نقد:نرفض الدستور الإسلامي والعلماني

Quote: ولماذا يتبعه الحيران دون رشد ولا عقل ؟؟ بل يزعم البعض انه يقدم طرحا فكريا ؟؟

فدي واحدة من نكتك - بالمناسبة ياخ دا تعسف منك. مرات بترميها كدا لمن الواحد ما يلقى غير يفقعا ليك ضحكة في وشك. و بوش اخداااار ( المتاح الاسفيري .. اعمل شنو عاد!؟ ) بعدين تجي تقول لي ما جادي!! - اها
انا فتح الرحمن خلف الله الشيوعي ( السابق ) دا اعلن اني خرجت على الحزب الشيوعي، لكن ( بعض ) افكار الفكي نقد مازالت تعجبني .. سجن سجن غرامة غرامة.. المافي شنو هو!؟
بمارس في حرية الفكر و الاعتقاد .. و بلا بلا بلا البتنقلوها من الكتب و ما قاعدين نشوف ليكم ما يدعم فهمكم ليها، او ايماني حقيقي بمقتضياتها!!؟
و برضو تعجبني اراء شيخ الجيلي عبد المحمود الحفيان ( راجل طابت ) .. ؤ :
" سمانية .. الدهر دهرنا .. نقيم الليل نشرب في بحرنا "
بعجبني الاسلوقن بتاع ( باريو ) : " لو المود ح يقفل .. افتح باريو " و برضو الافكار في ( ليبل ) شاي الربيع ( خلي مزاجك راااايق ) ... وعندي كتير من الاهتمامات الصغيرة و التــافهة بتشكل لي حياة سعيدة اكتر من دنيا زيفكم دي.

اها عندك قدرة تتعايش مع كائن ساذج زيي كدا في بلد وااااحدة!؟
ؤ من غير ما تضطهدني او تبشع بي في الاسافير ( مبلغ علمكم و عملكم )!؟
ياخ المساكين رأي الزيي ديل عندهم حقوق معاكم انتو الناس الخطيرين ( فكرياً ) ديل، واااااحد كدا!؟

عليك الله يا عادل بي طريقتك دي اسي السودان لو رجع مليون ميل بشلنا نحن الاتنين؟
ما ضيق علينا لما كل واحد ذاتو ( المجيدة ) تتمدد قدر دا في مساحات الآخرين!؟
يازوال!؟

بالله فكر لي خليني اتحاور - ابقى ليك حوار انت دا .. لأنك لن ترضى حتى كل البشر تتبع ملتك - ليك ..
و برضو، لانو شايفك ما مقتنع لي بفكرو لا عقل! .. و شايفني متبع بغير احسان ساي


كن بخير
لا تضيقوا و اسعة ..
و ضيقوا ليتسع الطريق



التعديل : ما عندي رغبة ارجع لنفس نقاط قلتها هنا ..
فوسعتها هنا دا في محلها ..
و الخوة في محلها

(عدل بواسطة قيقراوي on 07-02-2011, 09:53 AM)