هذا هو سلوك وأخلاق هاشم الإمام الذي يؤم المصلين بجالية واشنطن.

Quote: واحد بيعرف الجنا الجنوبي اللّضينة اللّصنج دا ،قال لي اكتبلو بالدارجي عشان غير إنو عجمي كمان كان طيش الفصل ، وقال لي الزول دا ما ساكن في العمارات ساكن في حي الزهور المقابل للعمارات جنب مقابر فاروق يعني ديّامي لاكين شوية الحنكشة دي جايبه من اللعب مع أولاد العمارات ، لأنو أصلو من يومو بتلصق وما عندو شخصية ، كمان قال لي والعهدة على الراوي إنو شامِّ العز على الجنوبيين عشان قال فيهو دم أوروبي ،حبوبتو إغريقية جات زمان الجنوب مع راجله للتجارة ، ما عارف تجارة إيه ، وراجله مات ، وعشان تحمي أمواله تزوجت جد الولد دا وجابت منو بت تطلع حبوبتوالخامسة لا ورا ، كمان قال عندو تلاتة أسماء ودينين ، التلاتة أسماء واحد عربي كان بيستعملو في الخرطوم وكت اللّزوم وبعدين جا استعملو هنا مع الأمراء العرب أصلو أيام الصيف بسوق العربية لوليداتم أو يحرسن ليهم لامن يجو من سهرتم وطبعاً الجضيمات دي سواها من أكل الكبسة والرز البسماتي ،واللمعة الفيها دي من الوضو مرة مرة لأنو لما تكون في لحسة في السفارة السعودية بجي يصلي مع الجماعة وينتظر اللحسة ، والاسم التاني اسم خواجات لزوم الأمركة وتخليداً لذكرى الحبوبة الإغريقية ، والاسم التالت اسم دينكاوي لزوم اللحس من الحركة الشعبية ’ والدينين واحد الإسلام على المذهب الوهابي ، والتاني المسيحية وأقسم الرجل إنو اللضينة دا ما بعرف الابن من روح القدس لكن صلبطة ساكت ،والسر إنو ما في اسم من الأسماء دي شال فيهو عشان أبوهو ما كان بضبحليهو في السماية عارفو سجمان و الخروف أقيم منو . هذا ما قيل لي وأنا ما بقدر أصدق الراوي ولا أكضبو إنتو شوفو وكلكم نظر وقولو رأيكم لاكين أنا عيز أقول ليهوحكاية الصلاة دي إنت مالك وماله أسياد الحق راضين يصليبيهن ضلالي إنت مالك بتتحشر ولا الحكاية دي كمان داخله في نيفاشا - الله أتنفش راسك ، أكان عندك راساً بتنفش !- تعال نقسم معاك الصلاة لكن لازم تحسن قطع الجمار لأنو الطهارة من شروط صحة الصلاة .وموضوع ندوة الترابي أنا ما كنت في الباب يا خمقة أنا قدّمت الترابي وقدمته بعطائه الفكري لا السياسي ، وما أنا البقيف في الباب يا إضينة واعلم إنو طلب مني أجلس بجواره لأدير الندوة لكن تنازلت لشخص آخر لأني أنا ما متسلق ولا بعبد الرجال أنا صاحب رأي لا من متعصبة الأحزاب يا طرطور ،والباب كان على أمرو شركة أمن ، ولو كان الجماعة كانو عايزين يناقشوه بسلم مالُن ضربوه ، ولا ما سمعت بالحادثة دي ، و بعدين ما في حدي منعوه يدخل و إنت ذاتك ما كنت حاضر الندوة لأنك كنت قاعد في العربية حارس وليدات الأمير لما يشبعو لِعب . ولو إنت صادق أرهم الفيديو ليرى الإخوة الناس ونوع الأسئلة لكن إنت اختلط عليك الأمر منع الناس حدث في ندوة الهالك قرنق لما منعو محمد اسماعيل الرزيقي من الدخول بسبب إنو رزيقي ياعنصري . وبعدين مسؤول من الخير كلمة كوز دي معناها شنو وسمعتها وين ، من أولاد العمارات ولا شنو ؟وما سبب ولعك بكلمة كوز دي وما علاقتها بالجماعة ديل ؟ الشي الأنا عارفو إنتو ما بتعرفو الكوز و لا بتشربو بيهو بتكرعو في الجدول ،وتبوزو بالقلة ، في واحد قال لي الجماعة ديل بتستعملو الكوز لقضاء الحاجة كل واحد عندو كوز تحت عنقريبو للعملة دي ، ما شايف الناس بربطو الكوز بتاع السبيل بجنزير عشان ما يشيلو يسيئوا استعماله، قلتليهو مهما كان نوع الاستعمال ما برضو بريّحُن ويفيدن ، قال لي وهسع الكيزان ما مريحنهن العز اللقوهو في زمن الكيزان دا لقيهو متين ، شفت ليك جنوبي عندو كرش ولا جضيمات قبال نيفاشا .عندي طلب وعايز واحد سمسار يدخل في الموضوع دا ، عايز اشتري بيت حي الزهور دا لما ينفصل الجنوب وطبعاً لو البيت طلع في العمارات ما بقدر عليهو إلا الكيزان يسمعو بنضالي ويقرو المقالات دي ويقومو يشترو لي البيت ، أصلو شغُلُن نضيف ما بخلوك مادي يدك بوشّك ، كدي جرّبم أصلك ما عندك مبادي وبتاع مصالح ، وكمان إنت ما راجيليك آخرة معذّب نفسك مالك ألحس !، وعيش لحظتك !.قال برجع لحادثة مركز الحوار ورغم إني تناولتها في المقالة السابقة لكن قول أنا هددت الراجل ودقيتو كمان إنت ما تراك هسع قلت إنك بتأدبني يا ربّ بتأدبني بيدك ولا بيد غيرك ، أكان بيدك إنت: زعم الفرزدق أن سيقتل مربعا فابشر بطول سلامة يا مربع آخ نسيت إنك مالكش في الشعر ،ولو كان عايز تهددني بالأجهزة الأمنية الأمريكية زي مابتعمل مع الناس الآخرين دي حاجة أنا مابتخوفني يا دلاهة لأني مواطن بعرف حقوقي وبالمناسبة أنا لما أخذت حق المواطنة إنت كنت جاري بسريويلك فى الحفر وموية البلاعات وأنا ما جيت باللوتري ولا أخذت لجوء سياسي، ودا ما بيقدح في الناس الجو باللوتري أو أخدو لجوء سياسي، وبرضو تقول للناس يا أمنجي ، وانت غاطس لاضيناتك في الأمنجية . هاشم الأمام