|
التعديل الوزاري الجديد
|
من المتوقع ان يتم اعلان تشكيل الحكومة الجديد قبل عيد الفطر المبارك والاتجاه السائد الان يسير نحو دمج وزارات في بعض والغاء اخرى وتحويلها الى ادارات داخل هذه الوزارات ذات الصلة فمن المتوقع ان يتم تخفيض عدد الوزارت الى النصف او اقل بقليل
وبالنظر الى التشكيلة الحكومية الان والتي تم اختيارها بعد انتخابات أبريل 2010م وبي جرد حساب (بسييييييييط كدا) من خلال متابعتي للصحف والساحة السودانية عن اداء الوزراء والوزارات وما قدمه أولئك الوزراء نلاحظ الان: وزراء نجحوا في ادارة ملفات الوزارة التي اوكلت اليهم حقيبتها واتمنى ان يستمر هؤلاء في مواقعهم حتى يكملوا ملفاتهم التي بدأوها واولئهم السيد/ أسامة عبد الله في الكهرباء والسدود بعد النجاحات والانجازات الكبيرة التي تحققت بدا من توليه رئاسة السدود الى وصوله لسدة وزارة الكهرباء فكان انجاز سد مروى على يديه،،، ثم مشروع تعليه خزان الروصيرص واللي شهدنا مؤخرا افتتاح المرحلة الاولى منه ومعروف انه مشروع قومي كبير لا يقل اهمية عن سد مروي في منافعة التي ستعود على البلاد وكذلك مشاريع حصاد المياه في كردفان كلها ملفات نجح الوزير في انجازها رغم ظروف الحرب وميزانية الحرب التي كانت البلاد تمر بها
كذلك يستحق د. فيصل حسن إبراهيم وزير الثروة الحيوانية والسمكية ان يستمر في وزارته فهو الاجدر على تولي حقيبة الثروة الحيوانية فالرجل عندما يتكلم ... فكلامه حديث العارفين والمتخصصين في مجال عمله فضلا عن تدرجة في الوزارة حتى وصل درجة الوزير والان وبعد ذهاب نصف عائدات البترول مع انفصال الجنوب .... واتجاه الدولة نحو (تطوير الصادرات غير البترولية) تعويض ذلك الفاقد نحتاج وبشدة في هذا التوقيت ان يتسمر الدكتور فيصل في تولى وزارة الثروة الحيوانية
وايضا الدكتور عوض الجاز رغم قصر فترة توليه لحقيبة الصناعة لكنه تمكن من ترتيب الكثير من ملفاتها المعقدة ويحتاج السودان في سعيه لتطوير الصادرات غير البترولية ان يكون شخص من عوض الجاز في وزارة الصناعة
ومن الوزراء الذين نجحوا نجاحا كبير في ادارة ملفات وزاراتهم يأتي وزير تنمية الموارد البشرية - الاستاذ كمال عبد اللطيف فبحق يستحق الرجل ان نصفه بانه (مهاتير محمد السودان) فخلال عام واحد وبضع شهور..... وبالرغم من ان فكرة وزارة تنمية الموارد البشرية جديدة على السودان.... نجح الوزير كمال عبد اللطيف في حسم كثير من قضايا تشغيل الخريجين وتنمية قدرات العاملين بالخدمة المدنية بالدولة يكفيه انه ادخل ثقافة تشغيل الخريجين...و الخريج المنتج.. بل واحدث ثورة في مجال تشغيل الخريجين وربطهم بمشروع التمويل الاصغر لمشاريع الخريجين كذلك نجاحه في تقنين قوانين العمل وانزالها على ارض الواقع وحسمه ملفات المجالس وايلولتها (المجلس الطبي- المجلس التقني والتقاني وووووو) رغم معارضة الكثيرين لفكرة وزارة تنمية الموارد البشرية منذ اعلانها واعتبارها ضربا من الترف الاقتصادي
وايضا نجاح مولانا محمد بشارة دوسة في وزارة العدل وتمكنه من ادارة ملف سوق المواسير وعمل النيابات وملاحقة المتورطين في دارفور وملف حقوق الانسان في السودان تؤهله للاستمرار في وزارة العدل ليكمل ما بدأه من ملفات
(نواصل)
|
|
|
|
|
|
|
|
Re: التعديل الوزاري الجديد (Re: mayada kamal)
|
أما على مستوى وزراء الدولة ياتي الدكتور/ محمد المختار حسن حسين- وزير الدولة بمجلس الوزراء متربعا على عرش الوزراء الذين نجحوا وبامتياز في ادارة الملفات التي امامهم على مستوى مجلس الوزراء والوحدات التابعة له وخلال فترة وجيزة من اعلان الحكومة الحاليه في يونيو 2010 والى اليوم الى جانب انه سياسي من الدرجة الاولى اضف الى تميزه بعامل قوة مهم جدا يضاف الى رصيده وهو عمله في صمت بعيدا عن الاعلام... (قليل الكلام كثير الافعال) ومعروف عنه عدم حبه للظهور في الصحافة والتلفزيون (موووش زي ناس قريعتي رااااحت اللى بحبوا الاعلام زي عيونهم.... ياخ ديل لو قعدوا جنب ست الشاي.. يقول ليك جيب لي الاعلام وجيب لي المحرر والمصور)
وايضا من وزراء الدولة: الاستاذة سعاد عبد الرازق وزير الدولة بالتعليم العام نلاحظ انها متمكنة.... فقط لو اتيحت لها المزيد من الوقت والفرص رغم ان معضلات التعليم ومشكلاته في السودان اكبر من طاقة وزير ووزير دولة لوحدهم ويحتاج لثورة في التعليم العام (ما زي ثورة التعليم العالي ديييك) واتمنى ان يخرج مؤتمر التعليم العام اللي سيعقد في الشهر المقبل ببعض الحلول لمعضلات التعليم في بلادنا
(نواصل)
| |
|
|
|
|
|
|
Re: التعديل الوزاري الجديد (Re: mayada kamal)
|
اما الوزرات اللي يستحق وزرائها مغادرتها نبدا من وزارة الخارجية.. فمنذ تولى السيد/ على كرتي لحقيبة الخارجية وجهت العديد من الانتقادات لعمل الخارجية الى جانب عدم انجاز اي تقدم يذكر في سياسة السودان الخارجية واعتقد ان المرحلة المقبلة تحتاج لشخصية مثل (الدكتور غازي صلاح الدين) مسؤول ملف دارفور بعد النجاح الكبير اللي حققه في ملف دارفور بالاضافة الى قوة شخصية الرجل وتمتعه بالقبول لدى كل الاطراف الحكومية والمعارضة
أيضا اتمنى مغادرة السيد/ على محمود لوزارة المالية الاتحادية ويا حبذا لو وكل ليه ولاية غرب كردفان اللي اعلن عنها الرئيس في مخاطبة جماهيرية هنالك
ومن المغادرين معه: السيد/ حاج ماجد سوار.... بعد فشله في ملف الرياضة (هو بالله في رياضة في السودان) ومع تصريحاته الناريه والتعبوية... يمكن ان يعين واليا على احدى الولايات المزمع تشكيلها هناك في دارفور او كردفان
وكذلك وزير المعادن / السيد / عبد الباقي الجيلاني الذي ملأ الدنيا بالتصريحات المطمئنه - وما هي بالمطمئنه يعني كل ما اقرا ليه تصريح في الجرايد (احتياطي السودان من الذهب كذا وكذا،،، السودان يملك احتياطي ما بعرف الحديد ومرة اليورانيوم ومرة شنو وشنو) مثل هذه التصريحات وفي مثل هذا الظرف اللي بيمر بيه السودان الان وهو (انفصال الجنوب) كنا نتوقع ان يكون الخطاب الحكومي يسير في اتجاه حشد الدعم من الخارج ومن المنظمات الاجنبية مع اقتصادنا اللي حيعاني من تبعات الانفصال انو نرغم المجتمع الدولى على الاقل باعفاء ديون السودان الخارجية على الاقل كمكافاة لانجازه ملف السلام الشامل مع الجنوب بنجااااااح وعلى اكمل وجه
| |
|
|
|
|
|
|
Re: التعديل الوزاري الجديد (Re: mayada kamal)
|
اما على مستوى دمج واعادة توزيع الوزارات وفي اطار سعي الدولة لتخفيض عدد الوزرات الى النصف او يزيد بقليل *** لماذا لا يتم ادماج وزارة العمل في وزارة تنمية الموارد البشرية(على ان توكل حقيبة الوزارة للاستاذ كمال عبد اللطيف) ***إلغاء وزارة الاعلام (طالما هنالك ادارات اعلام في كل وززارات الحكومة) وبما ان وزير الاعلام هو الناطق الرسمي باسم الحكومة .... يجب ان تكول مهمه الناطق الرسمي لشخص في رئاسة الجمهورية وبالتالي الغاء وزارة الاعلام او دمجها مع الثقافة (على ان توكل الوزارة للاستاذ المهذب جدا السمؤال خلف الله) فهو ليس غريب عن هذا الحقل وابن ثقافة وقادم من بيئة ثقافية... مع اننا حنفقد شخص خطيب وامام جامع وعالم ينصح الشباب ويلقى الخطب في الجوامع....... **** الغاء وزارة التعاون الدولي ودمجها في وزارة الخارجية او التجارة الدولية *** دمج وزارتي التجارة الخارجية والمالية والاقتصاد الوطني *** الغاء وزارة الاستثمار *** دمج الطرق والجسور في وزارة السدود والكهرباء(على ان توكل الوزارة للسيد اسامة عبد الله) *** إلغاء وزارة الاتصالات والمعلومات (فهي احدى وزارات الترف الاقتصادي.... وما شايفه انها بتقدم اي حاجة للبلد) *** إلغاء وزارة العلوم والتقانة ودمجها كادارة تابعة للتعليم العالي والبحث العلمي (مع إيكال الوزراة للبروفسور ابراهيم احمد عمر) (في دي بالذاااااات ياااااااااريت يجيبوا ابراهيم احمد عمر) *** ياريت لو جابوا بروفسور عمر المقلي(الامين العام للتعليم العالي) لوزارة التعليم العام الاثنين ديل مع بعض حيعملوا ماتشنج ممتاز للتعليم في السودان
*** إلغاء وزارة الارشاد والاوقاف ودمجها في وزارة الرعاية والضمان الاجتماعي وسحب الاوقاف منها وتبعيتها لرئاسة الجمهورية
| |
|
|
|
|
|
|
Re: التعديل الوزاري الجديد (Re: mayada kamal)
|
و الله الناس ديل كلهم ما فيهم زول فيهو فايدة و نتائج عمايلهم واضحة و باينة لكل ذي عينين. دمروا البلاد و شتتوا العباد و افقروهم و بشتنوهم و ما استفاد أحد منهم غير انفسهم و اهليهم و ذوي قرباهم. اللهم ارنا فيهم عجائب قدرتك بحق شهرك الكريم.
| |
|
|
|
|
|
|
Re: التعديل الوزاري الجديد (Re: محمد الكامل عبد الحليم)
|
Quote: بعدان ساهموا تاريخيا وفعليا في انفصال الجنوب لازلت (نفسهم مفتوحة) في الاستمرار في نفس هذا العبث |
الانقاذ الوطني ليست اول حكومة سودانية تطرح حق تقرير المصير للجنوب من خلال مفاوضات الجانبيين لكنها اول حكومة اتخذت قرار شجاااااااااااع بمناقشة حق تقرير المصير(من خلال استفتاء على الوحدة او الانفصال) بصورة جادة من خلال جولات التفاوض العديدة التي امتدت بين اديس ابابا ونيروبي وووو للمضي قدما وطالما جاءت نتيجة الاستفتاء باختيار الجنوببيين للانفصال فهذا اختيارهم و(يجب ان نحترم اختيار الجنوبيين ورغبتهم )
وبصراحة الانقاذ يجب ان تشكر وتكافأ على هذا الانجاز الكبير باعتبارها انهت اطول حرب اهليه في القارة الافريقية
| |
|
|
|
|
|
|
Re: التعديل الوزاري الجديد (Re: mayada kamal)
|
أما السادة وزراء الدولة فنظرا لمتطلبات المرحلة المقبلة لا نحتاج لهذا العدد الهائل أربعة خمسة منهم كفاية عشان نعمل بيهم موازنات التوزيع الوزاري للاحزاب الجاية في الحكومة العريضة
ومثلهم السادة مستشاري الرئيس لماذا لا يتم تسريح كل هذا الكم او العدد من المستشارين (واولهم د. مصطفى عثمان وقبليه أحمد بلال عثمان) ديل اكتر مستشارين عملوا كتاااااااااحة وعجاااااااااج وجعجهة (وما شفنا ليهم طحين ) في المرحلة الفاتت واقترح ان يكتفي السيد/ رئيس الجمهورية بهيئة او مجلس مستشارين مصغر (من خمس اعضاء ) فقط مثلا يكونوا حوالين الرئيس بدل ما هم موزعين مكاتبهم الان شئ في القصر الجمهوري وشئ في ديوان الحكم اللامركزي وووو عشان زاااتو نوفر المخصصات الضخمة اللي بياخدوها السادة المستشارين ديل على الفاضي والمليانه !!!!!!!!
| |
|
|
|
|
|
|
Re: التعديل الوزاري الجديد (Re: mayada kamal)
|
رمضان كريم ياميادة المؤسف لا أحد منهم يستحق الاستمرار في أي منصب إتحادي أولائي ولو لمدة ساعة ، تتحدثين عن وزير العدل ولا تذكرين عدد ملفات المال العام المحبوسة والمحفوظة طرفه شخصيا وبأمره وتصرفه وليس آخرها ملف المتعافي وشركاؤه في فضيحة التقاوى الفاسدة التي تسببت في فقدان الدخل القومي ملايين الدولارات من عائدات زهرة الشمس ، وكذلك أنتهت بدخول ألوف المزارعين إلي السجن بسبب ديون (وهمية) تزعمها البنوك والشركات الربوية ... ويبقي السؤال مثلا كم من المال العام المفقود أعاده وزير العدل للخزينة العامة ؟ برغم من توفر البينات طرف المراجع العام مثلا ، وتحديد المتهمين بالمنصب أو بالأسم ؟ أين ذهبت وزارة العدل ؟؟ لو مافي غيرهم ... أو في غيرهم .. يجب أن لايحلم المواطن العادي بعالم سعيد في جمهوريته الثانية ... منو العوض وعليه العوض .... أكثر من 150 وزير ؟ نحن وين ؟ الشفيع إبراهيم
| |
|
|
|
|
|
|
Re: التعديل الوزاري الجديد (Re: Alshafea Ibrahim)
|
Quote: واولئهم السيد/ أسامة عبد الله في الكهرباء والسدود
|
ميادة رمضان كريم عليك لعلك عافية
اها الزول الفوق ده مش هو البعدل ويشيل ده ويجيب داك .. كما تتحدث بعض المصادر
وانا مثلك لا .اسال من مصدر
تحياتى
| |
|
|
|
|
|
|
Re: التعديل الوزاري الجديد (Re: معاوية عبيد الصائم)
|
الله اكرم يا معاوية يا ود العبيد وتقبل الله منا ومنكم
Quote: ها الزول الفوق ده مش هو البعدل ويشيل ده ويجيب داك .. كما تتحدث بعض المصادر
|
أيوا هو هو وايضا هو نفسه اللي اكمل وبنجاح (مشروع القرن) سد مروي... وما بتقدروا تنكروا الاستقرار في الامداد الكهربائي اللي شهده السودان منذ لك الوقت ودخول الكهرباء لمناطق لاول مرة وهو ايضا اللي في عهد توليه حقيبة الوزارة اكمل المرحلة الاولى لمشروع تعليه سد الروصيرص (وهو المشروع المؤجل والمرحل من حكومة لي حكومة.. منذ ستيان القرن الماضي... وجاءت حكومة الانقاذ وبكل جدارة وشجاعة سارت في هذا الطريق) واللي لا يقل اهمية وفائدة عن سد مروي واللي تنبع اهميته ايضا في الظرف اللي انجز واعلن فيه وهو الاعلان اللي جاء مع نتيجة استفتاء الجنوب والاحباط السياسي اللي عم الكثيرين في الداخل والخارج لكن الحكومة نجحت في ان تقول للعالم (نحن قادرين على الاستمرار ونستطيع ان نقدم للتنمية والاقتصاد تحت اي ظرف ) وكان بمقدور الحكومة ان تتزرع باستحقاقات السلام في الجنوب.... او تتزرع بعدم الاستقرار في دارفور وتطنش التنمية في اي بقاع من السودان
ومكابر من ينكر كل ذلك
| |
|
|
|
|
|
|
Re: التعديل الوزاري الجديد (Re: Alshafea Ibrahim)
|
Quote: اما القادمين الجدد من الشباب فألفت عناية القيادة السياسية لاخونا / محمد عبد الله شيخ ادريس- امين الاتصال التنظيمي ولاية الخرطوم ورئيس الاتحاد العام للطلاب السودانيين سابقا (هو الاقرب لمدرسة الشيخ على عثمان محمد طه )، بالاضافة لقوة شخصيته ومناقشاته (وشخص مناكف) للرأي بالراي |
و ده محتاج كم بالضبط؟ ارجو أنو طموحاتو ما تكون كبيرة و يكون بيحلم باملاك في ماليزيا و دبي و كده.
| |
|
|
|
|
|
|
Re: التعديل الوزاري الجديد (Re: سيف النصر محي الدين)
|
الوزراء الما نافعين على الرئيس جدعهم بره العاصمة كولاة لولايات دارفور وكردفان او النيل الازرق علي محمود وحاج ماجد سوار نموذجن وناس دارفور وكردفان ديل اصلها ما فارقه معاهم وزير ولا والي كويس ... ولذلك خلي الجماعة ديل يخرمجوا هناك عجبي أو قرموني كما تقول الاحباش.... والله صحي
| |
|
|
|
|
|
|
Re: التعديل الوزاري الجديد (Re: سيف النصر محي الدين)
|
Quote: مع الاعتذار يا ميادة غايتو بوستك ده ذكرني الفضائية الليبية. |
بركة الماذكرك الفضائية السودانية عشان انا كنت حاتفق معاك فيه وانا ما بحب الفضائية السودانية ولا بشاهدها اللهم الا في نشرة الساعة عشرة مساء بس
| |
|
|
|
|
|
|
Re: التعديل الوزاري الجديد (Re: Alshafea Ibrahim)
|
صباح الخير اخ الشفيع ورمضاااااان كريم عليك
Quote: تحدثين عن وزير العدل ولا تذكرين عدد ملفات المال العام المحبوسة والمحفوظة طرفه شخصيا وبأمره وتصرفه وليس آخرها ملف المتعافي وشركاؤه في فضيحة التقاوى الفاسدة التي تسببت في فقدان الدخل القومي ملايين الدولارات من عائدات زهرة الشمس ، وكذلك أنتهت بدخول ألوف المزارعين إلي السجن بسبب ديون (وهمية) تزعمها البنوك والشركات الربوية ... ويبقي السؤال مثلا كم من المال العام المفقود أعاده وزير العدل للخزينة العامة ؟ برغم من توفر البينات طرف المراجع العام مثلا ، وتحديد المتهمين بالمنصب أو بالأسم ؟ أين ذهبت وزارة العدل ؟؟ لو مافي غيرهم ... أو في غيرهم |
الاجراءات اللي اتخذها السيد/ الوزير منذ تسلمه الوزراة مقارنة بعمر الوزارة نفسها تعتبر ارضية وفرشه تمهد مع مرور الوقت ان نطمئن على سير العدالة في السودان
| |
|
|
|
|
|
|
Re: التعديل الوزاري الجديد (Re: Alshafea Ibrahim)
|
صباح الخير اخ الشفيع ورمضاااااان كريم عليك
Quote: تحدثين عن وزير العدل ولا تذكرين عدد ملفات المال العام المحبوسة والمحفوظة طرفه شخصيا وبأمره وتصرفه وليس آخرها ملف المتعافي وشركاؤه في فضيحة التقاوى الفاسدة التي تسببت في فقدان الدخل القومي ملايين الدولارات من عائدات زهرة الشمس ، وكذلك أنتهت بدخول ألوف المزارعين إلي السجن بسبب ديون (وهمية) تزعمها البنوك والشركات الربوية ... ويبقي السؤال مثلا كم من المال العام المفقود أعاده وزير العدل للخزينة العامة ؟ برغم من توفر البينات طرف المراجع العام مثلا ، وتحديد المتهمين بالمنصب أو بالأسم ؟ أين ذهبت وزارة العدل ؟؟ لو مافي غيرهم ... أو في غيرهم |
الاجراءات اللي اتخذها السيد/ الوزير منذ تسلمه الوزراة مقارنة بعمر الوزارة نفسها تعتبر ارضية وفرشه تمهد مع مرور الوقت ان نطمئن على سير العدالة في السودان
| |
|
|
|
|
|
|
Re: التعديل الوزاري الجديد (Re: mayada kamal)
|
Quote: أيضا اتمنى مغادرة السيد/ على محمود لوزارة المالية الاتحادية ويا حبذا لو وكل ليه ولاية غرب كردفان اللي اعلن عنها الرئيس في مخاطبة جماهيرية هنالك
ومن المغادرين معه: السيد/ حاج ماجد سوار.... بعد فشله في ملف الرياضة (هو بالله في رياضة في السودان) ومع تصريحاته الناريه والتعبوية... يمكن ان يعين واليا على احدى الولايات المزمع تشكيلها هناك في دارفور او كردفان
|
ارى صدقا واضحا فى هذه الاسطر
اذن فليهنا اهل دارفور وكردفان بولاة طردوا من الوزارات لفشلهم الذريع
| |
|
|
|
|
|
|
Re: التعديل الوزاري الجديد (Re: mayada kamal)
|
Quote: وايضا نجاح مولانا محمد بشارة دوسة في وزارة العدل وتمكنه من ادارة ملف سوق المواسير وعمل النيابات وملاحقة المتورطين في دارفور وملف حقوق الانسان في السودان تؤهله للاستمرار في وزارة العدل ليكمل ما بدأه من ملفات |
والزول دع عمل شنو فى ملف شهداء كجبار ؟؟
| |
|
|
|
|
|
|
Re: التعديل الوزاري الجديد (Re: سيف النصر محي الدين)
|
لعلها تكون آخر وزارة في عهد المشروع الحضاري عشان كدا حقو يدوا الفرصة لناسهم الذين لم يتمكنوا من اللغف واللهف والهبر في الفترة السابقةعشان يشيلوا شيلتهم ويتخارجوا قبل قيامة النظام تقوم ... يعني معيار دخول الوزارة يكون مدى قلة ما لهفه المرشح للوزارة في السابق وليس مقدار ما حققه من إنجازات ... دا مجرد اقتراح يمكن يرفع الحرج عن المعنيين بالتعديل الوزاري ...
| |
|
|
|
|
|
|
Re: التعديل الوزاري الجديد (Re: سيف النصر محي الدين)
|
Quote: والزول دع عمل شنو فى ملف شهداء كجبار ؟؟ |
ديل نظامهم يا ناصر، الزول لو مات وهو مافي عهدته ما بشتغل بملفه يعني عادي ممكن يرد عليك ويقول، شوفو وزير العدل الوقت داك منو واسألوه ناسين او متناسين انها وزارة حكومية مفروض تجاوب على ملف شهداء عنبر جودة ان سؤلوا عنها
يعني ماخدين الوزارات "مقطوعية" رزق اليوم باليوم
| |
|
|
|
|
|
|
Re: التعديل الوزاري الجديد (Re: سيف النصر محي الدين)
|
سلام ميادة رمضان كريم
وأنت تكتبين من داخل الحوش حول التعديل الوزاري،
هل لنا أن نسألك ماهي الإيجابيات لأي من الوزراء الذين ذكرتيهم طيلة مسيرة الإستوزار؟
ماذا إستفاد الوطن والمواطن من إستوزارهم؟؟
ماهو الإنجاز الذي أتو به؟
كل في مجال وزارته:::
خل يوجد عدل في السودان؟؟ أعدلوا هو أقرب للتقوي؟؟
هل توجد حرية رأي وصحافة حرة؟؟؟
فقط علي مدار يومين تمت مصادرة جريدة الجريدة دون إبداء أي أسباب،
وقبلها تم قفل ووقف 6 صحف عن الصدور،
أليس كذلك؟؟؟
رفع المعاناة عن كاهل المواطن!!!! دي في ألف ليلة وأحلام ظلوط، ولا في دولة ساجستان؟؟؟
معظم قري الجزيرة لا ماء لاكهرباء لاتعليم لا صحة،،،
وإنتي ماشة بعيد ليه؟؟
ماهي أسباب إقالة مدير الموية السابق، بتاع البلوفة والطمي؟؟
بعدين زي وزير الدولة بالصحة ،
ما نعلمه أنه فقط لا يشتغل غير وزير أو مدير عام ،
أها دا تودوهو وين؟؟؟
التعليم العالي وثورته، هو أصلا في تعليم عالي؟؟
خريج جامعة وما يقدر يكتب طلب لإلتحاق بوظيفة؟؟؟
أها وزير التعليم دا يسووا فيهو شنو؟؟؟ ولا الحوافز المليونية هي سبب الإستوزار؟؟؟
بعدين الزراعة طفشت وجايين أولاد بمبة يزرعو بدلنا ولا موكدة، طيب في داعي لوزير زراعة
ولا التقاوي لسه ما جابت مريسة تامزينو؟؟؟
وكمان وزير ثروة سمكية وغيرها ، ياخي أخجلو كيلو اللحمة وصل أكثر من 30 ألف جنيه،
وكيلو الفراخ ما أقل من 16 ألف، والسمك راقد في النيل ، بس ماعندنا شبك ، ولا الشبك عند الوزير، والوزير
في ماليزيا؟؟
وكمان وزير رياضة وإعلام وشباب وخلافو::
هو نحنا السنة الجاية لاعبين في كاس العالم ضمن أحسن 16 دولة،
وعام 2018 الأولمبياد في السودان،
مجلس الوزراء لا يستحق أن يكون فيهو أكثر من 15 وزير فقط،،
بدون مستشارين ولا وزراء دولة زي ما قلتي للموازنة والترضيات الحزبية،
ودا ياهو الغلط زاتو، ترضية بمنصب وزير؟؟؟؟
بعدين أي ولاية بس الوالي و3 وزراء فقط،
أهم من داكلو وين ناس المجلس الوطني اللي رئيسو مرتبو قالو 31 مليون فقط؟؟؟؟
هل سيكون هنالك ضمير حي صاحي ومفتح 24 ساعة؟؟؟؟؟
يديكم دوام الصحة وتمام العافية
| |
|
|
|
|
|
|
Re: التعديل الوزاري الجديد (Re: د.السيد قنات)
|
الاخت مياده
رمضان كريم
اتفق معك كثيرا فى ما ذكرتى من اداء بعض الوزراء
بجد يجب ان يكون تكوين الجمهوريه الثانيه من وزراء ذوى خبره ومسئوليه
حضرت بالامس من الخرطوم والمواطن ينتظر بلهف التشكيل ونتمناه ان يلبى رغبات الشارع العام ويطمئنه
مودتى
| |
|
|
|
|
|
|
Re: التعديل الوزاري الجديد (Re: محمد على حسن)
|
عاجل: زيناوي يصل الخرطوم برفقة عقار للقاء البشير الحركة تشترط قبول البشير بالإتفاق الإطاري.. والتفاوض تحت رعاية أمبيكي خارج السودان عقار والحلو وعرمان إلتقوا برئيس الوزارء الأثيوبي اليوم الأحد
| |
|
|
|
|
|
|
Re: التعديل الوزاري الجديد (Re: محمد على حسن)
|
Quote: واولئهم السيد/ أسامة عبد الله في الكهرباء والسدود بعد النجاحات والانجازات الكبيرة التي تحققت بدا من توليه رئاسة السدود الى وصوله لسدة وزارة الكهرباء |
اهم انجازاته: قتل الناس فى امرى قتل الناس فى كجبار نزع الاراضى فى الشمالية من ملاكه دون وجه حق
| |
|
|
|
|
|
|
Re: التعديل الوزاري الجديد (Re: ناصر المحسى)
|
Quote: لاخونا / محمد عبد الله شيخ ادريس- ا |
اخونا ده تحديدا عنصري من الدرجة الممتازة ولا انسى كلماته العنصرية القذرة ضد الاستاذ دينق الور وفي احدى دور وزراته الرجل لم يرى في دعم القائد الور لاتحاده انذاك غير الور الجنوبي الكافر من وين بتجيبو الاشكال دي جيوا لينا زول يتعرف في قرارة نفسه ان الدافوري والجنوبي والادورب والدنقلاوي المسيحي المسلم مواطنين لهم كامل الحقوق والواجبات والفاصل بينهم المواطنة والانتماء لهذا الارض
| |
|
|
|
|
|
|
Re: التعديل الوزاري الجديد (Re: محمد على حسن)
|
Quote: اخونا ده تحديدا عنصري من الدرجة الممتازة ولا انسى كلماته العنصرية القذرة ضد الاستاذ دينق الور وفي احدى دور وزراته الرجل لم يرى في دعم القائد الور لاتحاده انذاك غير الور الجنوبي الكافر من وين بتجيبو الاشكال دي جيوا لينا زول يتعرف في قرارة نفسه ان الدافوري والجنوبي والادورب والدنقلاوي المسيحي المسلم مواطنين لهم كامل الحقوق والواجبات والفاصل بينهم المواطنة والانتماء لهذا الارض |
كضاااااااااااااااااااااب يا أخ محمد على حسن وفي رواية اخرى يا (منال)
الفت عناية السادة القراء انو الاخ محمد على دا قبل كدا كضب في الحتة دي وتجني على اخونا شيخ ادريس جبنا ليه رد شيخ ادريس هنا فالرجل يحفظ جميل دينق الور وقال بالحرف الواحد انو دينق الور اكتر وزير خارجية متعاون معانا وحكى لنا موقف مر عليهم الا وهو انو السيد دينق الور لما كان وزير خارجية اكتر وزير خارجية كان بستمع ليها وانه مرة قعد معاهم واستمع ليهم في مكتبه قرابة الساعتين وهو (لاطع وفد اوربي ) قاعد انتظره في صالة الضيافة مع اصرار دينق الور انو يكمل حديثه مع اخوانا ديل
| |
|
|
|
|
|
|
Re: التعديل الوزاري الجديد (Re: mayada kamal)
|
و الله الناس ديل كلهم ما فيهم زول فيهو فايدة و نتائج عمايلهم واضحة و باينة لكل ذي عينين. دمروا البلاد و شتتوا العباد و افقروهم و بشتنوهم و ما استفاد أحد منهم غير انفسهم و اهليهم و ذوي قرباهم. اللهم ارنا فيهم عجائب قدرتك بحق شهرك الكريم.
| |
|
|
|
|
|
|
Re: التعديل الوزاري الجديد (Re: Hussein Mallasi)
|
Quote: واولئهم السيد/ أسامة عبد الله في الكهرباء والسدود |
منذ استحداث وزارة للكهرباء والسدود وانا ما بين مصدق وغير مصدق ... هل وصلنا الى درجة استحداث وزارات كما تفعل أصحاب الشركات الخاصة لأبناءهم ؟
الجماعة لو واصلوا حنسمع بوزارة لقاعة الصداقة
| |
|
|
|
|
|
|
Re: التعديل الوزاري الجديد (Re: Hussein Mallasi)
|
Quote: من يكتب لميادة كمال |
في معلومة لقطتها في البورد ده قبل كدة
انو زميلة البورد
سكرتيرة الوزير احمد كرمنو وزير الدوله بمجلس الوزراء حيث مقر الاجتماع الدائم لمجلس الوزراء
لكن ماورتنا رايها في احمد كرمنو ده زاتو شنو والفايدة شنو من وزارتو
| |
|
|
|
|
|
|
Re: التعديل الوزاري الجديد (Re: معاذ الهادي)
|
Quote: في معلومة لقطتها في البورد ده قبل كدة
انو زميلة البورد
سكرتيرة الوزير احمد كرمنو وزير الدوله بمجلس الوزراء حيث مقر الاجتماع الدائم لمجلس الوزراء
|
مع احترامي لشغلانة السكرتارية
كرمنو منو اللي انا اشتغل ليه سكرتيرة يا عمي تعال استقبال مجلس الوزراء واسال عن ميادة كمال عشان تعرف انا شغالة في ياتو ادارة
Quote: لكن ماورتنا رايها في احمد كرمنو ده زاتو شنو والفايدة شنو من وزارتو |
لو انت قريت كلامي الفوووق في البوست بي تمعن حتعرف انا قلت رايي فيه شنو يعني انا ما ممكن ابقى ليك فهاااامة كمان!!!!!!!!!!
| |
|
|
|
|
|
|
Re: التعديل الوزاري الجديد (Re: jini)
|
Quote: بجد يجب ان يكون تكوين الجمهوريه الثانيه من وزراء ذوى خبره ومسئوليه
حضرت بالامس من الخرطوم والمواطن ينتظر بلهف التشكيل ونتمناه ان يلبى رغبات الشارع العام ويطمئنه |
| |
|
|
|
|
|
|
Re: التعديل الوزاري الجديد (Re: عبداللطيف حسن علي)
|
هذه خطوة غير موفقة يا ميادة من جانب حكومة المؤتمر الوطني وأعتبره عدم إستقراء للوضع الإقليمي المتغير بسرعة النفاثة والذي حتمآ سيكون له تأثير داخل جمهورية السودان وأوضاعها الحالية المتوترة .. الوضع الصحيح أن يتم إعلان حكومة إنتقالية ذات فترة محددة بالتشاور مع القوى السياسية في الشمال بما فيها الحركات الشبابية السياسية الجديدة لأنهم أصحاب المصلحة الحقيقية في التغير .. ومثل هذا التعديل الوزاري لا يغدو أن يكون سوى إستفزازآ لهذه القوى وللشعب الصابر . ودمت
| |
|
|
|
|
|
|
Re: التعديل الوزاري الجديد (Re: jini)
|
لدينا وزارات كرتونية لا وضيفة لها غير خلق ازدحام لطاولة اجتماعات مجلس الوزراء..
ادينى سبب واحد مقنع لوجدو أكثر من من مائة وزير، وزير دولة و مستشار في حين أن عدد الوزارات في أميركا وكذلك في الممكلة المتحدة 15 وزير (عندنا 35 وزير اتحادي)
ما الفرق بيننا وبينهم؟ مقارنة بين التشكيل الوزاري ...السودان، UK, USA....
نحد بلد لا يُستوزر من لديه الكفاءة.. وتخلق حكومته وزارات وهمية لمجرد إيجاد وظائف ومصدر رزق للبعض أو المجاملات و الترضيات وبالتالي زيادة الصرف الحكومي في بلد بترولي أكثر من نصف سكانه تحت عتبة الفقر..عشان كده السودان عمره ما حيمشي لقدام
| |
|
|
|
|
|
|
Re: التعديل الوزاري الجديد (Re: mayada kamal)
|
الاخت ميادة كمال Quote: يأتي وزير تنمية الموارد البشرية - الاستاذ كمال عبد اللطيف |
كمال دة حقيقي رجلنشيط ومتحرك حركة كويسة ولكن للأسف في وسط فاسد
أما بقية وزراء هذهالحكومة يجب أن يتواروا خجلا قبل ان يقيلوهم ( دة اذا هم بيعرفوا يخجلوا )
نحن عملنا العلينا وخجلنا ليهم
| |
|
|
|
|
|
|
Re: التعديل الوزاري الجديد (Re: ناصر المحسى)
|
الاخت/ مياده لا اعرف اى النجاحات التى تتكلمين وبعمل دارسة مبسطة لما قلتيه ناخذ مثال وزارة الكهرباء الان تحولت الى 6 شركات ولك ان تحسبى التكاليف الباهظة من مرتبات واكراميات لعدد 6 مدير بدرجة وزير دولة اما كان احرى ان يستمر الحال كما كان اما عن وزارة الثروة الحيوانية والسمكية ففى زمن الوزير الهمام وهو يجد منك الثناء فكيلو اللحمة وصل الى 30 جنيها بالكمال . لا اريد ان ادخل فى تفاصيل فالكل ادرى بها ولكن يجب ان يراعى التعديل الوزارى الجديد النزاهة والامانة وهنا مربط الفرس ؟ تحياتى
| |
|
|
|
|
|
|
Re: التعديل الوزاري الجديد (Re: بلدى يا حبوب)
|
Quote: المهم الاجابة على السؤال إنتو عملتو شنو في ملف شهداء كجبار!!!!!!!! (وما ضاع حق وراءه مطالب) |
والله عملناكل ماهو قانونى ما باقى لينا الا نشيل شاكوش ونكسر درج وزير العدل ونطلع ملف شهداء كجبار
| |
|
|
|
|
|
|
Re: التعديل الوزاري الجديد (Re: ناصر المحسى)
|
ياميادة المتعافي (متجرس) وقال ما حصل قدم طلب أن يكون وزير زراعة وجابوه وكان برة البلد ... وقال في خضم صراع هوامير اللا وطني الحالي هو ليس بالضحية السهل المنال سواء أكان من رئيس اللجنة الزراعية الشريف أو من غيرو... حقو قبل أي تشكيلة وزارية تقعدوا في دار حزبكم وتصفوا حساباتكم بعيدا عن الضواء والصحف وتشوفوا منو وصل حد التخمة و (زهد) عن السلطة ( إن وجد) وراغب في الثروة (كلهم) ... ممكن كثر يطلعوا أولاد (حلال) ويتنازلوا طوعا ويادار ما جاك شر ... المخرج كما قال الزملاء ... كونوا حكومة إنتقالية .. يكون نصيبكم فيها أقل من ربع الوزارات ... وخلوها تمهد لإنتخابات قومية تراعى فيها الأسس والقواعد المرعية دوليا دون تدخلات الولاة والمعتمدين واللجان الشعبية وجيوش اللا وطني الرسمية والشعبية ... الله كريم الشفيع
| |
|
|
|
|
|
|
Re: التعديل الوزاري الجديد (Re: المكاشفي الخضر الطاهر)
|
رمضان كريم يا دكتور المكاشفي
Quote: انا دا بالذات دايرو قبل التعديل الوزاري يغادر |
ومييييييين سمعك ياخي دا بيدخل الحكومة في حرج سياسي بتصريحاته وكلاماته الما مضبوطة البتصدر عنه وتلتقطه الصحف لتصدر صباح اليوم التالي في مانشيتات ومواضيع اخبار
| |
|
|
|
|
|
|
Re: التعديل الوزاري الجديد (Re: Abd-Elrhman sorkati)
|
Quote: كمال دة حقيقي رجلنشيط ومتحرك حركة كويسة |
سلاااااااام اخي سوركتي في تقديري انو وزارة كمال عبد اللطيف لو كانت موجودة في السودان منذ الاستقلال لكنا الان في مصاف دول مثل ماليزيا فمعلوم ان التنمية والتحديث في ماليزيا انبنت على التنمية في العنصر البشري كمورد
لكن أن تأتي متأخراً خير من أن لا تأتي أبداً
| |
|
|
|
|
|
|
Re: التعديل الوزاري الجديد (Re: ناصر المحسى)
|
يا ميادة ستكون هناك وزارات ملتهبة (جمر) وأجزم أن عددا كبيرا من الكيزان يخشون ذكر اسماء هذه الوزارات في وجودهم - الزارعة والمتعافي التجارة والسكر والسلع الاساسية مثلا - الموية - الكهرباء - الصحة - التعليم - الخ ... بنيات اساسية صفر كبير (بنو قصورهم أول) حاجات استهلاكية متزايدة - المواطن طلع الشارع (أمدرمان مثلا) وقبلها بري والكلاكة وغيرها ... لكن شوفوا ليكم كم واحد لزوم( حكومية قومية ) وكده ، وخلوهم يتبالوا بهذه الوزارات والإدارات .. وياكيزان ما شفتو ولا عملتوا شر .... الشفيع
| |
|
|
|
|
|
|
Re: التعديل الوزاري الجديد (Re: Ahmed Abdallah)
|
عجبونى اوﻻد الكيزان
خلوا الغنم والخرفان
لبسوا البدل والقمصان
ركبوا الكليك والتوسان
سرقوا البلد من زمان
من نياﻻ لى قيسان
عجبونى الليله جوا
سرقوا البلد نضفو...ا
عجبونى أوﻻد الوالى
نهبوا البلد باللوارى
ودقسونا بالكبارى...
عجبونى الليله جوا
نهبوا البلد نضفوا
عاجبني اب عينا شراره
ساس الناس بالحقاره
يوم دخل للبيت زياره
شال وداد وشال عياله
حرق ابوهم بالطياره
عجبونى الليله جو
سرقو البلد نضفو...
عجبونى الليله جوا
سرقوا البلد نضفوا
...
...
عجبوني
عجبونى الليله جوا
سرقوا البلد وقسموا
عجبوني النفخوا الجيوب
عجبوني الفصلوا الجنوب
يوم الحاره بقولوا ووب
في لاهاي ليهم دروب
عجبونى الليله جو
سرقو البلد نضفو...
عجبوني اولاد الضهاري
خلوا المنجل والطواري
نهبو الطرق والكباري
وشالو المال باللواري
عجبونى الليله جو
نهبوا الوطن قمحو...ا
| |
|
|
|
|
|
|
Re: التعديل الوزاري الجديد (Re: الفاتح شلبي)
|
Quote: ومن المغادرين معه: السيد/ حاج ماجد سوار.... بعد فشله في ملف الرياضة (هو بالله في رياضة في السودان) ومع تصريحاته الناريه والتعبوية... يمكن ان يعين واليا على احدى الولايات المزمع تشكيلها هناك في دارفور او كردفان |
ميادة.. طيب فشل في الرياضة... يعينو والي
Quote: M A Muhagir
اذن فليهنا اهل دارفور وكردفان بولاة طردوا من الوزارات لفشلهم الذريع |
محمد مهاجر: ده اسمو سيك سيك معلق في ناس الهامش
لكن تفتكر معاليه بيقبل بمنصب كمحافظ كادوقلي او والي جنوب كردفان?
نجاة وزير سوداني من محاولة اغتيال بولاية جنوب كردفان
بالمناسبة يا ميادة.. حاج ماجد ده مش الكفت عميد كلية القانون في جامعة الخرطوم ولا واحد تاني
| |
|
|
|
|
|
|
Re: التعديل الوزاري الجديد (Re: Emam Hassan)
|
Quote: ميادة.. طيب فشل في الرياضة... يعينو والي
|
سلام اخ امام وكل سنة وحضرتك طيب فشل الرياضة في السودان من زمن حفروا الحبر يعني ما من الوزير اللي جااها قبل سنة انا فوووق قلت في السودان مافي رياضة اصلا بدليل وقوع السودان في ذيل قائمة تصنيفات الفيفا الدورية اما اقليميا.... فاخر كاس احزره منتخبنا الوطني كان في السبعينات تقريبا (ان شاء الله ما اكون غلطاااانة) وشغالين هلال مريخ بس وكان بالغوا بيحصول دوري الاربعة وبيطلعوا بهزيمة ساحقة من بطولة ما نفس الامر ينعكس على الدوري المحلي (كان كاس السودان ولا الدوري الممتاز) يستحيل فريق غير الهلال والمريخ يصل لنهائي الكاس في نفس ا لوقت تجد الفرق في النقاط كبير بين ثاني الدوري وثالثه
وبارك الله في العداء (كاكي) اللي عمل على ذكر اسم السودان في المحافل الرياضية الدولية وان كان مجهوداته ونجاحاته فردية ووصل ليها بقدراته هو الذاتية لان الدولة لم تقدم له الرعاية الكافية ولا سمعنا جهة اتبنته بديل اني قرات ذات مره انه عسكري ويسكن بيت جالوص في الجبل.
فمشكلة ازمة الرياضة ليست واقعة على الوزير فقط
Quote: لكن تفتكر معاليه بيقبل بمنصب كمحافظ كادوقلي او والي جنوب كردفان? |
سلطات منصب (الوالي)بعد الانتخابات الاخيرة اقوى واوسع لانهم منتخبين من قبل الشعب وبالتالي لا يمكن اقالتهم من رئيس الجمهورية (وانما من برلمان ولايته هناك) (عكس الوزراء)
دا غير مخصصات الولاة ومصادر دخلتهم اللي تتواضع امامها مخصصات وزراءنا الاتحاديين.
Quote: حاج ماجد ده مش الكفت عميد كلية القانون في جامعة الخرطوم ولا واحد تاني |
ياهو ياهو
| |
|
|
|
|
|
|
Re: التعديل الوزاري الجديد (Re: ناصر المحسى)
|
يا ناصر المحسي
ما تقول لي البوست نفس
Quote: وايضا نجاح مولانا محمد بشارة دوسة في وزارة العدل وتمكنه من ادارة ملف سوق المواسير وعمل النيابات وملاحقة المتورطين في دارفور وملف حقوق الانسان في السودان تؤهله للاستمرار في وزارة العدل ليكمل ما بدأه من ملفات |
والله بعد دا
i do care
| |
|
|
|
|
|
|
|