|
|
|
 Re: رمضان كريم .. (بوست الحلـو مـر السنـوي) ^_^ (Re: طلحة عبدالله)
|
طلحـه المتفاجـىء
شايفاكـ اتفاجأتا
(أخطف رقلك) تعال أفطر معانا وأرجع ,
احتمال كبير أقسم ليك شويه (ولاشي) في ساخن بارد تشيلو معاكـ
كل سنه وانت طيب ورمضان كريم عليك
وتصوم وتفطر على خير انشالله ,,
-----------
مسطول ماشي في الطريق عفص على ضفدعه, الضفدعه عيونها مرقوا كباااار لي بره , اتلفت المسطول عليها وقال: شايفكـ اتفاجأتي
| |
  
|
|
|
|
|
|
|
 Re: رمضان كريم .. (بوست الحلـو مـر السنـوي) ^_^ (Re: داليا الكباشى)
|
| Quote: ليك وللمسكين أياه تصوموا وتصحوا ان شاء الله |
مفروض يا مسكين إنتو بالذات كان تصومو قبل يومين .. طبعا عارف لييه ؟؟
كل الأخوان بالبوست رمضان كريم وتصومو وتفطرو على الف خير ..
..
ملحوظـة :
الزميلة صاحبة البوست ؟؟
إنت بتعزمي ساكت من طرف ..؟
ياخ انا مأجر معاك في الشقة دي ؟؟
انا لي مية سنـة في السعودية دي عايش (كوكــب) ..
مجهجه ليك رمضان دا في عضمو .. بل بالعكس مدخلو في عضمو هيم سيلف ..
وذلك بان :
موزع ليك الشغلانة بالاسابيع الاسبوع الأول .. قراريص عند ناس فلان الفرتكاني
الاسبوع التاني .. عصيدة وسجوك .. وطعمية كباره جدا عند ناس فلان الفرتكاني
الاسبوع التالت .. لحوم + فول + باسطـة .. ودي لانها بروتينات .. ودي عار بمشي ليها ووين
الاسبوع الرابع والاخير دا .. وبما انو رمضان بيكون دخل في العضم شديد .. دي هنا الجهجهة البتحصل لي رمضان معاي .. والبدخلو ليك في حتات ضيقة .. المهم , امكانية التخيل متروكه لفطنة عزيزو القاري ..
اها شنو عايزه تعزمي لينا ود الصايم طوالي كدا ..
ايوة عبد اللطيف بكي براحه كدا وزول أبو الهدوء زاتووو ..
لكن ود الصايم تتحملي معاهو نتيجة اخطائك دي ..
لانو من الساعة اتنين يتصل عليك تلفون ..
اها .. أذن واللا لسـة ..؟
.. والله البقول لي أذن واللا لسـة دا قاعد يشحتف ليك روحي بشكل من ما أنا صغير ..
| |
|
|
|
|
|
|
|
|
|
Re: رمضان كريم .. (بوست الحلـو مـر السنـوي) ^_^ (Re: tmbis)
|
بعدين يا جماعة بي صراحة ..
البوست دا اهدافو معروفة ..
بي صورة أوضح كدا دا :
دا بوست بتاع دردقـه .. إذ كيف ترسل ليكم حلو مر وهي في الرياض ..؟ عليكم الله ما انتبهتو للنقطة دي ..؟
..
لاحظو معاي يا شباب بعد شوية ح تجيب ليكم موضوع الكراتين ..
إللي هي جمع كرتونـة .. وبعداك .. يتحول جمع التكسير بتاع الكراتين دا لي كرتونة واحده مكسرة ..
وبعد الكرتونة الواحدة المكسرة فجاتن كدا ترميها ليكم طاااخ ..
يا جماعة والله كرتونتي اتسرقت ..
وهنا يأكلكم الفضول ..
كرتونة شنو يا زول استهدي بالله .. ؟ يا زولة ياتو كرتونة في الكراتين .. وإلخ من الاسئلة بتاعتنا كسودانيين قدام ننتمي للسودان القديم ..
المهم قطعا للطريق .. وتضامنا مع الاخوة عشان ما تجيهم الحاجة بي فوق وما يقولو تمبس ما كلمنا ..
الزولة دي والله عندها الكرتونة بتاعت زاد المجاهد والمجاهدة البرسلوها من السودان كل سنة ..
اتلحست في ميناء جدة الاسلامي ..
كمية شمار مهولة + كسبرة + دكوة + رقاق + قنقليز + كركدي + بصل معمول كيف ما عارف + آبري أحمر ..
المهم يا أخوان ويا أخوات .. الزولة دي كان قالت ليكم انا زمان كنت برسل ليكم .. ويا بورداب الخرطو مرسلو لي كرتونة انا اختكم وشنو وشنو ..
أرجو أنو الناس تسردب ..
| |
|
|
|
|
|
|
|
|
 Re: رمضان كريم .. (بوست الحلـو مـر السنـوي) ^_^ (Re: tmbis)
|
التحيه لزميل البورض وهو يفظحنا بين العربان ,
ويوضح اهداف البوست من قوولت تييت ,,
(يعني ما كان ممكن تنتظر شويه ؟ ياخ في ناس أنا منتظراهم يختوا كراعهم بس في البوست دا وبعداك كان ما رسلوا لي كرتونتين أنا اكون بالغتا)
بعدين يا زميل نحن موش في بيناتنا علاقه عاطفيه وكدا ؟
موش الكرتونه دي كنا (حاننسفها) مع بعضينا كأصدغاء ؟
أها أسي أي زول حايشوف نضميك دا حايكبر اللفه من البوست , الذي هو في الأساس شركـ
ورقاق مافي ليك السنه دي , ما ألك الا كورن فليكس العثيم (عشان ما تقول حرمتك من حاجه)
الرجاء من الاخوه والاخوات أنهم يتضامنوا معاي في محنتي (الكرتونيه)
مرفق: بيان بمحتويات (الكرتونه)
| Quote: كمية شمار مهولة + كسبرة + دكوة + رقاق + قنقليز + كركدي + بصل معمول كيف ما عارف + آبري أحمر .. |
وأحب أضيف أنها كانت بترئـــص
| |
|
|
|
|
|
|
|
|
|
Re: رمضان كريم .. (بوست الحلـو مـر السنـوي) ^_^ (Re: محمود بكر)
|
يا داليا
ممكن يشتمل الفطور علي طبق فسيخ واخر كبدة ابل ؟؟؟؟
مجرد سؤال ؟؟؟
Quote: .. قراريص عند ناس فلان الفرتكاني
الاسبوع التاني .. عصيدة وسجوك .. وطعمية كباره جدا عند ناس فلان الفرتكاني
الاسبوع التالت .. لحوم + فول + باسطـة .. ودي لانها بروتينات |
جهجهت صيامنا يا تمبس ..............خاصة قصة طعميه كباره وكمان جدا دي
رمضان كريم
| |
|
|
|
|
|
|
|
|
|
Re: رمضان كريم .. (بوست الحلـو مـر السنـوي) ^_^ (Re: طارق ميرغني)
|
والله يا دكتورة وزميلا في البورد البسمع نضميكم الكتير دا في أكل رمضان يقول مقيمين
في بودابست وليس في الرياض التى هي على نحو فركة كعب أو أقل من بيت النبي الكريم
حيث أن فطور رمضان هناك قائم على شعار (حسب بني آدم لقيمات يقمن صلبه) وهذه أحسبها
صندوق صغير من لبن أب + تمرتين رطب يتم تناولها وأنت على وشك الدخول إلى الحرم حيث
تقرن صلاة المغرب مع صلاة التراويح ..
شابكننا مشاوي وبيتزا ولحوم مفرومة وغير مفرومة وسلطات بطاطس وباسطة وكراتين توم
وشمار ..
إتوا صايمين واللا عندكم عرس ياخ ..؟
| |
|
|
|
|
|
|
| |
داليا الكباشى
محمد عبد الماجد الصايم
طلحة عبدالله
حسام عبد الرحيم
tmbis
هاشم الادريسى
الامين موسى البشاري
ABUHUSSEIN
هاشم نوريت
نادر النور آدم
سيف بخيت موسي
فيس بوك
تويتر
انستقرام
يوتيوب
بنتيريست