|
Re: Yellow 5 التي تضاف الى الأطعمة والمشروبات وأثرها على صحة الإنسان (Re: عبدالعزيز الفاضلابى)
|
سمي العزيز عبدالعزيز الفاضلابي
تحياتي.. حكاية يأكل شنو ويخلي شنو دي غايتو الواحد الإ يدخل غرفة مظلمة يطفيء النور يأكل من طرف ويعمل فيها رايح. قبل كذا سنة زارنا واحد من زملائنا أخ سوداني كان يعمل معانا في الخطوط السعودية في رحلة عمل لمدة أسبوع. على الرغم من تحذيري له حتى لا يقع في الأكل المحرم الذي يحتوي على لحم ودهن الخنزير إلا أنه جائني في اليوم الثاني من وصوله الى هيوستن وقال لي في الصباح مشى على محل إسمه IHOP وأكل عندهم سجوك طاعم بشكل مع حاجة ذي القراصة، طبعا بقصد الـ (Pan Cake)!! قلت ليهو يا ود الحلال ما حذرتك ما تمشي تأكل من طرف؟!!.. إنت عارف الأكلتو دا شنو؟ قال لي وبكل كبرياء: ما سجوك يعني شنو؟ قلت ليهو: ياخي إنت أكلت (هت دوك) لحم الخنزير. قال سجوك قال
أنحنا ناسنا ديل كاوبويات ما تخاف عليهم من ركوب الثيران ودق الواطة.. ما سمعت بالدوباي البقول: وأركب تور الخلاء النطاح.. (بس ديل نحنا ذاتنا). لكن الشيء الفي القزازة دا المشروب بطعم الليمون .. وليست مارجاريتا.
بالنسبة للكتابة (الدقاقة) عندي ليك حل بسيط جدا وإن شاء الله يستفيد منه الجميع:
عندما تفتح الصفحة إضغط على مفتاح الـ Ctrl عند لوحة مفاتيح الكيبورد. وفي أثناء ما إنت ضاغط عليه حرك عجلة الماوس الى أعلى وأسفل لتكبير الخط وتصغيره.
|
|
|
|
|
|
|
|
|