيفنّه الأنين == يا أنتيكة لطيرك فزّي لو بي جد لي الله تعزّي حيرتينا قلبت لرزّي سدّي الباب بي طبلة ورزّي قبّال ما يجوك الفزي والوزّي يللاّ خطاوي وتيك إت إيزي دونت بي فوليش آند ليزي وصيةً وجات من ناساً ليزي ما معدودين في الفيزي ويزي
التوبة يا ناس التوبة
وفي رمضان مرغوبة
| |
|
|
|
|
|
|
Re: لوكْ القرَضَة يا ريِّس! (Re: عبدالفتاح أبوشيمة)
|
رجعن لينا صورنا الحانية لي بنوت وبالألوان القانية يديك العافية يا ريسنا وبيت في الصافية وبعد الصوم بي لقمةً دافية
--
يا ريسين يا تانيين اللي راجيكم من شجاعة شي كتير أصيبت وحدة أهل القبلة في مقتل حين تعرضت مسيرة حركة الإسلام إلى إعاقة غير مقنعة لكل حريص -- يا ريس اقتلعوا الشوكة من خاصرة الوطن فسرطنتها أن تعلن زوال السلطنة وأن لا يبقى لنا الوطنا يقولها من عندهم فطنا
- واللي عقله في راسه بعرف من وين خلاصه - لما بتجوع السياسة بتدوس علينا بي مداسا تنسى كل القالته في مراسا وتشغّلهم فينا العساسة ونحن جبناها الفراسة ونحن ناسا - يقولا لينا زنقة زنقة وأهي جاتك الزنقة بي مداسا وتعيدا تاني حارة حارة وأهي جاتك الحارّة ويباسا بقيت تقول زي لا مساسا عشان تظل في دي التياسة نقولا بي عين الفراسة لن نعاون لن نداهن حنقالد النور في الحراسة ونعرف ليه راسه من ساسا
وصلنا في ونستنا وين يا ريس؟
| |
|
|
|
|
|
|
|