|
|
 Re: مجزرة أبراج العمدة بالخرطوم (Re: ASHRAF MUSTAFA)
|
Quote:
سلامات أختي أسماء وعفوآ على التأخير
من وين مرقتوا بقدرة قادر؟ أعني أي برج حتى نستفيد؟؟
في الإنتظار يا أسماء حتى لا يتورط إنسان آخر في نفس الورطة
خالص الشكر |
حبابك اخي اشرف
من ابراج العمده زاتها الفي الصافية
زرت الشخص نفسه وقعدت معاهو مع قريبتي وقريبي كنت في إجازة وزوجي في عمان
اتصلت بيهو وكلمته عن واحده صديقتنا حاجزة عنده
وفعلا زوجي اتصل بي اهلنا في السودان ومشوا شافوا الموضوع وسأله من الراجل لقوا اكتر من زول متورط لي إضنيهو
وخوفونا طوالي
حتى انا بصراحة اتضايقت وقلت نتأنى شوية
لكن زوجي قال لي يا سوما ابعدي من الشر وغنيلو
وفعلا صرفنا نظر
كان عاوز يقايضنا على قطعة في الواحة الدرجة الأولي
المهم بعدما تركنا الموضوع جيت البلد دي
وبالصدفة قابلت اصحابنا بعرفهم من الخليج , معرفة شخصية راجل طبيب وقديم جدا واولاده ما شاء الله كبار ومستطيع وعنده بيت
لكن اقنعه صاحبو يشتري شقة إستثمار
وفعلا حصل الإتفاق وطلب منو عماد مبلغ خمسة الف كل شهر مع دفعة مقدمة عشرة الف دولار وفي خلال ستة شهور بسلموا الشقة والمفاتيح
وفعلا مشا ووراهم قطعة الأرض ومواد البناء والعمال وكل شيء كان في السليم
دفع العشرة الف دولار الأولي واداهو ايصال وبعدها بدأ يدفع لي مدة 3 شهور , يعني خمسة عشر الف دولار إضافة للمقدم المبلغ الكامل 25 ألف دولار
والراجل حصل ليهو ظرف رجع السودان لمدة إسبوع ومشا مره على قطعة الأرض عشان يطمئن , لقاها زي ما هي سهلة فاااااااااضية
مشا ليهو في المكتب سأله ليه لسة ما بدأ البنيان ..؟؟؟
قال ليهو يا زول لسه باقي 3 شهور , أكيد حا تستلم شقتك , هنا صاحبنا خاف , قال ليهو خلاص انا بوقف الدفع لحين إستلامي الشقة بدفع ليك كاش المتبقى
وصاحبنا وافق , كمل شهر رسل اخوه يشوف البناية , لقوا الحال في حاله , كلم اخوه طوالي رجع السودان ومشوا ليهو في المكتب قال ليهو ما داير كلو كلو .. قال ليهو مافي مشكلة ,
قال ليهو طيب داير قروشي , قال ليهو ما عندي كاش لكن تستلمها كلها شيكات لمدة شهرين .,, هسة تمشي تصرف عشرة الف والباقي كل واحد نهاية الشهر لمدة شهرين.
يا مؤمن يا مصدق اخد شيكاته وطوالي على البنك. طبعا شيكات طائرة . فتح بلاغ وبقي يزازي بالزول , وحياتكم فد غتسة سماء ارض ما ظهر
المهم مرت الستة شهور والتسعة شهور والسنة والسنة ونص وما زالت الدار خلاء
عنده عشرومية تلفون وكل ما تتصل بيهو تلقاهو مافي , عنده مكتب في نمرة 2 في عمارة قديمة وشقة تعبانىة, كل ما تمشي تلقى غفير قاعد ويقول ليك ما جاء ولا مسافر
المهم ,,,,, أجر ليهو عسكري عديل وبقى يصرف عليهو باليومية يديهو حق وجباته التلاتة واليومية حراسة من الصباح للمساء قدام مكتبه لمدة شهرين ما قبضوهو
عمل توكيل لأخوه ورجع شغله هنا في اوربا. اخوه زهج قال لي في رأي تتعوض الله في حقك , لكن الراجل ده شكلو طفش بره السودان
الراجل بعد 4 شهور تانية مشا السودان وكان شايل معاه مبلغ كبير من اصحابه هنا امانات ومعاهو اخوه ده زاتو . وشايل القروش دي بوصلها لي اهلها
في الطريق جو مارين مع المغيرب بي عمارة الراجل , نفس المشهد الغفير قاعد قدام الباب . سألوه عماد وين قال ليهم عماد مافي.ز
يشهد الله قال لي قلبي اكلني , قلت لي اخوي الراجل ده قبل كده لما جيناهو دخلنا بي باب العمارة الخلفى
وفعلا قال مشينا والمكان مضلم ومدخل العمارة مضلم , قال شايل شنطته الفيها الأمانات وشايل ليهو مسدس حقو مرخص
ولما دخل ابدا ما متوقع يلقى زول ’ بس قال قلت اشوف العمارة دي محرسنها غفير طوالي ليه؟؟
فجأة قال في المدخل يجي مارق عماد الما بغباهو . قال لامن نط وقال ليهو ده إنت يا دكتور فلان ؟؟؟؟
قال لي آآآي ده انا ادخل قدامي المكتب . حلف قال والله مشهد كان محتاج كاميرا فيديو
المهم تربيزته في المكتب من الزجاج
قال ضربها بي قعر المسدس لامن اتكسرت , قلت ليهو والله الليلة إلا ارتكب فيك جريمة يا منافق يا كذاب
وصاحبنا كب الجرسة
قال ليه داير تكتلني ؟؟ انا عندي القلب والأزمة . قال ليهو تموت زي ما كتلت عشرات بالهم والدين
تديني حقي هسسسسسسسسسسسسسسسسسسسع ولا والله اكتلك ولا استني الشرطة
قال لي اخوي المعاي زاتو يرجف من الخوف وخايفني ارتكب جريمة فعلا .ز
قال فجأة بقي ينادي للموظفين المعاه تعال يا اسامة يا فلان جيبو القروش الفي الخزنة كلها
قال شيء استرليني وشيء دولار وشيء جنيهات المهم شال حقو كلو
ومرق خلى خشمو ملح ملح ومستعد قال القصة دي يحكيها لي اي صحفي بالإسم عشان الناس ما تتورط
وفعلا حكاها ونشرت في كم صحيفة لكن تاني يوم مكتبو كلو مافي بعدما كلم الناس البعرفهم وجوا فتشوهو سماء ارض مافي
إحترامي للأخ مامان
لكن فعلا شقق الراجل ده مجهزة احسن تجهيز وده الشيء البهرني انا والله
لكن مشكلتو طاقية ده بلبسها ده , لامن ديونه بقت بالمليارات واضطر يكذب ويتدس من الناس
وميئات الناس هسة حقهم راح
عذرا يا شباب على الإطالة بس دي امانه ولا بد من قولها عشان الناس ما تتورط ساي ,,,
والله على ما اقوله شهيد
|
|
 
|
|
|
|
|
| العنوان |
الكاتب |
Date |
 مجزرة أبراج العمدة بالخرطوم | ASHRAF MUSTAFA | 06-28-11, 09:43 AM |
| Re: مجزرة أبراج العمدة بالخرطوم | ASHRAF MUSTAFA | 06-28-11, 09:54 AM |
 Re: مجزرة أبراج العمدة بالخرطوم | ASHRAF MUSTAFA | 06-28-11, 10:03 AM |
| Re: مجزرة أبراج العمدة بالخرطوم | عبد الحافظ خضر | 06-28-11, 10:48 AM |
| Re: مجزرة أبراج العمدة بالخرطوم | احمد محمد احمد عتيق | 06-28-11, 10:55 AM |
| Re: مجزرة أبراج العمدة بالخرطوم | ASHRAF MUSTAFA | 06-28-11, 08:17 PM |
| Re: مجزرة أبراج العمدة بالخرطوم | ASHRAF MUSTAFA | 06-28-11, 08:27 PM |
| Re: مجزرة أبراج العمدة بالخرطوم | Shawgi Sulaiman | 06-28-11, 10:53 AM |
| Re: مجزرة أبراج العمدة بالخرطوم | البحيراوي | 06-28-11, 11:15 AM |
| Re: مجزرة أبراج العمدة بالخرطوم | ASHRAF MUSTAFA | 06-28-11, 12:46 PM |
 Re: مجزرة أبراج العمدة بالخرطوم | ASHRAF MUSTAFA | 06-28-11, 08:30 PM |
| Re: مجزرة أبراج العمدة بالخرطوم | ASHRAF MUSTAFA | 06-28-11, 08:21 PM |
 Re: مجزرة أبراج العمدة بالخرطوم | ASHRAF MUSTAFA | 06-28-11, 08:46 PM |
| Re: مجزرة أبراج العمدة بالخرطوم | اسماء الجنيد | 06-28-11, 08:58 PM |
| Re: مجزرة أبراج العمدة بالخرطوم | عادل عبدالعزيز عبد الرحيم | 06-28-11, 11:40 PM |
| Re: مجزرة أبراج العمدة بالخرطوم | abdelgadir mustafa | 06-29-11, 06:17 AM |
| Re: مجزرة أبراج العمدة بالخرطوم | Shawgi Sulaiman | 06-29-11, 08:21 AM |
| Re: مجزرة أبراج العمدة بالخرطوم | Alshafea Ibrahim | 06-29-11, 09:39 AM |
| Re: مجزرة أبراج العمدة بالخرطوم | أسامة البلال | 06-29-11, 02:17 PM |
| Re: مجزرة أبراج العمدة بالخرطوم | maman | 06-29-11, 02:24 PM |
| Re: مجزرة أبراج العمدة بالخرطوم | كمال ادريس | 06-29-11, 06:18 PM |
| Re: مجزرة أبراج العمدة بالخرطوم | ASHRAF MUSTAFA | 06-29-11, 08:21 PM |
 Re: مجزرة أبراج العمدة بالخرطوم | ASHRAF MUSTAFA | 06-29-11, 06:22 PM |
| Re: مجزرة أبراج العمدة بالخرطوم | ASHRAF MUSTAFA | 06-29-11, 08:21 PM |
| Re: مجزرة أبراج العمدة بالخرطوم | ASHRAF MUSTAFA | 06-29-11, 08:19 PM |
| Re: مجزرة أبراج العمدة بالخرطوم | ASHRAF MUSTAFA | 06-29-11, 06:57 PM |
| Re: مجزرة أبراج العمدة بالخرطوم | ASHRAF MUSTAFA | 06-29-11, 06:58 PM |
| Re: مجزرة أبراج العمدة بالخرطوم | ASHRAF MUSTAFA | 06-29-11, 07:08 PM |
| Re: مجزرة أبراج العمدة بالخرطوم | ASHRAF MUSTAFA | 06-29-11, 07:15 PM |
| Re: مجزرة أبراج العمدة بالخرطوم | ASHRAF MUSTAFA | 06-29-11, 06:51 PM |
| Re: مجزرة أبراج العمدة بالخرطوم | اسماء الجنيد | 06-29-11, 07:32 PM |
| Re: مجزرة أبراج العمدة بالخرطوم | ASHRAF MUSTAFA | 06-29-11, 08:22 PM |
| Re: مجزرة أبراج العمدة بالخرطوم | Khalid Osman Jaafar | 06-29-11, 09:27 PM |
|
| |
اسماء الجنيد
فيس بوك
تويتر
انستقرام
يوتيوب
بنتيريست