|
Re: دولة جنوب السودان باعت 9% من أراضيها بمبالغ رمزية لجهات أجنبية (Re: Hani Arabi Mohamed)
|
Quote: يوم 9 / 7 / 2011 ستصبح دولة جنوب السودان دولة مستقلة ذات سيادة وليس لأيّ منا التدخل في شئونها الداخلية .... |
حااااااااضِر ... بس اليوم 03/07/2011م ممكن انضم في الفترة دي ؟!
عارف يا حبيب.. اظنك قريت العنوان بدون اي شئ وجيت شايت في تحديد ما يجب ان تتدخل فيه ومالايجب.. بمعني انك انك فرحان بالانفصال والناس دي مشت خلاص وخلونا نتقوقع حول وضعنا وننسي المآسي الدخلونا فيها المؤتمر الوطني والحركة الشعبية التم الانفصال دا بمشورتهم المشتركة فقط وبسياستهم البيعرفوا مرادهم منها هم فقط الاتنين .. ويعيد لذهنك الكلام دا هسع شغلة اتفاق اديس ابابا الاخير .. بعد كمية الناس الماتت وكلام المؤتمر الوطني وتهديدو ووعيدو الكتير اهو رجع تاني وتناسي عقار وعرمان والحلو ومعاهم من كانوا يصفونهم قبل ايام بالمتمردين وقطاع الطرق القصة والقتلي في سبيل الشراكة السياسية وتاسيس حزب .. ولو نظرنا قبل فترة بسيطة نافع دا نفسو رفض الحوار والمشاركة السياسية مع جميع الاحزابالكان سايقها صلاح قوش وقال دا اجتهاد شخصي منه ولم يرجع لهيئات الحزب وشلعو الضحي الاعلم وما خلا ليهم جنبة للاحزاب بانهم هوانات وضعيفين
اليوم نافع نفسه يمشي يتفق مع الحركة الشعبية ويعترف بيهم ويشاركهم .. وما تستبعد بكرة هارون يبقي نائب الحلو لو كان دا المحك .. في سبيل مزيد من التشبث.. وبعد بكرة الحلو نفسه ممكن ينسي ليك النوبة ويشوتهم زي ماحصلت شئ والا كمان يبقي هنا يهتف معاهم وتلقي الاستثمارات والفساد على قفا من يشيل .. ودارفور لو مشروع غازي صلاح الدين استمر نفس القصة .. والساقية لسع مدورة ونبقي نحن في حتة جبال النوبة خلاص شعب تاني انسانا منهم ومن شانهم الداخلي .. ودارفور ديل دولة تانية.. وعييييييييك .. نافع والبشير والطيب مصطفي يشيلوا ويطبظو لمن تلقي نفسك تابع للعلم المصري ...
|
|
|
|
|
|
|
|
|