|
|
 سعادة السفير عصام محي الدين يلتقي لجنة البرنامج الانتخابي للجالية بجدة
|
التقي اليوم الاحد بالقنصلية السودانية بجدة سعادة السفير عصام محي الدين خليل بالوقد المكون من عدد من اعضاء لجنة البرنامج الانتخابي في المسار التشاوري لتكوين الجالية الجديدة بمنطقة مكة المكرمة وقد تكون الوفد من الاخوة
الاستاذ / حاتم سر الختم حمد النيل نائب رئيس مجلس تنسيق الجاليات و المصعد من الرياضيين
الاستاذ / فيصل محمد احمد عضو الجالية السابقة و المصعد من الحرفيين
الاستاذ / عبدالرحيم محمد احمد شنان عضو الجالية السابقة و المصعد من جمعية رعاية الشباب و الطلاب
الاستاذ / يوسف الكباشي و المصعد من رابطة ولاية الخرطوم
الاستاذ / احمد يوسف لدالي امين الاعلام بالجالية السابقة و المصعد من ولاية النيل الابيض
الاستاذ / الامين الزبير و المصعد من جمعية رعاية الشباب و الطلاب
الاستاذ / محمد خير ابو زيد احتياطي رياضيين الاستاذ / شنان عبدو الولاية الشمالية ضيف
وشخصي الضعيف و المصعد من منتدي السودان الثقافي
|
|
 
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: تاج السر محمد حامد)
|
يا شادول انت ناس السفارة و سعادة القنصل فلان و تعاسة السفير فرتكان
ما بتوب منهم. الناس ديل مش دخلوك السجن عديل كده؟
كايس عندهم شنو يا زول؟
بعدين الجديد شنو؟
الناس اللي في لستتك ديل ياهن ذاتن بتاعين كل مرة و كلهم ناس مؤتمر
وطني و حكومة و كلام فارغ و جاليتكم الوهمية دي ما في أي زول شغال
بيها اساسا الا محبي التطبيل و التلميع و الظهور و الانتهازيين و المتسلقين
و حارقي البخور و شعراء السلطان و بطانة السؤ و ماسحي الجوخ و الآكلين
على كل الموائد و هلمجرا.
| |
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: سيف النصر محي الدين)
|
Quote: يا شادول انت ناس السفارة و سعادة القنصل فلان و تعاسة السفير فرتكان
ما بتوب منهم. الناس ديل مش دخلوك السجن عديل كده؟
كايس عندهم شنو يا زول؟
بعدين الجديد شنو؟
الناس اللي في لستتك ديل ياهن ذاتن بتاعين كل مرة و كلهم ناس مؤتمر
وطني و حكومة و كلام فارغ و جاليتكم الوهمية دي ما في أي زول شغال
بيها اساسا الا محبي التطبيل و التلميع و الظهور و الانتهازيين و المتسلقين
و حارقي البخور و شعراء السلطان و بطانة السؤ و ماسحي الجوخ و الآكلين
على كل الموائد و هلمجرا. |
فعلا والله ..وما خفي اعظم واكبر ...!!!! والغريب هم عارفين كدة والناس عارفة كدة ..وهم عارفين انو الناس عارفين ...ولكن ...!!! نقول شنو ولي منو ...!!!
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: علاء الدين صلاح محمد)
|
الاستاذ عبد القادر شادول
شخصيا ارحب باى خطوة فى اتجاه تحريك مياه الجالية الراكدة النتنة
اشير فقط الى { الدغمسة} المتعمدة فى عنوان البوست
يفهم من العنوان ان هنالك لجنة قومية{ قومية مازى قومية ناس الجالية ـ انت عارف وانا عارف }
لكن البوست يحكى لقاء طيف من اطياف مجتمع جدة بالقنصل
اعترف ان هذا الطيف الاقرب للقومية بالمقارنة مع طيف ود عمارة
وهذا لا يكفى
شادول انت ما ملاحظ ان الحضور بلون وطعم ورائحة واحدة
لاحظ انا قلت فقط لون وطعم ورائحة واحدة فقط يعنى ماقلت رايى فى اللون والطعم والرائحة
تكوين الجالية يحتاج الى تكاتف وتعاضد كل الوجود السودانى بجدة حتى لانقع فى نفس الاخطاء السابقة
شادول انت القنصلية دى مادخلتك السجن ياخى راعى حرمانى وعامل السن
واخيرا اسال وبصوت عالى اين هى احزابنا ومنظمات المجتمع المدنى السودانى الغير متوالية من سيناريو الجالية القادمة
هل هى غائبة ام مغيبة
اذا كانت مغيبة لماذا ترضى لنفسها بتغييبها
وماذا فعلت ـ وستفعل ضد التغييب .
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: ادم شحوتاي)
|
الأخوة الأعزاء بمنطقة مكة المكرمة
من الرياض
تحياتي
بادئ ذي بدء
هل سعادة السفير عصام
دبلوماسي محترف ام دبلوماسي انابيب
بمعني هل دخل الدبلوماسية بالباب او الشباك
بمعني هل تعين بعد 1989 في الخارجية (سكرتير ثاني)في اول السلك الدبلوماسي
او عين من منازلهم طوالي
وفي الحالتين هو دبلوماسي انابيب عين لانه جبهجي او خادم للمؤتمر الوطني
وماهي علاقة السفير بلجنة البرنامج الانتخابي للجالية
بمعني ان الانتخابات لا تتم الا بمباركته
ياجماعة ديل موظفين لنظام شمولي لاينظروا الا بعين الشمولية
احزموا امركم وشكلوا جاليتكم بعيدا عن جرزان المؤتمر الوطني
لكي تكون جالية حرة ومستقلة تعبر حقيقة عن قواعد المغتربين بالمنطقة الفربية
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: عبدالقادر علي عبدالرحيم)
|
الاخوة الاجلاء لكم التحية جميعا وحمدا لله علي عودة المنبر الحر
اولا شكرا استاذ ايوب خليل علي الصبر الجميل وجملك الله بالصبر اكثر و اكثر وليتنا نصل الي ربع صبرك واصبحت اسم علي مسمي
ثانيا لو تحلينا بالصبر لعرفنا ان كل كلامكم معمول حسابه ولو تحلينا بالصبر وعرفنا ما يريده فاتح البوست لوصلنا الي علم تام ومعرفة تامة بامر الجالية ولتواصلنا مع قيادتها بكل سلاسة اما عندما نهاجم كل من فتح بوست بهذه الطريقة فسيحجم كل مسؤل عن الخوض في هذا الامر وبذلك نفقد المعلومة بالكامل
نعم الكيانات هي التي تكون الجالية وهي التي تحدد كل من فيها وما فيها وبعدكم عن الكيانات هو سبب حرمانكم من المشاركة
انا ككل السجناء في بلادي لن اترك الوطن لان فرد سجنني بالحق او ظلما ولن اترك العمل العام من اول نكسة
سعادة فلتكان و تعاسة فرتكان دي لغة الادب التي تعلمناها وان اخطأ رفعنا له الكرت الاحمر من دواخلنا
نعم سالتقي السفير و القنصل و في عقر داره لاني امثل 170 فرد هم قوام منتدي السودان الثقافي الذين شرفوني برئاسة مجلسهم حتي لو تعرضت للسجن مرة اخري او حتي الف مرة
تحدثنا قليلا عن الجالية القادمة وجل حديثنا عن الجالية السابقة والتشرزم الحاصل الان والفوقية التي تتم في كل شيء حتي في الخطاب المنبري من بعض المسؤلين ساعود لكم بكل ما دار
نعم سنحزم امرنا ونكون الجالية ان دعي الحال
وحتي لا تفقدوا المعلومة تحلوا بالصبر رجاء
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: عبد القادر شادول)
|
لا اريد ان ادخل في تجليل المجموعات او تحديدها بخصوص الجالية ولكنها فقط للعلم اكثر من ثرث مجموعات والمتداخلون في هذا البوست فقط ينقسموا الي مجموعتين او ثلاث . كل ما اردته هو ان انقل لكم ما دار في هذا الاجتماع فقط
ونرجع للموضوع
بعد السلام و التجايا المتبادلة بين الضيوف وصاحب الدار و الجلوس علي الكراسي الوثيرة وجلب الماء البارد والشاي المدنكل
اوقفني وحيرني سؤال من صاحب الدار للضيوف عن سبب الاجتماع او دوافع الاجتماع لا اذكر لاني حقيقة زهلت
باي اسم طلبت المجموعة الاجتماع ولاي سبب طلبت الاجتماع ؟ بل وكيف وافق سعادته علي الاجتماع دون ان يعرف السبب او الجهة المجتمعة ؟
ما اعرفه ان المجموعة دستورية مية المية لانها نتاج اجتماع فندق صحاري وتم اختيارها من عدد مقدر من المصعدين لكن ان تطلب اجتماع بجهة رسمية دون ان تحدد اجندتها واسباب اجتماعها فهذا حيرني حقيقة وكانت في نظري البداية غير مبشرة ..... وجايي
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: عبد القادر شادول)
|
بدأ الحديث باسم الاخوة الاعضاء في الجالية المنتهية الصلاحية
فطالبوا بايقاف الصرف فورا من مال الجالية و اعلنوا تنصلهم من اي مسؤلية عن اي صرف في
الفترة السابقة بل وطالبوا بالمحسبة في كل ما صرف وكيف تمت الموافقة عليه
كما طالبوا بتكوين لجنة تسيير لامور الجالية و الصرف في الحالات الطارئة وحدد عدد من الافراد لرئاستها
طالبوا ايضا بتحديد موعد انعقاد المجلس السابق و تقديم خطاب الدورة
كما تحدثوا عن تحيز سعادة السفير السابق الي مجموعة معينة مما دفع بمغتربي منطقة مكة المكرمة الي
التشرزم و التكتل و التشتت
ثم تحدث الاخوة المصعدون الجدد
فطالبوا بتحديد موعد لانعقاد جمعيتهم العمومية
وطالبوا بالمساعدة في اعتماد البرنامج الذي وضعوه ... وجايي تاني
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: عبد القادر شادول)
|
قال سعادة السفير بكل صدق نحن في سعي دؤوب لايقاف الصرف علي يد الجالية السابقة . نعم سوف تواجهنا عقبة الحالات الطارئة التي يجب ان نجد لها حلا نتفق عليه جميعا دون ان نعرض اسم شخص للقيل و القال فالمعروف ان المال هو سبب كل (البلاوي ) وقد لا نجدشخص يتحمل هذه المسئولية الثقيلة ولكننا حتما سنصل بالجهد الي ما نريد بالنسبة لتكوين الجالية الجديدة مشغوليات الحج والاستقبالات والتحضير لها ورمضان علي الابواب ( كل عام والامة الاسلامية بالف خير ) والضيوف علي القنصلية في هذه الفترة ومشغوليات التسليم و التسلم و التعرف علي الناس و اشياء كثيرة جدا تجعلنا نؤجل قيام الجالية الي بعد شهر 12 من هذا العام واذا تمكنا من قيامها قبل هذا التاريخ فلا بأس
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: عبد القادر شادول)
|
Quote: باي اسم طلبت المجموعة الاجتماع ولاي سبب طلبت الاجتماع ؟ بل وكيف وافق سعادته علي الاجتماع دون ان يعرف السبب او الجهة المجتمعة ؟
ما اعرفه ان المجموعة دستورية مية المية لانها نتاج اجتماع فندق صحاري وتم اختيارها من عدد مقدر من المصعدين لكن ان تطلب اجتماع بجهة رسمية دون ان تحدد اجندتها واسباب اجتماعها فهذا حيرني حقيقة وكانت في نظري البداية غير مبشرة ..... وجايي |
دا كلام يا شوشو ؟؟؟
واصل و اكثر من الصور .. فيبدو انها الكانت مقصودة من الاجتماع !!
ياخى فى ناس بتحب الصور و التصريحات التلفزيونية بشكل يحًير .. مرض !!
و هذا يقودنا الى ذكر التالى :
لكم احبتى ان تتخيلوا بأن شخص يدخل لقاعة مؤتمر صحفى خاص لمباراة فى كرة القدم و محدد للاجهزة الفنية للفريقين .. يفرض نفسه على على المؤتمر الصحفى للتحدث عن نفسه و انجازاته الوهمية ؟؟
و ربكم .. ماذا تقولون فى شخص يأتى بمثل هاكذا تصرف ؟؟
و ماذا تقولون فى شخص يصر على الجلوس فى مقصورة كبار الزوار علما بأنه اخطر بأن اللجنة العليا المنظمة حددت خمسة مقاعد فقط لاشخاص بعينهم .. اسمه ليس من ضمنهم ؟؟
نحى و نشوف فى عالم الاغتراب !!
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: محمد على حسن)
|
Quote: حبيبنا محمد على حسن ..بعد السلام ...كيف اقرب للقوميه وهي بطعم ولون ورائحة واحدة ؟!!!
تحياتي ،، |
الشفيف الراقي ود القاضي لك عاطر التحايا وانت تشخص الجالية للوصول لاصل الداء لاتبتقي منصب ولا وجاهة
ولا مال ولا وظيفة(زي ما انت عارف حكومة قرشوم عندها موظفين وبرواتب مجزية وفي مكاتب فخمة )
لا اشك في نبل هدفك وطهارة اسلوبك ولعل هذا الذي يميزك عن غيرك
واصل في بوستك الراقي الهادف وادعو مجموعة ود عمارة للمساهمة في البوست للخروج من نفق جالية قرشوم
نعود لسؤالك يا الحبيب وببساطة شديدة جدا واختصار غير مخل اقول
اقرب للقومية بالرجوع الى جمعة صحاري
وبطعم واحد اذا شخصنا المجموعة التي قابلت القنصل العام
كم كنت اتمنى ان يكون الوفد ممثلا لجمعة صحاري
حتى تكون اللجنة اقرب للقومية بل قومية وبطعم ولون السودان
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: محمد على حسن)
|
استاذنا يوسف الريس سلام انا ما بحب الصور او الاحاديث الصحفية
وان كنت تقصد الاستاذ حاتم سر الختم ليس دفاعا عن الرجل فانا لم اشهد الموقف
ولكن بصدق هو احق الخمسة ان كانت خمس مقاعد فقط او حتي ثلاث مقاعد والاسباب
1 ـ هو الشخص الممثل للرياضيين في الجالية منتهية الصلاحية والمنتخبة بكل الرضي حتي تكوين الجالية الجديدة
2 ـ هو نائب مجلس تنسيق الجاليات
3 ـ هو صاحب اكبر حشد جماهيري
4 ـ هو عضو اللجنة العليا لاستقبال المنتخب والذي جهز لاستقبال المنتخب بصورة مشرفة جدا
5 ـ هو صاحب اكبر دعم مادي لمؤازرة المنتخب
6 ـ هو المتابع الاكثر حضورا في كل الاجتماعات التي قامت لنصرة المنتخب
هذا رأي يا استاذ يوسف وكما يقول اخونا الشايقي يطراه الله بالخير ( الاعوج راي و العديل راي
الاستاذ محمد علي حسن لك عاطر التحايا
لم ارد علي استاذنا ود القاضي حتي ترد عليه لان وجهت سؤاله ناحيتك فقط
والان ارد عليك وعليه الاخوة في جمعة صحاري انتخبوا لجنة باقتراح من الاستاذ جماع مردس و تثنية من احد الاخوة وفاز الاقتراح
وتم اضافة اشخاص لم يتمكن بعضهم من الحضور في هذا اليوم . اذا فاللجنة قومية بانتخابها من مجموعة المجتمعيين
رأيك في استاذنا ود القاضي هو نفس راينا فيه و لا نزكيه علي الله ولكن بصدقف نتمني ان يسير في هذا المنهاج
لنصل الي دستور واعي يرعي مصالح الجميع مستقبلا و الله من وراء القصد
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: يوسف محمد يوسف)
|
هي ما محتاجة استنتاج يا ريس عشان افتشلوا في الدوخل هي واضحة وضوح الشمس ومن غير زعل اتصلت علي حاتم وقلتلوا بالحرف الواحد انت بتتشبر مالك في المؤتمر الصحفي ردعلي وقال ـ عندما بدأ المؤتمر الصحفي كنت في موقف السيارات فطلبوا مني الاسراع بالحضور للمشاركة في المؤتمر وهذا كل ما فيالامر
كنت اتمني من اللجنة الرياضية ان تحضر فرقها ال11 بصورة مرتبة كما حضر فريق الا ستاذ اميركباشي وتخيل 18 لاعب في 11 فريق بلس الملعب في حوض واحد برغم ان الجمهور كان اللاعب رقم واحد وحتجيك الصور مش عشان اشترولنا كاميرا عشان منحق اي واحد لم يتمكن من الحضور يشاهدوراجع تاني كان الله مد في العمر
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: عبد القادر شادول)
|
يا محمد علي سلام
اولا بالدليل عقد اجتماع داخل القنصلية لكل مجموعته
وتبرعت المجموعة ببصين من رابغ و بصين من مكة ومدرسة الحصاحيصا بلبسها ومبلغ تم جمعه في داخل الاجتماع والاستقبال الذي حشد له تصوير ونقل تلفزيوني و الجماعة قاعدين يحرشو في الجماعة التانين و المحرش ما بكاتل ودا عمل وطني ما فيه خلي فلان يزح عشان انا اشتغل والا شنو ؟ مش يا ابوحميد ؟ برضو في ناس شايفين انو الناس البتقعد مع الفريق في المعسكر 24 ساعة دا اكبر غلط ويغلقو راحة الفريق علي الفاضي
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: عبد القادر شادول)
|
| Quote: اتصلت علي حاتم وقلتلوا بالحرف الواحد انت بتتشبر مالك في المؤتمر الصحفي ردعلي وقال ـ عندما بدأ المؤتمر الصحفي كنت في موقف السيارات فطلبوا مني الاسراع بالحضور للمشاركة في المؤتمر وهذا كل ما فيالامر |
اخى شادول
مْن هو الشخص الذى اتصل عليه .. هل هو :
رئيس الاتحاد العربى
رئيس اللجنة المنظمة للمنافسة
مراقب المباراة
رئيس البعثة السودانية
الجهاز الفنى للفريق السودانى
ام بناءا على رغبة الجماهير ؟؟؟؟
وهل يعلم السيد / المتحدث .. ما هو الغرض من المؤتمر الصحفى الذى يعقد بعد كل مباراة و مْن هم المصرح لهم بالتحدث فيه ؟؟
اخى شادول
انا هنا لا اسعى الى الاساء او التجريج لشخص او اشخاص بعينهم .. بل ادين و اشجب التصرفات السالبة التى تظهر جهلنا بقوانين المنافسات الدولية و تلقى بظلال قاتمة على وعينا الرياضى امام مستضيفينا و منافسينا .. لقد كانت و ما زالت البعثة السودانية للناشئين .. ادارة و جهاز فنى و لاعبين مثالا يحتذى لكل الرياضيين فى الانضباط و السلوك الرياضى القويم .. و كان على البعض ان يحذوا حذوهم !
| |
|
|
|
|
|
|
|
|
|
Re: سعادة السفير عصام محي الدين يلتقي لجنة البرنامج الانتخابي للجالية (Re: يوسف محمد يوسف)
|
استاذ يوسف الرياضة هناك و الجالية هنا وبرضو حارد عليك مع عدم اعتراضك اذا كنت حاضر او لم يعترض القالوا ليك
الاستاذ حاتم سر الختم هو الممثل الشرعي للرياضة مع الاستاذ محمد عوض سليمان حتي قيام الجالية الجديدة هذا دستوريا
انا لا اعلم من طلبه ولكن هناك الف تعليل ليطلبوه لا اريد ان اخوض فيها حتي لا تفتشوا في سويداء فؤادي وتعرفوا الحاجات الدسيها كلها
لوذي ما بتقول الاشياء مرتبة ترتيب دقيق لما استطاع احد ان يخترق هذا الترتيب مين ما كان
التقيت رئيس الوفد بالامس ولم اشغله بطلب مقابله ولكن ساطلبها بمجرد انتهاء الدورة اليوم باذن الله وخد شوية صور حتي ذلك الوقت مع خالص تقديري
من هنا اخذنا الاسم بالكامل
وحديث جامد شوية
شيء واحد او شخص واجد لا اذكر مع هذه الذاكرة الخربة
| |
|
|
|
|
|
|
| |
عبد القادر شادول
حمد إبراهيم محمد
تاج السر محمد حامد
سيف النصر محي الدين
الرفاعي عبدالعاطي حجر
أيوب خليل
عبدالرحيم أبراهيم العبيد
علاء الدين صلاح محمد
محمد على حسن
فايزودالقاضي
ادم شحوتاي
يوسف محمد يوسف
فيس بوك
تويتر
انستقرام
يوتيوب
بنتيريست