|
Re: (مع محمود) نقد وتحليل (Re: محمد هشام)
|
محمود
يتجلى في الغناء في هذه اللحظات محمد هاشم
الصوت ردئ من القناه وبالاصح من المايكرفون العند محمود لكن الحمد لله في الغناء لم تظهر متابعه ممتعه
اغاني واغاني السنه دي لقي منافس حقيقي
| |
|
|
|
|
|
|
Re: (مع محمود) نقد وتحليل (Re: فدياس نجم الدين)
|
سلام فدياس ورمضان كريم انا عارفك من عشاق هذا الرقم ومرحب بيك كتير معانا
Quote: اغاني واغاني السنه دي لقي منافس حقيقي |
ناس اغانى واغانى ما دايرين نبخس حقهم لكن للحقيقة السنة الفاتت محمود كان ليهو اثر كبير فى عدد المشاهدين لذاك البرنامج
تحياتى
| |
|
|
|
|
|
|
Re: (مع محمود) نقد وتحليل (Re: أمجد الزين)
|
بالضبط الصوت واضح في الغناء لكن في مشكلة عند الحوار ولا في مايكرفون محمود خاصة بالرغم من ان محمود اصبح جيد في الحوار لكن محمود لسه ما اتخلص من مشكلة الخجل عند الحوار ولاحظوا وضع اليد في الوجه و النظارة زاته غالبا خجل ساي ما حاجة تانية
لكن جدجد اختيار ممتاز لمادة الحلقة
| |
|
|
|
|
|
|
Re: (مع محمود) نقد وتحليل (Re: محمد هشام)
|
هلا امجد ورمضان كريم اغاني واغاني رقم لا يمكن تجاوزه واخوك بيزازي بين القناتين محمد هاشم في تطور في شخصيه محمود ولو صعب نحكم من حلقه واحده لكن كونه يقدر يتكلم بدون تلعثم دي براها محمده لا تزال مشاكله مع اللبس والاكسوسورات قائمه الدويتو مع ولد المرحوم محمد احمد عوض اكثر من رائع
| |
|
|
|
|
|
|
Re: (مع محمود) نقد وتحليل (Re: فدياس نجم الدين)
|
قناة الشروق فيها مُشكلة في الصوت ...
جرّبتها برسيفرين مختلفين وهما:- هايفون (عادي) ... وسترونج 4900 hd (عالي الوضوح)
ورسيفر السترونج دة عالم تاني ... وبرضو صوت القناة منخفض بشكل واضح عن بقية القنوات ... أتمنى أن تصل هذه الملاحظة إلى ذوي الاختصاص بإدارة القناة ...
ولكم كل الود ،،،
| |
|
|
|
|
|
|
Re: (مع محمود) نقد وتحليل (Re: فدياس نجم الدين)
|
ملاحظات ... كم مرة ذدنا صوت التلفزيون ..أو خفضناهو ... حتى فى الحوار ... الزي متلازم مع شكل الإستديو ...تماماً :) بس النظارة اكبر من اللازم ... مع إصرار المخرج ... حين يقلع محمود النضارة ... إخراجه .. من التصوير ...والعودة حين لبسه لها ... كان غريب شوية الأغنية جميلة ... والرمية أجمل محمود بحاول يتكلم بى طريقة الونسة... وأظن إنو قدر يتخطي ..مرحلة الخجل المعتادة فيهو .... ....
على حسب تقديرى المتواضع وسمعى لاغلبية تلفزيونات "الحلة" المدورة فالنيل الأزرق الناس بتفتحا فى وكت الدعاية بتاعت "مع محمود "
| |
|
|
|
|
|
|
Re: (مع محمود) نقد وتحليل (Re: الملك)
|
Quote: على حسب تقديرى المتواضع وسمعى لاغلبية تلفزيونات "الحلة" المدورة فالنيل الأزرق الناس بتفتحا فى وكت الدعاية بتاعت "مع محمود " |
مبالغة
| |
|
|
|
|
|
|
Re: (مع محمود) نقد وتحليل (Re: صبري طه)
|
اتفقنا على وجود مشكله صوت كبيره في البرنامج وفي راي محمود محتاج لاخصائ ملابس
النظاره كبيره وبتخليهو زي مايكل جاكسون
التنقل بين القناتين بيكون وقت الدعايه في كلايهما
| |
|
|
|
|
|
|
Re: (مع محمود) نقد وتحليل (Re: صبري طه)
|
رمضان كريم يا امجد والاخوة الحضور
انا من محبى ومستمعى الفنان محمود
وحضرت اثناء استعراض برامج شهر رمضان لقاء مع منتجة برنامج مع محمود
ما طلعت باى اجابة عن الهدف من البرنامج شنو ولمدة شهر كامل يوميا"
محمود صوت جميل معروف محمود له شعبية كبيرة بين الشباب معروف بيغنى اغانى الغير بصورة جيده برضو معروف
طيب ما هو الجديد الحيتقدم طيله الشهر وخاصة ظهور الفنان النجم بصورة يومية بتعكس سلبا" على الفنان ذات نفسو .. يعنى الظهور المتكرر ضد النجومية
بالنسبة لبرنامج اغانى واغانى بالامس شعرت وكانى بحضر فى حلقة معـــادة بس الفرق بين برنامج اغانى وبرنامج مع محمود ... فى البرنامج الاول الكل بتقاسم الاخطاء بينما فى برنامج مع محمود اى خطاء او تقصير حيكون من نصيب محمود فقط
ولنا عودة ،،،
| |
|
|
|
|
|
|
Re: (مع محمود) نقد وتحليل (Re: عبد الدائم سيد أحمد)
|
Quote: طيب ما هو الجديد الحيتقدم طيله الشهر وخاصة ظهور الفنان النجم بصورة يومية بتعكس سلبا" على الفنان ذات نفسو .. يعنى الظهور المتكرر ضد النجومية
|
سلام يا عبد الدائم ورمضان كريم
اعتقد والله اعلم انو الجديد هو أن محمود سيغني لفنانين اخرين ودا اعتقاد من خلال البرنامج ومحور الونسة في الحلقة .
بالمناسبة :- لكل المتابعين إعادة الحلقة تتم الساعه ال10 صباحاً بتوقيت السودان .
| |
|
|
|
|
|
|
Re: (مع محمود) نقد وتحليل (Re: صبري طه)
|
شكرا صبرى طه لتنزيل الحلقة كاملة شكرا كل المتداخلين لكن الملاحظ انو محمود لغاية هسع بعانى من مشكلة الحفظ ودة كان ظاهر بالذات فى الاغنية التانية بتاعت ياريت يا حبيبى بالاضافة لذلك المسألة بتاعت اللبس يعنى الزول دة فى الفترة الاخيرة دى بقى اشتر عديل فى اللبس بعكس فترة ظهورو اول مرة كان لبيس لدرجة يعنى الواحد ماعارف هل الاذواق ممكن تتغير مع الزمن ولا الناس الكانو بختارو اللبس لمحمود زمان هم الاتغيرو؟ الحاجة التانية الديكور بتاع الاستيديو ما عجبنى نهائى يعنى ما ممكن تجيب ليك خشبتين وتعملهم فى شكل مثلثات وتقول دة استيديو دة غير انك بتحس انو فى مشكلة فى الاضاءة , بالاضافة لمشكلة الصوت الواضحة.
| |
|
|
|
|
|
|
Re: (مع محمود) نقد وتحليل (Re: محمد هشام)
|
شباب
مساءكم سعيد مشكله الصوت دي أظن ما عندها حل
لأن الحلقات دي مسجله من بدري
يعني لو في تصليح يمكن يكون في حلقات لسه ما إتسجلت
ولو ممكن يا ناس الشروق تشوفوا ليكم حل تقني للحلقات المسجله دي تكونوا ما قصرتوا
كسره الديكور فغلاً بائس لحد بعيد
| |
|
|
|
|
|
|
Re: (مع محمود) نقد وتحليل (Re: فدياس نجم الدين)
|
الليله شوفنا جزء من الجديد الراح يقدمه محمود
يعني غناء شعبي بدون أوركسترا دي جديده علينا
أغنيه رغم حزني برسل سلامي للراحل محمد أحمد عوض
كسره تانيه
إنتو الحوت ده عمل شنو لشعره
ما ممكن من حاله شبه الصلع لطنب حصان عديل
| |
|
|
|
|
|
|
Re: (مع محمود) نقد وتحليل (Re: فدياس نجم الدين)
|
بس لو قناة الشروق اجتهدت تقنيا اكتر كان ممكن البرنامج يكون اجمل.. عموما في انتظار الحلقات القادمة عشان نقدر نحكم ..
بصراحة اداء محمود لاغنية مع السلامة كان ضعيف و الفرقة في بلد وهو في بلد ..
| |
|
|
|
|
|
|
Re: (مع محمود) نقد وتحليل (Re: محمد هشام)
|
غايتو انا تقييمى لحلقة الليلة ما اكتر من 60% استيديو باهت مشكلة فنية واضحة فى الصوت الاضاءة ما ظابطة محمود ذاتو حضورو ما كان مية المية يعنى لمن تحول من الشروق للنيل الازرق بتحس انو فى فرق واضح الغريبة ناس الشروق ديل عندهم استيديوهات بتاعت اخبار زى الورد فالمفروض برنامج زى دة يخسروا فيهو اكتر من كدة لانو بجيب حقو وزيادة
تحياتى
| |
|
|
|
|
|
|
Re: (مع محمود) نقد وتحليل (Re: أمجد الزين)
|
والله يا جماعة انا محمود دة ما برضى فيهو نهائى وفنانى الاول لكن لو البرنامج مواصل فى الاغانى المسجلة دى احسن الواحد يمشى يشوف ليهو شغلة تانية يعنى لو على الاغانى المسجلة مافى زول ما سمعها واغلب الناس حافظنها شبر شبر نحنا دايرين نسمع محمود حق الليلة محمود زمان الناس عارفنو وما بتغالطو فيهو اتنين
| |
|
|
|
|
|
|
Re: (مع محمود) نقد وتحليل (Re: منتصرمحمد زكى)
|
سلامات يا امجد
ولضيوفك الكرام
ويبقي الحوت هو الحوت
ولكن....
الاعتماد علي السيديهات والتسجيلات
القديمة تقلل من قيمة وجودة العمل
لاباس من اغنية مسجلة....لكن لابد من
ان يودي محمود بقية الاغنيات بصوته
لجمهوره مباشرة .
اعتقد بامكانيات الشروق الهائلة( مش حقتنا )
سيتحسن الوضع وسنكون في حالة تصاعد يوميا .
تحياتي لك وللرشاشة صبري لاتحاف البوست
جمعة مباركة
| |
|
|
|
|
|
|
Re: (مع محمود) نقد وتحليل (Re: haroon diyab)
|
مرحب بيك هارون دياب ورمضان كريم
Quote: الاعتماد علي السيديهات والتسجيلات القديمة تقلل من قيمة وجودة العمل |
يعنى اغانى محمود القديمة الناس حافظنها بالنص وكل المشاهدين منتظرين يسمعو محمود بتاع الليلة. مشكور على المرور
| |
|
|
|
|
|
|
Re: (مع محمود) نقد وتحليل (Re: منتصرمحمد زكى)
|
سلام منتصر ورمضان كريم
Quote: الديكور من أسوأ الديكورات التي شاهدتها مؤخرا ألوان باهتة وتصميم متواضع خالي من أي لمسات جمالية .. |
دى حقيقة ومن الحاجات البتزعل وبتحس انو فى فرق واضح لمن تحول للنيل الازرق مع انو كان فى الامكان احسن مما كان
تسلم على المرور
| |
|
|
|
|
|
|
Re: (مع محمود) نقد وتحليل (Re: أمجد الزين)
|
أمجد كيف أمسيت
حلقه شحتفه روح
محمد الجزار هو ماي نيو لجنت
لكن الأغنيه بتاعت حنيني إليك ما بتجي مع صوته وإستياله
غايتو نهائي ماعندهم زول ينسق الشغل
المحمده في وجود الأوركسترا وصوت محمود الذي لا يشيخ
| |
|
|
|
|
|
|
Re: (مع محمود) نقد وتحليل (Re: فدياس نجم الدين)
|
صورة من حلقة اليوم
------------------- سلامات ود الزين ورمضان كريم وشكرا على البوست المتميز من القناة المتميز "الشروق"
بس حلقة الليلة خربا الجزار ولا وين دة اغنية حنيني اليك خربطا لي الحوت كان احسن يغنيها الحوت براهـو
الحلقة امس كانت متميزة مع د.الفاتح حسين " المتمكن في الموسيقى" الحوت لو اتعامل مع الفاتح حسين بس ح يرجع زي زمان , وح تطلع مئات الاشرطة زي "سكت الرباب"
وشكر للاخ صبري على الفيديوهات و المتابعة.
| |
|
|
|
|
|
|
Re: (مع محمود) نقد وتحليل (Re: احمد محمد بشير)
|
سلام احمد ومساءك سعيد
Quote: بس حلقة الليلة خربا الجزار ولا مين دة اغنية حنيني اليك خربطا لي الحوت |
والله الجزار صوتو متميز لكن طبعا ما بنفع يغنى مع الحوت لانو فى اختلاف كبير بين اصواتهم وفعلا الاغنية لو غناها محمود براهو كان حتكون احسن كتير بس الحاجة الطلعت بيها من حلقة الليلة انو صوت محمود مازال صامد برغم المشاكل الصحية والنفسية
تحياتى
| |
|
|
|
|
|
|
Re: (مع محمود) نقد وتحليل (Re: احمد محمد بشير)
|
Quote: الحلقة امس كانت متميزة مع د.الفاتح حسين " المتمكن في الموسيقى" الحوت لو اتعامل مع الفاتح حسين بس ح يرجع زي زمان , وح تطلع مئات الاشرطة زي "سكت الرباب" |
على حسب كلام د.الفاتح انو حيكون فى شغل جديد مع محمود واكيد لو الموضوع دة تم حيطلع شغل جميل جدا ونتمنى انو يكون فى قامة "سكت الرباب"
| |
|
|
|
|
|
|
Re: (مع محمود) نقد وتحليل (Re: فدياس نجم الدين)
|
فدياس يا نجم الليلة اخوك مستمتع
Quote: المحمده في وجود الأوركسترا وصوت محمود الذي لا يشيخ |
كونو الواحد يطمن على صوت محمود دى محمدة كبيرة والليلة سمعنا الجان الكان زمان وفعلا الذهب لا يصدأ
| |
|
|
|
|
|
|
Re: (مع محمود) نقد وتحليل (Re: صبري طه)
|
متعة ياحوووووووووووووووووووت
بس العراضة بتاعكم الاسمو الجزار
الغزاهو في النص شنو....؟
ياخي حنيني اليك دي بيجضمه برااااااااااااهو
سلامات امجد والرشاشة المعاك
| |
|
|
|
|
|
|
Re: (مع محمود) نقد وتحليل (Re: صبري طه)
|
يدوك احساس اتنين شرّامة ربّاطة دايرين مشاكل، لاقو واحدة حلييييوة و طيبة وحنييينة و يتيمةاسمها حنيني ليك وقالوا بس وجدناها نقطعا نمرمطا نجرها بالتراب.. بت الـٍ..
فعلوها.. -- زول يتصل ناين ون ون يا جماعة
| |
|
|
|
|
|
|
Re: (مع محمود) نقد وتحليل (Re: mutwakil toum)
|
Quote: يدوك احساس اتنين شرّامة ربّاطة دايرين مشاكل، لاقو واحدة حلييييوة و طيبة وحنييينة و يتيمةاسمها حنيني ليك وقالوا بس وجدناها نقطعا نمرمطا نجرها بالتراب.. بت الـٍ..
فعلوها.. |
برضو راى شكرا على المرور
| |
|
|
|
|
|
|
Re: (مع محمود) نقد وتحليل (Re: أمجد الزين)
|
سلام يا صبري و أمجد ولكل الأخوة حلقة امس وضحت الحوت لا يموت
بالنسبة للفنان محمد الجزار الشاب دا فنان و يملك طريقه الواضح وخامة صوت اجتهد أن يرسخ لها و يوسس لها استائل ومحدد بالنسبة له وهو ملحن ممتاز وموسيقى ممتاز . اتابعه بمحبة . ايوة امس هو ومحمود ما اتوفقوا في حنيني اليك لكن دا ناتج من اختلافهم في ما ينتهجوه ولا يعنى ابداً أنو الجزار ما فنان أو محمود ما فنان . بعدين بعتقد انو النقد الاذع الذي طال الجزار من خلال حنيني اليك دا ناتج من اننا نحنا السودانيين ديل ما بنرضي زول يهبش لينا الأغنيات الخالدة و طوالي بنديهو في رأسو .
محبة للجميع. هسي انا بسمع فيها من سيد الكوره ذاتو .
| |
|
|
|
|
|
|
Re: (مع محمود) نقد وتحليل (Re: سفيان بشير نابرى)
|
الليله أبدع محمد الجزار وهو فنان المستقبل بلا أدنى شك
Quote: بالنسبة للفنان محمد الجزار الشاب دا فنان و يملك طريقه الواضح وخامة صوت اجتهد أن يرسخ لها و يوسس لها استائل ومحدد بالنسبة له وهو ملحن ممتاز وموسيقى ممتاز . |
| |
|
|
|
|
|
|
Re: (مع محمود) نقد وتحليل (Re: صبري طه)
|
الاخوة امجد الزين و ناس البوست
رمضان كريم
ما يعجبنى كتير فى الفنان محمود ليس غناه فقط بل انسانيته المفرطة.
فمحمود قدم لزملائه الفنانين خدمات قوية تسببت فى اظهارهم للمجتمع والاعلام. كثير ما احتضن معتز صباحى فى حفلاته العامة ليقدم فاصل مما مكن معتز صباحى لمكانته الحالية. كذلك جمال فرفور فى بداياته. وهو يفعل ذلك الان مع محمد الجزار. انا اعتقد هذا التوفيق اللا محدود لمحمود ناتج عن قلبه الابيض الناصع البياض بدون حسد او غيرة من زملائه
ربنا يوفقك اكتر واكتر يا محمود يا مطرب آمين
جميل المشاهدة
| |
|
|
|
|
|
|
Re: (مع محمود) نقد وتحليل (Re: أمجد الزين)
|
اول اغنية برتاح ليك ابداااع يا حوت طبعا الزول دة عذب الطلعات والنزلات فى الاغنية البتميز بيها الحوت وغنى الاغنية باستايل جديد وفى نفس القالب اللحنى
ياخ انا ذاتى برتاح ليك
| |
|
|
|
|
|
|
Re: (مع محمود) نقد وتحليل (Re: أمجد الزين)
|
الاغنية التانية لهيب الشوق ياخ الحوت دة لمن يغنى بمزاج بريح الغناء فى حنانو
لكن حظك يا مصطفى البربرى بعد كدة دربك بقى سالك للنجومية زى ما سبقوك قبل كدة فرفور ومعتز صباحى ومحى الدين اركويت واخرين
يا الحوت انت زول طيب والله
| |
|
|
|
|
|
|
Re: (مع محمود) نقد وتحليل (Re: صبري طه)
|
معليش نطش بره الشبكه شويه اولاً انتو قناة الشروق دى مش الكانت كلها مديح وبرامج دينيه واخبار كيزانيه ووو الحصل شنو؟ ولا دى سياسه جديده للقناة علشان تكسب اكبر قدر من المشاهدين؟ يعنى استغلال ل محمود عبدالعزيز وللمشاهدين, لانه القناة سياساتها ونهجها معروف بس ما علينا ما عارف داير اقول شنو زاتو..هسه وين النقد والتحليل الفى عنوان البوست يا صاحبه؟ يجب مراعاة الفرق بين الاعجاب بالفنان ونقد فنه وتحليله
| |
|
|
|
|
|
|
Re: (مع محمود) نقد وتحليل (Re: محمد زكريا)
|
سلام محمد زكريا ورمضان كريم
Quote: هسه وين النقد والتحليل الفى عنوان البوست يا صاحبه؟ يجب مراعاة الفرق بين الاعجاب بالفنان ونقد فنه وتحليله |
لو تابعت البوست كويس بتلقى فى ناس اتكلمت عن محمود فى لبسو وفى ناس اتكلمت فى صوتو وبرضو فى ناس كان عندها راى فى الاستيديو وكدة يعنى هو النقد دة غيروهو ولا شنو؟ بعدين لو لاحظت انا معنون البوست بنقاش يعنى مفتوح لأى زول يجى يتكلم ويدلو برأيه ما بالضرورة صاحب البوست بس يعنى انت برضو مرحب بيك تجى تورينا رايك فى محمود وفى البرنامج وتنقد وتحلل على كيفك
تسلم على المرور وياريت نشوفك تانى
| |
|
|
|
|
|
|
Re: (مع محمود) نقد وتحليل (Re: أمجد الزين)
|
سلام للجميع حلقة جديدة الاغنية الاولى انا ما حضرتها لكن قالوا غناها مصطفى البربرى الاغنية التانية ما تشيلى هم محمود غناها بطريقة مختلفة شوية المرة دى وياريت لو كان غناها بنفس الاسلوب القديم لانو حسيت انو فى عدم تناسق بينو وبين الفرقة الموسيقية يعنى الليلة الزول دة جهجه الفرقة الموسيقية جهجهة شديدة خلاص وبقوا متابعين محمود وخلو القالب الموسيقى بتاع الاغنية دة غير انو محمود كان عندو مشكلة حفظ الاغنية دى عشان كدة ما جات مية المية
| |
|
|
|
|
|
|
Re: (مع محمود) نقد وتحليل (Re: ناذر محمد الخليفة)
|
ياخ معقولة يا ناذر انا الحالة جيت متلهف عشان اشوفك كتبت شنو؟ وكمان ماتقول انا الليلة ما حضرت الحلقة القاك كاتب بالحبر السرى؟ طيب على الاقل كان تورينا الحصل شنو الليلة؟ وانت بالذات انا داير رايك فى الحوت لانو قبل كدة انا فتحت الموقع بتاعك ولقيتك شاديها للحوت شدة شديدة ما متذكر الشريط موضوع النقاش لكن كان خاشى فيهو عثمان النو.
على العموم ننتظر الرائع صبرى طه
| |
|
|
|
|
|
|
Re: (مع محمود) نقد وتحليل (Re: أمجد الزين)
|
يا شباب و الله برنامج اغاني و اغاني بتاع النيل الازرق داك طلع كلام فاضي ساكت. نادر و فرفور و عصام انا قاعد اسمع ليهم لكين خزلونا , وعشونا بالدعايات تابعتهم كم يوم كدة لكن تاني ما داير احضرو
الحوت لن يموت , بس يحافظ على روحو شوية
| |
|
|
|
|
|
|
Re: (مع محمود) نقد وتحليل (Re: احمد محمد بشير)
|
سلام احمد محمد بشير الليلة شرفتنا بطلتك طبعا انا جانى احباط عدييل من البوست دة واحترت انو البورد دة كلو مافيهو ناس بحبو محمود يجو يشكروهو لينا ولا ناس بكرهو يجو كمان ينبذوهو لانو لقيت صبرى طه وشخصى الضعيف الوحيدين اكتر المشاركين فى البوست دة مع طلات خفيفة من بعض الاعضاء لمن قربت اعمل ليهو دعاية فى البوست بتاع اغانى واغانى على العموم ان شاء الله يطيب ليك المقام معانا ونفيد ونستفيد من بعض وان شاء الله ما اخر مشاركة
| |
|
|
|
|
|
|
Re: (مع محمود) نقد وتحليل (Re: أمجد الزين)
|
الليلة الموت الاحمر الحوت ومعاهو ود الجبل .
ـــــــــــــــــــــــــــــ
بالمناسبة يا صبرى و امجد في اعتقادي إي زول ما عاجبو صوت محمود وغناهو دا زول قديم وكلاسيكي سااااي و قطع شك هلالابي كمان .
| |
|
|
|
|
|
|
|