قُلت له: اختر أيّة عيّنة عشوائية في مجتمع عام وإن جاءت نتيجة الاستبيان لصالح المريخ سأنقلب معك مريخابياً مُخلصاً وليس متعصّباً ...
فتزمزغ !!!
قُلت له وقد كان معنا سبعة أشخاص آخرين هذه عيّنة عشوائية ويشهد ربّي لا أعلم من فيهم الهلالابي من المريخابي ولكنني سأرضى بنتيجة الاستبيان ... وأجرينا الاستبيان على الحضور بما فيهم أنا وهو وكانت النتيجة:-
سبعة = هلالاب
اثنان = مريخاب
فقلت له هلمّ يا صديقي لنخرج إلى المارّة عبر الشارع بما فيهم سيد اللّبن ذاتو
قُلت له أن المريخاب اختاروا لقب الصفوة محاولةً منهم للانتصار على الكثرة التي يتميّز بها الهلالاب ...
فقال لي متفلسفاً أو مفلساً: الصفوة تعني الكثرة ولو لم نكن أكثر منكم لما كنّا صفوة ... قُلت له: يا عمّك لو سمعك الشيطان الرجيم لتعوّذ منك ومما وسوس به لك
07-30-2011, 08:01 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
ياصبري اى زول ربنا اداه عقل يعرف الحقيقة دي ، فكل الشعب السوداني كان مريخابي بحكم المريخ تأسس قبل الهلال ..اها بعد داك بسنوات ظهر الهلال واى زول يزعل من المريخ يمشى الهلال لغاية ماعملوا ليهم كم واحد هسه وده يؤكد صحة المقولة ( الهلالاب مريخاب زعلانين) ..ومؤخراً بدا هلالاب كتار يتركوا تشجيع الهلال بسبب الازمة النفسية السببها ليهم فريقهم وهم ينتظرون اى حاجة من بره ان شاء الله لبن المراعي .. اتوقع بعد 15 سنة - اذا لم يكن اقل - مايفضل زول بشجع فريق الهلال وربما خلال 20 سنة يزول الفريق من الخارطة الرياضية في السودان *
تحياتي ..
ــــــــــــــــــــــ * حسب قراءات الخبراء الرياضيين في موقع الكاف ..
07-30-2011, 08:03 AM
فايزودالقاضي
فايزودالقاضي
تاريخ التسجيل: 11-27-2007
مجموع المشاركات: 10091
Quote: ياصبري اى زول ربنا اداه عقل يعرف الحقيقة دي ، فكل الشعب السوداني كان مريخابي بحكم المريخ تأسس قبل الهلال ..اها بعد داك بسنوات ظهر الهلال واى زول يزعل من المريخ يمشى الهلال لغاية ماعملوا ليهم كم واحد هسه
أها يا عمّك بحكم المريخ تأسس قبل الهلال دي وإنت ربطت إنو الناس كانت بتشجع المريخ وبعدما تأسس الهلال بدوا يتسللوا وكدة ... في الحتّة دي أنا القدامك دة وأخونا محمد البشرى ممكن تورّيني متين زعلنا من المريخ وإتسللّنا للهلال ... يعني قبل الميلاد ولاّ بعدو ؟!
Quote: أبو محمد كتب: اهل المريخ هم فعلا صفوة بل جاز ان نقول صفوة الصفوة ...والصفوة هم عبارة عن جزئية تتمتع بخصائص تميزية عن بقية الشعب ..في النواحي العامة للحياة كالسياسة والرياضة والفن والوجاهة الاجتماعية...وهي مايميز اهل المريخ الان ...فتجد فيهم الفنان والرياضي المتطلع الذي وصل مراحل عليا..وتجد فيهم السياسي المحنك..فعندنا في السودان نجد ان اهل المريخ هم الصفوة وهم من يحكمون .. والفرق بينا وبين البقية من الاندية الاخري بما فيها الهلال ... اننا نمارس الديمقراطية والمشوري في الرائ وذلك علي مستوي الادارة او حتي علي مستوي التشجيع ودور الجمهور ودفعة لنصرة النادي ..الصفوة هم من يحكمون نعم .. ولكن باختيار العامة .. الصفوة يتنافسون فيما بينهم علي خدمة النادي من قبل الادرايين ودونكم قصة الوالي والصاقعة واختلافهم من اجل النادي ...وكيف ان الصفوة من كبار النادي اعادوهم مرة اخري دون ان يذهب احد منهما ويدير وجهه عن خدمة الكيان..وبالمقابل انطبقت تفاصيل هذة القصة بن الارباب والبرير ...ولكن لعدم وجود اهل الصفوة بينهم انفصل الرجلان واصبح احدهما في خدمة الكيان دائنا والاخر يقرد خارج السرب مطالبا.. .. والصفوة هي الديمقراطية .. وليست الشعارات البراقة التي تطلق في اللقاءات التنويرية وهي عادة كادة ان تكون بدعة سنها السيد صلاح ادريس بين كل لحظة والحين حتي بدات مسيخة ومشوهة وبترت مبدأ الشوري لانها تملئ قرارات الرجل الواحد...وانقصة بدورها الحقوق والواجبات..ومبدا المحاسبة...لانريد ان نتحدث عن صفوة اهل المريخ لانهم احرزوا الكاسات المحمولة جوا ولانريد ان نقول ان صفوتهم نتجة عن تقدمهم في البطولات الخارجية... ولا لقاءتهم بروساء الاندية العالمية..لان تلك ميزة الصفوة حقا ولكنها تبني بالفهم الاداري الواعي والمسابرة الجادة والمسؤلة...وهذا لايوجد في الهلال ...لذلك جاز ان نطلق عليه لقبة انداد الصفوة
وقد ردّ عليه فيصل محمد عبدون ...
Quote: فيصل محمد عبدون كتب: أخى أبو محمد كل الذى ذكرته فى أهل المريخ موجود فى كل الأنديه دون إستثناء ( حكام ؛ مهندسين ؛ دكاتره ؛ فنانين ؛ .......... جميع طبقات المجتمع ) أما موضوع الخلافات والشورى فلولا الخلافاتكم لما تم (( تعيين الوالى )) دون شورى وديمقراطيه أما من ناحية الجمهور فيكفى حادثة جمهوركم بطرد أفضل لاعب وفئ للمريخ من التمرين (( أبراهومه ) أزيد ولا كفايه يا مدعيييييين
وبيتنا عن بكرة أمه وأبيه هلالاب ... وكذلك الجيران ومن لفّ لفّهم نسبة الهلالاب أكتر ...
رأيك شنو أجي أعمل استبيان في حلّتكم ؟!
المافي تاني شنو ؟!
Quote: ياصبري النجوم كتيرة والقمرة واحدة ...
إنت عارف القصة دي زي واحد بكون بحب ليهو واحدة وميّت فيها موت شديد خلاص !!! لكن هي لا بتحبو ولا عندها معاهو قشة مرّة ... أها زولك في الوضع دة عشان يقنع نفسو إنها بتحبو ... بيقوم يفسّر أيّ تصرّف منها على أساس إنها بتحبو وكدة ... يعني لو ابتسمت عليهو بيفتكرها ابتسمت ليهو ...
07-30-2011, 08:33 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: قُلت له: اختر أيّة عيّنة عشوائية في مجتمع عام وإن جاءت نتيجة الاستبيان لصالح المريخ سأنقلب معك مريخابياً مُخلصاً وليس متعصّباً ...
صبري
سلام.. ليس كل عينة هي عينة عشوائية يعتد بها وللعينة العشوائية شروط يجب توافرها وهي أن تشمل مجموعة مقدرة من المجتمع المأخوذة منه (أغلب الشرائح) حتى تكون النتائج صحيحة لا يهم من جماهيره أكتر ولكن المهم من الذي حقق انجازات تاريخية للكرة السودانية
فـي العـام 1908 تـم تـأسيس فـريق المسـالمة و كـان ابـرز من سـاهم في ذلك السـادة محمـد قابـل و ريـاض سكلـة و شقيقـه تادريس وزكـريا سليمـان وخالـد عبد الله و الشيـخ محمـد علـي عوض الدر و محمـد رضـوان ومحمـد صالح الشنقيطـي و الطيـب حامـد بريمـة و زاد النشـاط الريـاضي و انتعـش في العـام 1916 و خاصـة بعد انضمـام جيـل الشبـاب السيـد عبد السيـد فرح وفتـح الله بشـارة و عبد الرحمـن علـي نصـر و محمـد مرسـال و محمـد عبادي ومصطفـى جلال عشـري و محمـد عثمـان حامـد و ابراهيـم بابكـر ابو الريـف و ايوب ميخائيـل و خليـل عبد المـلك و مينـا اسكنـدر و محمـد علـي بخيـت و عوض ابوزيـد و غيـرهم.
ثورة 1924 ومقتل السيرلي استاك :-
ادى قيـام ثـورة 1924 الـى توقـف النشـاط الريـاضي و منعـت التجمعـات حتـى في الافـراح و الاتـراح بأوامـر صـارمة و توقـف النشـاط الريـاضي و لـم يعـد الا في العـام 1926 و عـادت الفـرق لتمـارس نشـاطها و لـم يكـن لهـا جمهـور اذ ان المبـاريات كـانت الجمـاهيرية كـانت قـاصرة علـى مبـاريات كـاس الحـاكم العـام و منـافسة فـرق المصـالح الحكـومية.
عودة تيم المسالمة :-
عـاد تيـم المسـالمة في العـام 1926 و لكنـه لم يكـن قويا و لذا فكـر عبد السيـد فرح و الذي كـان يعمـل موظفـاً فـي البنـك الاهلـي المصـري بالخـرطوم فـي تدعيـم التيـم بلاعبيـن من خارج حـي المسـالمة ووجـدت الفكـرة معـارضة شديدة مـن البعـض و علـى رأسهـم صديقـه فتـح الله بشـارة و تـم تغييـر الاسـم ليكـون شامـلاً وليـس منغلقـاً علـى الحـي الصغيـر. وكـان ان اقترحـت سيـدة فـرح شقيقـة عبـد السيـد فـرح اسـم المـريخ وكـان ذلك بالفعـل في 14 نوفمبـر 1927 و تـم كتـابة خطـاب لبرمبــل بيـك مفتـش مركـز امدرمـان بنفـس التـاريخ لتسجيـل تيـم المـريخ بـدلا عـن تيـم المسـالمة و كـان ان تحـول كل اللاعبيـن و المشجعيـن في المسـالمة الـى المـريخ بمعنـى ان الذي تغيـر فقـط كـان الاسـم فقـط و لـذا وجـب علينـا ان نـرد تاريـخ ميـلاد المـريخ الـى العـام 1908.
1- خالد عبد الله 2- سليمان العتباني 3- محمد خير علي 4- محمد علي بخيت 5- يوسف عمر اغا 6- محمد بشير فوراوي 7- شريف احمد عمر 8- صدقي ابراهيم 9- الشيخ اسحق شداد 10- د. محمد سعيد بيومي 11- بشير حسن بشير 12- إبراهيم محمد احمد 13- فهمي سليمان 14- يوسف حلمي أبوسمرة 15- عبد الرحيم عثمان صالح 16- خليل عبد الملك 17- بدوي محمد عثمان 18 - محمد شريف أحمد علي 19- عوض ابوزيد 20- الحاج عبد الرحمن شاخور 21- مهدي الفكي الشيخ 22- حسن يوسف الحسن أبو العائلة 23- فواد التوم 24- عبد العزيز شدو 25- خالد حسن عباس 26- عبد الحميد حجوج 27- ماهل أبو جنه 28- د. تاج السر محجوب 29- محمد الياس محجوب 30- جمال محمد عبدالله الوالي
عصام الدحيش عبدالعظيم قاقرين ابراهيم حسين ابراهومة خالد أحمد المصطفى
عبدالمجيد جعفر فاروق جبرة نجم الدين ابوحشيش فيصل العجب
ظفر بها مرة واحد (1989)
* المناسبة:- نهائي كأس الكؤوس الافريقية * المكـان:- بنين ـ نيجريا * التاريخ:- 9 ديسمبر 1989م
حقق فريق المريخ بطولة كاس الكؤوس الافريقية (مانديلا) بعد ان تخطى الاهلي الليبي بالانسحاب في دور ال 32 وفي دور 16 خسر من البنزرتي التونس بتونس 1/ صفر وفاز عليه بامدرمان 2/ صفر بهدفي سانتو رفاعه، وفي دور 8 كسب باترونج الكنغولي 2/ صفر بالخر(.........)م بهدفي جمال ابوعنجة وعيسى صباح الخير، وفي دور الاربعة خسر امام قورماهيا بكينيا 1/صفر وفاز بامدرمان 2/ صفر بهدفي سانتو رفاعة ودحدوح ليتاهل للمباراة الختامية. وفي المباراة النهائية فاز على بندل يونايتد النيجيري بامدرمان 1 /صفر احرز الهدف كمال عبدالغني وتعادل مع بندل بنيجريا بدون اهداف ليحقق كاس البطولة.
الفريق الحائز على لقب تلك البطولة
لرؤية مشوار الفريق بتلك البطولة:- اضغط هنا
حقق لقبها مرتين (1986 - 1994)
* المناسبة:- بطولة سيكافا 1986 * المكـان:- موانزا تنزانيا * التاريخ:- 25 يناير 1986م
حقق فريق المريخ بطولة أندية شرق ووسط افريقيا (سيكافا) بعد ان لعب في مجموعة موانزا وفاز المريخ على ماجي ماجي التنزاني 1 صفر احرز الهدف جمال ابوعنجة ثم تعادل في المباراة الثانية مع مومكيرا الزامبي وفاز في المباراة الثالثة على وقد الصومالي 5/1 واحرز الاهداف عيسى صباح الخير هدفين وهدف لكل من الدحيش وابراهومة ونزار خليفة وفي الدور قبل النهائي فاز على لبيردس الكيني 1/0 احرز الهدف جمال ابوعنجة وفي نهائي البطولة التقى المريخ بالشباب التنزاني وانتهت المباراه في زمنها الاصلي والاضافي بهدفين لكل فريق احرز اهداف المريخ ابراهومة وعيسى صباح الخير ليحتكم الفريقان لضربات الجزاء الترجيحية والتى كسبها المريخ 4/3 ليحقق المريخ البطولة.
غاب المريخ عن المشاركة في بطولات سيكافا في اعوام 89، 91، 92، 93 ليعود ويشارك من جديد في البطولة التى اقيمت بالخرطوم عام 1994 والتى واكبتها احداث مثيرة في لقاء المريخ وسيمبا في الدور الأول تبعها شغب جماهيرى وتقرر اعادة المباراة لعدم وجود نص في لائحة المنافسة يدين الجماهير الا ان فريق سيمبا انسحب وكان يفترض ان يواجه المريخ نده الهلال المتأهل من مجموعة بورتسودان ولكن الهلال رفض اللعب واعتبر منسحباً ليستبدل بفريق شنقانى الزنزبارى والذى فاز عليه المريخ في نصف النهائي بهدف .. وفي المباراة النهائية فاز المريخ على الاكسبريس اليوغندى بهدفين لهدف ليحرز البطولة للمرة الثانية في تاريخه ومن يومها غاب المريخ عن المشاركة في بطولات سيكافا حتى اليوم.
احرزه 16 مرة
1970 1971 1972 1973 1975
1977 1978 1982 1985 1990
1993 1997 2000 2001 2002
2008
حققه 20 مرة
1969 1970 1971 1972 1974 1983
1984 1985 1986 1988 1991 1993
1994 1996 2001 2005 2006 2007
2008 2010
نالها 6 مرات
2000 2001 2004 2005 2006 2007
نالها عام 1934
في عام 1934م اجريت اولى المنافسات على كأس البلدية اشتركت فيها فرق العاصمة المثلثة والتي كان عددها في ذلك الوقت 24 فريقا واستطاع المريخ ان يكتسح جميع الفرق حتى التقى في المباراة النهائية مع فريق برى وانتصر عليه بهدف واحد سجله عوض ابوزيد في الزمن الاضافى وبذلك توج المريخ نفسه ملكا على الكرة بالسودان بحصوله على كأس البلدية اول كأس تتنافس عليه فرق العاصمة المثلثة وكان ذلك الكأس اول كأس لكرة القدم في تاريخ السودان الرياضى وقد احدث ذلك الانتصار دويا هائلا في جميع الاوساط ومنذ ذلك الوقت تعاظمت جماهيرية المريخ واخذت في الازدياد.
نالها عام 1977
* المناسبة:- افتتاح جامعة جوبا * المكان:- مدينة جوبا جنوب السودان * التاريخ:- 1977م
أنتصر المريخ على نده التقليدي الهلال 1/صفر، احرز الهدف سامي عزالدين في الدقيقة 89 (باقي دقيقه سامي يجبيها) وكانت كل التكهنات قبل المباراة تشير الى فوز الهلال نسبة الى سفر حارس مرمي المريخ الدولي الطيب سند المفاجئ الى دولة الامارات العربيه المتحدة ولعب المريخ بحارسه الاحتياطي الهادي سليم وابلى بلاء حسنا وهتفت الجماهير بعد المباراة (مريخنا عظيم بالهادي سليم) وكان وقتها فريق الهلال يضم المع النجوم في خط هجومه الدحيش ، على قاقرين ، متوكل عبدالسلام، ولكن فتية المريخ الاشاوس كانوا عند حسن الظن بهم وقدموا عرضاً رائعاً استحقوا به كأس المباراة وتسلموا الكأس من الرئيس جعفر نميري وعادوا به للخرطوم.
في إحتفالات ثورة الإنقاذ عام 1993 أقيمت الدورة الدولية بمشاركة فرق المريخ والهلال ومنتخب أثيوبيا الأول وفريق التحرير الإرتري .. افتتحت دورة الصداقة عصراً بلقاء الهلال ومنتخب إثيوبيا الذي فاز على الهلال بهدفين نظيفين.. واعقبتها في المساء مباراة المريخ والتحرير الإريتري التي كسبها المريخ 4/1 أحرز للمريخ عبدالعظيم قاقارين (هدفين) وهدف لكل من نميري أحمد سعيد وجعفر محمد عباس وأحرز للتحرير يوهانس زمكائيل.
في الجولة الثانية أقيمت المباراة الثالثة بين المريخ ومنتخب إثيوبيا وانتهت بالتعادل السلبي واعقبتها مباراة الهلال والتحرير الإريتري وانتهت بالتعادل 1/1 أحرز للهلال عبده أبوسعد وللتحرير يوهانس زمكائيل.. وطرد الحكم مدافع الهلال عاكف عطا.
في الجولة الثالثة التقى منتخب اثيوبيا والتحرير الإريتري وسط حضور كبير للجاليتين الإثيوبية والإريترية وتقدم منتخب إثيوبيا بهدف وأدرك يوهانس التعادل للإريتري وتم طرد لاعب من التحرير وعندها انسحب فريق التحرير من الملعب فإعتبر مهزوماً صفر/2.
واختتمت الدورة بلقاء القمة بين المريخ والهلال وشارك فيه مدافع الهلال المطرود عاكف عطا رغم تحذيرات اللجنة المنظمة وانتهى اللقاء بالتعادل السلبي واعتبرت اللجنة المنظمة الهلال مهزوماً صفر/2 بعد أن رفع المريخ شكوى قبل بداية اللعب وبالتالي فاز المريخ بالبطولة برصيد 7 نقاط وبفارق الأهداف من منتخب إثيوبيا الذي نال 7 نقاط أيضاً بينما نال كل من الهلال وفريق التحرير الإريتري نقطة واحدة
نالها عام 1987
* المناسبة:- بطولة دبي الثانية * المكان:- مدينة دبي دولة الامارات العربية المتحدة * التاريخ:- 3 ديسمبر 1987م
فاز المريخ بالبطولة بعد تغلبه على فريق الزمالك القاهري بضربات الجزاء الترجيحية بعد انتهاء زمن المباراة الرسمي والاضافي بهدف لكل فريق ... احرز هدف المريخ عوض الله انور.
نالها عام 1999
* المناسبة:- دورة الشارقة الدولية * المكان:- مدينة الشارقة دولة الامارت العربية المتحدة * التاريخ:- 16 يناير 1999م
أقيمت دورة الشارقة الدولية الرمضانية بمشاركة أربع فرق وهي المريخ السوداني ، فريق الشارقة الإماراتي ، فريق الصفا اللبناني و الفريق الأولمبي الإماراتي ... و احرز المريخ كأس البطولة بعد فوز كبير على الشارقة بأربع أهداف مقابل هدف واحد في المباراة النهائية ... قاد المريخ في تلك المباراة عبد العظيم أدم و كان أحد نجوم اللقاء ... و قد قام الشيخ سلطان بن محمد بن سلطان القاسمي حاكم الشارقة بتقليد أعضاء فريق المريخ الميداليات الذهبية ... بينما حصل فريق الشارقة على الميداليات الفضية ، و كان المركز الثالث من نصيب فريق الصفا اللبناني.
نالها عام 1999
* المناسبة:- مهرجان اعتزال نجم الوصل فهد عبد الرحمن. * المكان:- مدينة دبي دولة الامارت العربية المتحدة. * التاريخ:- الجمعة 30 أبريل 1999م.
فاز المريخ بكأس الوصل بعد فوزه في المباراة التي جمعته بفريق الوصل المطعم بنجوم الامارات والخليج والعرب ... واستطاع المريخ الفوز على الوصل بهدفين دون مقابل سجلهما على مدار الشوطين اسامة مصطفى وفيصل العجب.... وقد شارك الى جانب الوصل في هذه التظاهرة المهرجانية الهويدي من الكويت وهاني الضابط من عمان وخميس عيد من البحرين ورشيد بن محمود ومبارك مصطفى من قطر وعبدالرحمن ابراهيم لاعب الشعب وصالح اسماعيل لاعب بني ياس وحسن سعيد لاعب ######اء.
جاءت صحيفة المريخ الصادرة في عام 1965م كأول صحيفة رياضية متخصصة تصدر عن نادي المريخ لتشكل اضافة حقيقية للمساحات المتاحة للنقد الرياضي، وكان للواء محمد طلعت فريد الدور الاهم والاكبر في تطوير الرياضة وتوفير الامكانات لها وذلك بفضل كونه وزيرا في السلطة الحاكمة انذاك «حكومة عبود» ولكونه رياضيا ولاعبا سابقا فقد كان سابقا لزمانه في الوعي الرياضي في عقد الستينيات وقد اعطى عناية كبرى للرياضة عموما وكرة القدم بصفة خاصة سواء على مستوى الاندية او الفريق القومي وكان ذلك العهد هو العهد الذهبي للكرة السودانية.
الموقع الرسمي للصحيفة:- اضغط هنـا
المريخ والتميز والتفرد
تميز المريخ وتفرد وذلك للأسباب الآتية:-
تأسس النادي في عام 1908 باسم المسالمة ثم تحول إلى المريخ في 14 نوفمبر 1927م.
فاز في أول مباراة ديربي اقيمت في العام 1934م بهدفين مقابل هدف للهلال (أحرز هدفي المريخ لاعبه الزين الشفيع).
فاز بأول بطولة نظمت (كأس البلدية) 1934م بعد أن تغلب على بري بهدف (عوض ابوزيد) في المباراة الختامية.
أول نادي سوداني ينشئ نادي واستاد وذلك عام 1962م.
أول نادي سوداني يحقق بطولات إقليمية وقارية (سيكافا عامي 1986و1994م وبكأس الكؤوس الأفريقية والتي حملت اسم المناضل الأفريقي نيلسون مانديلا 1989م).
حقق المريخ بطولة الدوري دون هزيمة أو تعادل موسم 1971-1972م وفوزه بها مرة أخرى دون هزيمة وتعادل واحد موسم 72/1973م وهو ما وصفته مجلة الاتحاد الدولي لكرة القدم (فيفا نيوز) بأنه إعجاز لا يتكرر إلا نادرا.
فاز على نده التقليدي الهلال ثمانية مرات على التوالي (ديربي ام درمان) وهذا الإنجاز لم يتكرر حتى الآن.
فاز بأول مباراة ديربي تقام خارج الخرطوم (جوبا).
أكثر فريق حصد للبطولات المحلية (كأس السودان – بطولة الدوري المحلي).
حصد معظم كؤوس المناسبات التاريخية على سبيل المثال: كأس افتتاح استاد الخرطوم وكأس افتتاح استاد الموردة وكأس افتتاح اضاءة استاد الخرطوم، كأس الامبراطور هيلاسي لاسي، كأس الملك فيصل، كأس الرئيس ديوري هاماني ، كأس الرئيس شارماركي، كأس الرئيس كنيث كاوندا، كأس الرئيس عبد الناصر، كأس الدوق هرر، كأس الرئيس بوكاسا، كأس الصداقة الكورية ، كأس الاستفتاء، كأس الرئيس العراقي، كأس المجهود الحربي، بطولة الصداقة الدولية (المريخ والهلال – اريتريا – إثيوبيا).
أول نادي سوداني يصدر صحيفة رياضية يومية وذلك عام 1964م.
أول نادي سوداني يدخل المناشط الأخرى بغير كرة القدم (السلة – الطائرة –الملاكمة).
أول نادي سوداني ينشئ موقع على الانترنت.
نال فضية البطولة الكونفدرالية 2007.
~¤¦§¦¤~ تاريخ مشاركات المريخ في البطولات الأفريقية ~¤¦§¦¤~
◄ الجزء الاول الجزء الثاني الجزء الثالث ►
~¤¦§¦¤~ تاريخ مشاركات المريخ في كأس سيكافا للاندية ~¤¦§¦¤~
~¤¦§¦¤~ تاريخ مشاركات المريخ في البطولات العربية ~¤¦§¦¤~
إحتفالات الـمـريــخ ياليوبيل الذهبي $ من الذاكرة $
@@@ شارة الكابتنية في المريخ عبر التاريخ @@@
مراحل النادي :-
وفي اواخر الخمسينيات وتحديدا في الاعوام 57/1958م شعر وزير الاعلام والرياضة اللواء طلعت باهمية البنيات التحتية وذلك استهدافا لتطور الرياضة فمنح المريخ دارا في منطقة المسجد الحالى وقام عبد الرحمن شاخور بدفع الرسوم كاملة وتم تسجيلها باسم المريخ علما بان النادى انتقل من المسالمة الى دار مستأجرة جوار السوق وبعد ان منحت الارض للمريخ في منطقة المسجد الحالى استقر فيها الجميع كدار دائمة.
اما المرحلة الثانية لبناء النادى فكانت في فترة رئاسة اللواء خالد حسن عباس وعبد الحميد الضو حجوج وهي عمارة النادى الحالية التي تم تحديثها في الفترة الحالية بواسطة مجلس جمال الوالى الذي قام بثورة المنشآت وقد افتتح النادي الاول الزعيم اسماعيل الازهري.
مراحل الاستاد :-
بعد ان تم اعطاء الاندية الكبيرة الثلاثة المريخ والهلال والموردة اراضى اضافية لاقامة صروحها عليها تحصل المريخ على 50 الف متر تقريبا واردفت الدولة هذه الخطوة بقروض لهذه الاندية الثلاثة وكانت قيمة القرض 15000 جنيه وما كان من المريخ الا ان شرع مباشرة في بناء الاستاد ففى فترة المجلس الذي ترأسه فهمي سليمان الذي تكونت في عهده اللجان فقام احد المهندسين الاغاريق بتصميم خرطة لم تجاز وكلفوا احد الشباب وهو المهندس عبد المنعم مصطفى الذي قام بعمل خرطة ممتازة راعت طبيعة الارض التي تتحرك كثيرا مما ادت لتشقق جدران النادي كما راعت مواكبة هذه الخرطة للمواصفات العالمية فقام بتصميمها على نموذج استاد موسكو العالمي ، وتم تشييد الاستاد حسب الخرطة تحت الارض لتكون هناك اعمدة في المستقبل وقام المهندس عبد المنعم مصطفى ابن ام درمان والمريخي الاصيل بكل هذا العمل مجانا وخدمة لعشقه فقط.
مراحل افتتاح الاستاد:-
تم افتتاح الاستاد على مرحلتين المرحلة الاولى في عام 1962م حيث افتتح رغم من عدم اكتمال العمل فيه وذلك ليواكب الاحتفال باعياد حكومة نوفمبر 1962م واقيمت فيه مباراة بين الموردة والهلال فازت فيها الموردة باهداف نجمها الكبير عمر التوم.
ولكن القائمين على الامر اصروا على اكتمال العمل حتى مراحله النهائية وايقاف النشاط فيه وفعلا استمر العمل الذي اكتمل بعد عامين ليتم افتتاح الاستاد رسميا في 30 - نوفمبر- 1964م على يد رئيس مجلس الوزراء سر الختم الخليفة ورؤساء كل الاحزاب السياسية وكانت هناك مباراة على شرف الافتتاح بين المريخ ودينمو كييف الروسى, وكان مجلس الادارة في ذلك الوقت برئاسة بشير حسن بشير ونائبيه حسن محمد عبد الله ومحمد على ابو رأس وسكرتارية حسن ابو العائلة وكان امين المال مهدي الفكى.
تجديد الاستاد في عهد الوالي:-
في عام 2003 قرر مجلس ادارة المريخ برئاسة جمال الوالي تجديد الاستاد, وبالفعل بقيمة فاقت ملايين الدولارات تم تجديد الاستاد بأسلوب حديث, حيث تم بناء مقصورة جديدة وتم تركيب كراسي جديدة واصلاح المدرجات, وعمل مضمار جديد حول الملعب وتركيب نجيل جديد على مستوى عالي واصبحت ارضيته جيدة جدا, واصبح استاد المريخ افضل استاد في السودان ومن اجمل الاستادات في افريقيا بشهادة كل الزوار, ودائما مايلقى الاستاد الاشادة من الجميع , وحتى الان يتم تجديد الملعب باستمرار, ويتم الان بناء طابق ثاني للاستاد ليستوعب سعة اكبر.
يا أخوان موضوع البوست واضح من عنوانو ... سياسة تشتيت الكورة وزج الإنجازات والإعجازات وسد مروي دي لا جبنا سيرتها ولا سيرة البحر ...
النجيضة صاحبي دة قال: جماهير المريخ أكثر من جماهير الهلال
ويا البشاري أخوي كيفنك أريتك طيّب ... أنا معاك في الرياض وبإمكانك إعداد أيّ استبيان بأية طريقة علمية تراها مُناسبة وأنا معاك في اختيارك لأيّة عيّنة عشوائية ومعاك للحول ذاتو
ــــــــ في الصف الثالث ثانوي الذي درست به كانت نسبة الهلالاب تفوق الـ 80% والنسبة المتبقية كانت للمريخاب ... دي عيّنة عشوائية يا بُشاري يعني لمّا وزعونا على الفصل دة ما سألونا مين فيكم هلالابي ومين فيكم مريخابي ...
وهذه النسبة تقترب من كل الفصول الدراسية التي درست بها ابتداءً من أولى ابتدائي !!!
Quote: امس كنا نشاهد مباراة الهلال مع الرجاء المغربي تفاجانا باننا سبعة هلالاب وواحد مريخي قلت لهم هذه اعادت لي ما قاله صديقي المرحوم والشاعر الكبير والهلالي المشهور ابو امنه حامد من قبل والذي قال ان جماهير الهلال اكتر من الشعب السوداني
ياطارق هي مباراة بين الرجاء والهلال البخلي مريخي يحضرها شنو ؟!!! بعدين المريخاب صفوة مركزة ومضغوطة لايمكن عدها الا بعد تفكيكها أوحلها..يعني ماناس سايبة ..
07-30-2011, 10:18 AM
عصام دهب
عصام دهب
تاريخ التسجيل: 06-18-2004
مجموع المشاركات: 10401
الاخ صبري .. احترامى الكبير للهلال والاهلة بشقيهم اينما كانوا .. وايضاً بدون تعصب .. بعد هذا السرد التاريخي الوافي فيما تقدم والذي عدد انجازات المريخ في شتي النواحي والتي انحاز التاريخ للمريخ فيها وبلغة الارقام التي لا تكذب ثم تفردالمريخ في البني التحتية للنادي والاستاد ثم تميزه في جلب البطولات الداخلية وتصدره لها دون غيره من الفرق السودانية والبطولات الخارجية ايضاً تصدر لها دون غيره من الفرق المنافسة في السودان وقد كانت هنالك امور حصرية على المريخ دون سائر فرق السودان منها فوزه بالدوري دون هزيمة او تعادل ثم فوزه بالدوري بتعادل واحد ثم فوزه على نده التقليدى الهلال ثماني مرات متتالية ثم فوزه على نده التقليدى الهلال 13 / 1 ثم تحقيقة لاول ديربي خارج العاصمة وقد كانت بطولة محمولة جواً كاول فريق يفوز بكأس محمولة جواً في مباريات الديربي ففريق المريخ كسر جميع الحواجز عبر التاريخ ..
واليك ما استخلص من السرد التاريخي ..
تميز المريخ وتفرد وذلك للأسباب الآتية:-
تأسس النادي في عام 1908 باسم المسالمة ثم تحول إلى المريخ في 14 نوفمبر 1927م.
فاز في أول مباراة ديربي اقيمت في العام 1934م بهدفين مقابل هدف للهلال (أحرز هدفي المريخ لاعبه الزين الشفيع).
فاز بأول بطولة نظمت (كأس البلدية) 1934م بعد أن تغلب على بري بهدف (عوض ابوزيد) في المباراة الختامية.
أول نادي سوداني ينشئ نادي واستاد وذلك عام 1962م.
أول نادي سوداني يحقق بطولات إقليمية وقارية (سيكافا عامي 1986و1994م وبكأس الكؤوس الأفريقية والتي حملت اسم المناضل الأفريقي نيلسون مانديلا 1989م).
حقق المريخ بطولة الدوري دون هزيمة أو تعادل موسم 1971-1972م وفوزه بها مرة أخرى دون هزيمة وتعادل واحد موسم 72/1973م وهو ما وصفته مجلة الاتحاد الدولي لكرة القدم (فيفا نيوز) بأنه إعجاز لا يتكرر إلا نادرا.
فاز على نده التقليدي الهلال ثمانية مرات على التوالي (ديربي ام درمان) وهذا الإنجاز لم يتكرر حتى الآن.
فاز بأول مباراة ديربي تقام خارج الخرطوم (جوبا).
أكثر فريق حصد للبطولات المحلية (كأس السودان – بطولة الدوري المحلي).
حصد معظم كؤوس المناسبات التاريخية على سبيل المثال: كأس افتتاح استاد الخرطوم وكأس افتتاح استاد الموردة وكأس افتتاح اضاءة استاد الخرطوم، كأس الامبراطور هيلاسي لاسي، كأس الملك فيصل، كأس الرئيس ديوري هاماني ، كأس الرئيس شارماركي، كأس الرئيس كنيث كاوندا، كأس الرئيس عبد الناصر، كأس الدوق هرر، كأس الرئيس بوكاسا، كأس الصداقة الكورية ، كأس الاستفتاء، كأس الرئيس العراقي، كأس المجهود الحربي، بطولة الصداقة الدولية (المريخ والهلال – اريتريا – إثيوبيا).
أول نادي سوداني يصدر صحيفة رياضية يومية وذلك عام 1964م.
أول نادي سوداني يدخل المناشط الأخرى بغير كرة القدم (السلة – الطائرة –الملاكمة).
أول نادي سوداني ينشئ موقع على الانترنت.
نال فضية البطولة الكونفدرالية 2007.
بالمنطق كده بعد ما تقدم من سرد ما هي المحفزات والمميزات التي تجعل جماهير الهلال اكثر من جماهير المريخ بعد ان تفرد المريخ بكل شي وفي كل شي ..؟؟؟
ليست هنالك احصائية حقيقية تحدد من هو الفريق الاكثر جماهريةالمريخ او الهلال واذا كنت ستستشهد بالاحصائية التي تعتمد على المنتديات ووقنوات الام بي سي وما شابهها من اجهزة اعلام فهذه احصائيات غير دقيقة وغير ملزمة لان العضو يستطيع ان يصوت باكثر من اسم ومن اكثر من جهاز يمكن ان نستشهد بدخل مباريات الفريقين في آخر مباراتين افريقيتين اقيمتا في اسبوع واحد بلغ دخل مباراة الهلال في 64 مليون وفاق دخل مباراة المريخ المئة مليون .. وفي مباراة المريخ والموردة الاخيرة بلغ دخل المباراة 109 مليون كاحد اعلى المبالغ في مباريات الدوري الممتاز هذا العام .. نحن نستشهد بالاحداث والشواهد ولا نرتكز على ما تكتبه اجهزة الاعلام دون بينة تزكر واذا استشهدت بما تقدم ستجد المنطق يقول بان جماهير المريخ هي الاغلبية في السودان ...
Quote: يوسف الدفينة كتب: ليست هنالك احصائية حقيقية تحدد من هو الفريق الاكثر جماهريةالمريخ او الهلال واذا كنت ستستشهد بالاحصائية التي تعتمد على المنتديات ووقنوات الام بي سي وما شابهها فهذه احصائيات غير دقيقة وغير ملزمة لان العضو يستطيع ان يصوت باكثر من اسم ومن اكثر من جهاز يمكن ان نستشهد بدخل مباريات الفريقين في آخري مباراتين افريقيتين اقيمتا في اسبوع واحد بلغ دخل الهلال 64 مليون وفاق دخل المريخ المئة مليون .. وفي مباراة المريخ والموردة الاخيرة بلغ دخل المباراة 109 مليون احد اعلى البالغ في مباريات الدوري الممتاز هذا العام .. نحن نستشهد بالاحداث والشواهد ولا نرتكز على ما تكتبه اجهزة الاعلام دون بينة تزكر واذا استشهدت بما تقدم ستجد جماهير المريخ هي الغالبية في السودان ...
طيّب بأقنعك أنا إلاّ ترفض تقتنع إنت براك كدة ...
أنا القدّامك دة مش هلالابي ... شاهدت عدّة مباريات إفريقية للمريخ من داخل الاستاد ... ممكن توضّح لي كيف تحسبني مريخابي ؟!
دي من جانب ومن جانب آخر لما يعرضوا علي استفتاء في مواقع إنترنت أو فضائيات أو غيرها ... الخيار بتاعي ما بكون تذكرة اشتريتها لمشاهدة مُباراة لأنو ممكن أكون هلالابي اشتري تذكرة مباراة للمريخ وممكن أكون مريخابي اشتري تذكرة مباراة للهلال ...
لكن لمّا يقولوا لي إنت هلالابي ولاّ مريخابي من خلال أيّ استبيان أكيد الخيار بتاعي ما حيكون تذكرة مُشاهدة مباراة !!! الخيار بتاعي هو اختيار أنا بشجّع ياتو فريق !!! عشان كدة استفتاء صدى الملاعب فارق النتيجة بين الهلال والمريخ في صالح الهلال وبفارق كبير ...
ثمّ ثانياً إنتو مش قلتو ناس المريخ ديل صفوة حيث التعليم والثقافة ... مُش دة معناتو إنو ناس الهلال ديل ما بيعرفوا يتعاملوا مع النت واستطلاعات الرأي الإلكترونية وكدة
Quote: ويا البشاري أخوي كيفنك أريتك طيّب ... أنا معاك في الرياض وبإمكانك إعداد أيّ استبيان بأية طريقة علمية تراها مُناسبة وأنا معاك في اختيارك لأيّة عيّنة عشوائية ومعاك للحول ذاتو
صبري طه
كيف حالك .. كل ما ذكرته ليس عينات عشوائية شاملة البورد دا مثلا ممكن تعتبروا عينة عشوائية نموذجية وتقيس عليها النتائج لأنه ببساطة يجمع كل تنوع السودان وفيه تم حصر المريخاب والهلالاب وكان عددنا أكتر منكم فما تحاول تثبت حاجة ما صحيحة .. ودونك الارشيف وينك يا بت الشيخ .. لو كانت هنا كان ورتك ليهو
كيف حالك .. كل ما ذكرته ليس عينات عشوائية شاملة البورد دا مثلا ممكن تعتبروا عينة عشوائية نموذجية وتقيس عليها النتائج لأنه ببساطة يجمع كل تنوع السودان وفيه تم حصر المريخاب والهلالاب وكان عددنا أكتر منكم فما تحاول تثبت حاجة ما صحيحة .. ودونك الارشيف وينك يا بت الشيخ .. لو كانت هنا كان ورتك ليهو
تحاياي
أهلاً البشاري والتحية لبت الشيخ ... وأنا في انتظار عودة النطاق لعمل استبيان لأعضاء المنبر ...
والعيّنات العشوائية لا تعني أن يتفوّق الهلالاب فيها جميعها ... فعادي جداً يتفوق المريخ في عيّنة أو عيّنتين أو عدّة عيّنات ... وأعضاء سودانيز أونلاين جزء من هذه العيّنات ...
النجيضة حاصل مجموع كل العيّنات ...
مثال آخر لعيّنة عشوائية: تمرين أبناء رفاعة أمس بالدمام على حسب الراوي العدد 22 لاعب عدد الهلالاب = 20 عدد المريخاب = 2
Quote: مفهوم الأغلبيه ده مفهوم شديد التعقيد يا صبري أخوى .. لذلك هناك الأغلبيه الميكانيكيه كحالكم يا هلالاب .. وهناك الأغلبيه النوعيه ان جاز التعبير كحالنا نحن الصفوه ..
الله يفتح عليك ياخ ... أها هسي يا أخونا المشرّف نحن نقاشنا في الأغلبية الميكانيكية ... بالنسبة للأغلبية النوعية دي ليها يوم تاني ... عشان نعرف وين التعليم ووين الثقافة ووين الحركة الوطنية ... إلخ
Quote: يا صبري زهجت من عدم الموضوع فاختصرتو فى النهايه ..
Quote: - منتدى الهلال (سيد البلد) زعيم الكرة السودانية ... عدد أعضاء المنتدى = 26439 (ستة وعشرون ألفاً وأربعمائة وتسعة وثلاثون عضواً) رابط منتدى الهلال (سيد البلد) زعيم الكرة السودانية 2- منتدى محبي المريخ ... عدد أعضاء المنتدى = 3436 (ثلاثة آلاف وأربعمائة وستة وثلاثون عضواً) رابط منتدى محبي المريخ
عايز ناسنا امشي فتشهم في المنابر الثقافية والمنتديات العلمية ومنافذ الدكاترة والمهندسين والعلماء المخترعين ...بعدين احصائية الهلال في موقعهم نصها مريخاب مسجلين عشان ينقلوا لينا البكي البحصل بعد كل مباراة ...ياخي سودانيزاون لاين حسب آخر احصائية طلعوا المريخاب 6 اضعاف الهلالاب ..
Quote: عايز ناسنا امشي فتشهم في المنابر الثقافية والمنتديات العلمية ومنافذ الدكاترة والمهندسين والعلماء المخترعين ...بعدين احصائية الهلال في موقعهم نصها مريخاب مسجلين عشان ينقلوا لينا البكي البحصل بعد كل مباراة ...ياخي سودانيزاون لاين حسب آخر احصائية طلعوا المريخاب 6 اضعاف الهلالاب ..
ما عندك أيّتها مشكلة بعد عودة النطاق أعمل ليك استطلاع في سودانيز أونلاين ... وقبل الاستطلاع أعمل ليهو دعاية كويسة لأنو الهلالاب ما فاضين عشان كدة لازم تنبههم من بدري إنو في استطلاع رأي وكدة ...
أنا أجيب عدد العضوية من منتديات أهل الشي ذاتو (المواقع الرسمية) وبرضو تبربر ياخ
أقول ليك حاجة شوف ليك كدة حكاية بتاعة 100 نفر من أصدقائك وأهلك وجيرانك بشكل عشوائي وأجري فيهم استبيان وبعدها لاقيني في الرمل الدقاق ...
دمت بود ،،،
07-30-2011, 04:53 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11838
ثمّ ثانياً ياخ إنتو مُش قلتو صفوة ... طيّب لمّا تلقى ليك أكثر من مريخابي مؤمن بحتة إنو جماهير الهلال أكثر من جماهير المريخ ... معناها شنو يعني ... زولكم دة ما صفوي ولاّ شنو الحكاية ...
مُش الصفوة = الفهم ذاتو
ـــــــ أها يا دكتور جيب لي هلالابي واحد إن شاء يكون رئيس الجمهورية ذاتو وخليهو يقول ليك جماهير المريخ أكتر من جماهير الهلال !!!
07-30-2011, 05:46 PM
Magdi Ahmed Elsheikh
Magdi Ahmed Elsheikh
تاريخ التسجيل: 03-11-2008
مجموع المشاركات: 7720
سلام خاص للسادة الأهلة أينما أشرقوا و يمموا ومن ثم سلام اللمريخاب، اما ان كان يقصد من سياق الكلام ان جماهير المريخ العاصمي اكثر من جماهير هلال كادقلي، فهذا مما ليس فيه شك، اما ان كانت المقارنة بين هلال إفريقية ومريخهم، فهذه مزحة بلا شك لن تنطلي علي رويعي غنم، ناهيك ان يكون لديه حبة اطلاع علي كرة القدم، يا قوم جلجلوها، او غوغلوها وانظرو ترتيب الهلال افريقيا، ثم المريخ، ولعمري كيف يرتدي احدهم شعار اصفر في احمر وسط الملعب، صبري طه نشكرك كونك جعلتنا نضحك حتي بانت اضراسنا.
Quote: محمود الدقم كتب: ولعمري كيف يرتدي احدهم شعار اصفر في احمر وسط الملعب
كنّا نلعب بفريق مريخ رفاعة أكثر من ثلثي كشف اللاعبين بالنادي هلالاب بقيادة ابن عم أخونا يوسف الدفينة الحارس الأمين إسماعيل أبو شرا ... يمكن للأخ يوسف الدفينة أن يسأل ابن عمه
أها نجيكم في اللحم الحي ... الما ممكن تقدروا تزوغوا منو لأنو المعيار الجايبو دة عصيٌ عليكم وهو:-
ترتيب أليكسا لموقع الهلال الرسمي ولموقع المريخ الرسمي فانظروا وتأملوا ...
ترتيب أليكسا لموقع الهلال السوداني حتى تاريخ كتابة هذه الحروف = 79.303
ترتيب أليكسا لموقع المريخ السوداني حتى تاريخ كتابة هذه الحروف = 585.160
يلاّ يا جماعة لاحظوا للفرق الكبير ... النظرية دي طبعاً بتاعة أخونا الذي اعتمد على دخل المباريات الذي أوردته في صدر البوست ...
ـــــــــ أها يا عمّك الناس الكتيرة البتزور موقع الهلال السوداني ديل يكونوا يا الله مريخاب ولاّ رأيك شنو في الحتّة دي ؟! بعدين ما تدقس إياك وازدواجية المعايير .. شفت أنا صاحبك وحنين عليك كيف ؟ وبنبهك كيف قبل ما تتورط
ادناه اضافة لتفرد المريخ بكل شيئ وفي كل شيئ كما ذكر يوسف الدفينة:
الفريق الوحيد - في العالم ربما - الذي رفض لاعبه اكمال المباراة بحمله للكرة خارج الملعب
الاخ محمد البشرى الخضر تحاتي والتحية للقبيلة الزرقاء .. بقدرما انحاز التاريخ للمريخ السباق للانجازات ايضاً كان التاريخ شاهد عيان على الهلال السباق للاخفاقات ودونك ما تقدم من سرد تاريخي في مسيرة المريخ والهلال فاول انسحاب من مباراة قمة بين المريخ والهلال كان من طرف الهلال .. المباراة المزكورة كنت شاهد عيان عليها من داخل استاد الهلال وقد اسطحبني اليها الاخ محمد فقيري من البيت وهو مريخابي على السكين الى استاد الهلال فقد كان الهلال في اسوأ حلاته في تلك المباراة والله انا عن شخصي كنت متوقع ان يفوز المريخ باكثر من خمسة اهداف ولو لا تدخل الاتحاد بواسطة التحكيم لما راينا الهلال منذ تلك اللحظة ولغاب بدره الى ان تقوم الساعة وما فعله زيكو كان نتيجة تراكمات افعال الحكم بالمريخ الكيان في تلك المباراة وزاد عليه هتاف جماهير المريخ التي ملأت جنبات الاستاد ( التحكيم فاشل _ التحكيم فاشل ) ولو لا تدخل الشرطة المتسرع بالبنمبان على المساطب الشعبية لاستمرت المباراة رغم التحكيم ولتغيرت النتيجة .. الظلم ظلمات عزيزي ود البشرى .. فماذا فعل الهلال بانحياز الاتحادات والتحكيم له على مر الازمان غير الاخفاقات والصفر الدولي الكبير .. خلي العزاب ابو الخضر وكن من المألفة قلوبهم فالقلعة الحمراء سيادة وريادة .. ههههههههههههههههههههه ...
(عدل بواسطة يوسف الدفينة on 07-31-2011, 06:41 AM) (عدل بواسطة يوسف الدفينة on 07-31-2011, 06:42 AM)
07-31-2011, 08:54 AM
محمد عمر جبريل
محمد عمر جبريل
تاريخ التسجيل: 08-27-2009
مجموع المشاركات: 2263
برضو عينة عشوائية كدا .. نحن سبعة أشقاء كلنا بنشجع المريخ ومانشستر ما عدا واحد بس
في المكتب نحن سبعة سودانيين في قسم واحد وكلهم مريخاب
أها المطلوب إثباتو شنو ؟؟
سلام أخونا محمد ... وحالي زي حال الهلال في البطولة الإفريقية السنة دي ...
بالنسبة لعيناتك العشوائية ممكن تحصل عادي ... النجيضة في إجمالي العيّنات العشوائية ... رأيك شنو نلف سوى في أسواق الخرطوم على المحلاّت
يا عمّك أنا أقول ليكم أنا من أولى ابتدائي لي رابعة جامعة الغلبة كانت للهلالاب وبنسبة كبيرة ... لعبت في فريق إسمو المريخ الغلبة فيهو للهلالاب وبفارق كبير
ــــــــــــــ غايتو كونو الصدفة تجيب ليك الغلبة للمريخ في عيّنتين عشوائيات مفروض تُضاف لإنجازات المريخ طوالي وتقدّونا بيها وتطلقوا عليها لقب "العيّنات المحمولة جواً"
Quote: وعليكم السلام ... مولانا عصام ... الاستفتاء ما شفتو وما عارف نتيجتو شايتة وين ...
لكن ما عندك مُشكلة عندما يعود نطاق الموقع ممكن تعمل ليك استبيان جديد ...
نصيحة لوجه الله أنسى الموضوع دا لانه أتعمل مرتين في المكان دا عن طريق ناس زيك كدا كتبو كلام كتير وبعد شافو النتيجة قربوا يكتبوا البوست دا عملو الهكر وشارك فيه براهو.
07-31-2011, 04:09 PM
حمزه بابكر الكوبي
حمزه بابكر الكوبي
تاريخ التسجيل: 04-13-2009
مجموع المشاركات: 2121
وعليكم السلام يوسف الدفينة ورمضان كريم تصوم وتفطر على خير إن شاء الله
Quote: بقدرما انحاز التاريخ للمريخ السباق للانجازات ايضاً كان التاريخ شاهد عيان على الهلال السباق للاخفاقات ودونك ما تقدم من سرد تاريخي في مسيرة المريخ والهلال فاول انسحاب من مباراة قمة بين المريخ والهلال كان من طرف الهلال .. المباراة المزكورة كنت شاهد عيان عليها من داخل استاد الهلال وقد اسطحبني اليها الاخ محمد فقيري من البيت وهو مريخابي على السكين الى استاد الهلال فقد كان الهلال في اسوأ حلاته في تلك المباراة والله انا عن شخصي كنت متوقع ان يفوز المريخ باكثر من خمسة اهداف ولو لا تدخل الاتحاد بواسطة التحكيم لما راينا الهلال منذ تلك اللحظة ولغاب بدره الى ان تقوم الساعة وما فعله زيكو كان نتيجة تراكمات افعال الحكم بالمريخ الكيان في تلك المباراة وزاد عليه هتاف جماهير المريخ التي ملأت جنبات الاستاد ( التحكيم فاشل _ التحكيم فاشل ) ولو لا تدخل الشرطة المتسرع بالبنمبان على المساطب الشعبية لاستمرت المباراة رغم التحكيم ولتغيرت النتيجة .. الظلم ظلمات عزيزي ود البشرى ..
يا يوسف اعرض عن هذا الحديث عن اخفاقات الهلال كمبرر لإخفاقات المريخ لا يستقيم ورغم كدا لاعب يشيل الكورة من الملعب و يمنع اكمال المباراة دي ما حصلت إلاّ من المريخ انا ما متاكد لكن قرات مرة عن حادثة سابقة شبيهة في الستينات بطلها احد مدافعي المريخ يمكن سليمان عبد القادر - عموما ما متأكد نجي للمباراة بتاعة زيكو اولا يا يوسف المباراة كانت في استاد المريخ ولا ادري كيف انك تقعت فوز المريخ إذ ان المريخ حالت بالبلا و هي المباراة الرابعة بعد ثلاثة انتصارات هلالية في لقاءات القمة و مباراة الدورة الاولى انتهت اربعة واحد للهلال كاحد اعلى النتائج في لقاءات القمة ووالي الدين - رحمة الله عليه - كان في اوج مجده ياخ اقول ليك حاجة تعرف انو زيكو - هداف المريخ - لعب في المباراة دي ثيردباك لسوء حال دفاع المريخ انا كنت حاضرها واذكر جيدا بعد والي الدين خطف الكورة في القون التاني زيكو كان جاري وراه ومع غمزة الكورة في القون للآن يتراءى لي منظر زيكو وهو ساكي الكورة لغاية ما دخلت الشبكة دخل وراها ومسك الشبكة العلوية بكل حسرة تصرف زيكو كان طبيعي بعد ما اخد المباراة كتحدي شخصي ليه انو عايز يوقف انتصارات الهلال لكن سوء حال الدفاع ومهارة والي الدين حينها ما ساعدوه فانفعاله و احساسه بالهزيمة الشخصية هم السبب وراء تصرفه دا
فيا عزيزي المسألة ابدا ما كانت تحكيم
كدي خلينا من منو الاكتر و الاقل انا عندي سؤال ليه جمهور المريخ يسمى بالصفوة و اديني ليها بالله واحد اتنين تلاتة
Quote: نصيحة لوجه الله أنسى الموضوع دا لانه أتعمل مرتين في المكان دا عن طريق ناس زيك كدا كتبو كلام كتير وبعد شافو النتيجة قربوا يكتبوا البوست دا عملو الهكر وشارك فيه براهو.
إنت عارف المريخاب ديل دائماً بحاولوا يثبتوا إنهم هم الأفضل ... عشان كدة ما مستبعد تدفق أعضاء المنبر المريخاب على أيّ استبيان ... وإن شاء الله سيكون الاستبيان القادم بشكل مُختلف ...
ولك ودي ،،،
07-31-2011, 06:26 PM
haroon diyab
haroon diyab
تاريخ التسجيل: 06-20-2007
مجموع المشاركات: 23215
Quote: كشفت احدى الوكالات العالمية للاعلان واظنها مصرية عن شعبية أكبر ناديين في العالم الاهلي القاهري ثم الهلال السوداني حيث يتجاوز جمهورهما الخمسة وعشرين مليون مشجع.. أكثر من برشلونة الاسباني الذي قدر في حدود خمسة ملايين فقط وهكذا بقية الأندية.
Quote: في استفتاء موقع (قول) العالمي فاز نادي الهلال بلقب النادي الأكثر شعبية في السودان في تصويت أجراه موقع قول الالكتروني العالمي -النسخه العربية-، حيث حاز الهلال علي نسبة 63،46 ٪.. تلاه المريخ في المركز الثاني بنسبة 33.97 ٪.. ثم نيل الحصاحيصا بنسبة 1.92 ٪.. ثم هلال الساحل بنسبة 0.64 ٪. وأشار الموقع الي ان التصويت يعبر عن الشعبيه الالكترونيه لكل ناد، وقد تم طرح نفس التصويت لاختيار النادي الأكثر شعبيه في كل البلدان العربيه، حيث فاز الهلال في السعوديه، الأهلي في مصر، الرجاء البيضاوي في المغرب، الترجي في تونس.. وقد تم عرض النتائج بأكثر من لغه، وتم اعتماد أساليب دقيقه في حساب الأصوات. يذكر ان الموقع سبق أن طرح استفتاء حول افضل لاعب وسط في الوطن العربي و اختير كابتن الهلال و المنتخب الوطني (هيثم مصطفي) ضمن أفضل خمسة لاعبي وسط في الوطن العربي.
وعليكم السلام يوسف الدفينة ورمضان كريم تصوم وتفطر على خير إن شاء الله
يا يوسف اعرض عن هذا الحديث عن اخفاقات الهلال كمبرر لإخفاقات المريخ لا يستقيم ورغم كدا لاعب يشيل الكورة من الملعب و يمنع اكمال المباراة دي ما حصلت إلاّ من المريخ انا ما متاكد لكن قرات مرة عن حادثة سابقة شبيهة في الستينات بطلها احد مدافعي المريخ يمكن سليمان عبد القادر - عموما ما متأكد نجي للمباراة بتاعة زيكو اولا يا يوسف المباراة كانت في استاد المريخ ولا ادري كيف انك تقعت فوز المريخ إذ ان المريخ حالت بالبلا و هي المباراة الرابعة بعد ثلاثة انتصارات هلالية في لقاءات القمة و مباراة الدورة الاولى انتهت اربعة واحد للهلال كاحد اعلى النتائج في لقاءات القمة ووالي الدين - رحمة الله عليه - كان في اوج مجده ياخ اقول ليك حاجة تعرف انو زيكو - هداف المريخ - لعب في المباراة دي ثيردباك لسوء حال دفاع المريخ انا كنت حاضرها واذكر جيدا بعد والي الدين خطف الكورة في القون التاني زيكو كان جاري وراه ومع غمزة الكورة في القون للآن يتراءى لي منظر زيكو وهو ساكي الكورة لغاية ما دخلت الشبكة دخل وراها ومسك الشبكة العلوية بكل حسرة تصرف زيكو كان طبيعي بعد ما اخد المباراة كتحدي شخصي ليه انو عايز يوقف انتصارات الهلال لكن سوء حال الدفاع ومهارة والي الدين حينها ما ساعدوه فانفعاله و احساسه بالهزيمة الشخصية هم السبب وراء تصرفه دا
فيا عزيزي المسألة ابدا ما كانت تحكيم
كدي خلينا من منو الاكتر و الاقل انا عندي سؤال ليه جمهور المريخ يسمى بالصفوة و اديني ليها بالله واحد اتنين تلاتة
محمد البشري يعود عليك باليمن والبركات يار رب .. مجرد تصحيح المباراة التي اخذ فيها زيكو الكرة وسحب لعيبة المريخ كانت في يوم 19/7/1996م باستاد الهلال وازكر انني صليت المغرب قبل دخول الاستاد في ( برش ) امام كفتريا تفتح على بوابة جامعة الاحفاد الشريقية مقابل شجرة النيمة المشهورة .. تقدم الهلال بهدفي سانتو رفاعة الصغير ( جمال ) والمرحوم والي الدين وكان زاهر مركز بصدد تنفيذ ضربة الجزاء عندما حمل زيكو الكرة وسحب زملاؤة نتيجة ظلم التحكيم للمريخ وكان حكم تلك المباراة سليمان صالح ولعب للمريخ الدش وحاتم محمد احمد والضو والشبح وكاريكا وعبد العظيم قاقرين ونميري ومحمد موسى وابراهومة وادورد ولعب للهلال الرشيد فيصل السادة ودالجنيد الثعلب وبرشم وابو شامة وكومي وجمال سانتو وزاهر مركز ووالي الدين وانس النور .. والمباراة الثانية التي زكرتها امر احد اداريي المريخ الكابتن سليمان عبد القادر سحب اللعيبة من الملعب ايضاً نتيجة انحياز التحكيم فتاريخ الهلال مع التحكيم ضارب منذ القدم .. في 27 / 1 / 1956 فاز الهلال على المريخ 6/1 ولم تكن هذه النتيجة الاعلى في تاريخ مقابلات الفريقين .. اما تاريخ انسحابات الهلال امام المريخ ففي السرد التاريخي السابق موضحة بالتفاصيل .. اما عن الصفوة دي واراك من المؤلفة قلوبهم الحبيب محمد البشري هههههههههه .. قبل الحديث عن الصفوة سنرفع القبعات اولاً ابو الخضر .. الصفوة ارتبطت بالمريخ منذ النشأة ويكفي بان من شارك في تاريخ المريخ وفي تكوين ذلك الاعجاز الذي يسمى المريخ شقي المجتمع رجال ونساء فقد اختارت الاسم احدى حسنوات حي المسالمة وكان لها ما ارادت في دمقراطية لم ولن تحصل في الاندية السودانية .. المريخ اول فريق يتكون في السودان واول فريق يحرز بطولة داخلية بفضل جماهير النادي واستحقوا لقب الصفوة على ذلك.. عندما زعل وحرد اثنين من جماهير المريخ وانشقا وكونا فريق الهلال سميت جماهير المريخ الاصل بالصفوة وسميت جماهير المريخ الزعلانة بجماهير الهلال .. حقق المريخ التفرد والتميز بمقابلات المريخ والهلال المباشرة وكانت الغلبة للمريخ في عدد المقابلات المباشرة وللصفوة دور في ذلك لذلك استحقت اللغب .. سحق المريخ الهلال في المنافسات الداخليه وتغلب عليه في عدد احراز تلك المنافسات عبر التاريخ بفضل جماهيره التي استحقت لقب الصفوة .. احرز المريخ الكاسات المحمولة جواً والبطولات القارية دون سائر الاندية السودانية وكل ذلك بفضل جماهيره التي استحقت لقب الصفوة .. ساعدت جماهير المريخ في حملة المنشاءات عبر الحملة التي اطلقها النادي الريس عصام الحاج ( مليار لاعمار الدار ) واستحقت لغب الصفوة .. كرمت جماهير المريخ لاعبيها واستقبلتهم في مطار الخرطوم وهم يحملون البطولة القاريةتلو الاخرى للسودان في ظاهرة تعد السابقة الاولي في تاريخ الرياضة بالسودان واستحقت جماهير المريخ لقب الصفوة على ذلك .. روابط المريخ المتكونة وعلى راسها رابطة اطباء المريخ وما شابهها جميعها روابط تخدم نادي ومتكونة من جماهير مشجعي المريخ لذلك استحقت جماهير المريخ لقب الصفوة .. الآن جماهير المريخ تتسابق كل يوم ثلاثاء في حملات اسبوعية لنيل عضوية نادي المريخ دون سائر جماهير الاندية الاخرى وهي سابقة استحقت عليها لقب الصفوة .. جماهير المريخ اكبر قاعدة جماهرية في السودان وهذا الموقع يشهد بذلك لذا استحق مشجعي المريخ لقب الصفوة .. جماهير المريخ جماهير بطولات وانجازات وكرمت داخل القصر الجمهوري لذلك استحقت لقب الصفوة .. وكما عودنا التاريخ بان المريخ سباق في كل شي فان جماهير المريخ ايضاً سباقة في كل شي لذلك استحقت لقب الصفوة .. محمد البشرى والله العظيم الكلام كتتتتير وما بكمل والحديث في المريخ ذو شجون والونسة بانجازات المريخ حلوة وراقية لكن والله يا ابو الخضر عطشته عديل كده .. بجي اكمل ليك بعدين ...
Quote: إنت عارف المريخاب ديل دائماً بحاولوا يثبتوا إنهم هم الأفضل ... عشان كدة ما مستبعد تدفق أعضاء المنبر المريخاب على أيّ استبيان ... وإن شاء الله سيكون الاستبيان القادم بشكل مُختلف ...
حسب احصاءات الاتحاد العالمي (الفيفا) المريخ السوداني يتفوق على الهلال في عدد المشجعين والتاريخ والكاسات (خارجية وداخلية)..وذكر ريردور سايلتون متحدث باسم اتحاد الفيفا والمتخصص في الشأن الرياضي الافريقي ان المريخ اكبر واعرق نادي سوداني له انجازات وجمهور حتى تاريخه ...
لكن صراحة الهلال يفوق المريخ في مصاحبة ومرافقة الاندية الابطال في كاس الابطال حتى ايصالهم الى اماكنهم ..
شوف مزمل كتب شنو عن الصفوة .. صفوة والله وحكاية! * جمهور المريخ أقوى أسلحة فريقه في كل المباريات. * في مدني اكتسى الإستاد بالأحمر حتى خلنا أنه يلعب في الرد كاسل. * وفي شندي سيرت جماهير المريخ مظاهرة حب جميلة وزفت فرسانها إلى أجمل انتصار. * يوم أمس الأول انتقلت أعراس الصفوة إلى الميناء، ورسمت جماهير المريخ أجمل لوحة في أحلى ليلة. * زلزال الملاعب حاضر. * عدنا كما كنا! * وعاد أنصار الأحمر إلى الهتاف المحبب. * بالطول.. بالعرض.. مريخنا يهز الأرض! * جميل هذا الهتاف حد الروعة. * جمال جعله يتسرب إلى كل إستادات كرة القدم في كل أنحاء الوطن العربي. * تسمعه في السعودية بواسطة مشجعي الإتي.. وتسمعه في الإمارات عند مشجعي الوحدة والعين.. وتسمعه في الدوحة بأفواه مشجعي السد والعربي والريان، وتسمعه في البحرين، وسلطنة عمان، واليمن السعيد. * هذه هي عبقرية الصفوة التي أنتجت أجمل الهتافات الكروية عبر التاريخ. * برانا برانا بنغلب غانا.. كمال لعاب يا هلالاب.. جسارة جسارة عمر وبشارة.. أولادك شطة يا أبو العايلة.. مريخنا عظيم رغم التحكيم.. أشعلت النار يا عمار.. بتسل الروح يا دحدوح.. باقي دقيقة وسامي بجيبها.. عاوزين بمبان يا صابون! * وعندما تألقت النجوم مجتمعة على أيام مانديلا الغرة أم خيراً برة وانداح إبداع الفرسان الحمر حتى عم أدغال إفريقيا السمراء اختارت جماهير المريخ أن تهتف للمجموعة: (سكسك وباكمبا وأوعنجة)! * هذا هو حال جمهور المريخ عبر التاريخ. * وهذه هي عادات الصفوة ، منذ أن نظرت المهمة العبقرية سيدة فرح إلى السماء السابعة وانتقت لمعشوقها أجمل الأسماء وأكملها وأصفاها! * المريخ.. يا لجمال هذا الاسم الأخاذ. * ارتبط منذ الأزل بالفضاء الفسيح.. ودل على العلو والرفعة فتعلقت طموحاته بالسماء، لذا فلا غرو ولا عجب في أن يسد الساحة ويشيل مفتاحها! * هو السحر لا فخر ولا عجب.. ذا المريخ سُر القوم أو غضبوا! * جميل ما سألناه.. ولكنا هويناه! * عجيب في معانيه إذا أدركت معناه! * نهواه في كل الظروف.. وتهفو نفوسنا إليه وترتحل كل صباح ومساء. * جميل بتاريخه الوضيء، وإنجازاته الكبيرة، وبطولاته المتفردة.. ورجالاته الأماجد! * جميل في الحاضر والماضي والمستقبل. * أجمل منه ما احتوى فؤادي.. فالعبق الصادح ما احتويت! * نجتمع على حبه في قلعة الضياء، ونهفو إليه في الأرض والسماء. * ننام على عشقه ونصحو على صفاء هواه. * المريخ صنو التاريخ، وفخر الوطن. * من غيره أحضر الكؤوس بالأجواء طائعة؟ * من غيره زين جيد الوطن بأحلى الألقاب؟ من غيره عبر الحدود ورفع رايات الجدود؟ * تفرد عن غيره بإنجازات عزت على من سواه، وميز نفسه كما أراد المولى له منذ لحظة الميلاد. * وميزته الصفوة بالعشق الدافق والوله البديع. * نجتمع في ثنايا قلعته الجميلة.. ونهتف له ونغني ونصفق ونشدخ بهتافنا الجميل عنان السماء. * ونرتحل خلفه أينما سار. * هل رأى الحب سكارى مثلنا؟ * نبكي لانتصاراته ونبكي لانكساراته.. لا يبطرنا نصر ولا تهزنا هزيمة. * عاهدناه على الحب، واتفقنا على الولاء لأجمل الحلوين. * جميل جداً هذا المريخ! آخر الحقائق * كما قال حفيد الأب الروحي نهاد: المريخ رسالة.. حضارة.. بشرى بشارة.. جسارة بسالة.. شرارة.. حرارة ونار حمرا! * المريخ يا أولاد حامي.. سامي.. دافي.. ممطر في عز الحريق.. يقع في مناطق الإحساس.. الغيرة والإخلاص.. ويشمل (حماس) من زمن سيكا وأحمد العباس! * إياكا الحبيب الضوو ما بهمد.. مرق القبايل.. سناد المايلة.. فراج الكرب.. فارس الحوبات.. ضو الهامدات.. خريف اليابسات ومقنع الكاشفات! * لصفوة العشاق كل الحب وهم يمارسون عشقهم الجميل في كل مكان! * المريخ في كل بلد سوالو عيال! * يلعب في البقعة.. في شندي.. في الدامر.. في عطبرة.. في الثغر.. في كادوقلي.. في الشلف.. الأمر ما اختلف! * ولو لعب في درب التبانة لوجد فيها من يهتف لاسمه الجميل. * لن تسير وحدك أبداً! * عشاقك خلفك في كل مكان.. لا يمارسون معك دل المحبين.. ولا يبخلون بالسند في كل مكانٍ وزمان. * المجد والمريخ توأمان! * وجماهيره (صفوة والله وحكاية.. تشغل أذهان العباد)! * نحن المعلم والكتاب! * للعلياء خلقنا! * السفح لا يشبهنا.. والقاع ليس ملعبنا! * لذا هتفت جماهير الزعيم منذ الأزل: فوق فوق مريخنا فوق! * إنت يا مريخنا عالي! * المريخ صنو التاريخ. * صدق الحبيب نهاد شاخور حين كتب: الفرح في بستان سيدة فرح قديم.. ومقيم.. ومستفحل.. والمريخ نسمة هجير.. و(توب شتا) ومطر عز الخريف.. وملاذ ومتكأ (ضو قبيلة وشيال تقيلة وعين شمس)! * مريخ الحبان.. قدح الضيفان.. قبلة الإخوان.. موية العطشان.. منارة للضهبان وتكية العدمان! * ذات مرة قال نهاد شاخور إن لديه صديق مجنون بالنجمة زعم أنه يرغب في ترك تشجيع المريخ.. فسأله نهاد: لماذا تريد هجر المريخ؟ قال؟ المريخ سكرو زايد.. وأنا عندي سكري.. عاوزكم تستأذنوا لي جمال الوالي يخليني أخلي تشجيع المريخ وأشوف لي فريق (دايت)! * الدايت واضح.. والواضح ما فاضح! * دايت في البطولات الخارجية.. ودايت في الكؤوس الجوية! * سعرات حرارية صفرية في كل المنافسات الخارجية! * دايت مغطينا! * وصافة المريخ شرف لو تعلمون عظيم! * اليوم يهل علينا شهر الصيام الفضيل.. كل عام وأنتم بألف خير. * البرير يحذر المريخاب.. أبشر بطول سلامة يا مريع! * تسبب عطل فني في المطبعة في عدم إرسال الصحيفة إلى محبينا في الولايات، لكم العتبى. * أمام الأمل سيغيب باسكال.. وسيعود الأسد الأحمر سفاري. * عوداً حميداً مستطاب. * في شندي في الدامر في السماء الأحمر المريخ جاهز في كل زمان ومكان. * والصدارة في أمن وأمان. * آخر خبر: رمضان كريم.
Quote: فايز ود القاضي كتب: حسب احصاءات الاتحاد العالمي (الفيفا) المريخ السوداني يتفوق على الهلال في عدد المشجعين والتاريخ والكاسات (خارجية وداخلية)..وذكر ريردور سايلتون متحدث باسم اتحاد الفيفا والمتخصص في الشأن الرياضي الافريقي ان المريخ اكبر واعرق نادي سوداني له انجازات وجمهور حتى تاريخه ...
لكن صراحة الهلال يفوق المريخ في مصاحبة ومرافقة الاندية الابطال في كاس الابطال حتى ايصالهم الى اماكنهم ..
تصدّق يا عمّك شلت كلامك دة ووديتو لي عمّك قوقل قال لي يطرشني ويعميني ما مرّ على إرشيفي ...
على العموم وبمناسبة شهر رمضان المُبارك ولحسن النية فيك مصدّقك لكن بشرط ...
Quote: فايز ود القاضي كتب: حسب احصاءات الاتحاد العالمي (الفيفا) المريخ السوداني يتفوق على الهلال في عدد المشجعين والتاريخ والكاسات (خارجية وداخلية)..وذكر ريردور سايلتون متحدث باسم اتحاد الفيفا والمتخصص في الشأن الرياضي الافريقي ان المريخ اكبر واعرق نادي سوداني له انجازات وجمهور حتى تاريخه ...
لكن صراحة الهلال يفوق المريخ في مصاحبة ومرافقة الاندية الابطال في كاس الابطال حتى ايصالهم الى اماكنهم ..
كتب صبري طه ..تصدّق يا عمّك شلت كلامك دة ووديتو لي عمّك قوقل قال لي يطرشني ويعميني ما مرّ على إرشيفي ...
على العموم وبمناسبة شهر رمضان المُبارك ولحسن النية فيك مصدّقك لكن بشرط ...
المصدر يا عمّك
رمضان كريم يا صبري طه .. الظاهر يوم امس كان يوم حار شديد .. حديث ود القاضي عن جماهير المريخ وتفوق المريخ على الهلال في الاسبقية التاريخية وتفوقه ايضاً على الهلال في عدد البطولات الداخلية وفي عدد البطولات الخارجية التي هي حصرية على المريخ وان المريخ اعرق نادي سوداني واكبر نادي له انجازات والاكثر جماهرية لا تحتاج لي عمك قوقل فهذه امور بينة ومثبته الا اذا حبيت تملأ وقتك والعطش في رمضان بالبحث في قوقل .. المصدر يا عمك السرد التاريخي عاليه والكاسات المحمولة جواً وخروج جميع الشعب السوداني لاستقبال لاعبي المريخ في مطار الخرطوم في سابقة لم تتكرر ولن تتكرر الا مع المريخ والتكريم في القصر الجمهوري وكمان ازيدك شويه جوبا تشهد( يا مسافر جوبا _ وجوبا مالك عليه _ وباقي دقيقة وسامي بيجيبه ) ونلسون مانديلا يشهد والمتواليات تشهد والدوري دون هزيمة او تعادل يشهد وسيكافا تشهد ودبي تشهد والدوي المحلي يشهد وكاس السودان يشهد والمطارات تشهد والتاريخ ذاااااااتو بيشهد .. تاني جاري لي عمك قوقل قي شنو ..؟؟ رمضان كريم ...
Quote: يوسف الدفينة كتب: رمضان كريم يا صبري طه .. الظاهر يوم امس كان يوم حار شديد .. حديث ود القاضي عن جماهير المريخ وتفوق المريخ على الهلال في الاسبقية التاريخية وتفوقه ايضاً على الهلال في عدد البطولات الداخلية وفي عدد البطولات الخارجية التي هي حصرية على المريخ وان المريخ اعرق نادي سوداني واكبر نادي له انجازات والاكثر جماهرية لا تحتاج لي عمك قوقل فهذه امور بينة ومثبته الا اذا حبيت تملأ وقتك والعطش في رمضان بالبحث في قوقل .. المصدر يا عمك السرد التاريخي عاليه والكاسات المحمولة جواً وخروج جميع الشعب السوداني لاستقبال لاعبي المريخ في مطار الخرطوم في سابقة لم تتكرر ولن تتكرر الا مع المريخ والتكريم في القصر الجمهوري وكمان ازيدك شويه جوبا تشهد( يا مسافر جوبا _ وجوبا مالك عليه _ وباقي دقيقة وسامي بيجيبه ) ونلسون مانديلا يشهد والمتواليات تشهد والدوري دون هزيمة او تعادل يشهد وسيكافا تشهد ودبي تشهد والدوي المحلي يشهد وكاس السودان يشهد والمطارات تشهد والتاريخ ذاااااااتو بيشهد .. تاني جاري لي عمك قوقل قي شنو ..؟؟ رمضان كريم ...
الله أكرم ... وكل عام وأنتم بخير ... ودقيقة عليك الله ما تخمني بالكلام ساي كدة ...
أخونا ود القاضي كتب:
Quote: حسب احصاءات الاتحاد العالمي (الفيفا) المريخ السوداني يتفوق على الهلال في عدد المشجعين والتاريخ والكاسات (خارجية وداخلية)..وذكر ريردور سايلتون متحدث باسم اتحاد الفيفا والمتخصص في الشأن الرياضي الافريقي ان المريخ اكبر واعرق نادي سوداني له انجازات وجمهور حتى تاريخه ...
أها يا عمّك ود القاضي الكلام الملون باللون الأحمر دة جابو من وين ... لو من موقع الفيفا اللي يورينا الصفحة بتاعتو وين ؟ ولو عندو أيّ مصدر تاني اللي يورّينا ليهو ...
ولاّ أقول ليك حاجة خليهو يستعين بالاتحاد العام السوداني بقيادة المريخي معتصم جعفر ويجلب لينا المُراسلات التي تمّت بين الاتحادين والتي تؤكد صحة كلامو الجابو دة ...
عادي هسة أنا ممكن أكتب لي نص زي الكتبو الفوق دة وبدل ريردور سايلتون (دة ما عرفتو اسم ولا علاج) ممكن أكتب جوزيف بلاتر شخصياً وأقول وأقول ... إلخ
النجيضة: أنا في انتظاركم الاتنين تثبتوا لي إنو الفيفا قال المريخ السوداني يتفوق على الهلال السوداني في عدد المشجعين ... أتحداكما ...
ــــــ الطريف في الأمر الظاهر أخونا يوسف الدفينة صدّق أخونا فايز ود القاضي
انت الغاغه شنو العامله صبرى دى !!! خلاص اكتر مننا وكل حاجة بس الكاس دا كاسكم اتناولوهو وتعالو . هسى دا سوووالك
Quote: هل فيكم من يتمنّى للهلال أن يحقق بطولة خارجية ؟!
اها انا وناس كتاااار زي ياخ قول كل المريخاب عدى مجدي ما بنتمنى يجيب ولا كاس !!!!! دي مشكلتك يعني !!!! دايرنا نتمني تجيبو كاس !!!؟ اها قول (لا قدر الله) أتمنينا بتجيبوهو يعني!!!!؟ و الله يا صبري تحير ذاتو قال اتمنى قال !!!!
يا الدفينة اخوى صاحبنا وصاحب اخوك دا اظنو عشطااان سااااكت و يا الدفينة الحسناء السمت المريخ بالمريخ اظنها جدة أو والدة الفنان الذري ابراهيم عوض رحمه الله . بالله شوف ديل انتو قايلين نحنا بنقالع في الجمهور ولا شنو ؟؟؟ الكتار منو دا ما سوووالنا ولا حاجة بتأرقنا يا ناس افهموا كلامي دا .
والله يا صبري جنك غلااااط الزول الغالطك دا مش صاحبك انت !!!؟ مش هسي محتمل تكون ناجروا لينا برااااك من كنكوجك القال ليك شجع الهلال دا !!!؟ وجيت تقول لينا منكم وفيكم !!! يا زووول هووووي انتو كتااااار ونحنا وفريقنا وادارتو كلنا 102 بس خلاص ... يلا امشو بي كترتكم دي جيبو الكاس .
08-02-2011, 04:42 PM
محمد قسم الله محمد
محمد قسم الله محمد
تاريخ التسجيل: 06-13-2011
مجموع المشاركات: 2784
يوسف الدفينة تقبل الله صيامكم و قيامكم حيّرتني و شككتني باصرارك على معلومة ان المباراة اقيمت في استاد الهلال وانا كلي يقين من كونها لعبت في المريخ - حفرة الدخان حينها - قبل ان يصير الرد كاسل فرجعت لقوقل و حاولت التفتيش في اراشيف الصحف و المنتديات, للأسف الاتحاد السوداني ما عنده موقع يوثق لتاريخ الدوريات و البطولات السودانية كما يفترض , المهم كل ما عثرت عليه في المنتديات المختلفة ان المباراة كانت في المريخ لكن للاسف هذه المنتديات ليست مرجعية نحتكم اليها فأتمنى من الاخوة الكرام من لديه المعلومة موثقة ان يمدنا بها
نرجع يا يوسف لكلامك عن تسمية الصفوة, ياخي احبطتني وانت تردد انشاء و شعر و نثر و حديث غلبت عليه العاطفة لا الحقائق سؤالي لك عن التسمية ذو شقين الاول عن السبب التاني عن الدلالة و القصد من سؤالي كان ما هو مفهوم المريخاب - ا الاعلام المريخي تحديدا - للقب صفوة و هل يفي سلوك الجمهور المريخي باستحقاقات هذا اللقب فحديثك عن انجازات حققها الفريق و نسبتها للجمهور لذا يستحق الصفوة ايضا لا يتقيم ولا ياكل عيش حديثك عن مشروع المليار لاعمار الدار فبغض النظر عن ما آل إليه المشروع فكون الهلال و المريخ يسير بدعم اقطابه و جمهوره وسائر الاندية السودانية فدا ليس بالشيئ الجديد او الحصري على المريخ و جمهوره الاستاد و التحسينات الادخلت عليه كلنا نعلم ان الفضل فيها - بعد المولى - يرجع للوالي وليس للجمهور يد فيها كدي بدل صرف العربي الكتير يا يوسف وريني الصور ادناه تشي بسلوك "صفوي"
تجاهل التعليقات المضافة للصورة و اديني رايك في شنو البخلي رئيس النادي يقطع الميدان عشان يحنس "الصفوة"
واكيد تذكر احداث مباراة سيمبا في سيكافا 94 التي نكرتم فيها جمهوركم وقلتو دا جمهور سيكافا والقوارير التي تتساقط على لاعبي الفريق الخصم المحتفلين باحراز اهداف في المريخ و مباراة زيسكو التي توقفت زهاء الربع ساعة بامر حجارة "الصفوة" و دموع العجب وهو يتوسل لهم ان دعونا نكمل المباراة وطرد ابراهومة من تدريب الفريق وغيرها وغيرها (اتمنى انو ما يجوني ناس علي بشير ويشبكوني جمهور الهلال فعل وترك وما يخلو صورة حايمة في منتديات المريخ ما يجيبوها الرد حينها وببساطة : متين ادعى حمهور الهلال انه صفوة أو ان جمهور الهلال و اعلامييه لم يخطؤوا تفسير كلمة صفوة و لهم الوعي الكافي بدلالاتها واستحقاقاتها)
الخلاصة يا يوسف ان لقب صفوة مستخدم بصورة و تفسير خاطئين من قبل اعلامييكم و كعادتكم مع اعلامكم تتعاملون مع ترهاتهم كأنها مقدسة لا يأتيها الباطل من بين يديها
الرد حينها وببساطة : متين ادعى حمهور الهلال انه صفوة أو ان جمهور الهلال و اعلامييه لم يخطؤوا تفسير كلمة صفوة و لهم الوعي الكافي بدلالاتها واستحقاقاتها)
لا يستطيعوا يا ابو الخضر لانها حصرية على جماهير المريخ .. عزيزي محمد سمعت بمامون بمبان ..؟؟؟
08-02-2011, 08:55 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
هلا يوسف قصدك صلاح بمبان افتكر مامون صابون كورتو براها لكن ما سار عليه لقب بمبان حتى دي يا يوسف ليست حكرا على جمهور الهلال , تذكر كورتكم مع اهلي الخرطوم في دوري العاصمة في التمانينات الاهلي غالبكم واحد و اصيب فيها جمال ابو عنجة بكسر في الترقوة ايضا تسبب "الصفوة" في انهاء لمباراة بالبمبان ومالي اراك طنشت كورة سيمبا الاولى في سيكافا 94 ولاّ الوقت داك ما كنتو صفوة - طبعا تعلم ان لقب الصفوة اطلق قريبا واطلقه اسماعيل حسن او ابو شيبة لا اذكر جمهور الهلال خليه, عارف قدره ولا يكذب على نفسه الفكرة و السؤال - الما جاوبت عليه بالمناسبة - يا يوسف هل جمهور المريخ يستحق لقب صفوة ؟؟
ولأننا هلالاب أنا أقول ليك الحاجة المتذكّرها لحدّي ما إتأكد من المصادر ... على ما أعتقد أن مباراة الهلال والمريخ والتي شال فيها زيكو الكورة وقال الرووووب ما دايرين دي كانت في استاد الهلال ... ولحظتها كانت النتيجة 3 لصالح الهلال مُقابل 1 لصالح المريخ ...
ولك كل الود والتقدير ،،،
08-02-2011, 09:39 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
أما قصة الصفوة دا نوع من النفاق والتخدير البيمارسو الاعلام السالب علي جمهوره المغلوب علي أمرو
لايوجد جمهور نادي صفوة....وكما ذكرت قبلا: الجمهور فيهو الاستاذ الجامعي وفيهو الطبيب وفيهو المحامي وفيهو العامل وفيهو الميكانيكي وفيهو العاطل عن العمل وفيهو المنحرف وفيهو الفاقد التربوي...أن تجمع كل هؤلاء في لفظ صفوة يبقي إما إنك بتنافق أو بتغش في نفسك
Quote: يوسف الدفينة كتب: المباراة المزكورة كنت شاهد عيان عليها من داخل استاد الهلال وقد اسطحبني اليها الاخ محمد فقيري من البيت وهو مريخابي على السكين الى استاد الهلال
قُلت لي اصطحبك محمد فقيري لاستاد الهلال ... وكُنت شاهد عيان عليها من داخل استاد الهلال
يا عمّك أتاريهو زيكو ما كان براهو في ناس كتيرة قام بيها اللوري ...
المباراة المذكورة كانت في استاد المريخ ... والحمد لله لم أقل أنني شاهدتها من داخل الاستاد
لو حافظ استاد المريخ كويّس ركّز في لقطة الانسحاب:-
أما قصة الصفوة دا نوع من النفاق والتخدير البيمارسو الاعلام السالب علي جمهوره المغلوب علي أمرو
لايوجد جمهور نادي صفوة....وكما ذكرت قبلا: الجمهور فيهو الاستاذ الجامعي وفيهو الطبيب وفيهو المحامي وفيهو العامل وفيهو الميكانيكي وفيهو العاطل عن العمل وفيهو المنحرف وفيهو الفاقد التربوي...أن تجمع كل هؤلاء في لفظ صفوة يبقي إما إنك بتنافق أو بتغش في نفسك
وعليكم السلام أخي د. ياسر ... وهم الناس ديل مُفتكرين إنهم ما عايشين معانا ... ولاّ ما قاعدين نشاهد ليهم في مُبارياتهم والفليق والجرسة ... يعني الصفوية دي ما بتغبى علينا ...
دمت بود ،،،
ـــــــ
(عدل بواسطة صبري طه on 08-03-2011, 09:06 AM) (عدل بواسطة صبري طه on 08-03-2011, 09:07 AM)
Quote: انطلقت بطولة الدوري الممتاز بالشكل الحالى لأول مرة في عام 1996م وكانت تحمل يومها اسم «الدوري العام» وبدأت مواجهات هلال مريخ في هذ المنافسة في ابريل من عام 96 حيث استضاف الهلال لقاء الدورة الاولي واستطاع ان يكسب المباراة بأربعة اهداف مقابل هدف واحد.. احرز اهداف الهلال جمال سانتو- انس النور- زاهر مركز- ابو شامة فيما سجل هدف المريخ الوحيد زيكو. في الدورة الثانية للدوري العام 96 انتصر الهلال علي المريخ بهدفين نظيفين واقيمت المباراة بملعب الاخير احرز هدفي الهلال سانتو والمرحوم والي الدين وهي لمباراة زيكو الشهيرة التي لم تكتمل بعد انسحاب المريخ احتجاجاً علي ركلة جزاء احتسبها الحكم سليمان حسين لصالح الهلال...
وفي الدورة الاولي للممتاز عام 1997م التقي الفريقان باستاد الهلال وكسب الهلال المباراة بهدف نظيف حمل توقيع زاهر مركز. وشهدت الدورة الثانية تحقيق اول فوز مريخي علي الهلال منذ انطلاقة الممتاز حيث كسب المريخ المباراة التي اقيمت بملعبه بهدف نميري احمد سعيد.
في الدورة الاولي للممتاز عام 1998 كسب الهلال المباراة التي اقيمت باستاد المريخ بهدف نظيف احرزه باكمبا. وكرر الهلال فوزه بملعبه في الدورة الثانية بهدف وحيد حمل توقيع صلاح الضي..
في عام 1999م التقي الفريقان مرة واحدة فقط في افتتاح المربع الذهبي حيث اقيمت البطولة بنظام المجموعتين واقيم اللقاء لأول مرة باستاد الخرطوم وكسب الهلال بهدفين للمعلم خالد بخيت مقابل هدف للمريخ احرزه حاتم محمد احمد..
في عام 2000م وفي الدورة الاولي تعادل الفريقان بدون اهداف في ملعب استاد الهلال وكان هذا أول تعادل بين فريقي القمة في بطولة الممتاز منذ عام 1996م في الدورة الثانية انتصر المريخ بهدفين نظيفين احرزهما عبد المجيد جعفر ومحمد موسي.
في الدورة الاولي للممتاز عام 2001م كسب المريخ المباراة التي اقيمت بملعب الهلال بهدفين نظيفين نالهما فيصل العجب ونجم الدين ابو حشيش وهذا آخر فوز للمريخ علي الهلال في بطولة الممتاز. في الدورة الثانية تعادل الفريقان بدون اهداف في المباراة التي استضافها استاد المريخ..
في الدورة الاولي للممتاز عام 2002م تعادل الفريقان بدون اهداف واقيمت المباراة باستاد الهلال. في لقاء الدورة الثانية الذي استضافه استاد المريخ انتصر الهلال بهدف معتز كبير
في الدورة الاولي عام 2003فاز الهلال على المريخ في عقر داره بهدفين دون مقابل احرز خالد بخيت الهدف الاول واضاف هيثم طمبل الهدف الثاني في الدورة الثانية تعادل الفريقان سلبيا في المباراة التي اقيمت باستاد الهلال..
في موسم 2004م وفي الدورة الاولي للممتاز كسب الهلال المباراة التي استضافها بملعبه بهدفين نظيفين احرزهما معتز كبير وروبيرو. وكرر الهلال فوزه في الدورة الثانية وقلب هزيمته بهدف السعودي الي فوز بهدفين لروبيرو وهيثم طمبل.
في الموسم الماضي 2005م حقق الهلال فوزاً كاسحاً في الدورة الاولي بثلاثية نظيفة نالها صالح بهجة وهيثم مصطفي وهيثم طمبل. في الدورة الثانية تعادل الفريقان باستاد المريخ سلبيا.
فى الدورة الأولى 2006 تعادل الفريقان 1/1 أحرز للمريخ جندى نميرى وعادل للهلال كليتشى...
في الدوره الثانيه فاز الهلال علي المريخ 2/0 محرزي الاهداف ريتشارد و قودوين.
في موسم 2007 الدوره الاولى تعادل الفريقان 1/1 محرزي الاهداف قودوين وموسى الزومه
وفي الدوره الثانيه فاز الهلال علي المريخ 3/2 محرزي الاهداف من الهلال كرنقو وكلتشي ومهند ومن المريخ فيصل العجب وطمبل
التقي الفريقان في بطولة الممتاز «23» مرة كسب الهلال «13» مباراة وفاز المريخ في «3» مباريات وتعادل الفريقان سبع مرات.
احرز الهلال «28» هدفا في مرمي المريخ فيما احرز المريخ «12» هدفا في مرمي الهلال.. هيثم طمبل هداف مباريات القمه«4»
«3» مع الهلال ضد المريخ «1» مع المريخ ضد الهلال. خالد بخيت له «3» أهداف.
احرز هدفين كل من : جمال سانتو- زاهر مركز- روبيرو- معتز كبير وقودوين-فيصل العجب-كليتشى. واحرز هدفا واحداً كل من : انس النور- زيكو- ابو شامة- والي الدين- نميري احمد سعيد- حاتم محمد احمد- باكمبا- صلاح الضي- عبد المجيد جعفر- محمد موسي- نجم الدين ابو حشيش- عبد الحميد السعودي- هيثم مصطفي- صالح بهجة – جندى نميرى - موسى الزومه -ريتشارد- مهند - كرنقو.
اكبر فوز في تاريخ لقاءات الفريقين بالممتاز حققه ا لهلال باربعة اهداف مقابل هدف.
كتب محمد البشرى .. هلا يوسف قصدك صلاح بمبان افتكر مامون صابون كورتو براها لكن ما سار عليه لقب بمبان
صلاح بمبان دا من فصيلة اهلى مدني وكان الاهلي متقدم على الهلال بهدف الراجل عندما ثارت جماهير الهلال .. اما مامون بمبان دا من فصيلة المريخ العاصمي وكان المريخ متقدم على الهلال بهدف صلاح الامين ومامون صابون وثارت جماهير الهلال في فصائل تانيه بجيك ليها ...
جل من لا يسهو يا يوسف ولا يهمك الفترة طالت ومع غياب التوثيق المرجعي من جهة محترمة لتاريخ الرياضة السودانية عادي تفوت معلومة صغيرة زي دي
دكتور ياسر رمضان كريم و تصوم وتفطر على خير جبت النجيضة يا دكتور الكنت عايز اصل ليها مع اخونا يوسف واحدة احدة لقب صفوة اطلقه اعلام المريخ في بداية العقد الحالي - ارجو تصويبي لو كنت على خطأ - و صادف فترة من اسوأ فترات النادي من ناحية الانجازات الفنية يقابلها على الناحية الثانية انجازات على مستوى المباني و الصرف و تسجيل النجوم و التفوق على الهلال بل والاهلي المصري في الفوز بهم وجود الوالي على رأس المريخ منع الاعلام من ذكر حقيقة فقر الأنجازات الفنية و التطرق للمشاكل الأخرى فعمل على تخدير الجماهير بحجج التفوق التاريخي و التفوق المادي و العالمية سائر الترهات التي اعتاد الاعلام المريخي تسويقها لجمهوره وظهرت مصطلحات من ضمنها صفوية الجمهور بغرض التخدير وخلق مجالات وهمية لتفوق عجز عنه فريق كرة القدم وانصرفوا لمقارنات بائسة و ركنوا إلى تاريخ انقضى دا كلو حتى يتجنبوا النقد السليم الذي للأسف لن يقود إلا إلى الوالي و سياسته ادارته وهي خط احمر عند الاعلاميين المريخاب ونقلوا الامر دا للجمهور بترهات صفوة وما شابه
Quote: لقب صفوة اطلقه اعلام المريخ في بداية العقد الحالي - ارجو تصويبي لو كنت على خطأ - و صادف فترة من اسوأ فترات النادي من ناحية الانجازات الفنية يقابلها على الناحية الثانية انجازات على مستوى المباني و الصرف و تسجيل النجوم و التفوق على الهلال بل والاهلي المصري في الفوز بهم وجود الوالي على رأس المريخ منع الاعلام من ذكر حقيقة فقر الأنجازات الفنية و التطرق للمشاكل الأخرى فعمل على تخدير الجماهير بحجج التفوق التاريخي و التفوق المادي و العالمية سائر الترهات التي اعتاد الاعلام المريخي تسويقها لجمهوره وظهرت مصطلحات من ضمنها صفوية الجمهور بغرض التخدير وخلق مجالات وهمية لتفوق عجز عنه فريق كرة القدم وانصرفوا لمقارنات بائسة و ركنوا إلى تاريخ انقضى دا كلو حتى يتجنبوا النقد السليم الذي للأسف لن يقود إلا إلى الوالي و سياسته ادارته وهي خط احمر عند الاعلاميين المريخاب ونقلوا الامر دا للجمهور بترهات صفوة وما شابه
بالضبط كدة أخونا محمد البُشرى ...
والدليل أن نادي المريخ تأسس سنة 1928م وفي رواية أخرى 1908م ... فلماذا لم يتم تسمية جمهوره بالصفوة في تسعينيات أو ثمانينيات أو سبعينيات القرن الماضي ... عن نفسي لم أسمع بهذه التسمية إلاّ بعد العام 2000م ولا أذكر العام تحديداً ...
مع العلم أن الإنجاز الخارجي المعتبر للمريخ تحقق في 1989م ولم نسمع حينها بصفوية جمهوره ... ولا أتذكر أن حقق المريخ أيّ إنجاز خارجي في القرن الـ 21 أي ابتداءً من العام 2000م ...
تعرف يا هندسة ....إنت اللي جبت النجيضة....والقصة دي أشبه بالتنظيم أو التكتيك السياسي البنشوفو في أحزاب الزمن دا...حيث مساحة الكلام محدودة جدا...ويتشدقون بالديمقراطية..هذا مايحدث بالضبط في نادي المريخ...وبمقارنة بسيطة...لوحدث للهلال واحد علي مائة مما يحدث في المريخ صدقني ما حتلقي طوبة واحدة في نادي الهلال
08-03-2011, 07:28 PM
Magdi Ahmed Elsheikh
Magdi Ahmed Elsheikh
تاريخ التسجيل: 03-11-2008
مجموع المشاركات: 7720
ياخ قلنا ليك صوم كصيام الهلال في المسابقات الخارجية
الباقي لينا ساعتين ونصف من الفطور نشوفك الجمعه ان شاء الله
نحن لا بعد ولا قبل ... ميطي كدة ما عندنا أيّ حاجة ... وفي نفس الوقت ما ادّعينا الصفوية حيث أن اسمنا جماهير الهلال ... بنفلق ونفرتق المباريات زيّنا وزي جماهيركم بالضبط كدة ...
بس بنتميّز عليكم في الهرجلة إنو ما حصل قائد فريقنا شال الكورة وقال الرووووب ما دايرين ...
إنتو اسم الصفوة دة ما شفناهو أيام إنجازاتكم نشوفوا أيام الرمادة ... الغرض شنو يعني من التسمية في السنين العجاف ...
وتصوم وتفطر على خير ...
08-03-2011, 03:55 PM
مهدى الصادق السيد
مهدى الصادق السيد
تاريخ التسجيل: 05-11-2005
مجموع المشاركات: 2255
انت يا سي صبري عايز تصل لي شنو من الجدل البيزنطي دا.................... عايز تشغل الناس من قصة علي همشري وانيمبا والتي فاحت ريحتها الي خارج حدود الوطن ..... يا صبري انت اظنك جديد في هذا المنبر راجع الارشيف فقد قتل هذا الموضوع هنا حبثا حتي اقتنع الديك زاتو ....اتمني ان تراجع ارشيف المنبر وارجع لينا تاني ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة