|
سلوى المطيري تعلن عن خلطة لـ"ويسكي إسلامي"
|
متابعة - الرياض الإلكتروني : واصلت المرشحة السابقة لانتخابات مجلس الأمة الكويتي الناشطة سلوى المطيري مفاجآتها وأعلنت عن توصلها عن خلطة لـ"ويسكي إسلامي". وقالت في حوار لصحيفة "السياسة" الكويتية أنها توصلت إلى خلطة سحرية من الأعشاب تجلب البهجة والمتعة والسعادة لمن يحتسيها واصفة اكتشافها بأنه "خمر إسلامي "!، وأكدت أن خلطتها في مختبر وزارة البلدية، وتنتظر النتيجة والموافقة لتبدأ العمل وطرحه بالأسواق. وأشارت إلى أن "الويسكي" الجديد يتكون من أعشاب طبيعية (نعناع ودارسين ومرمية ويانسون) وأعشاب أخرى، مهدئة للأعصاب ولذيذة الطعم، تشرب منه كأسا فتشعر بالسعادة والهدوء،" لذا أسميته خمر الوناسة". وقالت أنها تعد سيجارة مختلفة وصفتها بسيجارة السعادة وهى تتألف من خلطة أعشاب طبيعية، ولها رائحة عطرة كالبخور، تدخن سيجارة فتشعر بالمرح والتفاؤل، وتتعطر رائحة فمك، على عكس ما تفعله السيجارة العادية. وكانت المطيرى قد طرحت ما وصفته بمفكرة اجتماعية طالبت بسن قانون لجلب "الجواري " وشراء أزواج (حلوين) من دول إسلامية، وبمواصفات خاصة وهم بمثابة العبيد" للقضاء على العنوسة في الكويت ولخفض ظاهرة تزايد نسبة الطلاق، كما اقترحت سابقاً فتح مكاتب للجواري في الكويت ..
.
http://www.alriyadh.com/net/article/647962
ــــــــــــــ
|
|
|
|
|
|
|
|
Re: سلوى المطيري تعلن عن خلطة لـ"ويسكي إسلامي" (Re: عبد اللطيف السيدح)
|
Quote: فايز هل تعرف الخلط ؟ وهل مارسته؟ علي الطريقة الاسلامية طبعاً ؟ قبل الشيخوخة والعيال كبرت |
يادوب خلطت في حفلة بس مابعرف على ياتو طريقة لكن غالباً حسب الايقاع ..
Quote: اذا توافقت منتجات المطيري مع المنهج فسنكون اول المستقبلين لها. |
بل اول المسافرين لحل مشكلة العنوسة هناك ..
| |
|
|
|
|
|
|
Re: سلوى المطيري تعلن عن خلطة لـ"ويسكي إسلامي" (Re: فايزودالقاضي)
|
فايز ود القاضي
تحية وتقدير ,,,
Quote: واشترطت المطيري أن يكون الزوج "مهذباً ولبقاً ومتواضعاً وجميل الشكل وينفذ طلبات زوجته ويطيع أوامرها ويدللها، وبذلك تقضي معه أحلى أيام حياتها بعيداً عن الصدامات والشجار والمنازعات"، على حد تعبيرها.
واعتبرت أن هدفها من هذا الاقتراح "تحسين النسل في الكويت من خلال استقدام أزواج من ذوي البشرة البيضاء، فمثلما أفكّر في تلطيف الجو بالمنطاد والسحابة الصناعية وزراعة مليون شجرة أفكر أيضاً في تحسين النسل المقبل".
وأضافت في حديثها لصحيفة "السياسة": "مادامت الكويتية قادرة على شراء زوج جميل ومهذب وحبوب فلماذا لا تشتري زوجاً وتقضي على شبح العنوسة"، مبدية استعدادها للقيام بهذه المهمة إذا حصلت على الترخيص القانوني، وأنها ستزور البلدان الأوروبية والآسيوية التي تعيش فيها جاليات إسلامية كبيرة لاستقدام أزواج بمواصفات ترضي طالبات الزواج. |
الصورة والكلام أعلاه كنت بقراء فيهو الصباح من إيميل وصلني .......... ده ما كلام ويسكي إسلامي إطلاقا
-------------------------------------------------------------------------------- تحياتي
| |
|
|
|
|
|
|
Re: سلوى المطيري تعلن عن خلطة لـ"ويسكي إسلامي" (Re: طارق ميرغني)
|
Quote: Quote: واعتبرت أن هدفها من هذا الاقتراح "تحسين النسل في الكويت من خلال استقدام أزواج من ذوي البشرة البيضاء، |
يعني يا ود القاضي عشم ابليس في الجنه |
انت يااستاذ طارق ببشرتك البيضاء دي فرصتك اكبر من ود الصايم والسيدح بمليون مرحلة ..وياكا في آسيا بس خليك قريب من الحدود الكويتيتة ..
| |
|
|
|
|
|
|
Re: سلوى المطيري تعلن عن خلطة لـ"ويسكي إسلامي" (Re: عبد الناصر الخطيب)
|
حبيبنا عبدالناصر ...سلامات ..
Quote: إذا حصلت على الترخيص القانوني، وأنها ستزور البلدان الأوروبية والآسيوية التي تعيش فيها جاليات إسلامية كبيرة لاستقدام أزواج بمواصفات ترضي طالبات الزواج. |
اخخخخخ خذلني الشعر الناعم ...لكن العانسات ديل لو كبرن زولتك دي بتخش افريقيا ..
| |
|
|
|
|
|
|
Re: سلوى المطيري تعلن عن خلطة لـ"ويسكي إسلامي" (Re: حبيب نورة)
|
ادروب يا صديق .... .... ....الشغلانيه ماشه زانقه شديدددد ...بعد شويه حتسمع بـــــ الكنيسه الاسلاميه..... ...و تحت تحت ...زولتك دي ذاتا ..حتشوف ليها....حاخام ...و تقول يهودي اسلامي ...و الاٌ قسيس ...وتقول مسيحي اسلامي ... ... ... ...لكن ما تعشٌم نفسك ساكت ...مااااااا حتجي داخله افريقيا؟؟؟؟!!!!
...
| |
|
|
|
|
|
|
Re: سلوى المطيري تعلن عن خلطة لـ"ويسكي إسلامي" (Re: الفاتح خليل الفكي)
|
..... ......Quote: ياشيوعي مالك مقفلها علينا ياخي ؟!!! اذا مادخلت افريقيا نحن ندخل الكويت واروبا .. |
... ... ود القاضي يا عزيز .... ... .....يا خي ما انت البقفلوها عليك .......يقفٌل الملح ياخي ... ...ياخ انت من القلائل مع اخرين البقرا ليهم في البود ...ده باحتفاء شديد ....للاستقامه و الصرامه المرحه و المبدئيه في مداخلاتك ... ... ...بس انت ما فهمتني ..... ...انا قاصد انو الناس ديل بخافوا من الدخول في احراش افريقيا دي ... ....الغريبه في المداخله الاصليه كنت كاتب كلمة .....بخافوا دي تحححححححت ...و سحبتها ...قلت عشان ما تجيب لينا الهواء ... ...لكن هسع اجبرتني ... اوضح .... ...يلا ...سجن ...سجن ....انقاذ ...انقاذ ...و اليحصل ...يحصل .... ... ... ...تعرف عندي واحد صاحبي ...من اولاد عطبره... والغريبه ... برضو شيوعي ...لكن ابوهو ...اسلامي ...من ناس الويسكي الاسلامي ديل.... ...(ما حأجيب اسامي ....لانو حيجيني طاير فييي استراليا دي بفرارو ...لانو هو متابع المنبر ... ....و القصه دي حقيقيه بالمناسبه ما نكته ...يعني حصلت في الواقع ... ...و كتير من اولاد عطبره في المنبر بعرفو صاحبنا ده ...)بس انا مالي انا ما بجيبش اسماء و البجيب اسماء يتحمل المسؤوليه؟؟؟؟!!!).... ... .....مع ملاحظة انو هو ذاااااتو الحكا الواقعه دي ....بس بين الاصدقاء .... ...يعني زينتا في بييتنا ... ... ... ... .....ما علينا ... ... ...المهم صاحبنا ده ...بينكٌت علي ابوهو ...و بينكد عليهو ...دايما في المناقره السياسيه... ...وطبعا لازم يتصالح مع الوضع ده لانو ابوه في البدايه و النهايه ....... .... . . .... المشكله انو ابوه .... . . . ....زززززي البتحكي عنٌهم اختنا ....تراجـــــــي... في البورد ده .....ناس مثني و ثلاث و رباع و هلمجرا ...ومن شافعات قدر بناتم .؟؟؟؟!!!!!!!!... ....و دي حقيقه بالمناسبه!!!!! ..... ... . . ..... بمعني اخر ...الابو........عينو طايره ......متزوج اتنين ....و جا يوم في البيت ....و قال لصاحبنا ده انو قرر يتزوج بت عمك ((..........)) .... صاحبنا اخد ليهو صنننننننه كده و بذكاء قال ما يخت العقده في المنشار ....احسن يخلي الاخرين يختوها لانو كان يعتقد ... ....انو هو واثق ...اهل البت ما حيدو....بالاضافه للدور الحليلعبو....من ورا ابوهو... و مع اهلو... عشان الحكايه ما تمشي لقدام ... ...و هوعارف لو ناقر ابوهو..... ابوه حيشبكو ليك ...الشرع قال اربعه ... و فلان قال ...و الائمه قالوا ...و....و......و بطيخ . ...........فقال احسن ياخدا من قصيرا.... .... ...رد صاحبنا علي ابوهو...... قال ليهو .........خير...... . . . . ....يتفاجأ الاخ ..صاحبنا ....بانو ابوهو منجٌض الشغله .....خالص ..... وكانما كان متوقع رد ولدو ..شنو ... ...وجاهز للرد .. .. ... ... ...فردٌ .. ....خلاص .... امشي جيب ليك لوحين تلج ...من السوق ....(شفت التلج بكسرو كيف في عطبره ...تقول لي قيقراوي) ..... و اغشي عمك ((.........))...في الدكان ...صندوقين بيبسي و حاجات تانيه عندو جيبا .... .....انا ماشي مشوار و جايي ... عشان اشوف خبر امك شنو كمان (لسه ما كان عرفت!!!؟؟؟؟). ......لانو الناس ديل انا عازمم عشا ...و هسع هم في الطريق ....(اهل البت من ضواحي عطبره).... . . . ....تعرف يا سيدي ليك لمن ...صاحبنا عرف الحكايه نجيييييضه ...و ما زي نجاضت ود الصايم .... .... ...الشكله دوٌرت ....والعيطه قامت لــــ رب السما ... ..... ..... التفاصيل التانيه كتيره ..... و ما ليها علاقه بموضوع البوست .... ...لكن اظرف ما في الموضوع ....و اثناء الشكله ..... . . . ....يقوم صاحبنا لمن عرف ما في فايده من المناقره بموضوع الدين خسوسا لمن تجيره لمصلحتك الذاتيه ..... . . ...يشبك ليك ابوهو ..... .... ...يا بوي ....انت عليك الله ما بتخجل ؟؟؟؟؟...عايز تعرٌس ليك واحده عمرا... اصغر من ((.......))...= شقيقته الصغري 19سنه= .. .. ....عارف ابوهو قال ليهو شنو ؟؟؟؟؟ .... .... .... ....قال ليهو...... . . . ..... يا ولدي شنو السغيره ..... العفريته ....بتشيل اللوري ...ياولدي؟؟؟؟؟!!! . . . ....رد عليهو صاحبنا .... . . .
....يابوي لوري شنو ......انت ...بقيت خرده خلاص ..... و هسع حنمشي نكلم هاشم محمد احمد ....و اللا عمر عبد الرازق.... .....عشان يجو يشيلوك يرموك في الخط الميت ..... . . . . . . . ...... ......اها هسع عليك الله مع اللواري والكوامر دي ......البيجيب صاحبتك دي .... لافريقيا شنو؟؟؟؟؟ ... ... ... ... . . . . . . . ...جبتا لينا الهو يا ود القاضي .....منك لله . . . . . . . .حاشيه ...هاشم محمد احمد : كان مدير السكه حديد في تلك الفتره ..و اقيل ...عمر عبد الرازق :كان مدير الصيانه ...الخط الميت : خطوط يتم رمي الخرده من الحديد و العربات و القوه الساحبه المنتهية الصلاحيه .... ...توازي السور الفاصل بين ورش السكه حديد و سوق عطبره .... ...
| |
|
|
|
|
|
|
Re: سلوى المطيري تعلن عن خلطة لـ"ويسكي إسلامي" (Re: قيقراوي)
|
المطموس الجديد ، فايز ود القاضى ، انت عليك الله البخليك تتابع نشاط بنت المطيرى دى شنو ، اسع لو سمعت انو فى سودانى ( من دولة الشمال) تقوم تتمسخر علينا، عليك الله خلى الزولة دى فى حالة ، حلوة خليك قريب حدود الكويت يعنى انا ابقى قريب من حدود تنزانيا ، يا لك من ماكر .
| |
|
|
|
|
|
|
|