|
|
|
 Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: ابراهيم محمد موسي)
|
Quote: فهل نحلم يوما بان نكون إخوة يضمنا سقف واحد
وانت تكونوا انتم أحبتى دعاة الوحده وان نتحد بلا من ولا أذى ...
ونرجع تانى ذى أول
نكون أحباب.
والسودان يكون أغلى
ونكون أحلى
ونعيش الباب قصاد الباب...
|
حباب سمعة المختفي
بلدنا يا سمعة بلنمها تاني ونزيد عليها شوية كمان
(وليعلم المصريين أن كل أرض النوبة أرض سودانية هسع بنطالب بيها وبعدين بنقلعها)
وسندعو وننقنع كل دول الجوار الأفريقي إلي الوحدة في دولة كبيرة متنوعة المشارب، موحدة الأهداف ومشرقة المستقبل
| |
 
|
|
|
|
|
|
|
 Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: Nasr)
|
***
**
*
نصر يا عمده
Quote: حباب سمعة المختفي
بلدنا يا سمعة بلنمها تاني ونزيد عليها شوية كمان
(وليعلم المصريين أن كل أرض النوبة أرض سودانية هسع بنطالب بيها وبعدين بنقلعها)
وسندعو وننقنع كل دول الجوار الأفريقي إلي الوحدة في دولة كبيرة متنوعة المشارب، موحدة الأهداف ومشرقة المستقبل
|
شكرا على الترحيب
يرونه بعيدا ونراه قريبا
جهز نفسك
واسرج لهم الميراج
*
**
***
| |
|
|
|
|
|
|
|
|
|
Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: sumah)
|
اسماعيل محمد الحسن سلام
ووين الحي بيك يا زول؟؟؟
بركه الشفناك طيب.
كثر خيرك على الكتابه المهمومه
وبأكد معاك ومع ناصر:
Quote: حباب سمعة المختفي
بلدنا يا سمعة بلنمها تاني ونزيد عليها شوية كمان
(وليعلم المصريين أن كل أرض النوبة أرض سودانية هسع بنطالب بيها وبعدين بنقلعها)
وسندعو وننقنع كل دول الجوار الأفريقي إلي الوحدة في دولة كبيرة متنوعة المشارب، موحدة الأهداف ومشرقة المستقبل
|
البلاحمر ده عجبني بالحيل!!
| |
|
|
|
|
|
|
|
 Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: Tragie Mustafa)
|
***
**
*
تراجى العزيزه
كان لابد ان آتى اليكم فى مثل هذا اليوم
فالجرح كبير ونازف وعدم الاهتمام به يقود الى عواقب وخيمة
وعندما تبدأ الغرغرينة تاكل فى العظم فلمها صعب لكن ..
الامل معقود على الاكف المشرعة..
وبقولوا الخواجه لما يفلس بيفتش دفاتره القديمة
وفى دفاتر كوش وتانسهو ترك لنااجدادنا سودان طويل وعريض
من نمولى لية طيبة حيث ركز جدنا الكبير
وبنى اهراماتة وقال انا خوفوالاكبر
ولابد منها وان طال الزمن
وشايفنها شوف العين
فهل يعقل نظل شاردين
وهل يعقل بعد كل السنين وسنين
تفارق الشول دى ام نفلين
وبعد قلب واحد رقيق وحنين
نصير شعبين
فابشرى بغد أت
ابشرى
*
**
***
| |
|
|
|
|
|
|
|
|
|
Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: ابراهيم محمد موسي)
|
***
**
*
العزيز ابراهيم
شكرا على النشيد لقد كان نشيد الاستقلال
وهو من كلمات المربى الجليل الدكتور عبدالواحدعبدالله
اليوم نرفع راية استقلالنا
ويُسطر التاريخ مولد شعبنا
يا إخوتي غنوا لنا
اليوم نرفع راية استقلالنا
يا نيلنا يا ارضنا الخضراء يا حقل السنا
يا مهد أجدادي ويا كنزي العزير المقتنى
لقد كان كنزنا
وفقدنا الكنز وفقدنا الاستقلال
وفقدنا الاحساس الجميل
يا ابراهيم احتفالات الاستقلال حتى وقت قريب
كانت حكايه
كانت تنظف الدور وتجير بالجير الابيض
والمدارس تكتسى بحلة من البهاء والجمال
فى مدينتى كانت حتى اشجار الشوارع تزين
وتطلى بالجير الابيض
وعلى الساريات ترفع الاعلام
مرفرفه
ياخى كل البيوت والمحلات التجارية والاندية ترفع الاعلام
كانت التجهيزات تبدأ لهذا الاحتفال من وقت مبكر
الحاجة الوحيده المهمة التى لابد أن اشير اليها هنا
انو القائمين والمشرفين على هذه الاحتفالات ما كانوا بياكلوا
ميزانيات هذه الاحتفالات كانوا اناس شرفاء
يعنى مش حراميه
*
**
***
| |
|
|
|
|
|
|
|
|
|
Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: طارق ميرغني)
|
***
**
*
الاخ العزيز طارق
Quote: يوم تعيس الذي عشناه وراينا انفصال جزء عزيز من بلادنا
وربنا يقدرنا علي الحفاظ علي ما تبقي
مشتاقين يا اخي |
انى دائما ما اتخيل شكل
الاشياء كيف تكون
جيران وحبان عاشوا عمرهم الباب قصاد الباب
كيف تكون ساعة الفراق
عندما كنت صغيرا كنت لا احب هذه الكلمة
خلاص مفارقنا
انها تشعرنى بالموت..
هل تصدق أن مريض السكرى الذى تم قطع
نصفه الاسفل فهل تبقى له فى الدنيا من شى
بكائية فى إحداثيات الوحده الجاذبة
الوطن المعلول
الجسد الواقف مشلول
الجسد الواحد ومشطور
يصبح جسدين
لايقوى على السير كسيحا
بالرغم من مرآى الرجلين
يموت الجزء الاعلى
برغم القلب
ورسم الريئتين
الجزء الاسفل يحيا
منغرسا فى الطين
لكن الأعلى هيهات
بان ينمو ثانية
فقد فات زمان التسكين
عقروك كلاب الدين
قتلوك باسم التمكين
المخرج / اسماعين
إسماعيل م الحسن
الدوحة فى السابع من فبراير
20011
| |
|
|
|
|
|
|
|
|
|
Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: امير طمبل)
|
***
**
*
أمير يا امير
Quote: يا سمعة انت كنت مساهر
تسجل فى الخواطر
ونحن ما جايبين خبر
الله ..الله .
لك تحياتناالنواضر
وجاينك برواقة
عودا حميدا مستطاب
بعد الغياب
|
إنت تقصد سهرالجداد
يا صديقى انا كنت عامل سهرانه ليه
يا عيون مالك بتبكي
إنت عارف انا عندى احساس كده بعلم الاستقلال
احساس نابع من علاقتى بالاسم والعلم
انو ابوى زرعوا جواى بكم من الصور وانا صغير
اغلبها شايل فيه علم السودان
وكانت حبوبتى دائما ما تغنى وتقول لى
علم السودان رفعوا ازهرى
وانا كنت ذلكم الازهرى الذى رفع علم السودان
وحقيقة تجسدها تلك الصور التى تزين إلبوم ابى
ساحاول ان ارفد هذه الذكرى باحدى تلك اللقطات
التى جعلت منى مسئول مسئولية مباشره عن السودان
واستقلال السودان ووحدة السودان وعلم السودان
وعلم السودان الذى اتعامل معه هو علم الاستقلال
والذى رفعه اسماعيل الازهرى ..
.
للتاريخ انا فى عمرى ما تعاملت مع العلم البديل ابدا ورافض
تماما التعامل معه باى حال من الاحوال..
*
**
***
| |
|
|
|
|
|
|
|
|
|
Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: sumah)
|
سُمعه المدهش... وتلمس مواطن الوجع
رجعت بي لذكريات قديمة بدأت في شمبات خلال طفولتنا....
كان هناك (مجوك) أو من كان يعرف وسيظل في حوش جدي ب(إبن خالتي)!!!
ربته أكبر خالاتي، وهو يكبرنا بحوالي خمس سنوات أو يزيد قليلاً...
أخاف إن بدأت أحكي عنه، أن أفقد السيطرة على حروفي، وواثق أنني لن أفيه حقه...
يحمل صفات و معتقدات العرب والأفارقة والمسلمين والمسيحيين، بكل مافي هذا السودان من تنوع وتعدد،،
أول من يحمل (عنقريب الجنازة) في الحي...
وأي (كرت عزومة) في حِلتنا لا يخرج إلا بعد تصديقه عليه،،،
في ميدان الكورة وفي الجامع وفي كل المناسبات يشكل أول الحضور لمدة زادت على الأربعين عاماً.
هل صار ينتمي لبلدٍ جار للسودان؟؟؟؟؟؟
أو كما قال أحدهم: هل مجوك منا أم منهم؟؟؟
قول واحد ياسمعه،،،،
وقد أعود هنا لأحكي أو لا أعود،،،،
وفي الذاكرة، منيانق دينق داو، وآدم أكوت، وفيتر فال فوك، وابراهيم دينق شلك الجاك، وكمال جون نيرت، ودينق كلي شول و آخرين....
هل يمكن اجتثاث كونهم واقعاً جميلاً يمثلون أهلي وأصدقائي وإخواني بما تحمل هذه الكلمات من معاني؟؟؟؟
شكيتك على الله ياإسماعيل ياخي جهجهت لي يومي...
لك ودي الذي تعلم
| |
|
|
|
|
|
|
|
|
 Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: sumah)
|
***
**
*
الاهداء
الى اهالى السودان القديم
واخص اهالى شمبات بمدينة الخرطوم بحرى
ودخالتى فاطنة
سيرة من حكاية مجوك
لا أحد يعلم ما حل به الان ... فقد تداعت الى اسماعنا معلومات كثيره ومتباينة
تقول انهم قد بدأو ابعاد ابناء جنوب السودان اقصد ابناء السودان الجنوبى
او بمعنى اولائك المنحدرين من جنوب السودان ويعيشون فى الشمال عليهم العودة
الى الجنوب الذى اتو منه اغالط نفسى اقول لربما المقصود المولودين فى الجنوب
ويقيمون فى الجنوب كيف يكون ذلك اذا المولودين ولدوا فى الشمال من اب جنوبى
وام جنوبيه واذا كانوا كذلك ومولودين اب جنوبى وام شماليه بالشمال اب شمالى
وام جنوبية ياولى الله ارفق بعقلى كيف لى ان انفك من شبكة هذه المتاهة
وأدلف الى حكايتى لم تعقدت هكذا فالحكاية ببساطه حكاية ود خالتى فاطنه مجوك
*
**
***
| |
|
|
|
|
|
|
|
|
|
Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: sumah)
|
***
**
*
ودخالتى فاطنة
سيرة من حكاية مجوك
منذ مولدى كان هناك ...
كان معنا فى الحوش الكبير حيث ولدنا كلنا ..
خالتى وامى وانا ...
مجوك كان صبى عادى زى كل صبيان الحوش لايفرقة عنا شى
الا انه الابن الوحيد لخالتى فاطمة لم نعرف لها اولاد اخرين
فقد كانت لها نصف دستة من البنات تضمنا بهم الدارة الكبيرة
عندما نلعب البلى وهم يلعبون الحجلة او تحت ظلال النيمة
وهن يلعبن الهودنه ونحن نطرق القرقور وقد كان مجوك احرفنا
يتفنن فى تدويره حتى انه يدوره على لسانه .
فى الدافورى تسمع صيحاته مشجعا ينادى باعلى صوته
تُنقد تنقد
نحن حمامنا بنقد..
تنقد تنقد
نحن حمامنا بنقد..
تُنقد تنقد
نحن حمامنا بنقد..
ويعقبها بصرخة مجلجة داوية
قون قون ..قون.
ومع بداية الليل كنا نجلس على مصطبة الديوان
و مجوك هناك يحكى لنا عن سبنا وشامى كابور
ونحن نتحلق حول صحن الفول المترع بزيت السمسم
فول عقبات كما يقول لنا عبدالله
سيد الدكان كلما نسالة عن زيادة الفول
هو يحمل الكمشه بيمناه راجعا الى داخل الدكان
يقول فول العقبات ما بزيدو
ونصمت دون ننبس بشفة فقد الجمتنا الكلمة
ونحن لاندرى لها معنى
وما هو فول عقبات فينبرى له مجوك
طيب زيدنا من جبنة الدويم دى وخلى موضوع جعبات دى
ونغرق فى ضحك طفولى لذيذ ويصيح فينا عبدالله
ياود اختشى قلنا عقبات عقبات . .. ويطنطن مجوك ضاحكا.
ونواصل حكاية مجوك
*
**
***
| |
|
|
|
|
|
|
|
|
|
Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: sumah)
|
***
**
*
ودخالتى فاطنة
سيرة من حكاية مجوك
كانت له ذاكرة فتوغرافيه
يعرف مكان كل شىء ويحفظ ماتخفى الصدور
كانت خالتى فاطمة دائمة ما تخفى علبة الخبيز
الذى تجيد خبزه عن اعيننا وتغلق عليها بالمفتاح داخل دولابها العتيق ..
دولابها وما أدراك ما دولابها إنه مكمن كل الطيبات لكن مشكلتها الاساسية
تكمن فى طيبة قلبها التى تجعلها دائما ما تتنازل عن قسمها
وتنادى علينا لكى نضوق الخبيز وتقول بصوتها
الحنون كل واحد ياخد قطعة واحده
بس كفاية انتو من الطابونه لى هنا الصينيه اتقسمت النص
ونتحلق حولها وهى امام الدولاب
وتبدأ حكاية البحث عن المفتاح
فقد خبأته فى لحظة غضبتها عنا
والان لاتدرى اين اين هو المفتاح
ونردد المفتاح عند النجار
والنجار داير فلوس
ونقرر قرر كلنا
ولكن الاجابة هناك حاضرة مجوك ماشفت مفتاح الدولاب المسنوح ده ؟؟
ختيتو وين يا امى ...امى هناك تحت المفرش ...
وكان يا أمى هو كود النداء الذى ما انفك يردده مجوك فى مخاطبة خالتى فاطنة اى يا امى ..
حتى بعد ان صار سمسارا شهيرا للاراضى بسوق بحرى وهو يتقاسم ادارة مكتب العقارات مع راجل اختو..
ونواصل حكاية مجوك
*
**
***
| |
|
|
|
|
|
|
|
|
|
Re: والله ما سمعنا وماجابو لينا (شمار حار) أو انه التاريخ لا يعفى مسئ (Re: sumah)
|
استاذ اسماعيل جابو الشديد القوى
جابو الحال المايل جابو الخيار الصعب
منو فينا البقدر اوصف احساسو الحقيقى
للحصل
احساس الحلو والمر
ده شنو يا ناس كان يوم لون اغبش
يوم صباح ومساء حيره احاسى غريب
باركنا خيارهم و قرارهم لانو اصبح حقيقه
وما باليد حيله
ياسلام من الاحساس الغريب والخوف الجوانا
خايفين عليهم وخافين علينا
الانفصال
ونحنا الكايسين نتلمه
نبكى ولا نفرح
وانت بتودع فى اصحابك يا أستاذ اسماعيل ذكرتنى بيهم كلهم
اصحابى وصاحباتى العرفتهمم
واكلته معاهم الملح والملاح حبونى وحبيتم
اتقاسمنا العشره واتقاسمنا كل السمح
اتقاسمنا السياسة منعلول ابو السياسه
الخلتنا نتقسم
وما انسى انجلو ذلك الشاب الذى
وجدناه بينا وحتى اليوم
وسط تبريكاتك السمحه وداعك الخاص ياسمعه دايره ارسل ليه
سلامى وحبى
ياربى يا انجلو مشيت ولاقاعد
تقصد لمن ارجع ما حلاقيك تانى
معليش لأنى ماودعتك ومعليش لأنى عارفاك ماداير
ترجع وماناسيه ونستنا وحلمنا بالسلام
ويا انجلو
مافى غير نبارك الدنيا بى كل خطواتها
ونبقى عشره على المبادئ
فوعدا علي ان نلتقى يوما ما
فى وطن الحب والسلام
| |
|
|
|
|
|
|
| |
sumah
ابراهيم محمد موسي
Nasr
Tragie Mustafa
عبدالكريم الامين احمد
Azhari Nurelhuda
امير طمبل
ياسر عبدالعزيز الطيب
محاسن أحمد محمد
فيس بوك
تويتر
انستقرام
يوتيوب
بنتيريست