|
Re: عمل المرأة نعمة ..ام ..نقمة...! (Re: Rihab Agouba)
|
العزيزة رحاب تحياتي وتقديري,,,موضوعك كبييير ومتشعب والتعليق فيهو يعتمد على تجربة شخصية,,,يعنى اقصد انو الناس اللي حيدخلو اغلبهم لو ما كلهم حيدوك رأيهم بناء على تجربة وواقع ما افتراضات ساي,,,وانا زاتى حقول ليك رأيي من تجربة معاشة بس قبل التجربة والرأي بستأذنك احكى ليك تعليق زكرتو اختصاصية عيون في برنامج على اذاعة(البيت السودانى) ,,,الدكتورة زكرت في مجمل حديثا عن تجربة تركها للعمل لفترة زمنية بسبب ظرف اسري انها اكتشفت انها بقت اقل جلوسا مع ابناءها واكثر خروجا من المنزل وقل اهتماما بترتيب البيت بحسبان انها عندها زمن طويل عشان ترتب على راحتا وانها اصبح ما عندها اى جدولة لاى شي وانو حياتا كلها بقت خاضعة للصدفة وحتى زوجها شكا ليها من انها بقت(معليش على الكلمة)ما عندها موضوع. دى تجربة زولة كانت شغالة ومرتبة حياتا وحياة زوجها واولاداعلى كدا ,,,,, اما عن تجربتى وعشان شغلنا ما يبقي نقمة ,,,فالامر يخضع لموازنات يمكن ناس الجندر يشوفو انها تنازلات,,, ومالو,,,تنازل لفترة خير من خلل ابدى,,,,عن نفسي ,,,انا طبيبة بشرية قررت التضحية بعامين من حياتى العملية لاجل صغيري حتى اعبر به الى بر الامان,,,وعشان ما ادخل في( الكيس) اللي دخلت فيهو اختصاصية العيون بديت اعمل في ماجستير دراستو مسائية,,,بكتب في مواقع الكترونيةوبكتب قصص قصيرة وبنزل مقالات في صحيفة التيار ومن قبلها السودانى ,,,وقررت بينى وبين نفسي اتخصص في مجال احبو لكن بالدرجة الاولى ما يجور علي حياتي الاسرية,,,وناااوية على التدريس(زى امى الله يرحما ويغفر ليها)يعني باختصار تفكيري كلو في وزن الامور بين العمل والبيت,,,يمكن لو كنت من الثانوى قعدت فى البيت او بعد ما اتخرجتا ما اشتغلتا ما كان حيفرق معاى ,,,لكن بالجد اى واحدة جربت العمل حتى مع ضغوطات الحياة الاسرية والتزاماتا بتحس انها بتموت ببطء لو سابت شغلها نهائي لانها زى ما قال زوج الدكتورة حتبقي زولة(ما عندها موضوع)
د:سلافا العاقب احمد
|
|
|
|
|
|