|
|
 سفرية طيران الإتحاد رقم 633 (الخرطوم- أبوظبي) اليوم.. كيف يحدث هذا؟؟؟
|
أسرتي ذهبت لقضاء إجازة بالسودان
وتم الحجز ذهاب واياب
تاريخ العودة اليوم 7 سبتمبر - الميزان فتح السعة 12 ظهرا
وكانوا قد وصلوا في مواعيد فتح الميزان
وبعد انتظار طويل تم اخطار بعض الأسر بانه لم يعد هنالك مقاعد لهم
الذي لا أفهمه هو كيف يفقد شخص حجز مؤكد وفي خطوط مشهورة ؟؟؟
ووعدوهم بأنه سوف يتم تسفيرهم غدا أو بعد غدا
هل يجوز قانونيا شكوة الشركة الناقلة ؟؟
_________________________________________________
الموضوع هو جزء من الفساد المستشري في السودان
|
|
 
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Dr. Ahmed Amin)
|
يا دكتور .. المشكلة زي ما قلتا الاسبليطات الكتيرة الحايمة جوة المطار .... يعني دي ما بقت طيران الاتحاد .. هسع عليك الله الفرق بينا و بين باص ابو رجيلة شنو ؟؟؟؟
الطاقم الأرضي في مطار الخرطوم طريقة تعاملو rude بشكل ما عادي .... و الحاجة التانية .. كانت تمشي تكتب اعتراض طوالي لي ناس طيران الاتحاد ... لو ما عن طريق مكتب الخرطوم .. عن طريق الموقع .. في النهاية دا حقك .. ما يضيع ساكت ...
| |
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: sari_alail)
|
تحياتي ..
غايتو ناس طيران الامارات لو عملوا كده (وقبل ما يعملوا) بيجو يشاوروك .. تتنازل من مقعدك مقابل تذكرة ذهاب واياب مجانا لذات خط الرحلة ومعها اقامة في فندق 5 نجوم وفاوتشر غسيل ملابس ووجبات واذا رفضت يمكن ان يزيدوا عرضهم .
وهذا الامر حدث اكثر من مرة امامي ومعي حدث حوالي ثلاثة مرات .. رفضت عرضهم مرة وقبلته مرتان احداهما مقابل تذكرة ذهاب واياب الخرطوم دبي الخرطوم وترحيل واقامة في الفندق ومرة مقابل تذكرة والف دولار عدا نقدا وقامة ومعها اعتذارات وتشكرات ..
واتفق معك ان المسألة يقف خلفها ناس السودان ..
انصحك باخذ تذاكرك والذهاب الى طيران الاتحاد مباشرة وطلب مقابلة المدير ( في الغالب يكون اجنبيا) هذا اذا كنت في السودان .. واذا في الامارات الامر اسهل واسرع .. وان لم يفعلوا شيئا يمكنك تصعيد الامر اكثر .. للاياتا مثلا وستجد حقك وزيادة .. فقط لا تتنازل ولا تتهاون ..
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: معتصم محمد صالح)
|
كيفنك يا معتصم
| Quote: غايتو ناس طيران الامارات لو عملوا كده (وقبل ما يعملوا) بيجو يشاوروك |
نحن كل سفرياتنا للسودان طوال هذه السنيين كانت عن طريق طيران الإمارات
وكما ذكرت انت فهم الكمال في التعامل الراقي
وشيخ محمد بن راشد شديد جدا في هذه الإمور ولا يتهاون
لكن ركبت راسي ساكت المره ده بدون خلفية عن هذه الإتحاد
ناس الخرطوم في النهاية حلوها بأن حجزو ليهم في القطرية عن طريق الدوجة
ترانسيت ساعتين ليصلوا الإمارات بالإتحاد الساعة 8 مساء
تخيل امراة ومعها أطفال تسافر في رحلة 11 ساعة
الله ينتفم منهم ...
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Dr. Ahmed Amin)
|
Quote: نحن كل سفرياتنا للسودان طوال هذه السنيين كانت عن طريق طيران الإمارات
وكما ذكرت انت فهم الكمال في التعامل الراقي |
تحياتي د. احمد
زي ما قالو ليك الاخوه المتداخلين، ما تسيب حقك...واكيد افادوك في كيفية التصرف تجاه الموقف دا
لكن انا لي تجربه شخصيه مع طيران الامارات وتركت عندي انطباع سلبي تجاههم...هي كلاتي :
عملت حجوزات ومؤكده على طيران الامارات، وقاموا هم بعمل حجوزات على طيران دلتا داخل الولايات المتحده، لخط سير : الخرطوم دبي، دبي جي اف كندي، جي اف كندي سنسيناتي، سينسيناتي لويفيل بولاية كنتاكي كمحطه اخيره..
ورحلة العوده بنفس خط السير بدءا من لويفيل وانتهاءا في الخرطوم كمحطه الاخيره..
تفاجأت في رحلة العوده وعند وصول الطائره الى مطار دبي بنزول حقائبي وعند الاستفسار اجابوني بأن دبي هي محطتك الاخيره!!
اطلعتهم على التذكره وخط سير السفريه ذهابا وايابا وقابلت مدير مكتب المطار اظنه باكستاني الجنسيه وكان مجادلا ومتعنتا جدا..
وحرصي ان اكون بالخرطوم دون تأخير، اضطررت ان ادفع مصروفات مستقله عن اصل الرحله وكأنها اجراءات سفريه جديده تبدأ من دبي وتنتهي في الخرطوم..!
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: ناذر محمد الخليفة)
|
كيف يا دكتور ؟
انا حصلت لي مع طيران الخليج في مسقط عندما كنت مسافرا للسودان .
وقفت في صف الميزان ولما قدمت الجواز والتذكرة قالوا لي سوري مافي ليك مقعد .
مشيت راجعت مكتبهم وقاموا عرضوا لي مبلغ عطية مزين وجابوا لي ورقة اوقع عليها بسموها waiver اى التنازل عن الحق . طبعا انا محامي يا دكتور قريت الورقة وقلبتها يمين وشمال قالوا بتعاين لشنو ؟ قلت ليهم في الناس الجايين يبيعوا الموية في حارة السقايين . شلت الورقة عصرتها ليهو في جيبو وقلت ليهو ارجأ الجاييك .
مشيت المحكمة طوالي رفعت دعوى تعوض مطالبا فيها بالاتي :
أ - الضرر المادي وهو حرماني من المشاركة في مؤتمر مزمع انعقاده صبيحة اليوم التالي
وطالبت بتعويض مقداره 50 الف درهم
ب- التعويض عن الضرر المعنوي قدرته ب 50 الف درهم تقريبا
يا زول لما الجماعة جاهم الاعلان من المحكمة الجوديات تقوم وتقعد لحدى ركزتها ليهم في 30 الف درهم
بس اوع يا دكتور تكون وقعت على اى ورقة عرضت ليك ؟
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: ناذر محمد الخليفة)
|
مرحب يادكتور وربنا يكتب سلامة العيال،،
الآن واضح أنو في ناس ركبوا في مقاعد الأسرة الكريمة
ودا بسبب أن كل او معظم شركات الطيران الآن لغت حكاية
إعادة تأكيد الحجز وبقت المسألة تلقائية وإذا تخلفت عن السفر
في مواعيدك تفرض عليك غرامة لتعديل الحجز وغالباً تكون
مبالغ كبيرة لمنع التلاعب في عمل الحجوزات الوهمية،،
غيرت الآن حجوزات اسرتي علي البريطانية دفعوني
غرامة تقارب المائة وخمسين جنيه استرليني على كل تذكرة،،
حصلت معي أيضاً على الخطوط السعودية رياض القاهرة
اتملت الطيارة ونحن حجزنا مؤكد وكنا في الكاونتر ، برضو
كان في لعبة في الحجز ولكنهم إعتذروا بشدة وأكدوا لينا رحلة الغد وعوضونا كل
مسافر تذكرة ذهاب واياب القاهرة وقابلة لإنك تستخدمها كقيمة
وتحولها لأي وجهة للخطوط السعودية في العالم،،
حقك ماتخليه وبلاش تهاون من موظفين محطة السودان لكل
شركات الطيران،،،
نأسف للإطالة ولكن عايزين نكرب ليك ال case والله معاك،،
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Dr. Ahmed Amin)
|
شوف يا حبوب وزي ما قال ليك معتصم بالضبط
انا مرة جاي من سوريا - دبي حصل لخبطة فى شئ انا ما عارفوا المهم نزلوني فى فندق يومين بوجباته وغيروا مقعدي من اقتصادي الى درجة اولى ود بس عشان قالوا حياخروني يومين
انت لو فى دبي احسن لانو الاجانب الفي الخرطوم زاتهم بقو زي الباقين
على بالطلاق الشركة حتعتذر ليك رسميا وكمان معاها تعويض لانهم ما بلعبوا بسمعتهم وانا متاكد الشئ دة من ناس السودان
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Dr. Ahmed Amin)
|
Quote: تحياتي ..
غايتو ناس طيران الامارات لو عملوا كده (وقبل ما يعملوا) بيجو يشاوروك .. تتنازل من مقعدك مقابل تذكرة ذهاب واياب مجانا لذات خط الرحلة ومعها اقامة في فندق 5 نجوم وفاوتشر غسيل ملابس ووجبات واذا رفضت يمكن ان يزيدوا عرضهم .
وهذا الامر حدث اكثر من مرة امامي ومعي حدث حوالي ثلاثة مرات .. رفضت عرضهم مرة وقبلته مرتان احداهما مقابل تذكرة ذهاب واياب الخرطوم دبي الخرطوم وترحيل واقامة في الفندق ومرة مقابل تذكرة والف دولار عدا نقدا وقامة ومعها اعتذارات وتشكرات ..
|
معتصم و بقية المتداخلون
كل سنة و انتو بالف خير
وفقا للعُرف التجاري في مجال حجوزات الطيران يسمح للشركات الناقلة اضافة 10 مقاعد فوق سعة الطائرة لتلافي ظاهرة
the no show factor
العشر مقاعد ربما تقل او تزيد بحسب حجم الحمولة المتداولة علي خط الطيران المعني حسب فورميولا و قواعد
the average seat milage
ASM
وهوحساب معروف التعريفة يخضع لعدة عوامل اهمها عدد الرحلات و الترانسيت و حجم الطائرة
المهم علي قول تبارك
تنتفي عملية الاوفر بوكينق عند الهاي سيزون كالاعياد و انتهاء اجازات المدارس الخ الخ
التعامل الراقي في الاقتباس اعلاه سمة معروفة لمحترفي السفر المتكرر و هي حق مكتسب
اما الذي حدث للاخ صاحب البوست يعتبر مسألة محلية يُسأل عنها مدير المحطة بالخرطوم و طاقمه الارضي
ستنصفك الاتحاد اذا ما صعدت الامر عبر مكاتب خدمات العملاء فالاتحاد تضع سمعتها اعلي السقف و لا تتلاعب بها
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: omarmahdi)
|
دكتور أحمد أمين
التحية الطيبة سلااام
اولا ربنا يوفقك في كل دعوة ترفعها ضدهم كلنا أنكوينا بهمجية موظفي الخطوط والجوازات
في المطار ( في البلد البنقول بلدنا )
والله ما شلت هم في اي مطار غير مطار الخرطوم في كل سفرة طيلة حياتي وأنا رحال لم تسوس
عصاتي بعد
صدقني في مطار الخرتـــوم ممكن وبكل بساطة يقولو ليك مافي مقعد مافي حجز ( يسرقوا حقك عديل )
والله قد تصل ان يقولوا لك دا ما جوازك ويغاطوك في نفسك وحصلت معي
إلتصقت صفحتين في جواز ابني في الصفحة التي أصقت فيها فيزة الدخول بحكم دخوله بجواز اجنبي
وسبب اللصق سوء استحدام الضابط وكيفية لصقه للفيزا داخل الجواز يوم العودة امسك الضابط وبعدها سألني كيف خل هذا الطفل ماعندو فيزا المهم يا سيدي أنا والضابط في حجة قاللي الطفل دا ما يخرج وعمل لي انا وامه خروج وامر عسكري ان يستلم الطفل
تتخيل بكل بساطة لكن اخوك ما سكت قومت المطار علي فد كراع لحدي ما أوصلوني للمسئول الكبير امسك المسئول بالجواز وتصفحه
وبعدها قال لي من الضابط المسئول اعطيته اسمه فقال لي هذا خطأ الضابط لان اول امر مفروض يعمله هو ان يتأكد من ان صفحات
الجواز كامله حسب الارقام ولم يفعل وسوف نحاسبه على هذا الخطأ الجسيم والذي سبب لك ولوالدة الطفل الازعاج
دي بلدنا وكثير من الاستهتار من موطفي لدولة يتسبب للكثير من السودانيين في الاذئ خارج الدولة
يادكتور العرريب الطيب شيقوق ما تسمع كلامه العربي دا باقي ليك لو عوضوا 30 ألأف درهم قاعد لي هسي في عمان
كان رجعوسوا لي طاحونة في البردانة
بكونوا عوضوا سندوتش وحاجة باردة اكلن وقشا خشمو واتكامل اهلو
هسي بجيني ناطي زي حجر الصاقعة المخوي
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: خالد علي محجوب المنسي)
|
أخي خالد المنسي ...
والله بلدنا مرض وما في زول بسأل ولا بهتم ..
ياخي اذا كان العسكري النفر يعمل ليك فيها لــواء
Quote: يادكتور العرريب الطيب شيقوق ما تسمع كلامه العربي دا باقي ليك لو عوضوا 30 ألأف درهم قاعد لي هسي في عمان
كان رجعوسوا لي طاحونة في البردانة
بكونوا عوضوا سندوتش وحاجة باردة اكلن وقشا خشمو واتكامل اهلو |
يا زول ود شيقوق ده مستشاااار .. يعني كلامه ده حرم أقع بيهو البحر .. بس أصبر لي
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Dr. Ahmed Amin)
|
دكتور احمد ود اللمين
Quote: انا ما سافرت معاهم السودان .. وزوجتي محامية لكن برضو حأسألها عن هل عرضوا ليها اي ورقة ..
لكن والله الأ أسوي الإنت سويتو ده ..
تعليقك أداني دفعة شر رهيييييبة |
شد حيلك لكن كان ام اولادك وقّعت في الوريقة بتكون ضيعت حقها لكن برضو حقكم بيكون قائم إن لم تكن هي مفوضة عن البقية
بس كان جوازكم صار واحد - ودا ربما يكون الحال - قد تتباين الفتاوى غير ان الرأي عندي هو ان من تنازل فقد تنازل عن نفسه فقط طالما لا يملك تفويضا مكتوبا للتوقيع نيابة عن البقية بسلامتهم .
ود المنسي يا دكتور اختا دربو بيكون حاسدك في الارقام القلتها ليك دي
المنسي المسنوح العيد مبارك عليك
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: الطيب شيقوق)
|
الاخوة الافاضل كل التحايا والتقديرات
انا من زمان كنت بقول الشعب القاعد جوة السودان دة كلة
مواهيم الناس ما صدقتنى لكن اهو يا ما تشوفو ولكن زول يوم عصرتو بيجى
فى المطار سوء تعامل واستغلال ما بعدة استغلال
فى السفر بين الولايات اسغلال ما بعدة استغلال ويا حبذا لو جا عسكرى ومافى
مقعد وبقيت انت الضحية والله والله لو ما اتنازلت جريمة ممكن يركبوها فيك
فى رخصة العربية وهم ما بعدة وهم واستغلال للسلطة والرتبة ولو دفعت اكثر لوحات
دبلوماسية احتمال يدوك ... عنجهة وعنطظة على الفاضى ...
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Hisham Amin)
|
هشام أمين .. كل عام وانت بخير ..
Quote: فى المطار سوء تعامل واستغلال ما بعدة استغلال
فى السفر بين الولايات اسغلال ما بعدة استغلال ويا حبذا لو جا عسكرى ومافى
مقعد وبقيت انت الضحية والله والله لو ما اتنازلت جريمة ممكن يركبوها فيك
فى رخصة العربية وهم ما بعدة وهم واستغلال للسلطة والرتبة ولو دفعت اكثر لوحات
دبلوماسية احتمال يدوك ... عنجهة وعنطظة على الفاضى ... |
كلامك صحيح جدا .. ياخ عليك الله كدي عاين للعسكري ساي .. شوفه بمشي في الأرض ده كيفن
يمين فاكر نفسه وزير ..ياخ لأنا في الإمارات ده لي 15 سنة .. يمكن أكون شفت لي عساكر وضباط
بعدد أصابع اليد .. أما الإهتمام بالنساء والأطفال يعتبر التهاون فيهو جريمة ..
غايتو نقول شنو .. بلد دايره ليها ( لإغــلاق كامل ) للإصلاح
تحياتي
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Dr. Ahmed Amin)
|
Quote: كلامك صحيح جدا .. ياخ عليك الله كدي عاين للعسكري ساي .. شوفه بمشي في الأرض ده كيفن
يمين فاكر نفسه وزير ..ياخ لأنا في الإمارات ده لي 15 سنة .. يمكن أكون شفت لي عساكر وضباط
بعدد أصابع اليد .. أما الإهتمام بالنساء والأطفال يعتبر التهاون فيهو جريمة ..
غايتو نقول شنو .. بلد دايره ليها ( لإغــلاق كامل ) للإصلاح
تحياتي |
فى السوق فى الشارع فى المحلات فى المؤسسات فى الوزارات فى سكك الحديد
فى المطاعم فى البصات فى الحافلات فى المستشفيات فى المطارات وفى اى ملف استهتار واستغلال واستنكاح
تعالى وضرب فى بعض الاحيان ........ وجهــــــل وعـــدم دراية مبالغ فيها وبعد دة كلة يقولو ليك نحن احسن ناس؟؟
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Dr. Ahmed Amin)
|
***ولا أشتكي طيران الإتحاد زاته كشركة؟؟ ***
سلام يا دكتور وحمدالله على سلامة وصول العيال
الشكوى لطيران الإتحاد لأن هـذا هو من انت متعاقد معه.. شكوى ضد وكلاء فى السودان تمييع للقضية..
وأقترح أولا تبدأ بشكوى إدارية للشركة نفسها كخطوة أولى وتدعوهم لتعويضك دون اللجوء للمحاكم (هكذا)
كدا حيفهموا اولا انك زول عارف بتعمل فى شنو بأن اتبعت خطة (الإنذار الأول).. وغالبا سيتجاوبون معك
وإن لم يحدث ذلك فتتقدم بشكوى ضـد الشركة ممثلة فى مكتبهم الرسمى فى الإمارات.
كدا لو اتبع السشودانيون هـذا النهج، فليس فقط يعيدون حقوقهم المهضومة، ولكن يساهمون فى إجتثاث
الفساد وإنقاذ البسطاء الذين يرضون بصمت أن تهضم وتضيع حقوقهـم.
وصيـة مسـافـر ديمـة:
عليكـم بالإماراتيـة.. بس كدا بدون أى تفصيل
أكثر شركـة طيران عربيـة عاليـة المهنيـة، وموظفوها (على الأرض أو فوقها) مدربون على إحترام المسافر.
.
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Abureesh)
|
أخي أبو ريش .. تحيات عطرات
Quote: عليكـم بالإماراتيـة.. بس كدا بدون أى تفصيل
أكثر شركـة طيران عربيـة عاليـة المهنيـة، وموظفوها (على الأرض أو فوقها) مدربون على إحترام المسافر |
كلامك صحيح 100% فأنا وأسرتي كنا من المسافرين المداومين على السفر بطيران الإمارات
ووصل عدد نقاط الإسكاي عندنا رقما كبيرا ..
ولكن ... وآآآه من كلمة (لكن) إضطررت للحجز في الإتحاد لعدم وجود مقاعد في الإماراتية في التاريخ المحدد للذهاب والعودة
لكن برضو لخير أهو تجربة كانت مع ناس (الإتحاد) حتى يتم شطبها من قاموس السفر عندنا ..
مودتي يا سيدي على النصائح المفيدة ...
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Dr. Ahmed Amin)
|
الأخ الأكرم دكتور أحمد أمين
تحية طيبه
انا من مغتربين ابوظبي وانكويت ايضا بنار خطوط الإتحاد
الشركة حديثة وبالتالى الأطقم الإدارية المستخدمه ليست لها الخبرة
عانيت الامرين وانا في واشنطن لاعدل تاريخ رجوعي للأمارات بسبب طلب جهة عملى ضرورة الرجوع باكرا وليس حسب التنسيق المسبق لإجازتى
للأسف لا يوجد مكتب لطيران الغتحاد الا في نيويورك وبالتالى كان لزاما على غستخدام التلفون لتغيير حجزى ، اوكلت أحدى الاخوات في وكالة سفر لاجراء الازم لسهوله اللغه المستخدمة عند مكاتب السفريات وغصطلاحاتهم ، رفضت الموظفة في طيران الإتحاد التحدث مع إى شخص ألا صاحب التذكرة، تحدثت أنا مها فطلبت منى أن ارسل لها التذكرة في نيويورك وهي سوف تجرى اللازم بعد رؤيتها للتذكرة،
قلت لها ماعندى وقت ارسل ليك وترسلى لى ولا تنفذى اجراء لا يتفق معى. واساسا كل معلومات التذكرة موجودة عندك في السستم لانها تذكرة ما جديده هي عوده وبالتالى عند تحركى من ابوظبى كل المعلومات للسفر والعودة موجوده بالسستم.
تصدق قضيت خمس ساعات في التلفون من موظف الى موظف وكل ساعةاجرى تحت للشارع لاضع فلوس فيلموقف السيارة لان الوكالة كانت في وسط واشنطن
وبعد معاناة حتى فهمو قصدى وتم تغيير الحجز
عند حضورى لإبوظبى ذهبت لمكاتبهم الرئيسية وكانت مقابل سوق زايد
لديهم قسم خاص بالشكاوى
طلبو منى ان اكتب الشكوى باللغة الانجليزيه ، طيب لو حد ما بيعرف يكتب انجليزى كيف حيعمل؟
المهم كتبت رسالة ولا قول عريضه طويلة
ووقعتها مع تلفوناتى
وحياتك الكلام ده كان قبال سنتين وحتى هذا التاريخ لم يتصل بى حد ولما احاول اتابع رسالتى وماذا جرى ، يحولونى من موظف الى موظف ويخلونى معلق مع التلفونات لامن رصيدى يخلص
ايضا ادارة الشكاوى سيئة للغايه
عليه تعلمت الدرس ولم ولن اسافر بعد هذا بالاتحاد
ولى تجربه كما زكر احد الاخوة بالاماراتيه بالرغم من اننا من سكان ابوظبى لذلك كالعادة نحاول ان نسافر من اقرب مطار وبالتالى الاتحاد هي المتوفرة مع ان اسعارها غالية
كانت بنتى مسافرة الى واشنطن مباشرة من دبى في بطيران الامارات بسفرية صباحية
عند وقوفي معها في كاونتر الشحن والشنكط (والبوردنق كارت) بعد أستسماحى بسؤال هل انت والدها؟ قلت له نعم
قال لى عندى مشكله في حجز اكثر من الازم ممكن بنتك تأخر سفريتها لمساء اليوم الساعه 11 ليلا؟
طبعا اتحمفشت كعادتنا وقلت ليهو انت بتهز؟
قال لى انا بتكلم (بزنس)
وتدارك هو الموقف وقال لى اذا وافقت على ذلك : سوف نسكنها هي وانت في فندق مع كامل الوجبات ونؤكد لها السفر في سفرية المساء ونعطيعها تذكرة مجانية على طيران الامارات واشنطن دبى واشنطن مفتوحة لمدة عام .
واذا ظروفنا كانت كويسه بخصوص مشكله الحجز الاكثر من الازم واتحلت المشكلة يمكن لبنتك ان تسافر الان وهديه نعطيها أيصال ب 300 دورلار
وبالفعل هذا ماحدث سافرت البنت واعطوها ايصال ب300دولار هذا فقط مقابل موافقتها .
ارى في الاخر ان تشتكى طيران الاتحاد وهم يخافون على سمعتهم في المحاكم وخاصة اذا اشتمت الصحافة الخبر
وانت حتكون في موقف قوى تملى ماتريد
مودتى وعفوا للإطالة
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: abas)
|
حبيبنا معتز .. كيفنك يا حبيب ومالك ما ظاهر ..
Quote: دكتور احمد
حمدا علي السلامه
امشي اشتكي ساي يا زول
الله معاك موفق |
لكن بالله يا معتز مش حاجة تحير ...؟؟
أنا منذ أمس أحاول أن أفهم كيف يتم إقصائك من حجزك المؤكد عينك عينك وبدون إستحاء وكأنه شيئ
عادي والمفروض ما تزعل حتى ... فلم أستطيع أن أصل لفهم في هذا ..
أهمس في اذنهم .. كونوا نزيهين .. وأقوياء في الحق .. ورحماء ( ولعلهم يفقهون )
وتخيل بدل أن تكون رحلتهم 4 ساعات أو أقل .. ستكون أكثر من 11 ساعة لأم وأطفالها ..
فتأمل ...
وتقول لي اشتكي ؟ .. تابع الصحف في الأيام القليلة القادمة .. سأكتب مقال كبير في هذه الواقعة ..
كن بخير يا صديقي ..
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: SHIBKA)
|
أختنا Shibka سلام وتحية وعيدك مبارك
| Quote: في كل سفرة بمني نفسي انو يكونوا غيروا اسلوبهموظريقتهم لكن ابدا مافي اي شي حصل |
عدم إهتمام الدولة الجاد بالتدريب ومعرفة أهميته يكمن في كل مشاكلنا ..
لذلك فقدنا الإبداع في كثير من المناحي ...
شيخ (محمد بن راشد) الله يحفظه .. له سيستم واضح في كيفية التعامل الراقي مع البشر
فأطلق منذ سنوات شعار (( الإنسان قبل المكان ))
وأصبح واقعا معاشا .. إهتمامهم بالنساء والأطفال فوق أي تصور ولهم الأولوية فوق الجميع
لكن شوفي ما حدث مع أسرتي في السودان .. لم يشفع لها بأنها أم ومعها 3 أطفال الكبير عمره 8 سنوات
والصغرى عمرها 3 اشهر .. وبدل أن يهتموا بها كأم مسافرة بدون زوجها .. لا تم التضحية بها أولا
شفتي الفرق بين ناسنا وأهلنا .. وبين الإمارات ؟؟؟؟
يجب أن يتغير هذا النهج الآن وليس غدا .. وسأفرد مزيدا من البوستات لفضح هذه الممارسات اللإنسانية
جزيل شكري
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Elfatih Noureldayem)
|
الفاتح نور الدايم .. كل عام وانت بألف خير ..
Quote: عند حضورى لإبوظبى ذهبت لمكاتبهم الرئيسية وكانت مقابل سوق زايد
لديهم قسم خاص بالشكاوى
طلبو منى ان اكتب الشكوى باللغة الانجليزيه ، طيب لو حد ما بيعرف يكتب انجليزى كيف حيعمل؟
المهم كتبت رسالة ولا قول عريضه طويلة
ووقعتها مع تلفوناتى
وحياتك الكلام ده كان قبال سنتين وحتى هذا التاريخ لم يتصل بى حد ولما احاول اتابع رسالتى وماذا جرى ، يحولونى من موظف الى موظف ويخلونى معلق مع التلفونات لامن رصيدى يخلص
ايضا ادارة الشكاوى سيئة للغايه
عليه تعلمت الدرس ولم ولن اسافر بعد هذا بالاتحاد |
فعلا هذا دليل بأن ال Staff يحتاج الى منهج لكيفية التعامل المهني والإنساني مع العملاء
على العموم المقارنة معدومة بين طيران الإمارات وطيران الإتحاد أو أي طيران آخر
والدليل ما حدث لأسرتي وما أخبرني به بعض الأصدقاء عن تجاربهم مع الإتحاد
وتاني توبة ...
شكرا كتير على حضورك الباهي وتفضلك بتبادل التجارب معنا ..
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Dr. Ahmed Amin)
|
Quote: غايتو ناس طيران الامارات لو عملوا كده (وقبل ما يعملوا) بيجو يشاوروك .. تتنازل من مقعدك مقابل تذكرة ذهاب واياب مجانا لذات خط الرحلة ومعها اقامة في فندق 5 نجوم وفاوتشر غسيل ملابس ووجبات واذا رفضت يمكن ان يزيدوا عرضهم .
|
كلام معتصم صحيح 100% أنا في مطار جون كنيدي معاي أولادي راجعين دبي في مكتب طيران الإمارات في المطار قالو لي بنفتش على متطوعين يتنازلوا عن السفر اليوم مقابل إنو يسافروا بعد 12 ساعة على بيزنيس وإقامة في الفندق الليلة ولمن وافقت قالو لي بنرجع ليك بعد ساعة للتأكيد .. بعد ساعة جو اعتذروا لي وقالو إنهم ما حيحتاجوا للمقاعد بتاعتنا وممكن نسافر في مقاعدنا وأدوني 3 قسائم مشتريات من السوق الحر قيمة كل واحدة 300 درهم تعبيرا عن شكرهم لإبداء رغبتنا في التعاون معهم صراحة أفضل طيران في الشرق الأوسط وثالث أفضل طيران في العالم تاني في شنو .. ناس الاتحاد ديل عندهم قروش لكن بحتاجوا لي سنين عشان يصلو مرحلة طيران الإمارات .... عقبال ما نسمع يوم من الأيام إن سودانير وضعها اتحسن وبقت في مصاف شركات الطيران الرائدة عالميا .. وكل شيء عند الله ممكن.
تحياتي للجميع
أمير
| |
|
|
|
|
|
|
|
|
 Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Dr. Ahmed Amin)
|
الأخ الدكتور أحمد أمين .. كل عام وأنت وأفراد الأسرة الكريمة بخير
حقيقة المشكلة في الإنسان السوداني الشغال في الشركة ومش في الشركة سواءاً كانت الاتحاد أو غيرها طالما كان الموظفين في الشركة سودانيين .. والحكاية دي كانت وما زالت وستظل عادية جداً في سودانير .. ده غير التأخير وعدم الإهتمام بالمسافرين أو الحرص على الإعتذار ليهم عن التأخير ..
وفي السودان .. ومن سنين طويلة جداً بيكون عادي .. تجي المطار في المواعيد المحدَّدة ويقولوا ليك الميزان قفل أو الطيارة قامت والحقيقة هي إنه الموظفين في الشركة بيكونوا باعوا مقعدك لمسافر تاني وإستلموا القيمة بالزيادة .. وأعلى ما في خيلك أركبو .. وهم طبعاً إتعودوا على إنه نحنا السودانيين ما حريصين على حقوقنا ولا بنشتكي شركات الطيران لأننا لو كنا بنشتكي شركات الطيران .. كانت سودانير دي قفلوها من زمااااان بتوجيهات من إياتا زاتا ..
وموسم الإجازات والأعياد ده موسم بالنسبة للموظفين ديل بصرف النظر عن سمعة الشركة .. إلاَّ أن الشركات الحريصة على سمعتها زي شركة الاتحاد أو الإمارات ما بتتلاعب أبداً في حالة تجيها شكوى من راكب
عشان كده ما تتنازل أبداً أبداً عن حقك وحق أسرتك المعنوي والمادي .. طالب بتعويض كبير وخليهم يدفعوا ويمشوا يحاسبوا المسؤول في مكتبهم في الخرطوم عشان ناس الخرطوم يعرفوا إنه مش كل الطير بيتاكل لحمو .. وكل الشركات التانية تنبه موظفينها ..
وما ضاع حق وراءه مطالب ..
وخلونا بالله نبدأ ثقافة معرفة حقوقنا والمطالبة بيها ونبطل حكاية "عفا الله عمَّا سلف" دي الضيعتنا وضيَّعت حقوقنا من سنين طويلة
كلمة أخيرة .. باري نصيحة ود شيقوق .. تكسب 
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: عبد الله كسلا)
|
تحياتي يا دكتور وانشاء الله تكون بديت الرش ..
بالمناسبة هذه بعض المزايا التي اتمتع بها مع طيران الامارات لكوني احمل عضوية سكاي واردز الذهبية ..
1- ياتي كبير المضيفين الى مقعدي ليرحب بي على متن الطائرة ( في سفرية ) ويعرفني بنفسه ويرجوني ( لاحظ يرجوني ) اذا احتجت لاي حاجة ان استدعيه شخصيا.
2- يمر علي ذات الشخص اكثر من ثلاث مرات خلال الرحلة لعرض خدماته والسؤال عني .
3- يقدمون لي ( فرشاء اسنان - مشط - ماكينة حلاقة - كريمات - جوز كتشينة ) وجميعها من من ماركات فاخرة .
4- اذا كنت داخلا الى دبي يقدمون كرت اسمه (فاست تراك) وهذا الكرت السحري يجنبك الوقوف في صفوف الجوازات بمطار دبي لان حامليه لديهم كاونترات خاصة بهم وفي الغالب تجد امامك شخص او شخصان فقط بينما المئات يتكدسون في بقية الصفوف.
5-استمتع بالدخول الى صالة كبار الزوار في مطار دبي وعدد من المطارات الاخرى (الغريبة مطار الخرطوم من بينها)والصالة الموجودة في مطار دبي مميزة ويسميها احد اصدقائي صالة الجنة .. ولا اقول لكم ما هو الموجود في هذه الصالة بل اسألكم (المافي شنو) بوفيه مفتوح .. لحوم بانواعها .. سلطات .. فواكه .. حلويات .. معجنات .. مشروبات بانواعها حلال وحرام .. هذا غير الحاجات التحت تحت ( غير معروضة في البوفيه ) ويمكنك طلبها وفي احدى المرات طلب صديقي عسل نحل وفي دقيقة كان امامه .. هذا غير اماكن الاستحمام والمساج وحمام السباحة وغرف لعب الاطفال وصالة الاعمال التي تتوفر بها خدمات الانترنت والطباعة والاقلام والاوراق ثم ارفف الصحف والمجلات التي تجد فيها اغلب الصحف العالمية والمجلات وعيييييك اشياء لا تحصى وكل هذا freeeee
6- اتمتع بالحصول على مقعد في اي رحلة حتى ولو لم يكن لدي حجز مسبق.
7- ترفيع درجة السفر من اقتصادي الى بزنس كلاس والى فيرست كلاس حسب حالة الرحلة وهذه حدثت معي كثيرا جدا.
8- اقوم باكمال اجراءات السفر عبر كاونتر الدرجة الاولى حتى ولو كانت التذكرة على الدرجة الاقتصادية.
9- معاملة العفش معاملة خاصة وتمييزه عن بقية عفش الركاب بعلامة مميزة تجعله ياتي اولا عند وصول الطائرة.
10- احصل على اميال اضافية في بعض المواسم واحيانا دون سبب فجأة اجد رسالة تفيد باضافة 10 الف ميل بمناسبة نهاية السنة مثلا .
11- احصل على تذاكر مجانية بدلا عن الاميال ومثال لذك تذكرة الخرطوم دبي الخرطوم تكلفك حوالي 24000 ميل اي ان كل 5 رحلات الى دبي تكون السادسة مجانا.
بالله في دلع اكتر من كده يا دكتور ..
مناسبة هذه النقة الطويلة ليست دعاية لطيران الامارات بل دعوة مني لكل الاخوة الذين يسافرون بطيران الامارات كثيرا للاهتمام بفتح حساب اسكاي ورادز وهو مجاني وتلقائيا يتم حساب رصيدك في اي سفرية ويمكنك مراجعته واصدار تذاكر منه وشراء هدايا وحجز فنادق وغيرها وكله مجانا ..
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: عبد الله كسلا)
|
الف مرجب غبدالله كسلا وعيد سعيد عليك ...
| Quote: والحقيقة هي إنه الموظفين في الشركة بيكونوا باعوا مقعدك لمسافر تاني وإستلموا القيمة بالزيادة .. وأعلى ما في خيلك أركبو . |
كويس انا بفرجهم ليك الركوب العلى أصوله ..
Quote: عشان كده ما تتنازل أبداً أبداً عن حقك وحق أسرتك المعنوي والمادي .. طالب بتعويض كبير وخليهم يدفعوا ويمشوا يحاسبوا المسؤول في مكتبهم في الخرطوم عشان ناس الخرطوم يعرفوا إنه مش كل الطير بيتاكل لحمو .. وكل الشركات التانية تنبه موظفينها ..
|
الغريبة كان معهم في السفرية قاضي يعمل هنا في الإمارات .. وكان من اللذين لم يجد مقعد له ولزوجته .. ولكن بعد تهديده لهم بأنه سيرفع عليهم دعوة .. الظاهر قالوا احسن نتقي شره .. قاموا ادوهو مقعد له ولزوجته وخلو أسرتي تكون لوحدها في المطار
ولم يحركهم حق ولا نخوة بأنها إمرأة مع أطفالها ..
Quote: وخلونا بالله نبدأ ثقافة معرفة حقوقنا والمطالبة بيها ونبطل حكاية "عفا الله عمَّا سلف" دي الضيعتنا وضيَّعت حقوقنا من سنين طويلة
|
لا لضيــاع حقوقنا والف لا .. ما دام في قانون سنرد إعتبارنا الذي تجاهلوه ..
كن متابع حيثيات هذا الأمر ..
ودمت
| |
|
|
|
|
|
|
|
|
|
Re: سفرية طيران الإتحاد رقم 633 (الخرطوم- أبوظبي) اليوم.. كيف يحدث هذ (Re: Dr. Ahmed Amin)
|
ولا زال مسلسل الفوضى والتجاوزات مستمرا ..
علمت من الزميل والصديق د. معتصم عبدالنور بأن زوجته وإبنته قد تعرضا لنفس الضغوط
من طاقم الإتحاد بالسودان وبنفس الطريقة في سفرية يوم 9/9/2011... لا توجد كراسي للأسر ..
وبعد جهد كبير ... تمكنا من السفر ... الأم في كرسي والبنت في كرسي آخر بعيد ...
طيب يا ناس طيران الإتحاد بالخرطوم .. الحل شنو ؟؟
والى متى يستمر هذا الحال ؟؟؟
على العموم قرر الكثيرون عدم المغامرة في المستقبل بالسفر على خطوطكم
الفـــاخرة ... واللجوء لخطوط أخرى منها ( فلاي دبي ) و(العربية)
وان شاء الله بكده يقل الضغط الكبير عليكم ..
| |
|
|
|
|
|
|
| |
sari_alail
معتصم محمد صالح
Al-Shaygi
ناذر محمد الخليفة
الطيب شيقوق
دوت مجاك
ابراهيم عدلان
خالد علي محجوب المنسي
Hisham Amin
Nasr
Abureesh
Elfatih Noureldayem
SHIBKA
abas
محمد علي البصير
طارق جبريل
عبد الله كسلا
عباس محمود
جعفر محي الدين
فيس بوك
تويتر
انستقرام
يوتيوب
بنتيريست