الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: شاهد هدف أهلي شندي بقدم اللاعب فيصل موسى في مرمى الهلال أمس!! (Re: Mohamed Abdelmotalib Hassan)
|
الاخ محمد عبد المطلب كدى راجع الفيديو تانى!! عند ضربة الكورة (كاريكا)، فعلآ (بشة) فى وضع تسلل لكن ما إستفاد من الكورة،،، الكورة ماشة القون عديل،، قرار الحكم فى الحالة دى سليم 100%
وعند صد الحارث للكورة تلقاها( سادومبا) وهو فى وضع سليم وغير متسلل،بالتالى الهدف صحيح 100% كلامك ده كان تقولو لو ( بشة) إستفاد من الكورة عندما صداها الحارث
وعل كل الهلال تخطى 50% من الصعود لدورى الموجموعات ولا عزاء للوصيفاب
المحلى ده إسمو قدم الكيشه وحصلوا ، وصدقونى ما تفرحو كتير
| |
|
|
|
|
|
|
Re: شاهد هدف أهلي شندي بقدم اللاعب فيصل موسى في مرمى الهلال أمس!! (Re: Mohamed Abdelmotalib Hassan)
|
Quote: مبروك عليكم المحلي ... ! |
كويس نحن لامين في المحلي ، إنتو بي حالتكم دي تبلبطوا قدام إتحاد مدني وتتلطشوا من أهلي شندي والمحطة الجاية بعد أقل من إسبوعين حتترصعوا في تونس وتاخدوا علقة عمركم ما أخدتوها علقة تفوق علقة مازيمبي ، البوست ده قاعد لحدي يوم المباراة ، بس الخوف ما نشوفك حايم بي جاي في اليوم داك.
إنتوا خليكم مع فرق الجميعابي والجدادابي.
شندي فوق ياااااااااااااااااااااااا.
ويييييييييييييييييييييييو!!!
| |
|
|
|
|
|
|
Re: شاهد هدف أهلي شندي بقدم اللاعب فيصل موسى في مرمى الهلال أمس!! (Re: Mohamed Abdelmotalib Hassan)
|
اهلي شندي...مريخ العيلفون...هلال المعيلق... دا كلو شغل محلي...ودق حلب ساكت...
الرجال حا يمثلوكم غصبا عنكم...في مجاهل افريقيا...من هنا ولي شهر 12..
وانتو اقعدو احرسوا لي ساكواها والحضري.. ينزلوا من بص ويركبوا في بص.
نحن ناس طيران ساااااااكت... وقنوات مشفرة....بس.. الما عندو كرت يزح بعيد.
هسي بالله عليكم عندكم نفس تتابعوا الدوري المحلي دا؟؟؟
والله حقوا الهلال في اي مباراة محلية يتغلب ليكم 16 صفر عشان يفش ليكم غبائن المريخ الداخلة فيكم ...من الطيران...
لاعب يعيدو ليه ضربة جزاء ويضيعها مرتين؟؟؟
حضروا كروت فك التشفير...ومعاها منقلة...عشان تقيسوا تسللات كاريكا...وسادومبا...
| |
|
|
|
|
|
|
Re: شاهد هدف أهلي شندي بقدم اللاعب فيصل موسى في مرمى الهلال أمس!! (Re: nazar hussien)
|
Quote: الاخ محمد عبد المطلب كدى راجع الفيديو تانى!! عند ضربة الكورة (كاريكا)، فعلآ (بشة) فى وضع تسلل لكن ما إستفاد من الكورة،،، الكورة ماشة القون عديل،، قرار الحكم فى الحالة دى سليم 100% |
الأخ هيثم درار،،،،
اللاعب كان متسلل منذ لحظة خروج الكرة من قدم كاريكا ، وإستمرت حالة التسلل حتى بعد صد الكرة من الحارس ، خاصة إنو بشة كان متداخل في اللعبة وفي كل اللحظات التالية لخروج الكرة من قدم كاريكا كان اللاعب هو الأقرب للكرة وكان متداخل في اللعبة ولو تابعت الهدف في مرحلة آخر إعادة على الدقيقة عشرة حتلقى بشة في وضع متسلل.
حتى لو سلمنا جدلاً بما ذكرته بأن اللاعب كان متسللاً لحظة لعب كاريكا للكرة فقط ولم يكن متسللاً لحظة صدها فهذا يعني أنه كان على الحكم إحتساب التسلل لحظة لعب الكرة من كاريكا لأن بشة كان في وضع المتداخل مع الهجمة في تلك اللحظة التي ذكرتها أنت.
القون ده تسلل واضح ، اللهم إلا إذا كانت القصة مجرد غلاط وخلاص.
يا هو ده نص المادة ١١ من قانون اللعبة حسبما ورد في موقع الفيفا ومعاه الرابط :
| |
|
|
|
|
|
|
Re: شاهد هدف أهلي شندي بقدم اللاعب فيصل موسى في مرمى الهلال أمس!! (Re: Mohamed Abdelmotalib Hassan)
|
Quote: لاعب يعيدو ليه ضربة جزاء ويضيعها مرتين؟؟؟ |
ههههههههههههه.
النكتة دي عجبتني شديد والله , بالله واحدة تانية كده تكون من بيت الكلاوي ولفها لينا سفري.
وطيب ما باري ديمبا ضيع بلنتي في كورة الصفاقسي التونسي والحكم عادها ليهو.
من سخرية القدر إنو ده نفس الحكم بتاع كورة الأفريقي القعدتوا تجقلبوا قبل المباراة ووتتبكوا زي الشفع والحكم ده عندنا معاهوا ذكريات سيئة واااااااك وييييييك.
مقدرين الحالة النفسية العصيبة الدخلت فيكم بسبب شندي المحطة :
| |
|
|
|
|
|
|
Re: شاهد هدف أهلي شندي بقدم اللاعب فيصل موسى في مرمى الهلال أمس!! (Re: Mohamed Abdelmotalib Hassan)
|
النص الكامل للهضربة الهلالية ....... بعد الضربة الشنداوية ....................في ديار الجعلية.
وههههههاك من دار جعل :
ويييييييييييييييييييييو!!!
Quote: ازيكم
اها جينا نهنيكم بالفحرة الكتلاكم دي
ونقول ليكم
بالله هسه نحن في شهر ابريل 2011
يعني بطولات افريقيا الجاية
في مارس 2012
لا حول الله
سنة كاملة عطالة يا بطيخاب
حتى سيكافا الوزير قال لا
بلا مسخرة بلا فشخرة
محلي بس
من مدني لي شندي
من لوري لي بص
طيارات مافي
سفر مافي
وكمان غشان فرحتكم دي
نهديكم الفيديو ده
عشان ما تنسوا
الهلال عمل ليكم شنو في افريقيا |
| |
|
|
|
|
|
|
Re: شاهد هدف أهلي شندي بقدم اللاعب فيصل موسى في مرمى الهلال أمس!! (Re: ابراهيم محمد الحسن)
|
Quote: سلام يامحمد طلب لك التحية والشوق الكتير شايفك قلبت كورة قلت تغير شوية من شغل السياسة ماجابت همها ولا شنو المحليون يمتنعون مازلنا قي انتظار مكالمتك |
سلام يا عادل
وينك يا راجل؟ ما قلبت ولا حاجة , زي ما الدنيا بتدور والآخرة بتدور , كمان الكورة بتدور زي ما السياسة بتدور , بعدين زعمطة شنداوية زي دي ما بتتفات لازم ندلوا بدلونا , ونخوض مع الخائضين وكده , وما أحلى المقيل في ربوع شندي اللذيذة طعميتها.
بينا سلك أكيد. تحيات لي أصحابي الطيب وعزمي وكل الأسرة الكريمة. أوع تكون بتشجع البتاع ده؟
هههههه.
| |
|
|
|
|
|
|
|