1-B]- مقولة قديمة تعود الي نهاية الستينيات منسوبة لغولدا مائير رئيسة وزراء اسرائيل تقول فيها وذلك عندما طلب منها اركان الحرب بضرورة تغير التكتيكات العسكرية المتبعة في حربهم مع مصر قال (ان العرب لا يقراون وان قراءو لا يفهمون وان فهموا لا يفعلون) اذا جلبنا هذه المقولة وبسطنا علي واقعنا الواقع الان فان ناس الانقاذ لا يقراون وان قرأو لا يفقهون وان فقهو لا يعلمون، وان يعلن البرلمان الحرب بخصوص ملف النيل الازرق فهذا يعني ان ما يسمون انفسهم بدعاة الهامش سوف يبرحون حروبهم القادمة بتكلفة غير معروفة لكن حتما لن تكون مثل تكلفة دارفور او ضحايا الثورة المصيرية، فقوي الهامش العسكرية الان هي اكثر قوة من ذي قبل فعلي الصعيد الداخلي عودة دكتور خليل من ليبيا محملا بما لا عين رات وعين سمعت ولا خطر علي قلب بشر من سلاح كم يقال، سوف تجعل الكثيرين يحس ويشعر بان القادم ربما يكون افضل او ربما يكون العن، ومناطق جبال النوبة ما زالت الحرب فيها وان كانت متقطعة والنيل الازرق محمي بالجبال والكراكير، وداخليا وداخل بيت الكلاوي تحديدا العاصمة الناس ضجت وكرهت ارتفع اسعار السلع الضرورية، والفساد والافساد ولو ان ان الجوع عام لهان الامر بنظرهم لكن ان يكون هناك جوع، يقابله شبع فاحش، وان تزداد رقعة بيوت الاشانتي والصفيح من ناحية وترتفع غابات الاسمنت فها هو الامر الذي يجعل الكثيرين يتمنون دخول يوم القيامة وليس حركات دارفور وعقار وخليل وميناوي ومن لف لفهم.
09-13-2011, 01:49 PM
amir jabir amir jabir
تاريخ التسجيل: 01-12-2006
مجموع المشاركات: 5550
الحرب القادمة فى المقام الاؤل ضد المؤتمر الؤطن ؤكل شخص ينتمى اليه على اقل تقدير هؤلا من قتل اهلنا بالطيران ؤالقنابل هذا الخط الرسمى للقيادة اسقاط نظام الانقاذ بالعمليات العسكرية
ؤعند اللنصر انشاء الله يحساب كل شخص على كل جريمة من العام 1956 الى اليؤم حتى ان كان خليل ابرهيم ان كنا نريد ان نبنى دؤلة عدل مساؤاة فى السؤدان ؤحتى تختفى الالفاظ العنصرية المهينه
ؤطبعا بالقانؤن
طبعا اى شخص ليه الحق بالتسليح ؤالقتال بجانب المؤتمر الؤطنى ؤعلية ان يختار اسم حربه حرب عرقية دينة حارب من اجل القبيلة المهم يتحمل مسؤليت نفسؤا
فى النهاية كدة ان كنا على حق فالله ينصرنا ان كنا على باطل اللهم لا تنصرنا ابداا ؤشتت شملنا بس انتهى
09-13-2011, 02:26 PM
محمود الدقم محمود الدقم
تاريخ التسجيل: 03-19-2004
مجموع المشاركات: 9296
شكرا الاخ امير جابر علي المداخلة لا اتفق معك ان الحرب ستكون ضد المؤتمر الوطني، ياسيدي الكريم اخشي ان تكون الحرب ضد العنصر العربي وان كنت ما زلت اشك في وجود عنصر عربي بيور بالعالم العربي كله ناهيك السودان، ولو لاحظت شعار الحلو كان النجمة او الهجمة، ولم يقول ان الهجمة ضد المؤتمر الوطني، مؤشر العنصرية مرتفع للغاية في الضفتين، قوي الهامش او التي تسمي نفسها بذلك ايضا لديها خيار وفقوس داخل صفوفها ففي النيل الازرق الحركة الشعبية حاولت تهميش الجلابة المنسوبين لديها من العمليات العسكرية او حتي اخبارهم بذلك، ليس هناك رؤية واضحة للجميع عند طبيعة الحرب القادمة، لكن في راي ان البرلمان اخطاء في اختيار خيار الحرب في النيل الازرق، وعندما تقع الواقعة ما بتعود تفرق كتير انك بتقاتل في خندق واحد مع المؤتمر او الحركة الشعبية داخل الخرطوم لان الحرب سيكون شعارها : قبيلتك شنو؟
09-13-2011, 02:03 PM
محمود الدقم محمود الدقم
تاريخ التسجيل: 03-19-2004
مجموع المشاركات: 9296
2- داخليا الاقتصاد يترنح احد المسؤولين يطالب بتوفير ملايين الدولارات لمقبل السنة المالية، والفساد الاخلاقي بلغ الحلقوم وجعل دكتور عبدالهادي يجري عشرة الف عملية اجهاض!!!!عشرة الف رقم كافي ان يجعل السودان يتحول لبفتيييك وشاروما لو لم يرسله الله لانقاذ الوضع، وداخليا الخوف بلغ الحلقوم راسمالية الجلابة كما يحلوا للبعض ان يطلق هذا الاسم لان هذه الراسماليل يقولون ان دخل خليل وعقار وعبدالواحد ومنياوي فالوضع سيكون كيف؟ داخليا كيف يكون الحال داخل مؤسسة الجيش ان انفرط الحابل بالنابل؟؟ ونحن هنا نضع نصب اعيينا ان عصابات كما جاء في قناة الجزيرة وغيرها قتلت خمستاشر من ناس الشرطة بنواحي جبل مرة.
ناس المركز وما حووليه ما زالت تعشش في رؤسهم حدودته تور يشين واحد قبل اكثر من مئة عام؟ فكيف يكون الحال ان جاء (خمسة تورات شينات) عقار، خليل،ميناوي،الحلو،عرمان، وبقية الرهط الغير معروفين.
بالنسبة للغرابا الموت عندم عادي فمن لم يموت بالدانة والانتينوف مات بالملاريا تعددت الاسباب والهلاك واحد، لكن والحقيقة تقال ناس البندر والمركز لا يقوون علي رؤية موتي بحادث سير عادي. استغرب واندهش كيف لبرلمان الحكومة يغلب لغة الحرب علي لغة الحوار؟؟ وكيف لنواب يريدون ان يمضغوا الجلابي زميلهم عضوا البرلمان فقط لزلة لسان قالها في مرافعاته داخل البرلمان في الفديو الذي جلبه ود الباوقة؟ والذين سوف يسقطون بنهاية الامر هم سودانيات وسودانيين، وصديقي المهندس الليبي قال لي بعد ان فقد زوج اخته بانه ذبح خروف عندما دكّت صورايخ النيتو طرابلس، ولم يتاسف حتي من المدنين بطرابلس الذين سقطوا لانه يري جثة زوج اخته تلاحقه في منامه تريده ان يحرق اليابس والاخضر انتقاما.
09-13-2011, 02:16 PM
محمود الدقم محمود الدقم
تاريخ التسجيل: 03-19-2004
مجموع المشاركات: 9296
3-وياسر عرمان رمي بها علي بلاطة تغير نظام الخرطوم بالقوة وبغير القوة واجب المرحلة، يعني الحرب قائمة قائمة، زنقة زنقة زاروب زاروب، شارع شارع، والا فما الداعي لان يتبني البرلمان شعار الحرب بدلا من السلام علما ان نافع هو من وقع الاتفاق الاطاري مع عقار في اديس!! النتيو الان يعيش نشوة لم يعيشها قط منذ ان تم انشاءه فا لاول مرة يجد نفسه النيتو امام شعب يناديه يتوسل اليه يبكي اليه بان يتدخل لانقاذه من ملك ملوك افريقية، ولاول مرة يجد حلف النيتو نفسه يدك ويفرم ويسحق ويجرب اسلحته الجديدة دون ان تخرج مظاهرة واحدة في بلاد المسلمين تندد وتشجب تصرفاته، هذه بدوره سوف يعطيه فرصة ان يطبق نفس النموذج في المركز السوداني ان تتطلب الامر لاسيما ون ممسك ملف افريقيا بالكنغرس قالها علي العالمين ان علي النتيو تطبيق نفس سيناريو ليبيا علي الخرطوم، يعني الوضع سوف يكون شين وصعب علي الجلابا والغرابا معا. اذن الحرب القادمة او الحروب القادمة بالسودان سوف تكون حروب عرقية عنصرية الغائية، اثنية تلغي اثنية اخري، صراع سيكون بين الجلابة والغرابا، بين من يعتقدون بانهم عرب والافارقة، وخد في بالك ان نسبة الامية داخل مقاتلي صفوف الغرابا مليون في المية والجاهل اعمي ما بيفرز.
09-13-2011, 03:17 PM
amir jabir amir jabir
تاريخ التسجيل: 01-12-2006
مجموع المشاركات: 5550
اخونا محمود سلامات يا شاب انا اعتقد ان الناس لمن تتكلم عن الهامش بتفكر فى نفرين تلاته فى المنبر او لمن تقول جبال النوبة والنيل الازرق درافور وشرق السودان ما يعنى عامر ولا فايز ولا تراجى ولا محمد سليمان ولا خليل ولا عقار ولا الحلوا يا شاب الهامش دة قبائل شيوخ وحاجات تانية وما اعتقد فى حقد ولا نية مبيته ضد زول ما عمل لينا شئ اصلا المعضله يا ابو الشباب تركمات قبلية وحاجات عنصرية خشت فى الناس نتيجة بمساعدت الحكومة نفسها مش الانقاذ بس كل الحكومات السابقة طيب نحنا عشنا فى الخرطوم فى عنصرية اى فى تمهيش اى لكن فى مساحة الناس قدرت تعيش وتتعلم وكان فى اصدقاء ومعارف الخرطوم وبحرى اغلب السكان من وين ؟؟ امشى شوف امدرمان القديمة يعنى الوضع بتغير نساعد فى التغير احسن من الكلام الما بودى ولا بجيب ؟؟
اى شعار الحركة كان النجمة او الهجمة طيب الهجمة ضد منوا ؟ هسى الحرب دورا كانت ضد منوا عندك اى حالت انتهاك وحدة ضد الحركة طوالى تطلع مش وانا بقول الكلام دة انا ما عضو فى الحركة الشعبية ولا دى تنظيمى السياسيى لكن الواحد مفروض يحارب الفساد فى بيتوا الاول يقبل على باقى الناس مش يعنى المنطق البخلينى شنوا اسكت على حق فى جبال النوبة واتحدث عن باطل فى الخرطوم ودة منطق العنصرين لكن الحق انوا نحارب انفسنا نحترف بالاخطاء انا وانتا وكل الناس هنا نعمل بوست تعترف با الاخطاء بتاعتنا هنا ياخى انا مخطى فى كدة كدة والناس بتمش والعنصرى مافى ليهو وجود والعنصرية ما بتتنتصر بنتصر الحق فى البداية لكن اذا كان دة شعار الحركة شعار بس جبال النوبة مدورة حرب من سنه كم دارفور والنيل الازرق شرق السودان يعنى شعار قصاد قتل ودمار واغتصاب ؟؟ اها
الناس مفروض تسامح مش لانو خايفين من الهزيمة يا محمود الحرب الجاية ما زى زمان حرب شرسة والنصر فيها لصاحب القضية والاقوى لو قلنا حرب قبائل ساى نحن كم قبيلة ؟ التسامح لانو الحرب دى ما فوقا اى فائدة افرض انوا الحلوا عقار وعرمان وباقى الناس دى حكموا السودان عايزين يعملوا شنوا غير الديمقراطية وصناديق الانتخابات والعايز يقيف معاهم منوا خلينا نكون نشوف الناس ممكن تطرد الانقاذ كيف الاول بعدين نشوف البحصل شنوا
09-13-2011, 03:46 PM
Mohammed Haroun Mohammed Haroun
تاريخ التسجيل: 12-21-2005
مجموع المشاركات: 4836
Quote: فقوي الهامش العسكرية الان هي اكثر قوة من ذي قبل فعلي الصعيد الداخلي عودة دكتور خليل من ليبيا محملا بما لا عين رات وعين سمعت ولا خطر علي قلب بشر من سلاح كم يقال، سوف تجعل الكثيرين يحس ويشعر بان القادم ربما يكون افضل او ربما يكون العن،
يا ولد أبا الدقم حبابك
يا أخي معقول تكون صدقت كلام الجرايد الفوق دا ... يا أخي العالم دي بتبالغ ساكت وعاوزننا نصدق ونقول ليهم نعم .. نعم ... حكاية الهامش وقوى الهامش دي وهم ساكت .. يا أخي النيتو عنده طائرات (ايواكس) للمراقبة على مدى 24 ساعة ... يعني لو شاف قوة زي دي متحركة بما لاعين رأت ولا أذن سمعت لدمرها حتى ولو دخلت الأراضي السودانية ....
الاخ محمد هارون النتيو بيلعب لصالح ورقو والامريكان بيلعبون لصالح ارواقهم وسوق المسمسرة والسنسرة مفتوح لمن يجيد اللعب، قبل سنوات رصدت القوات الامريكية بافغانستان موكب يضم بن لادن واخبرت طائرات الاستطلاع القيادة بالبانتغون هل يضربو الموكب فجاءهم الرد لا.
والردادرات عينهم صباح مساء في القارصنة الصوماليين يمرقون ويدخلون من تحت افواه مدافع المدمرات الامريكية والاساطيل الامريكية ما تحركت وعندما هاجم القراصنة سفينة صغيرة ترفع علم امريكي تم القبض علي القراصنة جميعا وتم ارسالهم صاغ سليم لمحكامتهم في واشنطن تحت جرائم الارهاب، وعلي هكذا قيس.
دكتور خليل وحضوره السودان يلقي بظلاله علي احداث دارفور خاصة وبقية المناطق عامة، اذن القضية الان ليس ما اذا كان خليل او غير خليل جاء محملا بسلاح او كودايك المهم ان الحروب القادمة هي حروب عنصرية تنطلق جلابا وغرابا وهنا مكمن الخطورة، عاصف الود وتلفونك عامل صايم الستوت.
09-13-2011, 03:50 PM
محمود الدقم محمود الدقم
تاريخ التسجيل: 03-19-2004
مجموع المشاركات: 9296
ما يكتبه بعض الاعضاء من انهم دعاة هامش لا اهتم به كثيرا فهم بالنهاية يعبرون عن قناعاتهم اختلف اتفق معهم هذا شيء اخر، لكن ذكري للحلو عقار، ميناوي، خليل الخ لانهم يزعمون بانهم قيادات ولهم جيوش جرارة، وما قاله الحلو في ندوة اريزونا بحضور بكري ابوبكر قبل سنوات من عنصرية وانهم ضد الجلابة وغيره من الكلام الفطير -وانا هنا لا ادافع عن الجلابا او الغرابا بل عن ما تبقي من تراب بلد- اقول ما قاله الحلو دليل كافي ان حرب النهايات هي حروب عرقية عنصرية منطق الاشياء يقول بذلك، مضاف الي ذلك ما قاله محجوب حسين عن حركة تحرير السودان لسامي منو كدا مش متذكر في قناة الجزيرة بانهم ضد ناس المركز ايضا يمكن ان تضعه في سلة سياق البوست، وشعارات كل القوة الخرطوم جوه، وقبل بضعة ايام منبر السلام العادل قال بانه مستعد لطرد الحركة الشعبية من الشمال والنيل الازرق، والمحافظة علي كيان دولة الشمال الاسلامية العربية، والما عرب يعلموا شنو؟ والرئيس البشير قال في القضارف ان لا تعدد ثقافي والشريعة هي الحل! طيب ناس النوبة والفور والمحس والدناقلة وناس الشرق الخ ما عرب ولديهم تنوعاتهم الثقافية الخاصة بهم ماذا سيفعلون بها؟
انت تدعو للتسامح وانا اشد من ازرك واقف خلفك ولكن انت يا امير عندما تدعوا للتسامح فلانك تملك روح عالية مصبوغة بعلم اكاديمي، لكن المهمش الذي يحمل البندقية لم يقراء ولم يدخل مدرسة ولديه حقد دفين تجاه الجلابا الذين في نظره سبب بلاءه وشقاءه هل يا تري سيسامح؟ حتي القبائل فهي ممزقة علي الصعيد الداخلي وستتمزق اكثر، ودونك قبيلة النوبة حيث منسوبي الحركة من النوبه اقتتلوا مع منسوبي المؤتمر الوطني من النوبة فالقاتل والمقتول من النوبة، والامر سيكون ايضا في صفوف البقارة وغيرهم، يعني حروب قبيلة قبيلة داخل القبيلة البيت الواحد، وحرب عرقية عنصرية مناطقية.
ثم اخ امير تخييل معي واحد كتلوا ليهو امو او ابيه او شقيقه وهو من الهامش هل بتفرق معاه ان توجه نحو الخرطوم كي يثار لاخيه او قريبه؟؟
انا لا ادعوا لاي حرب عرقية او اثنية لكن الواقع الماثل يقول بذلك ولذلك عندما تجيل بنظرك مرة اخري فان الوظائف مثلا اغلبها يتم توزيعها علي اساس عرقي قبلي، وليس علي اسس الكفاءات الخ، فعليه ومرة اخري عندما يدخل هذا المهمش الخرطوم فانه ما بيفرز، وبعض ناس المركز يرون في ناس الهامش انهم اوغاد طبعا ليس كل ناس المركز ويكفي نظرة من حولك ستكتشف ذلك وهذا الواقع المزري كرست له الانقاذ وبقية النخب الفكرية الاخري كان جلابا كان غرابا.
لذلك السؤال هل من مخرج من هذه السلسلة الجهنمية؟؟؟ ولا للحرب مليون الف مرة.
09-13-2011, 07:25 PM
محمود الدقم محمود الدقم
تاريخ التسجيل: 03-19-2004
مجموع المشاركات: 9296
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمود الدقم
amir jabir
Mohammed Haroun
فيس بوك
تويتر
انستقرام
يوتيوب
بنتيريست