|
|
 Re: السنة الضوئية وحدة لقياس المسافات (Re: Raja)
|
تعرفي يا هندسة انا لما قريت العنوان...قلت ياخي مالي ومال كدة ونرجع لي حراق الروح مالي
تبرير الجملة الفوق ديك انو العبد لله في ذات دقسة قدمت استقالة من الهندسة ومشيت قلت اقرا فيزيا ...خاصة ياخي وظيفة مع بحوث كدة واينشتاين واحلام صبا وما تعرف شنو خاصة انو كان في مبادئ صلعة .السنة الاولي كانوا بدرسونا 18 مادة،السنة التانية عرفت تماما انو البدرسونا ليه ناس التعليم العالي ده ما ح يأكلني عيش...طوالي مشيت سجلت علوم كمبيوتر في جامعة خاصة لزوم باك أب ..المهم خرجونا بمرتبة الشرف في الفيزياء ولم نفقه من هذا العلم الا اليسير...في لاب ليزر من المانيا طشا المفروض نحن تانية ننتهي منو وصلنا في رابعة وفي لاب جوامد في زول جازف نصه في المطار،ومع التعريب لموا فينا دكاترة سوريين غايتو عرفنا اللغة الشامية.
الطريف في الموضوع عندنا زميلنا واصل في الفيزيا مشي المانيا وحضر ماستر وجا قال ماعيز يشتغل تدريس قلت يا هذا ما تشبكني نانو فيزيكس وكوانتم وغيره...الزول زهج من عدم شغله في الحاجة الحضر فيها قلت ليه تعال
في موقع بتاع تبادل تجاري صيني قلت اعمل سيرش لاقرب بزنس ممكن انت تفهم فيه..لقي انو أجهزة السكيورتي المنزلية قريبة منو...يا هذا شيل الورقة دي وشوف شركات الحماية الشغالة واحصرها وحاول احصر منتجاتها عشان تشتغل ليك في حاجة ما ماسكها جلابي من ناس سوق ليبيا ديل...ركب نضارته والزول ده بدا ينزل الكتلوجات واقتنع بالفكرة تماما...جاب اول 3 سامبلات وباعة بمارجن كبير...هسة بشنق نضارته من اول الصباح وبكون قاعد مع المخلصين ينظر في بواليص السفر والدولار الجمركي...وما غايظاه الا نظره البقي ضعيف من كترة الفيزيا الفي الفاضي.
فإذا كان نحن عندنا بكلاريوس وما فاهمين حاجة انتي لايمة خريجين آداب لوقال واحد فيهم سنين ضوية وقال انها وحدة قياس زمن ليه.؟؟
خلاصته نوعية وجودة التعليم الاتلقيناهم في نظام الانقاذ (مابعرف قبل داك) ما أهلونا نكتب كلمة إنشاء الله أو ود البشرى بدون نقطتين في الياء جوبقونا وفكونا والباقي تميناه إجتهاد شخصي وخيال وغلات وقوة قلب وبعض مرات حمرة عين والله المستعان.بعد بنفرفر..ناس تامنة الجد جد ديل سجلوا في البورد وجوا كتبوا بطريقتهم ديك والله محسن خالد يكره يوم انو بقي كاتب.
بالمناسبة موضوع يصلحوا لي إملاء في المنبر ده أصلوا ما بغيظني..انا لحدي تالتة ثانوي الاستاذ بتفاهم في نص كلامه باللغة النوبية،يعنن انا لو ما حيدوني مخالفة مرورية وايصال في غلطة اللغة ما حريص عليها...هي انا اتعلمتها كدة وما بعرف اكتر من كدة وانا لاناقد لاصحفي ولا بتأكلني عيش...بصلي بيها غايتو.
_
معليش النقة كتيرة لكن كمان عنوانك رجعني لزمن كنت بقرا فيه كلام زي سنة ضوئية ونظرية الشك واليقين وماكسويل وهكذا...أها بوست الزراعة داك وصلتو وين؟؟
|
|
 
|
|
|
|
|
| العنوان |
الكاتب |
Date |
 السنة الضوئية وحدة لقياس المسافات | smart_ana2001 | 04-29-11, 07:25 PM |
| Re: السنة الضوئية وحدة لقياس المسافات | محمد البشرى الخضر | 04-29-11, 07:36 PM |
| Re: السنة الضوئية وحدة لقياس المسافات | Ashraf el-Halabi | 04-29-11, 07:42 PM |
| Re: السنة الضوئية وحدة لقياس المسافات | Elawad | 04-29-11, 07:46 PM |
| Re: السنة الضوئية وحدة لقياس المسافات | Rihab Khalifa | 04-29-11, 07:55 PM |
| Re: السنة الضوئية وحدة لقياس المسافات | عبدالعزيز الفاضلابى | 04-29-11, 08:11 PM |
 Re: السنة الضوئية وحدة لقياس المسافات | smart_ana2001 | 04-29-11, 09:24 PM |
| Re: السنة الضوئية وحدة لقياس المسافات | مريم بنت الحسين | 04-29-11, 09:50 PM |
| Re: السنة الضوئية وحدة لقياس المسافات | smart_ana2001 | 04-29-11, 11:25 PM |
| Re: السنة الضوئية وحدة لقياس المسافات | محمد البشرى الخضر | 04-29-11, 11:36 PM |
| Re: السنة الضوئية وحدة لقياس المسافات | عبدالعزيز الفاضلابى | 04-30-11, 00:13 AM |
| Re: السنة الضوئية وحدة لقياس المسافات | smart_ana2001 | 04-30-11, 00:17 AM |
| Re: السنة الضوئية وحدة لقياس المسافات | زينب محمد عبدالله | 04-30-11, 03:05 AM |
| Re: السنة الضوئية وحدة لقياس المسافات | محمد البشرى الخضر | 04-30-11, 08:32 AM |
| Re: السنة الضوئية وحدة لقياس المسافات | smart_ana2001 | 04-30-11, 08:43 AM |
| Re: السنة الضوئية وحدة لقياس المسافات | Raja | 04-30-11, 01:02 PM |
| Re: السنة الضوئية وحدة لقياس المسافات | GamarBoBa | 04-30-11, 02:53 PM |
| Re: السنة الضوئية وحدة لقياس المسافات | smart_ana2001 | 04-30-11, 03:04 PM |
| Re: السنة الضوئية وحدة لقياس المسافات | smart_ana2001 | 04-30-11, 03:44 PM |
| Re: السنة الضوئية وحدة لقياس المسافات | smart_ana2001 | 04-30-11, 04:06 PM |
| Re: السنة الضوئية وحدة لقياس المسافات | محمد البشرى الخضر | 04-30-11, 06:22 PM |
| Re: السنة الضوئية وحدة لقياس المسافات | Sana Khalid | 04-30-11, 06:44 PM |
| Re: السنة الضوئية وحدة لقياس المسافات | مريم بنت الحسين | 04-30-11, 07:14 PM |
| Re: السنة الضوئية وحدة لقياس المسافات | Hussein Mallasi | 04-30-11, 07:34 PM |
 Re: السنة الضوئية وحدة لقياس المسافات | Sana Khalid | 04-30-11, 08:23 PM |
| Re: السنة الضوئية وحدة لقياس المسافات | Raja | 04-30-11, 08:29 PM |
| Re: السنة الضوئية وحدة لقياس المسافات | مريم بنت الحسين | 04-30-11, 08:58 PM |
| Re: السنة الضوئية وحدة لقياس المسافات | smart_ana2001 | 05-01-11, 07:13 PM |
|
| |
GamarBoBa
فيس بوك
تويتر
انستقرام
يوتيوب
بنتيريست