|
Re: ما سر الوثيقة التي أشعلت غضب الوزير؟ (Re: فضل الله خاطر)
|
http://www.rayaam.info/Raay_view.aspx?pid=980&id=79917
ساخر سبيل الفاتح جبرا
لم يكتف (المسئول الرفيع) بتوبيخ الصحفي على حصوله على وثيقة (خطيرة) بل أمر (الحرس) المرافق له بأن (يحبسوه) حتى يطلعهم كيف تحصل على تلك الوثيقة ، قام أفراد الحرس بوضع (الصحفي الرهين) فى كرسى العربة الخلفى واحد عن يمينه وآخر عن شماله بينما جليس آخر بجانب السائق وإنطلقت العربه خلف عربة (المسئول الرفيع) التى توقفت أمام أحد المستوصفات الخاصة وذلك لزيارة مريض له ، ولج (المسئول) إلى داخل المستوصف ثم عاد بعد وقت غير طويل متجهم الوجه . - يا جماعة الزول ده تعبان بالحيل وعاوزين ليهو (دم) ! - يا سعاداتك هو دمو فصيلتو شنو؟ - الفصيلة ما مهمة ناس البنك بيبدلوها لينا .. يلا أنزلو. - حاضر سعادتك. - (مشيراً للصحفى) : ونزلوا معاكم الزول (أبو فقرة) ماكنة ده يتبرع ليهو بى قزازتين تلاته. ما أن قام افراد الحرس والصحفي الرهين بالتبرع بالدم يتقدمهم (سعادتو) صوب (العنبر) وما أن إقتربوا من حجرة المريض حتى إنطلقت السكاليب وخرج بعض الرجال ينتحبون وهم يتجهون نحو سعادتو رافعين معه (الفاتحة) وقد تفاجأ الصحفي الرهين برجل طاعن فى السن (يقلده) ويبكى فى حرقة بصوت مسموع وهو يقول : - البركة فيكم يا عصام .. والله الفقد واحد. - لكن يا حاج أنا ما عصام أنا .. - (في دهشة) : إنتا ما عصام ود المرحوم الفي السعودية. - لا يا حاج أنا ... - والله بس عصام الخالق الناطق. بينما كانت الفاتحات تنهال على (الصحفي الرهين) نظر (سعادتو) إلى أحد أفراد الحرس قأئلاً : - هسه بنقدر نحصل بيهو نشرة سته؟ - والله يا سعادتك لو (سرعنا شوية) ممكن نحصل مبنى الإذاعة قبل النشرة. - طيب شيلوا المعلومات بتاعت النعى من الزول داك وأسرعوا بيها للإذاعة. - حاضر سعادتك. - وما تنسوا تغشوا معاكم (جاهزون للمناسبات) تكلموهم يجيبوا الصيوانات والحاجات. خرج الصحفي الرهين فى معية الحرس الذى وضعه مرة أخرى فى المقعد الخلفي وأحاط به من الجانبين بينما إنطلقت العربة الفارهة نحو الإذاعة ، إنتهت إجراءات إذاعة النعي في نشرة ستة التي تبقى على بثها دقائق فقط ثم إنطلقت العربة نحو (جاهزون للمناسبات) . - (مشيراً إلى الصحفي الرهين) : بالله يا شاب يدك معانا شوية نرفع الصيوانات دى ! لم يجد (الصحفي الرهين) غضاضة فى مساعدة العمال في رفع (الصيوانات) للدفار التابع للمحل ونسبة (لأنو اليوم كلو مدورين بيهو) فقد كان مهدود الحيل (ومن الفطور ما دخل بطنو شئ) الشئ الذى جعل أحدى (قوائم الصيوان الحديدية) تفلت من يده لتستقر على (رجل) أحد العمال والذى نظر إلى الصحفي الرهين فى غضب قائلاً : - يا زول أعمل حسابك. - معليش ياخ بس الحقيقة أنا ما عندي ... - - وكت إنتا ما عندك مروة بتهابش مالك. - لا مش ما عندى مروة .. أنا ما عندى اصلاً علاقة بالموضوع لم يهتم العامل كثيراً بما قاله (الصحفي الرهين) فكيف يكون لشخص لا علاقه له مطلقاً بحدث أن يكون موجوداً في مسرحه ! تم تحميل الدفار الذى إنطلق صوب (بيت البكا) بينما إنطلقت أمامه عربة (الحرس) الذى وضع (الصحفي الرهين) مرة أخرى فى المقعد الخلفي وأحاط به من الجانبين ، ما أن وصل الدفار إلى بيت البكاء وترجل عنها الجميع حتى إتجه الجمع المتواجد نحو الصحفي الرهين رافعين معه الفاتحة وقد تفاجأ بذلك الرجل الطاعن فى السن يشق الصفوف و(يقلده) ويبكى فى حرقة بصوت مسموع وهو يقول : - الفقد واحد يا عصام يا ابنى. - يا حاج أنا ما عصام .. أنا محبوس. - محبوس؟ هو المرحوم عندو ولد تاني إسمو محبوس؟ تم دق الصيوان ووضع الكراسى .. جلس المعزون .. بين الفينة والأخرى كان المعزون يرفعون الفاتحة مع المسئول .. ثم الصحفي الرهينة .. جلس الجميع فى إنتظار خروج الجثمان وبينما هم كذلك رن هاتف سعادتو : - أهلا .. - ................ - ومالو صوتك كده .. مالكم في شنو؟ - ................ - معقولة .. لا حول ولا قوة إلا بالله. - .............. - والوفاة كانت متين ؟ - .............. ما أن إنتهت المحادثة حتى إلتفت سعادتو إلى (أفراد الحرس) قائلا : - جهزوا اللاندكروزرات دى عشان عندنا (خالتنا) إتوفت فى (الجنينة). - (وهو ينتحب) : إلا الجنينة .. جنينة شنو يا جماعة .. مش (الوثيقة دى أنا ح أوريكم جبتها من وين) !! كسرة : الكاتب غير مسئول إذا تطابق هذا السيناريو الخيالي مع أى أحداث تشهدها المنطقة العربية .
|
|
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
ما سر الوثيقة التي أشعلت غضب الوزير؟ | بكرى ابوبكر | 05-17-11, 04:25 PM |
Re: ما سر الوثيقة التي أشعلت غضب الوزير؟ | بكرى ابوبكر | 05-17-11, 04:25 PM |
Re: ما سر الوثيقة التي أشعلت غضب الوزير؟ | معتصم محمد صالح | 05-17-11, 04:46 PM |
Re: ما سر الوثيقة التي أشعلت غضب الوزير؟ | النصرى أمين | 05-17-11, 05:00 PM |
Re: ما سر الوثيقة التي أشعلت غضب الوزير؟ | كمال ادريس | 05-17-11, 05:08 PM |
Re: ما سر الوثيقة التي أشعلت غضب الوزير؟ | النصرى أمين | 05-17-11, 05:25 PM |
Re: ما سر الوثيقة التي أشعلت غضب الوزير؟ | Kostawi | 05-17-11, 05:28 PM |
Re: ما سر الوثيقة التي أشعلت غضب الوزير؟ | سعد مدني | 05-17-11, 06:03 PM |
Re: ما سر الوثيقة التي أشعلت غضب الوزير؟ | أبوعاقلة حسان ابوسن | 05-18-11, 09:52 AM |
Re: ما سر الوثيقة التي أشعلت غضب الوزير؟ | أحمد الشايقي | 05-18-11, 12:27 PM |
Re: ما سر الوثيقة التي أشعلت غضب الوزير؟ | د.محمد حسن | 05-18-11, 12:42 PM |
Re: ما سر الوثيقة التي أشعلت غضب الوزير؟ | يسرى معتصم | 05-20-11, 06:49 AM |
Re: ما سر الوثيقة التي أشعلت غضب الوزير؟ | خالد العبيد | 05-20-11, 11:13 PM |
Re: ما سر الوثيقة التي أشعلت غضب الوزير؟ | عبدالعزيز الفاضلابى | 05-21-11, 01:58 AM |
Re: ما سر الوثيقة التي أشعلت غضب الوزير؟ | Yousif A Abusinina | 05-21-11, 06:30 AM |
Re: ما سر الوثيقة التي أشعلت غضب الوزير؟ | فضل الله خاطر | 05-21-11, 07:04 AM |
Re: ما سر الوثيقة التي أشعلت غضب الوزير؟ | MOHAMMED ELSHEIKH | 05-22-11, 07:37 AM |
Re: ما سر الوثيقة التي أشعلت غضب الوزير؟ | Tarig Sidahmed | 05-22-11, 01:14 PM |
|
|
|