|
|
 سلام من بومباي
|
اولا اتمنى ان يكون افطار بورداب الخرطوم قد خرج بازهى وأبهة صورة ..وكنت اتمنى ان اكون بينهم لكن ظروف العمل هذه المرة جعلتنا نقطع الاف الأميال نحو الهند بلد الغرائب والعجائب التي تتجلى فيها مظاهر الفقر المدقع جنبا الى مظاهر الغنى الفاحش ..أعانتني نصائح الاخ ناذر الخليفة الذي قضى سنوات في هذه البلاد المتناقضة ... الزحام هو سيد الموقف .. ملايين البشر يزاحمون الاف السيارات في الشوارع التي تضيق بهم .. وكل هذا وحركة السير شمال واكثر من مرة فتحت باب السائق لاجلس في المقعد وافاجا به ينظر الي مستغربا ... السائقون مهرة الى حد بعيد ورغم الزحام والضيق نادرا ما يرتكب احدهم مخالفة او حادث سير .. الطعام كله نيران مشتعلة من الفلفل الحار . ليومين متتاليين نطلب طعاما من دون فلفل وهذه وصية ناذر .. ويحضرونه من غير فلفل كما يقولون الا انك وبمجرد ان تضع يدك عليه تشعر بالسخونة في يدك ونتوكل على الله ونأكل ...أصر مرافقي اليوم على طلب الطعام بالفلفل ولم نستطع بلع لقمة واحدة ... الجميع يتحركون بهمة ونشاط والجميع يعلمون رغم الأمطار المتواصلة بكثافة منذ وصولي الى بومباي ... الخضرة تملا الشوارع .. تماماً مثل جوبا الا ان الحضارة اتخذت مكانا هنا ... سأواصل وسأحاول رفع بعض الصور.. تحياتي وتقديري لكم جميعا ..,. واذا كان هناك بورداب هذا هو رقم هاتفي 00919820743156
|
|
  
|
|
|
|
|
|
|
|
Re: سلام من بومباي (Re: المر)
|
رفيق رمزان مبروك
انت في اسير بلاد مال هندي الحين زين هدا
انا في وسيه ما في اشتري ويدفع فلوس قبل يستلم سامان
تحياتنا يا نستا
خلي بال من نفس مال انته زين
مومباي دي الحين زين زياده
سوي فسحه زياده وصور زياده زين
| |
|
|
|
|
|
|
|
|
|
Re: سلام من بومباي (Re: abas)
|
| Quote: الطعام كله نيران مشتعلة من الفلفل الحار . ليومين متتاليين نطلب طعاما من دون فلفل وهذه وصية ناذر .. ويحضرونه من غير فلفل كما يقولون الا انك وبمجرد ان تضع يدك عليه تشعر بالسخونة في يدك ونتوكل على الله ونأكل ...أصر مرافقي اليوم على طلب الطعام بالفلفل ولم نستطع بلع لقمة واحدة |
معصتم رمضان كريم
يبدو الفلفل مقدس عند الهنود . يحكي احدهم انه حضر وعظا دينياً لهنود مسلمين . كان الواعظ يكثر من استخدام كلمة فلفل .. فلا ينطق كلمتين و إلا ذكر فلفل و طبعاً الوعظ بلغة الهنود . فاستوضح صاحبنا احد الهنود فقال له انه يصف الجنة و ما فيها .. فالجنة فيها انهار من الفلفل و فواكه بطعم الفلفل و حور عين بنكهة و رائحة الفلفل و ارائك من الفلفل .. فلفل فلفل فلفل .
| |
|
|
|
|
|
|
|
|
|
Re: سلام من بومباي (Re: abas)
|
أخي معتصم صالح
ياسلاام - لقد أيقظت في نفسي اياماً وذكريات لا تنسى
عشت في هذه المدينة 8 سنوات متتالية - عرفتها جحراً جحراً وشارعاً شارعاً
في كل ركن في "كلابة" لنا فيه ذكريات طيبة وجميلة ولو كانت مرة في وقتها ولكنها الآن تمثل حياةً لي ولأشقائي اللذين عاشوا معي هناك
امشي مطعم البغدادي وركز على المطاعم الإيرانية
عمل حسابك شديييييد من النشـــــــــالين
ولو احتجت لأي شيء قول لينا عوك ممكن نخدمك من خلال معارفنا من هنا من السعودية
واتمنى لك اقامة طيبة في بومباي
الصادق
| |
|
|
|
|
|
|
|
|
|
Re: سلام من بومباي (Re: abas)
|
سلامات عباس .. الصور دي عيييييك كتبنا منها ..لكن رفيق وصديق دي هنا مافي نهائي انجليزي واردة بس وزول بفرنك سوداني ولا غيرو مافي اي زول بتكلم معاك على اساس انك هندي .. تحياتي وتقديري
| |
|
|
|
|
|
|
|
|
|
Re: سلام من بومباي (Re: المر)
|
تحياتي اخي المر .. نحنا وييين وكاتبة وين .? أنا نازل في فندق بوا انتركوننتال في وسط بومباي تقريبا ولو عايز تمشي حلابة الجن دي عايز ليك 3 ساعات .. عيد منو يا زول والله فلللي بعد بكرة دبي
| |
|
|
|
|
|
|
|
|
|
Re: سلام من بومباي (Re: المر)
|
والله والمر اخوي بنجي علا بنسخه أكلنا قدام والله ... واحد من ناس الكمبيوتر يورينا يرفعوا الصور من الأيباد كيف ..??
| |
|
|
|
|
|
|
|
|
|
Re: سلام من بومباي (Re: BAKTASH)
|
تحياتي باكتاش .. مشتاقين لشنو..? أنتو والله ما نصاح ....او ما عارفين البلد دي الحصل فيها شنو ... زحمممممممممممة ....ورمضان شنو .?والله تصوم تفطر بلح وموز وبطيخ او تمشي على الفلفل.... الصور اسألني منها بعد ارجع الخرطوم ..او لو واحد من شباب الأيباد جا ورانا برفعوها كيف عشان اديكم بومباي طازجة
| |
|
|
|
|
|
|
|
|
|
Re: سلام من بومباي (Re: معتصم محمد صالح)
|
حمدلا على السلامة يا أبو نون ..
زي ما قالوا ليك الشباب والله كلنا مشتاقين للبلد ديك .. غايتو لو كنت جيتا قبل كم سنة لي ورا كنت حا تلقى الشباب أعضاء البورد عبود النصيح ومحمد عبد القادر وإييييييييييييك أسكت ساكت ..
من ناحية الأكل ما تستعجل أنا لمن جيت الهند اسبوع كامل فطوري وغداي وعشاي بخش البقالة بشب لي قزازة حاجة باردة وبسكويت أو كيك من الرف ..!!
زي ما قالوا ليك عندك مطعم البغدادي في كلابا ومطعم تاني إسمو السندباد في نفس الإيريا ..
مع المغارب أمشي بومباي بيتش وإتفرج شوف الناس دي عايشة كيف .. ما تركز كتير وما تقول يا ربي الناس ديل ما عندهم ناس نظام عام ولا شنو ؟؟!! هناك الحب على اصولو وزول شغال بي زول ما في .. كل إتنين متلصقين في بعض زي غنم الإشلاق !!..
في ناس كدة حا يجوك شايلين ألبومات صور من الجنسين (صور الألبوم من الجنسين مش الناس الشايلنها) .. ديل تبعد منهم خالص وأعمل فيها مجنون وأتكلم معاهم سواحيلي عشان ما يفهموا حاجة وانت زاتك ما تفهم حاجة ..!
داير تشوف جنة الله في الأرض أقطع ليك تذكررة طيارة وساعتين كدة جنوب الهند امشي بنقلور عشان تاني ما تجي راجع ..
من بنقلور أركب قطر او بص ساعتين كدة في مدينة اسمها ميسور .. دي مدينة الصندل .. حا تشوف فيها قصر المهراجا والقصر كلو يا ابو نون من الذهب الخالص .. يعني كان داير تسيحو في مجمع الدهب داير ليك زي حوالي عشرة ألف فرن تركي وخمسين الف فرن بلدي + عشرة سنين كدة من الزمن ..!!
أتمنى ليك أقامة طيبة وما تنسانا من الصور ...
| |
|
|
|
|
|
|
|
|
|
Re: سلام من بومباي (Re: ناذر محمد الخليفة)
|
سلامات يا ناذر ...بنقلور بتاه مين يا عمك انشاء الله احضر معاكم الإفطار لأني كنت مفتكرو يوم الجمعة ... يا ناذر البلد دي فيها زحمة مبالغة تكرهك اي حاجة ... يعني عادي ممكن تكون راكب في العربية وتقبل في الشارع اكتر من ساعة وببساطة الهندي يقول ليك ترفيك .. اليوم ذهبت من الصباح لمنطقة اسمها مسجد شنو كده ما عارف والله جيت راجع الساعة 9 بالليل والزمن ده نصو في الطريق ... الصور راقدة بس لغاية ما ارجع ...لك تحياتي وتقديري
| |
|
|
|
|
|
|
|
|
|
Re: سلام من بومباي (Re: العوض المسلمي)
|
Quote: مشتاقين يا فردة ..
السنة دي جهجت رمضان بالسفرة دي ..
جاااااي متين ؟؟ |
سلامات يا صديقي ..
بحمد الله وصلت الخرطوم مساء امس وساشارك في افطار اليوم انشاء الله
| |
|
|
|
|
|
|
|
|
|
Re: سلام من بومباي (Re: معتصم محمد صالح)
|
معتصم
لك كل التحايا
رمضان كريم وتصوم وتفطر علي خير
عندنا زميل لديه مقولة شهيرة جدا
من اتي الي بومباي ولم يزر البغدادي فلا بومباي له
لو كان عندك وقت كان تمشي لي بونا الحنونة علي بعد ساعتين ونصف من بومباي هناك حتما ستجد نفسك ومافي زحمة وجمال لا يوصف
| |
|
|
|
|
|
|
|
|
|
Re: سلام من بومباي (Re: Mutwali Malik)
|
اخي معتصم
رمضان كريم
انصحك بالاكل في المطاعم الصينيه
انا نزلت من قبل في كولابا وما تقول لي البغدادي ولا غيرو
لان البغدادي اكله مناسب مع ناس الخليج حسب علمي
لكن الفلفل او المسالا ادبتنا ادب
بعدين جرب حاجه اسمها شوربه منشوريا
ممتعه لكن لو طلبتها بدون شطه حيجيبوها ليك بشطه لكن 110 فولت بس !!!!!!!!!!!!
| |
|
|
|
|
|
|
|
|
|
Re: سلام من بومباي (Re: طارق ميرغني)
|
تحياتي يا طارق ..
فعلا اليوم احتفال الاستقلال ويوم السبت كان عندهم احتفال برضو .. وذكر لي مرافقي الهندي ان لديهم 5 احتفالات شهريا على الاقل ..
كنت اود رفع المزيد من الصور الا ان هناك مشكلة في الموقع ...
| |
|
|
|
|
|
|
|
|
|
Re: سلام من بومباي (Re: Mutwali Malik)
|
Quote: من اتي الي بومباي ولم يزر البغدادي فلا بومباي له
|
سلامات يا متوكل .. يزورو بس ولا ياكل الجداد المشوي فيه ؟؟
كنباتو زي فصول المدارس زمان ...
| |
|
|
|
|
|
|
|
|
|
Re: سلام من بومباي (Re: معتصم محمد صالح)
|
أخي الحبيب معتصم
سلامات ورمضان كريم وكل سنة وانت والأسرة بخير
أرجعتني بهذا البوست إلى ذكريات حلوة وأيضا مرة في بومبي التي عشت فيها حوالي 4 سنوات .
ذكريات حلوة مع إخوة أعزاء من ضباط القوات المسلحة الذين كانوا يدرسون في الكلية الهندسية الفنية في مدينة بونا التي تبعد عن بومبي حوالي ساعتين . كنا نتبادل الزيارات في نهاية الأسبوع والمناسبات الأخرى . وكان هناك أيضا صديقنا العزيز صلاح الرفاعي الذي لا يزال حتى الآن هناك . كنا نقضي الأمسيات كل يوم في فندق تاج محل ..كانت الخطوط الأثيوبية تأتي في الأسبوع مرتين والخطوط الكينية مرة واحدة في الأسبوع وكان لنا أصدقاء حميمين من الطيارين والمضيفين والمضيفات يأتونا بـ (أنجيرا وذقني ) مع كل زيارة .. من أجمل محاسن إقامتي في بومبي أنني تعرقت خلالها على الأخ الحبيب والصديق العزيز كابتن شيخ الدين محمد عبدالله الذي كان يعمل آنذاك في الخطوط الكويتية التي كانت تأتي إلى بومبي مرتين في الأسبوع . كان يوجد طالب سوداني واحد في بومبي يدرس الطب (فيما بعد دكتور محمد بابكر) معظم الطلبة كانوا في شمال الهند (جامعة أليقار) وطالب طب واحد في مدينة (كلكتا).
أما الذكريات المرة فكانت أثناء الحرب الهندية الباكستانية التي انتهت بضم باكستان الشرقية لتصبح دولة بنقلاديش ...أيام الحرب نصحت السلطات الهندية بأن تسافر العائلات قبل وقوع الحرب التي باتت مؤكدة ..وبقينا أيام الحرب بدون الأسر وكانت أيام بحق مرة جدا.
تحياتي ومحبتي
| |
|
|
|
|
|
|
|
|
|
Re: سلام من بومباي (Re: منال)
|
| Quote: كل إتنين متلصقين في بعض زي غنم الإشلاق !!.. |
والله ده بالغت فيها عدييييل يا نــاذر .. يعلم الله وصفك 100% ..
تحياتي يا معتصم ..بس أوع تكون من ناس القولون .. الفلفل بوديك التوج 
ترجع بالسلامة ان شاءالله
| |
|
|
|
|
|
|
|
|
|
Re: سلام من بومباي (Re: Dr. Ahmed Amin)
|
| Quote: وكان هناك أيضا صديقنا العزيز صلاح الرفاعي الذي لا يزال حتى الآن هناك |
لا حولاااااااااااااا اخي جعفر
بتعرف الراجل دا بالله ؟؟؟؟؟" صلاح الرفاعي"
بعدين يا معتصم حاول تشتري ليك قرامافون هناك رخيص
بعدين عشان المطره في جزم بلاستيك من باتا بي 110 روبيه وشمسيه برضو
| |
|
|
|
|
|
|
|
|
 Re: سلام من بومباي (Re: طارق ميرغني)
|
Quote: سندوتش بطاطس ( كما عرفه مرافقي الهندي )قطعة بطاطس مجففة يتم حشوها بمرق بطاطس ( بالفلفل )
|
دا اسمو صاحب السمو والرفعة منقذ الجوعي ومحي الموتى السيد "وادا باو" لولاه لمات ابو 8 سنين اعلاه ومعه مجموعة مقدرة من اعضاء هذا المنبر
بومبي هذه يا معتصم من اجمل مدن الدينا تحتاج لمدة عامين كاملين بدوام من 8صباحا لـ5 مساءا 6 ايام في الاسبوع لتتعرف على بعض معالمها
يعني ابو 8 سنين دا عادي ممكن يروح فيها ويستنجد بالهاربر لاين او السنترال لاين "وهما اهم خطين في شبكة بومبي لسكة حديد) ليعود من حيث اتى..
بعدين بومباي دي يا معتصم ما بحوموا فيها بالتكاسي لانك ممكن تقضي يومك كلوا في مشوار واحد لازم تستعين بخطين القطار اعلاه
البغدادي طبعا مطعم معقول لكنه خاص بزوار كُلابا وهي منطقة فنادق العرب ويكثر فيها المطاعم التى تقدم فيها اللحوم التى تقدم في مناطق معينة في بومبي
لكن بومبي فيها الاف المطاعم بالاف الاصناف المعمولة من الخضروات فقط "Vegetarian " اجملها واشهاها لنا كانت عربات "الوادا باو" وصاجات "المسالا دوسا"
نزحف لها في الليالي ونتحَلق حولها جلوسا في بنابر على قارعة الطريق ونعبي خزاناتنا الفارقة ونحبس بعصير جوز الهند الطازج وندفع روبيات معدودة ونهز رؤوسنا يمنة ويسرة
لصاحب العربة ونمضي في حالنا مسرورين..
رغم اننا "طلبة بومبي" زرنا قبل الله الاربعة وتعرفنا على اقوام وشعوب وبلدان عديدة تظل بومبي هي المدينه الوحيدة الذي نشتاق اليها وصدقني اذا قلت لك انني ششمت رائحتها من
خلال صورك القليلة..
حمدلله على السلامة ..
| |
|
|
|
|
|
|
|
|
|
Re: سلام من بومباي (Re: حسين نوباتيا)
|
معتصم سلامات و حمد الله على سلامة العودة
كما ذكر لك اخوتي بومباي هذه تحتاج ل؟أعوام لتتعرف على معالمها
انها من اجمل المدن على الاطلاق ، كنت ادرس في مدينة بارودا و هذه اعالم اخر من الجمال ولكني كنت لا انقطع من بومباي
نصحيتي لك ان تزور بومباي او الهند عامة سائح وليس بزنس
و ذي ما ذكر ليك اخونا ناذز لو قبيل مشيت على بنقلور وميسور وقوا ما كان رجعت السودان.
| |
|
|
|
|
|
|
| |
معتصم محمد صالح
abas
الصادق ضرار
الصادق صديق سلمان
حيدر حسن ميرغني
BAKTASH
ناذر محمد الخليفة
طارق جبريل
العوض المسلمي
Mutwali Malik
Gaafar Ismail
حسين نوباتيا
الصادق خليفة
فيس بوك
تويتر
انستقرام
يوتيوب
بنتيريست