|
|
 بورداب بورداب ماقبل البورد....!!!!
|
بوست ظل قابعا لفترة طويلة في جخانين الذاكرة ..
في الاحتفاء بالناس الطاعمة الذين كان بيني وبينهم (بورد) علي الطبيعة في ما قبل سودانيز
وفي مدارات هذه الدنيا المتعددة لاقيتهم في ملف من الملفات وفجاة كده فتحت عينك ذات سودانيز ولاقيتهم قاعدين منططين عيونهم
ولياتي سودانيز لكي يضيف الي الرصيد الاجتماعي العديد من الاخوة والاخوات الرائعيين والرائعات..
وسنتابع
|
|
  
|
|
|
|
|
|
|
|
Re: بورداب بورداب ماقبل البورد....!!!! (Re: عبدالكريم الامين احمد)
|
وصلاح واحمد الامين عضوي المنبر ديل ممكن براااحة نقول بانهم اول بورداب الزول شافهم قبل ما يجو البورد ده
والجدل والنقة معهم علي الهواء مباشرة كانت في اشياء عديدة مصحوبة بكركبة في بعض المرات وبالذات مع البوردابي احمد الامين
نقة هلال مريخ.... وصور للعيبة هلال ومريخ ونقة عن ميكي ماوس وتختخ وزنجر ونوسة ولوزة ومحب وعاطف.. والف ليلة وليلة والشاويش فرقع
ودارفوري وقطع فاولات في التمارين ومرورا باشياء كثيرة مرت تحت جسرها مياه السنين
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: عبدالكريم الامين احمد)
|
ومن الذين كانو تعزف لهم الاناشيد في مدينة المجلد عندما نزورها في الاجازات الصيفية سمعنا بفضيلي جماع وكحلته ذات عزومة من العزومات التي كانت تقام وسط مجموعة من ثلة من اهل بيتنا باعمارهم المختلفة وبصحبة الخال الدكتور عبدالله عبد الكريم في ضاحية (الضرابة البره) والضرابة البره كان هي الديوان الملحق بحوش الجد عبدالكريم..
لم نكن ندري عميقا اسرار سطوتهم تلك ولكن ما تسمعه بان (ديل اولاد الجامعة) وكانو مرحيين ويعاملون البسطاء حولهم بحب كبير وتواضع وقادرين علي الاستواء في المخيلة باريحتهم تلك مدي الحياة في الذاكرة..
اذكر ما اذكر في ذلك اليوم تذوقي للكفتة والكنافة المحشوة بالفول السوداني والبلح ولسنين طويلة ظللت ابحث عن تلك الخلطة السحرية في تلك (الكنافة المحشوة بالفول السوداني والبلح) ويبدو بانني لن اتذوقها مرة اخري فالتحقيقات تقول بان الصانعة لتلك الاكلة هي الحبوبة التي رحلت عن دنيانا العظمية(فاطمة دودو) الشهيرة بفاتتي ..وهي التي كانت من النادر نزولها الي ساحات الطبخ وصناعة الاكلات النادرة...وان نزلت فهي قادرة علي صناعة تلك اللهفة والشوق الي مهاراتها عبر السنين والاجيال ولها الرحمة.
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: عبدالكريم الامين احمد)
|
ودهاشم يا حسنا حوي كل المحاسن والقصيد
مقولة معدلة من (بارا ويا حسنا حوي كل المحاسن والقصيد) كان يرددها المهندس الصادق فيصل..
تلك القرية الوديعة الا ادري لماذا لم ترمي بالكثير من فلذات اكبادها الي هذا المكان فاني اري مااري العم ياسر يحي عبدالله من نواحي السعودية..وياسر هو من الجيل الذي ياتي خلفنا تماما في سلسلة ابناء تلك القرية ومتابعته لسودانيز كانت راتبة ولصيقة حتي قبل نيله للعضوية ...
وهنالك ايضا الاخ بدر الدين احمد موسي من نواحي امريكا وبدر الدين ودهاشمي -امدرماني وقمة الحسرة هي اننا تعاصرنا سنينا طويلة في الجامعة ولم نلتقي علي الاطلاق(انا ماعارف الزول ده وووين..؟؟ ) رغم تقاطع كل الاشياء الاصحاب والاهل وحتي الاعراس التي قد اكون ذهبت اليها في تلك الفترة بالتاكيد بدر الدين ده قاعد في ركن من اركانها ولكن ..؟؟
كثيرين من ابناء تلك القرية قادرين في حضورهم الي هذه الساحة في اثراء الحوار لما فيهم معرفة وثقافة متنوعة
فالزبير محمد المهدي لوحده قادرا علي توقيف هلالاب هذا المكان علي رجل واحدة فالرجل في ظني يفوق عبدو قابل في الاحصاء الرياضي
عوضا عن المحامي الشهير احمد محمد الحاج (لونقا) ذلك المحامي الضليع في نواحي الدمازين
وسنتابع
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: جعفر محي الدين)
|
Quote: كيكي ياخي نسوي ليك شنو
عصير ليمون ينفع معاك
كنت عايز أعاين ليك بالطوالة
وأشوفك بشوف السنين ديك بياتو عين
خلينا في الصف وما تكبرنا شديد بالله
كتابتك طاعمة وصادقة
وتعطينا الأمل في سودان جديد قادم
مليء بالخير والشفافية |
هلا يا جعفر ورمضان كريم ياااخ
واخوك بالتاكيد مقصر معاكم شديد ياااخ ولكن مشاغل الغربة ام دق انت عارفها براااك..
وتخيل لمن شفتك في سودانيز اونلاين ده كل مرة وتاني اقول يا ربي دي جعفر ولاماياهو
ويوماتي بدق في صورتك دي وبجي رااااجع والراس بكون ملخبت... فقد طال الزمن..
والنيل الابيض الثانوية ايام لن تتمحو من الذاكرة باخوي واخوك...
ناس الكنزي وترك واسماعيل حمدان اولاد شبشبة وكمال بخاري والاستاذ المصري بتاع الفيزياء الطار من الراس داااك
واهم زول بالتاكيد الطيب رحمة ..وهنالك بالتاكيد داخلية الزراف وصحبك العاتي المان..وصديقه الجميل الشبلي
ياتري اين كل هولا الناس
واين ياتري المساحين الاخوان
حيدر والرشيد كردم
وكل الود والتقدير
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: طارق جبريل)
|
| Quote: في الكوة والدويم ما قابلت أسرة عمنا العزيز الاستاذ سيد أحمد بك (ود البيه) |
هلا يا اركلوجي
ورمضانك كريم ياااخ
والاسرة دي اسمها ما غريب علي تماما
ولكن الذاكرة بقت خربة يااااخ وهرمنا
الدويم ي كان كوم برااااها كده
واما الكوة فشتاق يعلم الله وشيخي شكرالله للاصدقاء بكري جابر وبرجاس وللنطاس البارع عباس احيمر
وشلة من اولاد الكوة مررنا سويا بالنيل الابيض الثانوية
-------------------------
وبالمناسبة يا طارق انت ذاتك انا كنت جايب خبرك واحداثيات تكونيك الزقازقية
فصحبك صلاح عند حضوره من مصر كان حريص علي ثلاثة اشياء(صور فتوغرافية سمحة كده... وكتب لماركيز واخريين وقمصان سمحة كده جدير بان تشد )
واها في الصور الكثيرة دي تسال تقول ده منو..؟؟
يقول ليك ده زهير الزناتي
ودااااااك منو ..يقول ليك ده جمال فارح
وداك حمدان ودي زينب التجاني ...وداااااااااااااك طارق جبريل لوووووووول
| |
|
|
|
|
|
|
|
|
 Re: بورداب بورداب ماقبل البورد....!!!! (Re: abas)
|
كيكي و الجميع رمضان كريم
تعرف يا كيكي امبارح دي كنت في احدي القهاوي في نواحي دبي في احد جخانينها و يدعي هور العنز, شفت كيف!, اها و الله لمحت واحد كدة الخالق الناطق كيكي الاسفيري بتاع سودانيز اون لاين و انا علي وشك استقبال هذه الصدفة الجميلة فاذا بنسيبي يباغتني : مامون انت اول مرة تقابل مازن دا , اسمع تشرب شنو؟؟
... فكانت خيبت الامل!
كيكي و الله انت زول كتاب ... فواصل
--------------
MANUBIA
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: khaleel)
|
| Quote: هلا حباب سليمان طاحونه .. |
هههههههههههه
يابورداب خليكم شاهدين
الانصاري ده انا لو عملت معاه كركبة انا ما غلطان...لووول
سليمان طاحونة ده قيل بانه زول طايااااااااااااااااب كده ...وبسلم علي الناس كثير جدا جدا
نظام احوالك واخبارك وكيف حالك ...وسلام كثييييييير كده...
----------
فدحين يا انصاري الكركبة بقت عندها كم دافع كده
خاصة بعد التطبيع الاخير الحصل مع ملاسي هههههههههههههههههه
فاتوقع اني البد اللليلة للحلقة بتاعة زولكم خالد عويس مع الكوز ده وانقد ليك خالد كويس نقد مثقفاتية كده
واقلب باكورد وادق صفائح ضد محمد فول عندما بستفه حاج ماجد في الجزيرة هههههههه
فعشان كده ارعوي او كما قال عمر فضل المولي
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: abas)
|
Quote: اتغشي ليك خلاص
عاوز توزعو |
هلا يا عبس
ورمضانك كريم ياااخ
ود الباوقة عاوز يلولو لي راسي ويخليني انسي القضية والوجع الاساسي
وابقي زول توثيق تويثق ساااااااااااااااااااااااكت
ولكن يا حسرة
وتحياتي
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: MOHAMMED ELSHEIKH)
|
Quote: مسيرتك دي مافيها بوردابية واااحدة؟؟؟؟؟
ولاً انت شكلك ساير في "ديوان"؟
ولا في كلية الهندسة" قسم المساحة"؟ |
هلا يا ود الشيخ
ورمضان كريم ياااخ
لحدي حسسسع ممكن تعد (الخالة اسيا)
وبعدها مع المساحة والصحراوية الشديدة المفاجئة ما باقي حيكون عندي رصيد كافي..
وكل الود
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: احمد التجانى احمد)
|
أهلا تاني يا كيكي
Quote: هلا يا جعفر ورمضان كريم ياااخ
واخوك بالتاكيد مقصر معاكم شديد ياااخ ولكن مشاغل الغربة ام دق انت عارفها براااك..
وتخيل لمن شفتك في سودانيز اونلاين ده كل مرة وتاني اقول يا ربي دي جعفر ولاماياهو
ويوماتي بدق في صورتك دي وبجي رااااجع والراس بكون ملخبت... فقد طال الزمن..
والنيل الابيض الثانوية ايام لن تتمحو من الذاكرة باخوي واخوك...
ناس الكنزي وترك واسماعيل حمدان اولاد شبشبة وكمال بخاري والاستاذ المصري بتاع الفيزياء الطار من الراس داااك
واهم زول بالتاكيد الطيب رحمة ..وهنالك بالتاكيد داخلية الزراف وصحبك العاتي المان..وصديقه الجميل الشبلي
ياتري اين كل هولا الناس
واين ياتري المساحين الاخوان
حيدر والرشيد كردم
وكل الود والتقدير |
الحكي عن النيل الأبيض يا كيكي ما بنشبع منو
أيام الشباب والمرحان وابن عمك المان بتاع مزاج عجيب
المصري بتاع الفيزياء اسمه رايح لي
بس ما بنسى عمك وجيه بتاع الجبر وقصصه المضحكة مع كمال البخاري
صاحبك الرشيد كردم مساح كبير بمشروع السكر الجديد بالنيل الأبيض
ويا حليل الدويم ودار الرياضة بالدويم والبنطون وسينماء عمك نجارو
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: احمد التجانى احمد)
|
| Quote: نان داير تبقى شنو يا العشا |
هلا يا صلعة
وكدي خلينا نطايبك في البداية شوية ونبارك ليك رمضان ونبارك زواج اختنا الصغري
وحاولنا الاتصال ولكن دوائرك كان الظاهر عليها مشغولة..
-----------------------------------------------
وطبعا ما تنزعج فانا كموثقاتي ما ناسيك
وضروري ح احكي عن اول بوردابي رمادي انا لاقيتو هههههههه
فخليك واقف في الصف يا زول هوووي
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: عبدالكريم الامين احمد)
|
Quote: الحكي عن النيل الأبيض يا كيكي ما بنشبع منو
أيام الشباب والمرحان وابن عمك المان بتاع مزاج عجيب
المصري بتاع الفيزياء اسمه رايح لي
بس ما بنسى عمك وجيه بتاع الجبر وقصصه المضحكة مع كمال البخاري
صاحبك الرشيد كردم مساح كبير بمشروع السكر الجديد بالنيل الأبيض
ويا حليل الدويم ودار الرياضة بالدويم والبنطون وسينماء عمك نجارو |
هلا يا جعفر
وفعلا التيل الابيض حكايتها (غير) مثلها ومثل ما يقال في امر جدة..
انا وجيه ده ياهو المصري القاصدو...وفعلا قصصه مع كمال بخاري كانت قصص رهيبة ومضحكة جدا..
وكمال بخاري زاااتو كان عندو مقدرات بتاعة سخرية ومرح كبيرة..
وفي زول كده برضو كان مرح جدا وكان معانا في الزراف اسمو (ود ملاح) زول جميل جدا ياااخ...
وتحياتي الحارة للمهندس كردم فهو من اوائل الناس الذين اناروا طرقنا الي دروب الجامعة...
والدويم بلد وديع جدا وطيب هم اهله
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: عبدالكريم الامين احمد)
|
مادين صوب الجامعة ودي فيها قبضة ثمينة
ووجوه كثيرة لف الزمان ودور وجينا لقيناهم جالسين القرفصاء في حضرة سودانيز..
المهندس حامد الصاوي اول بوردابي كحلتو كعضو في هذا المنبر من ناس الجامعة... ومن صدفيات الامور بانه ايضا من اوائل اللاقيتهم في الجامعة هو وبرفقة المهندس عادل سيد احمد
وبرلموني...!!!
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: ناذر محمد الخليفة)
|
Quote: معتز قريش ذلك الرعديد الذي صار ابو دقن ومصيره السجن بكون كحلتو في جخانين روتو
او في حفلة من حفلات فنان الدويم المدهش (شنقر)
|
هههههه يا كيكي أول ما فتحت سودانيز وجدت البوست بتاعك دا قدامي
وقلت أقرأ أشوف كيكي دا من الصباح بفتش في الجخاخين وكاتب شنو؟
لكن والله أضحكني كلامك الفوق في حق أخينا معتز القريش..
يعجبني فيكم صراحتكم ومداعباتكم الظريفة رغم إختلاف توجهاتكم السياسية.
بالله شوف الوجاهة دي.. أقول يا ربي شفتك وين؟
واصل يا كيكي ومتابعين معاك الحكي التوثيقي الجميل.
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: وليد عبد اللطيف)
|
Quote: ياسلام ياسلام ياسلام ياسلام منو ياسلام
قلت اشرب راح علّى قلبي ارتاح من حبو ياسلام
لاطبيب جراح لاجاب شفاي لاراح منو ياسلام
احبك كتير ياممراح على قول صاحبك خليل الصاح
.
.
اخبارك وعلومك |
هلا يا ولي وحبابك يا كابتن
ورمضان كريم ياااخ
واشتقنا يا كابتن الي طلعاتك الكروية التي كانت ترد الروح في هذا المكان وتعيدنا الي زمانات التيوة عندما كانت علي اصولها وفصولها
وكل الود والتقدير
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: عزيز عيسى)
|
Quote: هههههه يا كيكي أول ما فتحت سودانيز وجدت البوست بتاعك دا قدامي
وقلت أقرأ أشوف كيكي دا من الصباح بفتش في الجخاخين وكاتب شنو؟
لكن والله أضحكني كلامك الفوق في حق أخينا معتز القريش..
يعجبني فيكم صراحتكم ومداعباتكم الظريفة رغم إختلاف توجهاتكم السياسية. |
هلا يا عزيز ورمضان كريم ياااخ..
ومشتاقين يا رجل فهل من عودة الي الدوخة مرة اخري وياريت
وصحبك دكتور جمال قاعد القيهو مرات فاالرجل اصبح دوحجي كامل الدسم
والظلامي معتز قريش خلقتو دي انا متاكد باني كحلتها في جخنون من جخانين الدويم والراس بتاعو المدوقس ده اطلاقا ما يغباني ههههههه
اليومين دي قاعد في السودان وشايفو متجدع ما بين الدويم والخرطوم وعامل فيها الود اخو وزير
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: ناذر محمد الخليفة)
|
Quote: ممكن اشارك ؟!
أنا برضو عندي كمية من بورداب ما قبل البورد داير أكتب عنهم ..
|
هلا يا ناذر
ورمضان كريم ياااخ
وشوت من طرف وفتش لينا جخانينك القديمة في الخرطوم واضرب بالبحبتة صوب (بونا) وبومبي
وكل مداراتك القديمة....
وياااخ كل ما اخرم لاغاني من النوع المميز قاعد امشي موقعك وامتع روحي بفنان كسسلا النوش
وفي انتظارك
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: عبدالكريم الامين احمد)
|
كيكى يا فنان
الحكى بتاعك طاعم وجميل
ياخى بورداب وقوس داخل وخارج البورد دى جميله خلاص خاصة البورداب الاتنين اولاد امك الله يخليهم ليك
اتمنى تعتر على بوردابية ياخى من زمن الجامعة انت قريت مساحة فى الخرطوم ولا فى الاسلامية نشاف شديييد خلاص هههههههههههههههههههههههههه
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: tayseer alnworani)
|
كيكى ..
شن قدرك يازول بتتكلم فى ناس حزب الامة ..كلام عجيب لكن ...
بنتصل بالقيادة العليا بتاعتك فى المجلد وبنرجعك لقواعدك بقرار
رئاسى ..نحن اصلا محترمين خياراتك ..لكن طالما بدور تسوى
الكركبة بنجيبا ليك من فوق ...دحين دير بالك ...
***
بص الهدى : الهدى ..تنوب..ام عضام ..طابت ..سرحان ...
العقدة ...محل ماماشى ..وبالعكس ..
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: عبدالكريم الامين احمد)
|
Quote: شن قدرك يازول بتتكلم فى ناس حزب الامة ..كلام عجيب لكن ...
بنتصل بالقيادة العليا بتاعتك فى المجلد وبنرجعك لقواعدك بقرار
رئاسى ..نحن اصلا محترمين خياراتك ..لكن طالما بدور تسوى
الكركبة بنجيبا ليك من فوق ...دحين دير بالك |
هلا انصاري وحبابك..
وبصراحة وبيني وبينك هرشتني عديل كده وخشتني خوفة
فبالله اي حاجة ولا القواعد العليا في المجلد دي وكفاية حادثة (التمباك الشهيرة تلك)..
-------
وكدي النكسر ليكم ثلج شوية
بالامس خالد عويس بصراحة زعمط الكوز الرعديد المدعو الدعاك وخالد (دعك) الدعاك دعك السنين وخلاني قربت اقنطر (سفة) في نهارات رمضان الدوحة من الانبساطة والكيف..
وشباب حزب الامة في النيو لوك بتاعهم wayeeeeeeee
محمد فول زعمط لي حاج ماجد
وخالد عويس دعك لي الدعاك
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: عبدالكريم الامين احمد)
|
وبعد برلمة حامد الصاوي وعادل سيد احمد
سنذهب حليقي الراس ولابسين جلابية بيضاء مكوية مفصلة عندي ترزي مجلدي موغل في الحرفنة الي داخلية فلسطين (هذه الجلابية اقتعلها لاحقا الشهير عمر اومو واخوه العميد قوة عييييين وارهاب)...وفي تلك الغرفة التي اعتقد بانها بانها (17) في الطابق الثاني وجدنا ابن كوستي المدهش (معاوية ابراهيم داوود) الشهير بديفيد
وهو البوردابي الكسول الذي يطل ما بين الفينة والاخري ويرد الروح ثم يغيب في مداراته وعوالمه الضاجة بالجمال...!!
من تلك الاوضة الشهير كثيرون او اتيحت لهم (اسفرة ) في سودانيز لانتجو اروع الاشياء في كل المجالات
فهنالك عباس ابو الحرم ابن شبشة المسخوت وهنالك الدكتور النحرير (مزمل) ابن قليصة في نواحي كردفان
واشرف سيد بيومي من نواحي كوستي ,,,وعلي مرمي حجر هنالك (انور تاج السر من نواحي سنار وهذا بابا اخر قد نشتاق فيه الي سيف عمران الشهير بسيف تنقا وهاشم (جبص) واخرون حياهم الغمام((
وسنعود حتما الي خليل واحمد التجاني وود البدوي (واه انا من ود البدوي ده)
وقد نضرب حتي نواحي داخلية النشر وقد ناتي بابابراهيم ابو سمرة
| |
|
|
|
|
|
|
|
|
|
Re: بورداب بورداب ماقبل البورد....!!!! (Re: جعفر محي الدين)
|
Quote: تعال يا زول
كمل البردبة بتاعتك دي
ما تكاورنا ساكت
كما وصلناك الدوحة ما بنفكك
وكمان أدي الميكرفون لناذر خليفة معاك حبة |
هلا يا ابو الجعافر
وحبابك يا سنيرنا
والبردبة بنكلمها باذن الله وببركات شيخنا شكر الله
بس نلقي ليها مساحة وزمن مع الزمن البقي ممحوق ده
وياريت ناذر يجي برضو يلعب ليها باص باصين ويولع جمر الحي بتاعو
وياااخ كلمة (بردبة) دي حق الزول يديك عليها اوسكار عديل كده
لانو طولنا ما سمعنا بيها ياااخ في غربة الجن الكلكي دي
وتحياتي
| |
|
|
|
|
|
|
| |
عبدالكريم الامين احمد
Shawgi Sulaiman
جعفر محي الدين
abas
طارق جبريل
حمد محمد احمد
محمد عبدالرحمن
khaleel
MOHAMMED ELSHEIKH
احمد التجانى احمد
ناذر محمد الخليفة
عزيز عيسى
وليد عبد اللطيف
فيس بوك
تويتر
انستقرام
يوتيوب
بنتيريست