ما عارفا اذا كانت العبارة دي موجودة في لغتنا اليومية زي (حراق الروح مثلا) ولا لا ، لكن العارفاه انه روحي موجوعة . هو احساس زي انك فاهم ومستوعب وموافق وسعيد في جانب منك لكن حزين ومحبط ومهزوم في جانب تاني ، زي انك في وموجود وغايب او بتتمني في الوكت نفسه. زي انك شايل حاجات دي جواك وما تكون قادر غير تسكت وتتأمل.
فرحت لي فرح اخواني واخواتي في جنوبنا الحبيب بي الدولة الوليدة . وبتمني من قلبي ينعموا بي امن ، عدالة واستقرار اتمنوهوا كتير واتمنيتا ليهم .
لكن في نفس الوكت، حزنت لي حقيقة انه الوطن بيتقسم ، واتوجعت اني بفقد جزء من اسرتي الكبيرة وجزء من تراب بلدي
اتذكرت مرات كتيرة كنت بتكلم فيها مع ناس من حتات مختلفة من الدنيا دي عن السودان المافي في نشرات الاخبار والاحصائيات الرسمية. بحكي عن تنوعه في اعراقه واعرافه ، لغاته ، موسيقتو ، ثقافاته دياناته ومعتقداته . عن تاريخه وجغرافيته وانسانه.
وعن ايماني بانه لو استقر ولو قدروا اولاده يديروا حياتهم وعاشوا مع بعض في سلام ومحبة حقيقية لي بعض … ببقي حاجة جميلة وما تخلص. وما غريب ولا جديد عليه ، مش هو ارض واحدة من امهات الحضارات القديمة.
الواقع يا اصحاب بقول انه اولاده ما قدروا … دا واجع روحي
انه كان عندي امل انه بكرة حيكون افضل بي بعض ولي بعض ومع بعض ، والواقع الان بقول غير كدا وانه في سودانين … ودا واجع روحي
بصراحة حتي فكرة انه في خريطين ومساحتين وسودانين بخلاف السودان الواحد قالوا لينا من زمان ، مستفزة … وبتوجع.
وفكرة انه في غنا وفنون ومختلفة نادت بي بلد واحد حاشوفها واقراها واسمعها في المستقبل وما عارفا حاضحك ولا حابكي علينا … برضو بتوجع
بكتب ليكم وانا ما كاتبة ولا شاعرة بس موجوعة وحاسا اني عايزا اقول حاسا اني مفروض اقول ، لاني جزء من السودان الكان واحد دا. وبرضه يمكن ... يمكن ارتاح
نانسي
07-11-2011, 10:01 AM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
Quote: بكتب ليكم وانا ما كاتبة ولا شاعرة بس موجوعة وحاسا اني عايزا اقول حاسا اني مفروض اقول ، لاني جزء من السودان الكان واحد دا. وبرضه يمكن ... يمكن ارتاح
الله يهون على الجميع فكرة إنزال علم السودان أمر محزن
07-11-2011, 10:28 AM
ابو جهينة
ابو جهينة
تاريخ التسجيل: 05-20-2003
مجموع المشاركات: 22662
ما عارفا اذا كانت العبارة دي موجودة في لغتنا اليومية زي (حراق الروح مثلا) ولا لا ، لكن العارفاه انه روحي موجوعة .
وجع الروح حالة متقدمة لحراق الروح .. و حراق الروح سريع الزوال بمجرد زوال سبب الحرقة. إلا أن مسببات وجع الروح تسكن بالدواخل ، و يزداد الوجع حينما تكون مواجهة أسباب الوجع مواجهة صامتة لا حول لنا فيها و لا قوة.
هو احساس زي انك فاهم ومستوعب وموافق وسعيد في جانب منك لكن حزين ومحبط ومهزوم في جانب تاني ، زي انك في وموجود وغايب او بتتمني في الوكت نفسه. زي انك شايل حاجات دي جواك وما تكون قادر غير تسكت وتتأمل.
تمام جدا ، شرح مقارب لشرحي أعلاه.
فرحت لي فرح اخواني واخواتي في جنوبنا الحبيب بي الدولة الوليدة . وبتمني من قلبي ينعموا بي امن ، عدالة واستقرار اتمنوهوا كتير واتمنيتا ليهم .
لكن في نفس الوكت، حزنت لي حقيقة انه الوطن بيتقسم ، واتوجعت اني بفقد جزء من اسرتي الكبيرة وجزء من تراب بلدي
مكتوب على الجبين و شفناه شوف العين
اتذكرت مرات كتيرة كنت بتكلم فيها مع ناس من حتات مختلفة من الدنيا دي عن السودان المافي في نشرات الاخبار والاحصائيات الرسمية. بحكي عن تنوعه في اعراقه واعرافه ، لغاته ، موسيقتو ، ثقافاته دياناته ومعتقداته . عن تاريخه وجغرافيته وانسانه.
وعن ايماني بانه لو استقر ولو قدروا اولاده يديروا حياتهم وعاشوا مع بعض في سلام ومحبة حقيقية لي بعض … ببقي حاجة جميلة وما تخلص. وما غريب ولا جديد عليه ، مش هو ارض واحدة من امهات الحضارات القديمة.
إلى الآن لا توجد للأسف أي دراسة متكاملة عن النسيج السوداني و عن تركيبته السكانية الفريدة.
الواقع يا اصحاب بقول انه اولاده ما قدروا … دا واجع روحي
سبب كافي يا نانسي ، كافي جدا لوجع الروح الناتح
انه كان عندي امل انه بكرة حيكون افضل بي بعض ولي بعض ومع بعض ، والواقع الان بقول غير كدا وانه في سودانين … ودا واجع روحي
بصراحة حتي فكرة انه في خريطين ومساحتين وسودانين بخلاف السودان الواحد قالوا لينا من زمان ، مستفزة … وبتوجع.
وفكرة انه في غنا وفنون ومختلفة نادت بي بلد واحد حاشوفها واقراها واسمعها في المستقبل وما عارفا حاضحك ولا حابكي علينا … برضو بتوجع
بكتب ليكم وانا ما كاتبة ولا شاعرة بس موجوعة وحاسا اني عايزا اقول حاسا اني مفروض اقول ، لاني جزء من السودان الكان واحد دا. وبرضه يمكن ... يمكن ارتاح
العزاء الوحيد يكمن في أن تتواصل روابط الألفة و التعاون و الذي كان دمت
07-11-2011, 08:37 PM
نانسي عجاج
نانسي عجاج
تاريخ التسجيل: 03-22-2008
مجموع المشاركات: 29
Quote: وجع الروح حالة متقدمة لحراق الروح .. و حراق الروح سريع الزوال بمجرد زوال سبب الحرقة. إلا أن مسببات وجع الروح تسكن بالدواخل ، و يزداد الوجع حينما تكون مواجهة أسباب الوجع مواجهة صامتة لا حول لنا فيها و لا قوة.
اظنك شرحت الفي الخاطر
Quote: العزاء الوحيد يكمن في أن تتواصل روابط الألفة و التعاون و الذي كان
نعم اعتقدانه دا كل الممكن والمتاح حاليا ومؤسف انه حتي احلامنا وامالنا بتصغر وتتواضع اسعدني مرورك كن بخير
07-11-2011, 05:34 PM
نانسي عجاج
نانسي عجاج
تاريخ التسجيل: 03-22-2008
مجموع المشاركات: 29
Quote: الله يهون على الجميع فكرة إنزال علم السودان أمر محزن
المؤلم اكتر فكرة الاخوان الما قادرين يعيشوا مع بعض بظلموا ، يكتلوا ويشردوا في بعض وانه الدنيا دي الناس فيها بتستفيد من تجاربها وخبرات غيرها عشان تطور بلدنها تعز انسانها
السلطانة نانسي عجاج تحية واحترام كل ما أسمعك في ( شقي ومجنون ) وعند ترديدك لـ ( إن شاء الله أجن ، وأزيد في الجن ) بدون ما أشعر أرد : ( تبري وتستبري ) وهو رد لا شعوري أردده كما أتنفس .
تبري وتستبري من وجع الروح . البتر هو آخر العلاج المنقذ للحياة ولا يسعد به إنسان ولكن قد لا تكون الحياة إلا به ، فإن كان الإنفصال هو الترياق الأخير للموت المستمر عشرات السنين فمرحباً به وفي القلب حرقة وندم على أُخوة لم نؤد حقها ، وتراب لم نحافظ عليه ، أما وقد تم الطلاق ، فنسأل الله أن يكون بالمعروف ، وأن تكون ثماره السلام وإلا كان الأمر ميتة وخراب ديار .
الفنانة الرائعة مرهفة الحس الإنساني – بت عجاج إليك وعليك سلام الله ---- القيامة بيد الخالق *** السودان منذ التكوين البغض يبغر البطون لا ترى الأم جنينها يتحلل الرجال على وسائد السافنا *** عندما يعم البغض... الأشجار تموت الجبال تتأكل الوديان تضرس تحرق الأحراش بنيها *** يبدأ .... مواسم الهجرة إلى الشمال البغض يتشعب يسبق البذل يد العطاء يتوالى بترها *** في هذا العالم الواسع تتغير الجغرافيا يتباين الخلق تفاض البحار البراكين تثار *** القلب شمالا مياه الأنهر تترقق تنساب صافية *** السودان ليس استثناء الحياة لا تتوقف القيامة بيد الخالق *** تسلمي (حمد)
07-11-2011, 01:42 PM
Elawad Eltayeb
Elawad Eltayeb
تاريخ التسجيل: 09-01-2004
مجموع المشاركات: 5319
وأكيد ترمومتر الإحساس عند الفنان والمبدع عالي الحساسية - وبقدر ذلك تأتي المفارقة والإحساس بالألم ووجع الروح
وجع الروح يا نانسي هو إحساس عام مشترك عند كل السودانيين الصادقين في حاجاتهم
ما بتغسلوا دموع، ولا بخففوا بكاء، ولا بغطيهو الفرح الوقتي بزوال الألم التأريخي
لأن الأصل في الكائنات الحية هو الإنسجام والإتصال والإلتقاء والإلتحام وأي مفردات أو واقع عكس ذلك بتسبب الألم لدرجة يفوق قدرة الجسد على تحمل وجع الراس ويطلع في الروح ويتمكن ويبقى زي إحساسك ... وجع روح
لكن نحن كبشر لازم نقرأ أحاسيسنا صاح بما فيها المؤلم والموجع عشان تكون عندنا رؤية واضحة للمسببات والعلاج وعشان نقدر نتعامل بإيجابية
وعشان كده أنا بتحسس في البورد ده - صفحة صفحة بحثاً عن نبض الشعراء والمبدعين والفنانين والكتاب لأنهم هم في الطليعة بما يتعلق بالفهم والرؤية والتعبير
ولما الناس تعرف وتتفق إنو الإحساس بوجع الروح هو الإحساس الصادق - وهو الإحساس الجمعي - وهو الشعور الطبيعي والسليم في مثل هذا الوضع
عندها سنخطو للخطوة الثانية وهي معرفة سبب وجع الروح
وبعدها ما صعب نعرف كيف الخلاص
ويظل إيمانا أن كل مفارق لا بد يعود - عندما تنتفي أسباب الفراق
أو على الأقل يكون حسن الجوار وتبادل عبارات المحبة والود الطالعة من صميم الفؤاد - بدون زيف
وتسلمي يا مبدعة - في مقدمة صفوف الإبداع المسئول...
العوض الطيب
07-11-2011, 01:52 PM
Sinnary
Sinnary
تاريخ التسجيل: 03-12-2004
مجموع المشاركات: 2770
موقف رائع وحقيقة نحتاج لمثله من كل مبدع ومثقف وقيادي سوداني ونانسي بموقفها هذا تعبر عن وقوف المبدع/عة السوداني مع نبض الناس وتعبيرهم عن آمال وأحلام وأفراح وأحزان الناس بالقلم المتوجع حين يتوجعون كما ظلت تعبر عنهم دوماً بالنغم الوظيفي المعبر
07-11-2011, 02:41 PM
Kostawi
Kostawi
تاريخ التسجيل: 02-04-2002
مجموع المشاركات: 39980
Quote: اتذكرت مرات كتيرة كنت بتكلم فيها مع ناس من حتات مختلفة من الدنيا دي عن السودان المافي في نشرات الاخبار والاحصائيات الرسمية. بحكي عن تنوعه في اعراقه واعرافه ، لغاته ، موسيقتو ، ثقافاته دياناته ومعتقداته . عن تاريخه وجغرافيته وانسانه.
ملامسة الحقائق والوقائع بشاعرية والبكاء بغنائية عالية سمتان تطغيان على التعبير عن حزنٍ وفرحٍ فادحي الوضوح كهذين اللذين يتلبساننا الآن..فارفعي عقيرتك عالياًبالإشارة إلى عُرْي وقلة عقل الفرعون.
مودتي
07-12-2011, 04:33 AM
نانسي عجاج
نانسي عجاج
تاريخ التسجيل: 03-22-2008
مجموع المشاركات: 29
شفت احزان ودموع صادقة لي ناس كتار جدا ناس متجاوزين تنظير الساسة و الاتفاقيات والكلام الكتير ( المغتغت وفاضي ) وضياع الزمن مواطنين عادين هم ما جزء من صناعة قرار ولا عارفين الحصل والبحصل اسي دا لي مصلحة منو وعشان شنو بس عارفين انهم اسره كبيرة وانه وفي وطن واحد بيجمعهم ودا ما معناها انه الدنيا كانت مدينة فاضلة ، لكن علي الاقل كان عندهم امل كبير .
دمت
07-12-2011, 04:11 AM
نانسي عجاج
نانسي عجاج
تاريخ التسجيل: 03-22-2008
مجموع المشاركات: 29
انحنا بلدنا نتحدبا بي خيرا الوفير وشبابا لو ننهض جميع بي صلابا ما بتلقونا تاني غلابا
بظل الوحدة اتظلينا ولي كل العقد حلينا متشابكات جميع ايدينا بنتمم جميع ما بدينا
استاذي شمس الدين الخليفة اكتب مرة تانية وتالتة مرة محتاجين نسمع ونغني ونثق في بكرة تاني . ما تبقي من الوطن فيهو اخوة مازالوا مختلفين ومتنازعين وبعضهم ضيق الافق لحد لا يمكن تصوروا
تسلم اخ صبري
07-11-2011, 09:39 PM
نانسي عجاج
نانسي عجاج
تاريخ التسجيل: 03-22-2008
مجموع المشاركات: 29
مرورك اسعدني هيج فيني ذكري فقد صديقنا الجميل خالد الحاج له الرحمة والمغفرة لكنه اسعدني
كنت ببني ونفسي بفسر التجاوب الكبير الحصل مؤخرا مع الاغنية دي تحديدا سببه ربما يكون احساس عام او اتفاق غير معلن باننا شقيانين ويمكن مجنانين برضه ، ولا مجنون واقعنا ومامنطقي ولا موضوعي.
Quote: البتر هو آخر العلاج المنقذ للحياة ولا يسعد به إنسان ولكن قد لا تكون الحياة إلا به ، فإن كان الإنفصال هو الترياق الأخير للموت المستمر عشرات السنين فمرحباً به وفي القلب حرقة وندم على أُخوة لم نؤد حقها ، وتراب لم نحافظ عليه ، أما وقد تم الطلاق ، فنسأل الله أن يكون بالمعروف ، وأن تكون ثماره السلام وإلا كان الأمر ميتة وخراب ديار .
بتفق معاك
وشكرا ليك
07-12-2011, 01:32 AM
عفاف أبو حريرة
عفاف أبو حريرة
تاريخ التسجيل: 12-28-2006
مجموع المشاركات: 1818
Quote: بكتب ليكم وانا ما كاتبة ولا شاعرة بس موجوعة وحاسا اني عايزا اقول حاسا اني مفروض اقول ، لاني جزء من السودان الكان واحد دا. وبرضه يمكن ... يمكن ارتاح
نانسي
0 والله يانانسي انا روحي وجعاني وقلبي واجعني وضهري واجعني وعيوني واجعني وراسي واجعني ومافي شي بسكن لي وجعي غير صوتك الجاي من وين ده ماعارفه بالذات لماتتغتي بي فايتني لي مين اشكي وابكي والله يانانسي كانه متزوجني كان جنوبي وانفصل مني واخد اولادي معاه الواحد ماعارف الوجع ده كله علي الجنوب ولا اصله كان موجود لكن عاوز ليه سبب يطلع الله يكون في عوننا شكرا ليك ياارق واجمل من في الوجود بحبك شديد لما اكون فرحانه بسمعك وبرضو لما اكون زعلانه بسمعك وبتريحيني0
07-12-2011, 01:41 AM
عبدالكريم عبدالله
عبدالكريم عبدالله
تاريخ التسجيل: 06-20-2011
مجموع المشاركات: 480
الشيء الوحيد الذي يطغي على عاصفة الألم لدي، هو الفرح المسبب الذي أشتهيه في وجوه إخوتي من شعب جمهورية جنوب السودان.. الحرية لنا ولسوانا.. بارك الله في الحرية..
شكراً نانسي وضيوفها الكرام
07-12-2011, 07:13 AM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
وجع الروح يا نانسي بسوّي قروح ما بس جروح يا ست هيلنا يا هيل الوطن مشاعرك جميلة بجمال هذا الوطن ولكن لأنك مبدعة نريد لترجمتك أن تكون باللاوند العملي قلت في كلامك... وليت المبدعين فكروا كثيراً في هذا الأمر وعملوا له إن الهوة بين الثقافي والسياسي جاءت من إهمال هذا الجانب والاهتمام بالأيدولوجيا فقط لذا لم يبذل مبدعونا جهداً مؤثراً يحول هذا التنوع إلى وحدة وجدان ترفع أوطان وتنجح في خريف الامتحان لو كنا نوجه سائر أنواع إبداعنا نحو ما يقربنا ولا يبعدنا ويحببنا في بعضنا لقد بذلت في هيلنا جهداً أدائياً فاق حتى جهد الشاعر نفسه فلم لا تأخذي على نفسك عهداً أن تنتقي كل ما يسهم فيما يزيل وجع الروح هذا -- إن الهوة الواسعة بين الثقافي والسياسي الفرق بينهما كما بين دموع الرجال التي سكبت بين شماليين وجنوبيين في لحظات الوداع وبين واقع الانفصال كل وهو يبكي كان يقول السياسة هي السبب وهنا يأتي دور الثقافي والمبدع هل يترك الحبل متروكاً على الغارب أم يفعل شيئاً ذلكم هو السؤال الذي يجب أن يجيب عليه المبدع أياً كان مجاله الذي يبدع فيه هل عليه أن يهتم فقط بذاتيته وأيديولوجيته أم يتجه إلى الوطنية والوطنية فقط وليست وطنيةً مشروطةً كي نحافظ على ما تبقى لنا؛ ومن ثمّ نستعيد مجدنا سلمت وسلم قلمك وصوتك
أيتها المراة المسكونة بالابداع والمتطرفة حتى في وجع الروح انتي مش الزولة الخليتي الناس يشهقوا في ارضيك الله دا ماياهو تعبير صادق عن وجع الروح وإنتي عارفة أجمل مايميز السودان تنوعه العرقي والثقافي السودان مثل قوس قزح لكن قوس قزح بيتكون من سبعة الوان ونحن السودانيين منحناه لون ثامن وهو لون الأخوة والمحبة والقلوب الكبيرة والجميلة والواسعة والفسيحة قبل فترة وجدت أناسا يبكون بالمستشفى يبكون بحرارة وحينما سألت قالوا لي أن والدهم قد بترت رجله بسبب السكري اللعين تذكرت أن أجزاء من الوطن سوف تبتر بعد ايام وسيحتاج الوطن الى أطراف صناعية حتى يستطيع ان يقف ويمشي ولايترنح الجنوبييين شعب عريق بكل معنى الكلمة تعلمنا منهم الكثير شاركونا أفراحنا واتراحنا لم يبخلوا علينا بابتسامتهم البيضاء الناصعة وذهبوا عنا في غفلة من حقهم ان يكون لهم وطن ولكن من حقنا أن نكون أخوة شوفي النيل يا نانسي لم ينفصل !!! شوفي الغمام يذهب من الشمال الى الجنوب في رحلة اشبه برحلات الملائكة وشوفي الطيور تسافر بلا جوازات سفر كائنات لاتعرف الحقد 00 ليتنا كنا مثلها !! نحن محتاشين يانانسي نغسل قلوبنا بالحليب كل يوم محتاجين نفتح غرف القلب الأربعة عشان تكون ميادين وساحات ونفاجات نستقبل فيها بعضنا نتسكع في شوارع أوردتها ونتكيء على زوايا شرايينها نحن محتاجين نقيف مع أخوانا الجنوبيين العشنا معاهم مئات السنين نقتسم معاهم اللقمة نمنحهم جزء من فصيلة دمنا نحميهم من البرد والمطر ونزرع في أطفالهم الف ابتسامة وابتسامة محتاجين نمسح دموعهم ونحول تجاعيد الحزن في جباههم الى أطنان من الفرح عشان يقيفوا على اقدامهم ويحافظوا على وطنهم لأنه جزء من وطنا الكبير عشان كده انتي وكل المبدعين في بلادي مهمتكم كبيرة لازم تجمعوا كل { ركام ومخلفات } الخلافات والعنصرية البغيضة وبهذا الركام تصنعوا جسور جسور بلا سيخ وبلا اسمنت وبلا خرسانة مسلحة وبلا قواعد وبلا نظريات هندسية معقدة انها جسور التواصل الإنساني الراقي لازم نؤسس لجسر كبير جداً عبر الثقافات والفنون يربط بين قلوبنا مثل ما يربط بيننا النيل العظيم !!! عايز اقول حاجة وانا زول بسيط وغير متخصص السياسة بتقطع وتر الحنين البيربط بين الشعوب لكن الفنون بتشد الوتر وبتجعل نغمتو رائعة وعذبة وكلنا بعد كده ممكن نعزف على هذا الوتر بدون معرفة وبدون نوتة موسيقية فالنوتة هي طمي الحنين المعجون في قلوبنا !!!!!
07-12-2011, 11:14 AM
عكود عبد القادر عكود
عكود عبد القادر عكود
تاريخ التسجيل: 08-11-2009
مجموع المشاركات: 440
بلداً هيلي نا كلمات والحان طارق الأمين بلداً هيلي نا.. دموعها.. دموعي نا.. أساها...أساي أنا.. ضميرها..ضميري نا.. كل آمالي نا.. السلام يملاها..يطلع من هنا.. و الحَمَام يتشابى! تقدل طفلة حلوة و بين إيديها كتابا.. و الحبوبة تمسح بالحنين أثوابا.. و القمرية تصدح..تستريح دبابة.. و القطر القبيل يمشي و يشق الغابة.. البالمبو يفتح للقلوب أبوابا.. و النُقارة زي أم كيكي و الربٌابة. البلد الحنين ..سميتو يُمٌة و يابا... بين العالمين ..عزة و جمال و مهابة.. الحزن القديم ...تمطر تزيلو سحابة.. لا أطفال حزانى...لا نازحين و غلابة. في العصرية ..شٌفع جارية لألعابا.. و الشاي في المغارب ذكرياتو صبابة.. أشجار التبلدي العامرة بالترحابا... ناس من كل لون ..إتعمٌرت أنسابا و النيل في الهجير...دوٌزن وتر أعصابا.. سمحة الدنيا..بيك..و بين إيدينا حبابا.. يانا أهل بلدنا و قُدرَتم غلاٌبة
المسافة بين الحلم والواقع هى التى تورث وجع الروح يا نانسي جنى
07-13-2011, 05:31 AM
محمد سنى دفع الله
محمد سنى دفع الله
تاريخ التسجيل: 12-10-2005
مجموع المشاركات: 11023
مرحبا بكم وبالأستاذة نانسي التي لم انتبه لوجودها بيننا الا بعد "رب تهكيرة نافعة" وأحب أن اطمنها باننا انتقلنا من مرحلة "وجع الروح" الذي هو الأسم الحنكوشي (أو أن شئتم الخرتومي) ل"حراق الروح" انتقلنا لمرحلة سل الروح . نأمل ان "تتسل" بهدوء وينعموا هم بان " يتسلوا" بخروجها من لقاليقنا. ودمتي يا فنانة يارائعة ودمنا مستمعيك حتى خروج الروح
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة