|
Re: متى كانت آخر مباراة للمريخ على قناة مشفرة ؟ (Re: بشير حسـن بشـير)
|
ود البشرى والجمع الازرق مبروكات السبع نقط ....والى الامام
بالمناسبة يا ود البشرى قربتا تسحب البساط من صاحبك ...ياخ قريتليك سيناريو متوقع للمباراة ..مبالغة بنفس الخطوات تأخر للهلال ..زنقة ...تعادل ...خراج روح ...ثم هدف ولا اثمن ياخ ابو حتوت واخطبوط وكمان سيد بلد ...تقولى طلحة
| |
|
|
|
|
|
|
Re: متى كانت آخر مباراة للمريخ على قناة مشفرة ؟ (Re: احمد الأمين على إدريس)
|
سلامات يا ابوحميد ورمضان كريم
التشفير ما مشكلة .. أهو سنة في وسنة مافي بس الهلال دا متييييين يرفع راسكم ويخليكم مشفرين لحدي آخر كورة وما تقولي نحن السنة دي بنتشفر استعدادا لتشفير السنة الجاية ياخ خليكم مشفرين لحدي النهاية ولو مرة واحدة في حياتكم !!
تشفير نص كم ..؟!
..... لكن بالجد كدا ياخ إنتو ما مرزقين ؟
| |
|
|
|
|
|
|
Re: متى كانت آخر مباراة للمريخ على قناة مشفرة ؟ (Re: Fadl Karrar)
|
جرجير لما قلتا ليك إتا عينة المشجعين البقطعوا زراير القميص ويحرقوا العمة والطاقية ويفقدوا الوعي لامن يشيلوهم بالنقالة والاسعاف وأية حاجة ما كضبت عليك ... هسع مالك ومال المريخ ينقلوا ليهو مباراة مشفرة واللا حالقة صلعة ؟ أفرح فرحك وكورك كواريكك ونطط نطيطك للهلال وطلع المريخ دا من دقنوسك ياخ .. لكن معليش ما منك والله .. من مجلس السجم والرماد المريخي القاعد يخمخم لينا في الخوازيق والفراعنة من الاسكراب ويجيء يقول ديل محترفين .. ضرى عيشك ونادي أي مسكين تاني عايز يضرى عيشو عشان دي فرصة سمن بس .
| |
|
|
|
|
|
|
Re: متى كانت آخر مباراة للمريخ على قناة مشفرة ؟ (Re: طلحة عبدالله)
|
Quote: لما قلتا ليك إتا عينة المشجعين البقطعوا زراير القميص ويحرقوا العمة والطاقية ويفقدوا الوعي لامن يشيلوهم بالنقالة والاسعاف وأية حاجة ما كضبت عليك ... |
... لالالا والله يا طن ظير .. انا النصيحة بمرقه والله .. المرة دي العربجي دا ختاها ليكم في مقتل .. وبالحديدة كمان .. لذلك يستحق نجومية موسم رمضان دا .. لحدت الآن غايتو
والله يا عربجي أول مرة اعرف إنك عميق للدرجة دي .. وبطنك ذاته أعميق ..
اقوليك حاجة : بوستينك دا لو شافو جمال الوالي .. في نهار رمضان .. لا افطـر ..
| |
|
|
|
|
|
|
Re: متى كانت آخر مباراة للمريخ على قناة مشفرة ؟ (Re: د. ياسر عبد القادر)
|
يا ود القرشي Quote: ياجماعة كلامك دا عيب برضو الجماعة ديل في الحسبه اخوانكمً، لكن في الحقيقة الجماعة ديل كمان طولو حبة من شغل التشفير دا. |
نعم اخوانا واي شي عشان كدا قلنا نفقدهم و نتبنهم الناس ديل من امس فقدوا المنطق و هضربتهم بقت تقيلة شديدة تخيل واحد قال البنالتي وما ادراك ما الهمشرة و الحكم جابوا ليه تصريح مدرب القطن الفرنسي القال فيه ضربة الجزاء لا غبار عليها تخيل قال شنو قال الهمشرة بلغت حد بعيد يعني الهلال رشى الحكم و المساعدين و اللاعبين وما اكتفى بي كدا لا بل كمان رشى المدرب الفرنسي اسي زي دا مش يستاهل يفقدوه برضك
الله اكرم يا حسن بشير تخيل الاتنين ما ح يقدروا يجاوبوا لأنو اخبار المريخ آخر اهتماماتهم فاضين هم من مباراة سيد البلد
ابوحميد الله اكرم ومبروك النتيجة تصدق لو قلت ليك انا امس ما انزعجت ابدا او قلقت و الهلال متأخر كان عندي شبه يقين انو الهدف التاني ح يجي ولما الكوتش دخل بكري المدينة بس تأكدت تماما وبقيت منتظر الدقائق الاخيرة لكن فاجأني اتوبونج وتوقيت الهدف وحينها اتوترت بالجد وتخيلت القطن يدرن في اي لحظة ودي كانت الولادة الجد جد لغاية ما الحكم صفر
أووو م ع ج يا عمك Quote: التشفير ما مشكلة .. أهو سنة في وسنة مافي بس الهلال دا متييييين يرفع راسكم ويخليكم مشفرين لحدي آخر كورة وما تقولي نحن السنة دي بنتشفر استعدادا لتشفير السنة الجاية ياخ خليكم مشفرين لحدي النهاية ولو مرة واحدة في حياتكم !!
تشفير نص كم ..؟! |
رمضان كريم وتصوم وتفطر على خير اها يا ابوحميد دا الكلام البخلي اليوغنديين يقولوا عليكم ضل للزعيم جمال الوالي سالوه في صدى الملاعب بعد فضيحة الوحدات - ام سبعة ديك متذكرها ؟- عن رايو و الاسباب الادت للنتيجة الثقيلة بعد تلى المحفوظات ناس لن تهزنا و لن يبطرنا و طوينا قال ليهم نحن اتينا ولعبنا ولم ننسحب - بشير لانسحاب الهلال امام سطيف اسي السألو عن الهلال و لا جاب سيرتو منو؟ ما يخليه في خيبة تيمه اسي يا ابوحميد السالك من الهلال منو خليك في عدم تشفيركم دا
| |
|
|
|
|
|
|
Re: متى كانت آخر مباراة للمريخ على قناة مشفرة ؟ (Re: محمد البشرى الخضر)
|
Quote: آخر مباراة مشفرة للمريخ كانت ضد الوحدات الاردني علي ما اظن |
ههههههههههه لا يا نزار ياخ سبعاية شلباية كانت مفتوحة الغاشي و الماشي جاب خبرها
الله اكرم يا الهادي لا وحاتك عنقريب القطن نصر ونصر تمام كمان ختانا في صدارة المجموعة مع انيمبا حتى اسال الكاف كان ما مصدقنا اما التشفير فهو ما فخرا بالحيل كدي لكن مقارنة مع المساكين ناس من قولة هوف اتنفضك اتنفضك ديل ببقالنا فخر
ود الشيخ Quote: لماذا اختفت بوستات التهليل والتكبير لأنتصار الهلال أمس ؟؟؟؟ |
اها دي ميزة اسياد البلد كمان وشغلانة صعب على الوصيفاب فهمها الهلال للآن لم يهزم في البطولة و نتائجه بالحساب ممتازة جدا من تعادل خارج الارض و انتصار داخلها لكن كل كورة و كورة تلقى الجمهور و انصار سيد البلد رغم ايجابية النتائج زعلانين على الاداء ومبوزين دي عاد قاسية عليكم يا ناس مريخ حلفا و اهلي ابو جبيهة
سجمك يا ابراهيم فضحناك انت مالك يا خوي دا شهر ما عندك فيه نفقة وما اظن ح يكون ليك فيه نفقة عن قريب فاااا شنو لا تشيل هم النقل و انقطاع الصورة و بتاع دي شؤون ناس بتشارك في مراحل يتم فيها تشفير البث ودي كما سبق حاجات لا علاقة لكم بها حاليا - وبطريقتكم دي مستقبلا برضو لكن لمعلوماتك العامة المصدر و البث مسؤول عنه تلفزيون السودان وليس استاد الهلال
اهلا فضل كرار كورة قون النسابة دي اظن كانت في الفين وتمانية يتخيل لي فعلا دا آخر عهد الوصيف بالبث المشفر
تنظير ...Quote: هسع مالك ومال المريخ ينقلوا ليهو مباراة مشفرة واللا حالقة صلعة ؟ |
كيفن مالي, طيب يعني نكاوي منو؟ ياخوي انت لسة ماسك في اسطوانة المجلس المشروخة دي, زمان قالوها ناسكم الوالي رئيس طوالي خلاص دا موضوع منتهي
هههههههههه وين يا تمبس ياخي كيف ما تكون بطنا عميقة الناس ديل الفين وسبعة بعد النجم الساحلي رشانا كسّوا بينا العرايا من حيث المحلي و الجالسون ع الرصيف و مش عارف ايه لغاية ما لحقهم الصفاقسي الزينين من يومها تاني ما شموا عافية فلازم نختها ليهم مرة مرة كدا بالنسبة لتنظير موضوعو مستحمي من زمان بس انتو عاملين ليه راس وقعر من مافي
وين ياعبس ... يستاهلوا لكن مرضونا من امس حكام وهمشري وبتاع التقول المريخ منافس في المجموعة ومستني نتيجة المباراة, مالهم هم ما يمشوا يشوفوا ليهم حلفا و لا دغيم ولا كوستي
مبروك ابو اللول نعم هي خطوة خطوة , سربعة السنين الفاتو واستعجالها تاني ما معانا والله كريم
وعليكم السلام دكتور ياسر مبروك النتيجة الاداء خليه اسي
| |
|
|
|
|
|
|
Re: متى كانت آخر مباراة للمريخ على قناة مشفرة ؟ (Re: محمد البشرى الخضر)
|
اذكر فيما اذكر انه تقريبا اخر كورة مشفرة حضرتها للمريخ كانو طيش المجموعة وفيما أذكر انه سكواها دا جاب فيهم قونين تقريبا طبعا الكلام دا طول شديد و الوقت دا ابطال افريقيا دي كان بنقلوها ناس الاي ار تي ما ذي هسع بقت الجزيرة ماسكة بث الكورة كلها ياسلام زمن والله كان نفتح ليك الاي ار تي نلقي الدوري الإنجليزي و الإيطالي و نحضر المصارعة مع ممدوح فرج والجزيرة دي بس كان بنفتحها للأخبار والله الزمن أتغير هسع الجزيرة بقت ماسكة اي حاجة نفتحها نتفرج في برشلونة والهلال وريال مدريد و ناس موسي الزومة طبعا في الشروق و قوون
| |
|
|
|
|
|
|
Re: متى كانت آخر مباراة للمريخ على قناة مشفرة ؟ (Re: صبري طه)
|
ود البشرى ،،
Quote: سجمك يا ابراهيم
فضحناك انت مالك يا خوي دا شهر ما عندك فيه نفقة وما اظن ح يكون ليك فيه نفقة عن قريب فاااا شنو لا تشيل هم النقل و انقطاع الصورة و بتاع دي شؤون ناس بتشارك في مراحل يتم فيها تشفير البث ودي كما سبق حاجات لا علاقة لكم بها حاليا |
ياخي كان علينا نحن ،، عارفين مافي شئ بيلمنا بزريبة العيش ،،
المشكلة البيقنع الجدادة منو؟
ناس برة بنسبو الفشل ده للسودان كلو صفوة .. وسيد القرع (هلى قول أسيل بتي) ..
| |
|
|
|
|
|
|
Re: متى كانت آخر مباراة للمريخ على قناة مشفرة ؟ (Re: هشام المجمر)
|
Quote: - كم عدد المباريات الدولية الرسمية التى لعبها كل من المريخ والهلال
- كم عدد الانتصارات الدولية التى حققها كل من المريخ و الهلال
- ماهو افضل تصنيف افريقى وصل اليه كل من المريخ او الهلال
- ماهو اكبر عدد من الاهداف حققه الهلال فى بطولة دولية واحدة و ماهو اكبر عدد اهداف حققه المريخ فى بطولة واحدة |
الاسئلة اعلاه من اخينا محمد علي من الدوحة وردتني بالإيميل وطلب ادراجها في البوست لكن يا ابوحميد باقي ليك الوصيفاب ديل العاملين رايحين تسالهم من آخر كورة مشفرة يقولوا ليك انتو و مازيمبي الهلال بقدروا يجاوبوا ليك؟ الله اعلم
هههههههههه حلوة يا حبيب الكل
وعليكم السلام يا الصادق ومبارك عليك الشهر
لا وحاتك يا صبري صدفة ساي لكن غريبة فعلا
هيا ابراهومة يايابا ناس برة شافو سبعاتك و طيرانك من قولة أوف وفليقكم للحكام و فضايحكم المتلتلة يعني بقت على ارسال قطع ثم حقو تعيد قراية الجزء الاخير من كلامي الاول ليك عن ان البث مسؤولية تلفزيون السودان
ان شا الله يا هشام ابونقطتين ينستر السنة الجاية وان كنت مااااا اظن بالشايفنه دا غايتو
| |
|
|
|
|
|
|
|