في افادة صريحة من داخل جامعة البحرالاحمررئيس الحرص الجامعي يروي ماحدث في الجامعة

Quote: انت عارف ياوليد انا من الشرق ورغم اختلافي مع الانقاذ الا اني اتفق معاك في ان العنصرية موجودة في السودان قبل الانقاذ بل كانت اشد الماً من الآن فعبارات الاساءة العنصرية نحن اكثر من تأذي منها قبل ظهور الانقاذ، ده غير انو نحن ماكنا نوظف في الوظائف العسكرية كضباط ولا حتى في الوظايف المدنية الحساسة الا بمعجزة او تدخل الاهي مباشر ولأن تحي الموتى اسهل ليك من انك تبقى ضابط في الزمن داك.. ده غير اننا كنا محل تشكيك في مواطنتنا وسودانيتنا لاسباب التداخل مع ارتريا وكأننا نحن خلقنا نفسنا في الحدود ..ياخي الواحد لو عايز يسافر الخرطوم والله يتعرض للسؤال عن جنسه وهو في طريفه لها في كل محطة دون الاخرين وحتى لغتنا العربية المكسرة كانت محل اختبار للمواطنة يعني لو مانطقت بعض الحروف العربية صح يشكوا في سودانتك وكأنك لازم تكون سيبويه او المتبنئ ، ياخي كان في ظلم حاصل لناسنا في الشرق لو وزع على اهل السودان لكفاهم وفاض ، فالانقاذ قياساً بمن سبقوهاارحم بمليون مرة في الحتة دي بالذات واى زول يقول غير كده كذاب وستين كذاب ...